اللي ما جربت الخيانه تعالي شوي داوي جرح قلبي عيا يلتئم

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

الله يفرج همج وينسيج
بس هو يحبج واعترف لج..وانتي توكلي على الله بالاول والاخير

مشكوره حبيبتي على الدعوه
والله متوكله على ربي
الله يصبر قلبي ان شاء
شرفني مرورج

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

والله انا اكثر وحده حاسه فيج لا ني ضقت طعم الخيانه اااااااااااااااااااااااااااااخ يا قلبي واللله جنج توصفين حالي هذا الي صاير فيني وانا صارلي سنه على هل حال والحين انا ابيت اهلي يا استمر معاه يا خلاص والله المستعان ربي يفرج همي وهمج وصبر قلوبنا

اعذريني حبيبتي لاني ذكرتج بالخيانه
الله يعينج ويعيني يا رب
يزاج الله خير على الدعوه ولج بالمثل يا رب

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

طبعا مستحيل تنسين الخيانه والله ليطوف عليها دهر بقلبج محفوره ساليني انا ياليته خايني مع وحده غريبه يمكن ماعرفها اريح لقلبي بس شرايج بالي منج وفيج بس مع اللاسف انعدمت الثقه فيه واهي اذلفت بالي مايحفظها





استغفر الله واتوب اليه ---من حر مافيني:ssssso:

الله يصبر قلبي وقلبج يا رب ما اقدر اقول غير هالشي الله المستعان

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

لا حول ولاقوة الا بالله

خل يتعظون اللي يخلون ازواجهم يسافرون وحاطين ايدهم وريلهم بماي باردة وتقول زوجي واثقة فيه



ياقلبي ماكو حجي بيخفف عنج لأن الهم كبير ادري .. الله يكون بعونج الله يكون بعونج مليووون مرة

ياقلبي ماتسوى دموعج وكلي امرج لربج .. اللي صار صار وعسى ان تكرهو شيئا وهو خيرا لكم

مافي كلمات رح تواسي جرحج انا ادري . . بس شتسوين .. هالشي مكتوب عليه وعليج .. المهم انه اهوا تاب واعتذرلج وبجى جدامج وهذا اككككككككبر دليل على انه يموت فيج بس متحسف عاللي صار
وانتي تدرين الدنيا مترووسة فتن وبلاوي والريال ماقدر يمسك نفسه (كل بني ادم خطاء....وخير الخطائين التوابين)

انا ماجربت الخيانة وانشالله ماجربها آمين .. بس والله حاسة بشعورج عدل ولو انا منج ماأهدم حياتي عشان وحدة زبالة الله اعلم من وين يت ولا وين راحت .. واهم ماعندي زوجي .. انه اعتذرلج ويبي يراظيج
شتسوين ؟؟؟؟؟ لاتطلبين الطلاق ولاتحرين نفسج ترا هذا كلش مو حل ..
خلج رسمية معاه الى ان ترتاحين وتطفى النار شوي اللي بصدرج ..

انا ماأحطله عذر واقولج اللي سواه مو بيده . . بس انا قاعدة اواسيج عشان مابيج تهدمين حياتج وتظيعين عمرج وعيالج وبيتج وتظيعينه معاج

ربج بيحاسبه على اللي سواه . . وانتي حاولي تمسكي بالقرآن وتكفين اذا تقدرون روحو عمره ... ترا بشوفة الكعبة اهوا بينهار .. وانتي رح ترتاحين واطلبي من ربج يغسل صدرج من كل هم وظيقة

والتزمي بالاستغفار والصلاة ... وعسى الله يهدي بالج ويطمن قلبج ياقلبي .. ونصيحتي مرة ثانية لاتهدمين حياتج وصحتج الزم ماعليج

عسى الله يحفظلج زوجج يا رب
انا ما فكرت اني اهدم حياتي واطلب الطلاق لا ابدااااا انا مو انانيه ما ابي احرم عيالي من ابوهم
ومن الحياة الحلوه اللي كنا عايشينها وكثر ما اقدر ما احسسهم
والله القران اهو اللي مخفف علي وروحة العمره ودي فيها اهو راح العمره توه برمضان انا ما اقدر
اسافر لاني حامل الدكتوره مانعتني
على طول استغفر واذا على صحتي الله يحفظني ويحفظ اللي في بطني شاف الهم قبل لا ينولد
لا حول ولا قوة الا بالله

