اللي فيها اعراض غريبه و كل الدكاتره ماعرفو لها تدش

[المهرة الأصيله]

فعلا هذا ألي نبي نعرفة أي مستشفي وشنواسم الدكتور

 

[المهرة الأصيله]

والمشكلة أني أنا مسافرة امريكا يوم 20/4 ولازم ريومة ترد علي هل اليومين
انا بروح انشاءالله مايو كلينك بس بعرف اذا اهى رايحه نفس المستشفى وشنو كان العلاج بالضبط وشكثر طولت
ياريت تشوف الرسائل باسرع وقت لأني بالفعل متوترة وأبي احد يطمني

 

[المهرة الأصيله]

فجووووره انت راجعتي عند منو
وشلون متحملة تقعدين بدون علاج لي ألحين

 

[pretty sarona]

الله يشفيج انشالله

 

[فجوره99]

فجووووره انت راجعتي عند منو
وشلون متحملة تقعدين بدون علاج لي ألحين[/qu

حبيبتي المهره انا اراجع عند اسهيل الشمري بمستشفى مبارك واخذ علاج ابر انتر فيرون 3 ايام بالاسبوع واذا تعبت وحاشتني انتكاسه يعطوني كرتزون بس انا اقصد اني مارضيت يا خذون ماي من ظهري اصراحه خفت ما اثق بدكاترة الكويت واهو قال انا فيني MS من غير لا ياخذ ماي من ظهري
فابي اتأكد واسوي فحص عدل حتى لو اسافر بره بس ابي دكتور ثقه

 

[اسوووره]

هلا حبيباتي المهره و فجوره اشلونكم عساكم بخير حبيباتي ؟؟ وريومه ياقلبي وينج عساج بخير طمنينا حبيبتي .....

المهم فجوره و المهره حبيباتي بالنسبه للدكتور هشام الخطيب اهو بمستشفى دار الشفا اللي بحولي اكيد تعرفونها روحوله و انا متاكده ان باذن الله راح يفيدكم لان كان بامريكا متخصص بهالامراض لاني حتى لمن رحتله كان عندي كذا استفسار عن مستشفيات و الدكاتره بامريكا و فعلا يزاه الله خير قالي انا اراسلهم و و ايمعلج المعلومات و اعطيج اياهم الزياره اليايه ..... وفعلا رحتله و كان مراسلهم و عطاني المستشفيات و اسامي الدكاتره بس للاسف الورقه ضاعت بس رحتله عقب ما طلعت من المستشفى عقب الازمه اللي حاشتني و كتبلي تقرير حق العلاج بالخارج ....
فنصيحتي والله ياخواتي روحوله راح يفيدكم لان صج يريح المريض و يفيده واااااااايد .....

ربي يشفينا يارب العالمين و اتمنى مشاركة اكبر عشان كلنا نستفيد من تجاربنا .....

 

[سمسميه]

اسوره
خلاص انا بروح حق د-هشام ان شاءالله
تعبت من دكاترة م مبارك
دكتوري جنني كل مره يطلع التحليل ضايع ولا الفايل ما ادري وينه
اراجع عندهم من شهر 5 الي طاف وليلحين ما لقوا لي حل
يقولون احتمال ام اس بس لازم ناخذ عينه من الظهر وانا ما ابي
بروح ل دكتور هشام واشوف شيقول لي وياريت يعطيني تقارير ادزهم برا يمكن اقدر اسافر بالصيف
العاراض قاعده تزيم وماحد حاس فيني
قمت وانا امشي تخدر ريولي فجاه وما اقدر امشي
والتنميل يعوووووور
استغفر الله يا ربي

الله يشافي كل مريض ان شاءالله

 

[السيامية]

اسأل الله العزيز أن يشفيك0اسأل الله العزيز أن يشفيك0اسأل الله العزيز أن يشفيك0اسأل الله اسأل الله العزيز أن يشفيك العزيز أن يشفيك0 يارب يتقبل الله دعائي الي اعز صديقه واخت واعز حبيبه الى قلبي ( المهره الاصيله) ويردك بالسلامه يارب وكل مريض انه سميع الدعاء اللهم صلي علي محمد واهله وصحبه اجمعين0

 

[المهرة الأصيله]

تسلمين يا السيامية ومشكورة وما تقصرين
وانت بعد حطي بالج على نفسج

 

[اسوووره]

حبيبتي تروحين و تردين بالسلامه يارب و اتمنى انج تطمنينا عليج يا الغاليه ربي يريح بالج ............

 

[فجوره99]

المهره الاصيله تروحين وترجعين بالسلامه والله يشافيج ويشافي كل مريض انشاءالله

 

[المهرة الأصيله]

الله يسلمج حبيبتي ومشكورة

 

[ذوؤوؤق]

الله يشفي مرضانا ومرضى المسلمين يارب


كثروا من الاستغفار وسورة يس


وماتشوفون شر ان شاءالله

 

[فجوره99]

بنات اللي فيها مرضms وتاخذ ابر انتر فيرون حابه اسألكم شنو تحسون بعد الابره انا يصير فيني اعصاب وما استحمل احد يكلمني وصداع بعرف بس انا والا كل اللي ياخذ الابره جذيه لاني وقفت ما قمت اخذها

 

[غموض المطيرى]

اول شى حبيبتى ماتشوفين شر انشالله وثقى ان العلاج عند الله سبحانه وحاولى تروحين بره الديره لان الاطباء عندنا قاعدين يخورونها من زمان بمعنى ماكو طب اهنيه وانشالله تلقين العلاج الشافى

 

[اسوووره]

سلام حبيباتي انا قاعده افكر اكتب عنوان الموضوع بطريقه ثانيه لان ليلحين مالقيت وحده فيها ام جي .....

اختي غموض والله انج صاجه وكلامج صح بس الواحد وين مع التزاماته و اليهال و المسؤوليات وين يروح ......

الله يعين الجميع و يشفي كل مريض يارب العالمين ......

وليلحيني على امل الاقي احد بالكويت فيه ام جي عشان تشارك بالحديث .....

تسلمون حبيباتي على كل تعليق و دعاء و ربي ياجركم كل خير انشالله ....

 

[ريمه الكويت]

الله يشافيج حبيبتي وانشالله بقدر رب العالمين يلقون علاج حق هالامراض الغريبه الي قامت تتزايد هالايام

شفتي حلقه تو الليل مع اخو فؤاد الهاشم الي فيه ام اس وانش شلل كلي وتعالج بمنطقه بين الهند والصين اسمها على مااعتقد التبت وقام يمشي ولافيه شي ويقول العلاج كان كله بالطبيعه الخام الي مافيها تلوث

 

[dr_enshalla]

حبيبتي ماتشوفين شر وانشالله كله اجر

 

[dr_enshalla]

اول شى حبيبتى ماتشوفين شر انشالله وثقى ان العلاج عند الله سبحانه وحاولى تروحين بره الديره لان الاطباء عندنا قاعدين يخورونها من زمان بمعنى ماكو طب اهنيه وانشالله تلقين العلاج الشافى

دام دكتور سهيل شخصها بعد ليش تسافر ! ومو شرط كل اللي سافرو ردو معالجينهم صح ! حتى بره تصير اغلاط كلنا بشر ومحد معصوم

 

[ليالي الكويت]

الله يشفيـج يا قلبي