اللي مستغنية عن الخدامة و متحكمة بشغلها برة البيت و داخله اتدش

[PuPa^^SWeeT]

السلام علييكم بنات


شلوونكم


بنات انا من سمعت سالفة عايشة الفيلجاوي


وانا قلبي معورني


خدامتي زينة للتنظيف والغسيل و الكواي


اليهال انا ادير بالي عليهم اللهم بس بزايارات الاهل



والطباخ انا

ارد من دوامي وبس اطبخ


الحيين صاير فيني شي استغفر الله حدي خايفة انه هذي اتروح بعد سنة و احصل وراها خدامة تطلع من اللي نسمع عنهم بالاخبار تقتل و تذبح عقد نفسية




انزيين الحين انتو من متى ماعندكم خادمة


انتي تشتغلين ولا قاعدة


شلون اتنسقين وقتج و شغلج



وخدم البارت تايم هذي من وين اتيبينهم


امان السالفة ولا لأ


ادري تعب


بس هل تعبه لا يطاق يعني جسميا مو مرتاحين و مايمديكم ولا شلون ؟؟؟

 

[بنوتة لابشة فشتان منفوش]

واي قطيعة عمه بعينهم الخدم

شوفي بقولج نظامي بالبيت

اقعد الصبح اسوي الريوق وحمدالله كله كوب حليب وتوستة بجبنة
بس انا وريلي وعيالي

نبدل وانطلع اوصل ولدي الحضانة واروح دوامي

اطلع من الدوام يكون ريلي ماخذ ولدي نرد البيت
اول زواجي كان ريلي لازم غدا فاكون مجهزة شي من بالليل
اذا تبين اعطيج افكلر الطباخ قوليلي


حاليا اقتنع بالامر والواقع وكلنا نرد تعبانين فاول ما اوصل اطلع الايدام الي بسوية
ونروح انام كلنا

العصر
وولدي نايم اجهز الاكل وحمدالله الاجهزة بالمطبخ اهي الي تقطعلج الخضرا ودقايق وكل شي جاهز واسوي حمستي ووقت ما تطبخ اقعد وليدي

اهني عاد الوقت كله له ادرسه واهتم فيه تقريبا يحتاج ساعة ونص

لما يخلص الغدا اروح اتسبح بعدين نتغدا مع بعض تقريبا الساعة 5

ادخل الصحون بادش وشر واخل ولدي يلعب باجي اليوم

الساعة 8 سبحة ويخل ينام

عاد انا
اشطب على البيت واغسل الحمامات وانتي بكرام وماياخذ مني وايد وقت




الارضيات امسحها 3 مرات بالاسبوع
الغسيل يوم الخميس قبل ما اروح زوارة اهلي
انا متعودة من بيت اهلي الغسيل مرة بالاسبوع حتى ايام المدارس عندهم غيارات للاسبوع كله ما نظطر نغسل خلال الاسبوع

الاوتي يوم الجمعة مع ان الجمعة نطلع انا وريلي وولدي نتغدى برى بس فيه بركة
ومرات اذا ما كان عند طباخ او اهلي ماخذين ولدي اشطب جم شغله

شهريا انظف البيت بضمير الارضيات والكبتات والدرايش
ملابس ريلي والديباجات كلها بالمصبغة


وهذا نظامي وياحلات التعب عشان عايلتج بلا خدم وبلاويهم
والله اتعب ولا يذبحون عيالي ولا يسحرون ريلي ولا يصير فيهم شي بسم الله عليهم
بس زاد عندنا ضيفه يديدة:edbf4317b9: اتمنى ما تخربط نظام حياتنا

 

[Winter Q8]

انا باجازة امومة و ماعندي خدامة و موملحقة لان تدرين بيبي صغير يبيلله مجابل
عسى ما هديته شوي الا بجى ..اللي اقدر عليه اسويه و بيني و بينج انا شوي كسولة و ما احب شغل البيت جذي اشياء وايد تراكم علي بس ان شاءالله بغير نفسي و بتبع جدول
و الخدامة ريلي رافض يقول شقتنا صغيرة و موذيك الشغل تبين خدامة تقعد تجابلنا اهو كلامه عدل بس هم مرات احتاجها تعاوني مو تسوي شغلي

وخدم البارت تايم هذي من وين اتيبينهم امان السالفة ولا لأ

هذا مكتب (23910240)عنده خدم نظام زيارات تيي 5 ساعات سواء الصبح او العصر من 5-10
نظيفة شكلها مرتب و لابسه يونيفورم .. و يايه تشتغل مو تسولف او تضيع وقت لان الدقيقة محسوبة و تنظف عدل مو اي كلام الصراحة جربتهم و امينين لان مرة كان في فلوس على الطاوله و لا جاستهم و الاشياء الغالية بالتجوري و يوم تبي تنظف داري اكون على راسها ..