 

[حطمتني يا سعود]

رد : اللي ما جربت الخيانه تعالي شوي داوي جرح قلبي عيا يلتئم

والله عورتي قلبي الله يهديكم لبعض ياارب[/quote

امييين حبيبتي
يزاج الله خير

 

[dandon87]

الله يصبرج يا رب

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

ريلج للاسف مبين ان انجرف ورا رفيجه اللي الله يهديه و اشتط معاه وهذاك تلقين قاله يالله و مره بالعمر و غير حياتك و استانس ومن هالحجي اللي يفر الراس !!
ومن وصفج لحياتج قبل السفره مبين ان ريلج يحبج ولله الحمد و هذا اللي سواه خلاص اعتبريه زله و اعترف فيها لان ضميره ليلحين صاحي مو نفس باجي الرياييل قلوبهم ميته
يعني اهو ما صارحج الا لان عارف بغلطه ومأنبه ضميره حييييل و انتي ماغبتي عن باله لكن تذكري حبيتي ابليس مامات وقص عليه ووسوس له رفيجه اللي وياه وغلط ! وزياده على هذا كان شارب والعياذ بالله يعني عقله مو معاه وصار اللي صار
بغض النظر كان شي سطحي أو عميق اهو صار , ولو حتى بس بالنظر وادري شي يقطع القلب
بس انتهى !!
تحبينه و تسامحينه وخلاص ربج يسامح و يغفر لعباده احنا يالبني آدميين مانغفر و نسامح !
اعتقد انج عاقبتيه بما فيه الكفايه ! ومن حقج تتغيرين عليه قد ماتبين لان الكسر اللي بداخلج مو قليل والصدمة كانت قويه

اما شلون ترجع حياتج نفس الاول انا اقولج شلون
تذكري ان الله عطانا نعمة النسيان بعد يوم او شهر او سنه ماردج بتنسين و بيطيب جرحج وبتذكرين هالخيانه بس تقولين خلاص زله وعدت وتعوذي من ابليس لان راح يحاول يدخل بينكم زياده ويذكرج فيها و يوسوس لج فيها و يخليج تشوفين عيووب ريلج كلها وتنسين الشغلات والايام الحلوه اللي عشتوها
وذكري الله و احتسبي الاجر و صيري احسن منه وكسري عينه وما يمنع انج بين وقت وقت تقطين نغزات عليه خفيفه تبينين له انج مانسيتي وكل ماتضايقتي وتذكرتي ابجي طلعي اللي بقلبج و تالي غسلي ويهج واقري القرآن وربي يشرح صدرج و ينوره
وادري قرقت وااايد بس لان احس بمشكلتج و تعاطفت معاها حيل و ريلج كثر ماهو شين واللي سواه هم شين بس احس انه فيه شغلات وايد زينه وموهاينه العشره عليه
الله يتمم عليكم و يبعد اعيال الحرام عن زوجج و ازواجنا كلنا وسافري معاه اي ديره غيري جوو و اخذي فترة استجمام وراحه حق نفسج وعطي روحج حقها اكثر من قبل ترى لي طحتي محد بيفيدج غير نفسج
وتقبلي تحياتي وقرقتي

حبيبتي مشكوره على كلامح ياقلبي
لا والله ما قرقتي الا خففتي من همي
كل اللي قلتيه صح وانا معاج بس العيب فيني اللي صار هزني حيييييل
بس يشهد الله كلامج خفف علي وانا جد محتااااااااااااجه احد يخفف علي
عسى الله يحفظلج زوجج ويخليه لج يارب

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

الله يعينج في بلواج ومصير الانسان بينسى وتصير ذكرى طبعا مو حلوة

حبيبتي اهو غلط واعترف لج وحس بغلطته

اذا تقدرين تروحين وياه عمرة وهناك يمكن ربي يشرح صدوركم لبعض ويغير فيكم للافضل

موفقة

مشكوره على ردج حبيبتي اعترف لي صح الله يجبر بخاطري يا رب
والله ميته على العمره بس الدكتوره مانعتني اهو اعتمر برمضان
ادعيلي اولد بالسلامه واعتمر ميته على العمره

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

الله ياجرج في مصيبتج ويخلف لج خيرا منها
الحلو في ان صارحج لو ان اهو حاط في باله ان يستمر بهالدرب الوصخ جان ماعترف لج وكمل مسيرته بس شكله ندمان سامحيه وخل يعطيج وعد وعهد ان مايكررها

اميييييييييي يا رب
اي والله ندمان اجذب اذا قلت مو ندمان
الله يقدرني يارب انا مسامحته والله بس الجرح عمييييييييييق عساكم ما جربونه
حتى عدوي ما ابي يمر باللي مريت فيه والله ارد عليج وانا ادمع لاحول ولا قوة الا بالله

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

ادعي ربج هو الوحيد القادر يرجع حياتج مثل اول
رايي تروحين العمرة انتي وياه تنغسل القلوب والآثام
اكيد ماراح تنسين لأ مستحيل
بس تناسي​

ودي والله بروحة العمره
يا رب اولد بالسلامه واروووووح اغسل همي
اهو راح برمضان وياب لي ماي زمزم قاعده اقرا فيه واشرب
والله احس اني خفيت من الوسواس ومرض الغيره والتخيلات اللي ذبحتنييييييي
مشكوره حبيبتي على ردج
يزاج الله خير

 

[شهوووودة]

رد : اللي ما جربت الخيانه تعالي شوي داوي جرح قلبي عيا يلتئم

الله يعينج ويصبرج أبي اقولج شي وااااحد بس تذكريه دايما رب العالمين اللي اهو اقوى منا كلنا لما تذنبين واتيين من قلبج ودموعج تنزل من عينج تعترفين بذنبج له وتنوين التوبة ايغفرلج وكلما تذنبين بعد يغفرلج وكلما بتذنبين بعد بيغفرلج وأحنا يالحريم شنو هالكبرياء اللي فينا احنا ما نسامح وجنه الانسان مو معرض للخطأ
تعوذي من الشيطان ميخالف ازمة وانشالله اتمر والله ياأختي واقولج اياها من كل قلبي ياما انا سويت اكثر من اللي سويتيه وياما بجيت وكليت حراااااات وقهر وياما وصلت معاة للطلاق وياما رحت بيت اهلي ورديت لان ماابي اهدم وااااايد اشياء حلوووووة فبيتي عشااااااان زلة وحدة والشيطان ياحبيبتي شاطر
وسعي سدرج وصدقيني مع الايام الله يمسح على قلبج وصدقيني ماكو ريال مايخووون مو بس بالكويت بكل الدنيا هذي الريال بطبعة خووووان واذا كان مكشوف ولا كتوم الخيانة بدمه وااااايد حريم جربو الخيانة وهدمو بيوتهم وشردو عيالهم وانطردو بعدها حتى من اهاليهم وشنو استفادو من هذا كلة بس انها مو قادرة (تنسى خيانة ريلها ) كبريائها مايسمح لها تنسى على فكرة انا كنت افكر بهالتفكير اني مستحيل انسى والله يااختي وبدون مبالغة محد طقته الدنيا كثري مع ريلي ووصلت لكل الحلول اللي تخطر على بالج والحل النهائي الاخير اللي وصلتله اني انسى والهى فبيتي وعيالي ونفسي ودوامي واحاول مااتذكر الا الاشياء والذكريات الحلوة واسوي واحتسب الاجر من الله سبحانة ولا اهدم بيتي بيدي
وعشااان بعد اهوووون عليج الموضوع اكثر ريلج مقتنع زين انها وصخة ولا جان ماخاف على روحة واعترفلج وحمدي ربج انه اعترفلج ولا والله غيرة مايعترف ولو على قص رقبتة اشحقة اييب الاذية والمعاير حق عمرة
ولاتحاتين حبيبتي لا من حلات لبسهم ولا اصلهم وفصلهم ويع هايتين بالشوارع وحتى حجي مايعرف ايحاجيها كله بالاشارة مثل الهنود حمدي ربج انها تايلندية ولا تكون مغربية جميلة ودلوعة ولا سورية ولا لبنانية اتعرف الريال الخليجي اشيبي
وبقووووولج كلمة عن تجربة ومن تجارب وووايد ناااااس حواليني الريال فية من الغرايز الحيوانية يشبع رغبتة وبس الريال اذا بيخوووون بيخووووون لو كانت مرتة اجمل الجميلات
تعوذي من ابليس والله يمسح على قلبج واي أي انا حاضر