​

 

[ام الدرر]

والله يابوبا كبرنا ومافينا شدة لشغل البيت
عسى الله يكافينا شرهم
شر لابد منه
​

 

[Melazlaza]

كتبت رد شطووووووله وانمسح
لي ردة ان شاءالله

 

[PuPa^^SWeeT]

حياكم الله بنات



يعطييكم العافية

 

[الكويت حياتي]

والله كنت موظفه وتركت وظيفتي من اللي شفته من الخدم سوي بحث وشوفي موضوعي مال خدامتي الحين في الشقه مع اعيالي بدون خدامه راااااااحه نفسيه وتعب قلييل لو اموت ما اييب خدامه

 

[PuPa^^SWeeT]

كويت حياتي



بس شلووون انا اترك الشغل ماقدر على ظروفنا والله


لو بايدي و يصير جان شريت السنيين الباقي

 

[Pure Beauty]

هلا بوبا
موضوعج حلو يرفع معنويات اللي ما عندهم خدم مثل حالتي
انا متزوجه من 7سنين ربه بيت و ساكنه بشقه وعدي 4 جاهال إسم الله عليهم بس جبت خدامه مرتين لما أكون حامل بس
وحده قعدت عندي 7 شهور والثانية سنه بس
نظامي الإسبوعي الأحد والثلاثاء والخميس تنظيف البيت مع مسح الارضيات وتكرمين غسيل الحمامات والشغل هاذا أسويه بعد ما يروحون العيال للدوامات طبعا أجيب خدامه نظام بارت تايم للأوتي وإذا ممكن تمسح الطوف أو تجرد المطبخ رقمهم 97020227
طبعا الإثنين والأربعاء والويك إند راحه وممكن أسوي فيه شي بسيط يعني أرتب كبتي أو كبت العيال أو أسوي بروش للزل بس

ونظامي اليومي أقعد الساعه 6 وربع أقعد العيال وعلى ما يلبسون أسوي الريوق وأهم يتريقون أفر على غرفتهم أرتبها وأرتب غرفتي وبس يطلعون أقعد أتريق على راحتي بعدي أغسل مواعيني وأكون مطلعه لحم ولا دجاج بالليل وأحط الغدا على النار ( لا تستغربين علشان بس أخلص شغل البيت يكون الإيدام إستوا )
عاد وأنظف الحمامات وأشغل الغساله وأخم وأمسح الطاولات والتلفزيونات وامسح البيت والمطبخ وبعدها أريح
وأرد أكمل الغدا الساعه وحده وبس نتغدا ونخلص أقعد شوي مع أبو العيال ولما يطلع أغسل مواعين الغدا والساعه 5 أدرس ولدي والساعه 6 أعشيهم 7 أهم بفراشهم وعلى ما ينامون أكون غسلت مواعين العشا و الساعه 8 رياضه وبعدها دش ويكون يومي خلص >>>>> أخيرااااااااااااااااااا


أهو كراحه نفسيه أنام وأنا مرتاااااااااااااااااااااااااااحه ومتطمنه على عيالي بس المتعب بالزارة أصير حايسه و لما أكون مريضه أو تكرمين علي الدورة أحس نفسي مو متحمله وأبي أجيب خدامه بس لما أجيب أحس نفسي مو متحملتها لأن الشقه يادوب مع إن عندي غرفه خدامه داخل المطبخ

بس أهم شي إني الحمد لله معوده عيالي على التنظيم يعني هدومهم الوصخه ما تنقط إلا بسله الغسيل و القراطيس بالزباله تكرمين

والحمد لله >> طولتها لووووول

 

[BREAKFAST]

موضوع يستاااااااهل الرفع معااااااااااااكم ان شاء الله نفتك منهم

 

[PuPa^^SWeeT]

انتي قاعدة بالبيت ؟؟؟؟



ياليت لو اني قاعدة بالبيت جان عادي اتهون السالفة


محد يشتغل برة و ماعنده خدامة
؟؟؟؟؟؟؟؟؟؟؟؟؟

 

[@ DLOO3TAH@]

ـأب ,

 

[Melazlaza]

باك
انا كنت موظفة وماعندي خدتمة وتركت وظيغتي لاني ماحبها مو عشان مو قادرة على شغل البيت


بالنسبة لي من اشد الرافضين للخدم وكلامي من تجارب مو من عدم خلال سنة وحدة جربت١٣خدامة مختلف الجنسيات ماعدا الاثيوبية طبعا
توصلت اخيرا لان سعادتي النفسية تهم عندي الف مرة من راحتي الجسديه
وديت الي عندي المكتب ولما عطوني فلوسها بنصهم رحت شريت غسالتين اوتوماتك وحدة للهدوم ووحدة للمواعين واوتي بخار وقلايه وونويت نية بقلبي اني ما اتحلطم ولا اطالع غيري
والله من يومها ورب لك الحمد انا بسعادة ماعمري حسيت فيها