 

[حطمتني يا سعود]

رد : رد: اللي ما جربت الخيانه تعالي شوي داوي جرح قلبي عيا يلتئم

كل رجال او شاب في روحه المغامره

يحب يجرب اي شي جديد

واتوقع رجلج مع حنه ورنه ربعه راااح معاهم يبي يجرب هالشي اللي الكل يسافر له ويشوفه


ورد لج بس رد ندمان ومنكسر........ <<< وهذا اهم شي

عاقبتيه بمافيه الكفايه

صرختي سبيتي زعلتي ذليتيه........... ومع كل هذا كان يبجي على ايدينج ويطلب العفو
وانها اول واخر مره


انا مو معاه عاللي سواه

بس كل انسان خطاااااء وكلن يخطيء ....... بس افضلنا اللي يعترف بالخطا ويتوووب.........


ذكريه بالله .... اذا كان صلاته عادي وقراءته للقران عادي ........ كثفي عليه القراءه والصلاه ذكريه فيها على طول

صومي انتي وياه يوم بالاسبوع الاثنين مثلا .................

قربيه لله اكثر

كل ماتقرب العبد لربه...........صدقيني كل ما ابتعد عن المنكرات

وان الصلاه تنهى عن الفحشاء والمنكر


واذا الله سبحانه جل جلاله بعظمته وبقدرته وبسلطانه وعرشه ................ (( يسااامح))


انتي العبده الفقيره لله ....... ليش ماتسامحين!!!!


ترى الشيطان شاطر واهو اللي يكبر هالاشياء براسج........... تعوذي من ابليس ومبين على زوجج خوش واحد............ لو واحد ثاني مايخاف ربه تلقينه انتهز فرصه انج زعلانه وراح كرر سفره الوناسه....


الله يهديه لج ويهديج له وينسيج اللي صار...........

صدقتي بكل كلمه قلتيها وكتبتيها
يعطيج العافيه على ردج والله اذكره بصلاته والحمد لله احسن من قبل
كلامج على عيني وراسي الله يعين قلبي ويصبرني يا رب

 

[حطمتني يا سعود]

رد : اللي ما جربت الخيانه تعالي شوي داوي جرح قلبي عيا يلتئم

لي عوده ان شاء الله
برد على كل وحده جبرت بخاطري وواستني واسفه اذا موضوعي ازعج اي وحده فيكم او ذكرها بماضي
كئييييب او صفحه سوده طوتها مع السنين وفتحها موضوعي عليها اسفه من كل قلبي
عسى الله يحفظ لكم ارزواجكم ياااااااااااااااارب

 

[مدرسة84]

استغفر الله

الله يهديه لج يارب.

وهو يحبج بس اصحاب السوء حسبي الله عليهم.

حاولي تصلحينه وكفاية انه حس بالغلط اللي سواه.

 

[DooLy88]

حسبي الله ونعم الوكيل بكل خاين
جان سألتيه بلحظتها ماخطرت زوجتك على بالك ؟؟!!

لكن شقول

ربي يآجرج بمصيبتج ويخلف لج خير منها
اللي صار ابتلاء من ربج
يختبر مدى صبرج
لانتي اول ولا آخر وحدة
والحمدلله اعترف لج وشكله ندم سامحيه
حاولي تتناسين لان شي وصار خلاص ماتقدرين تغيرينه انا حاسة فيج لاني مارضى بالظلم والخيانة
لازم تتناسين عشان تقدرين تعيشين حياة مقاربة لحياتج القبلية
وخليه ينـــــــــــــــــــــسى شي اسمه سفرة بروحه
ماوقفت عالزنا وبس اهو دش ديسكو وشرب @@ ليش شرب؟ وشنو سوا يوم شرب؟
وشلون سألتيه جامعتها يقول بايدها؟ ابي اعرف شنو بايدها؟؟؟؟؟ يعني لمسته والا سوت حق روحها بروحها
سوري عالجرأة بس ودي اعرف

ومثل ماقلت لج تركي عنج ابليس وعطيه جانس ثاني وان تمادى والا عادها- عاد تعرفين شتسوين
واصلا قولي الحمدلله
في رياييل وصخين
مهما يزنون ويخونون مايحسون بالعكس اصلا يبون بنات اكثر واكثر ووووولا يفكرون لابربهم ولازوجاتهم ولا حتى نفسهم والامراض

الحمدلله والشكر << بس قولي جذي فديتج

 

[عشق]

رد : اللي ما جربت الخيانه تعالي شوي داوي جرح قلبي عيا يلتئم

مجربه الخيانه

بصراحه الله يكون بعونج

بس انتي لا تهدمين بيتج علشان وحده ما تسوى

ودام اهو ندمان خلاص

الله سبحانه وتعالى يغفر الذنوب

 

[ابتسمامه]

الله يهونها عليج
ربج عطانا نعمة النسيان حاولي تنسين اللي صار ومثل ما قالت فوفو روحوا عمره انتي وياه

 

[قمة^الانوووثة]

رد : اللي ما جربت الخيانه تعالي شوي داوي جرح قلبي عيا يلتئم

السلام عليكم ..
الله يعينج و يصبر قلبج كل شي يهون ان شاء الله ما عليج
انا عن نفسي اشوف ان الرجال اغبى من المرا و الغلط اللي يغلطه اعتبره غلط ما اتغاضى عنه
الرجال طبيعي ينكر بس انا مايهمني ذنبه على جنبه
حبيبتي انا ماقول لج تعودي على هالشي لا الزم ما عليج كرامتج بس مدام انه اعترف هالشي حلو بس لا تأمنين له

و بعدين انتي غلطتي غلطة بصراحة من وجهة نظري و اخذي هالشي من كل الرياجيل لو بتسألينهم بيقولون نفس كلامي
الرجال ما يحب المرا اللي تقط نفسها عليه و تدللــه كل شوي و تدلعه لا حبيبتي

اثقلي عنه و صدي شوي اخذيها قاااعدة الرجال يحب اللي تعذبه اللي وده يكشف سرها
يلحقها يمين و يسار ما يبي وحدة يحطها بنفس المكان يلقاها
اهتمامج فيه واجب بس لا يكون لدرجة انه يثق بحبه حتى بالمسلسلات يقولون لا تبين حبج لزوجج
نفس المثل اللي ينقال الله لا يبين غلاتك

حبيه بس مو حيل لان مصيرج بتنجرحين و لا تخسرين نفسج
حبيبتي انتي تحت تأثير الصدمة بس انا انصحج

غيري طبعج شوي يعني لا تقطين روحج عليه كل شوي يعني بين فترة و فترة و افرضي رايج لا تكبرين الموضوع خلاص بعد شتسوين!!!!!!!!!!!!!!!!!!!
انا اعتبر نفسي ماجربت الخيانة لان لو زوجي بيغلط بيغلط بحق نفسه و ربي بيحاسبه اهم شي العشرة الزينة
بس لا يمصخها و اشكره ريحة خيانته تفوح!!
ياليت تسمعين كلامي

 

[قمة^الانوووثة]

رد : اللي ما جربت الخيانه تعالي شوي داوي جرح قلبي عيا يلتئم

ترى ما في رجال يبجي ندم جدام زوجته و يعترف بالغلط
حبيبتي طوفي بس لا تعايرينه بس مثل ما قلت ثقلي شوي احترميه و فترة و تعدي مدامه ندمان

خلاص حبيبتي الله يهون عليج و يهدي النفوس بينكم تعلمي من هالدرس
تعلمي انج ما تعطين كل شي للرجال و تسلمين له روحج حتى اي مخلوق
ربي يحفظج

 

[الاميرة مها]

رد : اللي ما جربت الخيانه تعالي شوي داوي جرح قلبي عيا يلتئم

الله يفرج لج همج عورتي قلبي
ويمسح على قلبك وينسيك
تقبلي مروري