نظامي وقت الوظيفة
بالليل ارتب عفسة ولدي لي نام واطبخ غدا باجر وعندي طبخات ممتازة لهالمواقف اذا تبين اقولج
الصبح ولدي اقطه علئ امي وبيده صمونته بالطريج ياكلها وانا وريلي ناكل بالدوام
ارجع اخذ ولدي وارد وانا بلبسي احط الاكل بالفرن او اجبس العيش واروح اتسبح الا الاكل خالص نتغدا واحط المواعين بالدش ووشر ونام العصر ناكل خفايف وانا احط ملابس للغسيل اواتابع النت والاوتي حزة الطلعة اوتي البخار او اوتي الطاولة العادي حسب مزاجي والغساله فيها تنشيف كامل يعني بس اصفط الملابس يطلعون مكويين
العشا يا من مطعم يا بيض وتوست جذي يعني
وهذا يومي
وبالويك اند كله طالعين زوارة ومجمعات


ومعلومة صغيرة وانا موظفه كنت اخلص شغل بسرعه لان فيني نشاط الحين صايرة اتكيسل احيانا

 

[PuPa^^SWeeT]

ولكم باااك

نظامج حلووو



انتي موظفة صححح








زين اشوااا

وبعد بنات ابي اللي يشتغلون و ماعندهم خدم

 

[sweet & girl]

تبين الصراحة راحة البال ولا راحة الجسم من رأيي الشخصي صحيح تعب في البداية بس أجمل شيء في الحياة أن المرأة تخدم عايلتها وبيتها أصلا هاذي فطرتنا يالحريم وصرت صراحة أحس معنوياتي مرتفعة لو تعبت في شيء معين أحس بالانجاز وفوق جذيه شغلج بنفسج يكون بذمة وبضمير و أحسن بألف مرة من شغل الخدم وتوفرين حق شغلات وااايد اذكر قبل كنت كل أسبوووع بالجمعية ويالله نلحق على ماجلة البيت وكان كل شيء يخلص بسرعة سواء صابون ومنظفات والحين لا والله فرق كبيير صراحة أنا ما ارغبج في ترك الخادمة لكن والله ثم والله راح ترتاحين راحة ما بعد راحة وتنظمين وقتج أكثر ونصيحة دايما عودي الأطفال ع النظام والاعتماد على نفسه اذا أكل يودي صحنه وملابس يحطها بالسلة و يوديها الكبت وما في مانع يساعدج ببعض الأمور البسيطة وقطعيه بالمدح والتشجيع :eh_s(9): ترا اليهال يحبون هالشغلات بدل ما يكون طايح عند التلفزيون ولا البي بي والأهم من هذا كله الأجر من رب العالمين
وادعي لي بالتوفيق وللعلم ترا بنوووتة بس مجربة الوضع وحاسه فيج​

 

[Melazlaza]

حبيبتي بوبا انا كنت موظفه وقتلج نظامي

حاليا بالبيت بس ابد ما فرقت معاي لاني اكتشفت حتى لو كنت مو موظفه الطباخ من بالليل اريح اقعد الظهر احط عالنار بس 



والله حياتي ربي لك الحمد سعييييييييدة جدا بدون خدم
لا وانا حامل بعد 

 

[catwiti]

انا جربت البيت بدون خداامه من فتره تقريبا قعدنا سنتين بدون خدامه وبعدها يبنا خادمه والحين صارلها شهر مسافره تقول بترد
عن تجربه اول شي انا بنت فبيت اهلي يعني مو ام بس بقولج عن امي شلون متاقلمه مع الوضع
احنا ما شاء الله كبااار ماععندنا يهال اصغرنا اخوي بالمتوسط وامي مو موظفه فهالشي يساعد وايد
بالنسبه للمطبخ حطيلج اجهزه تساعدج وتقلل من وقت الشغل وتكون سيفتي حق عيالج عشان اتحاتينهم مثلا الفرن بدل مايستعملون الغاز حطي فرن كهربا وحق غسيل الصحون احنا حاطين لنا غسالى صحون كبيييره تغسلج الصحون وتطلعهم حاريييييييين معقمين ونظااااف ما شاء الله ماركتها سامسونق وصارلها 4 سنين اعتقد
ولملابس حطيلج غسالة اوتوماتيك ونشافه
وبالنسبه للغدا امي تسويلنا الغددا من الليل وتسوي مرات كميه يعني بايركسيين مثلا معكرونه بالباشاميل او لازانيا وتسوي عرايس و شي تحطه بالفريزر وشي تحطه بالثلاجه حق باجر عشان يكون غدانا
ومرات تينا خدامه خوش وحده تشتغل بمدرسه وتيي بالساعات وتاخذ 7 دنانير تغسل الحمامات وباجي الشغل

والله يعيين

 

[زوجي توأم روحي]

أكره الخدم كره العمى

والله لو مو الدوام واصابة قديمة بفقرات ظهرى جان فنقرت الخدم

لكن أهون الشر خدم البارت تايم تنظف وتغسل وتمشى لاحنه ولا غيره

 

[ام حمد 85]

انا جربت بدون خدامه 3 سنين بس من يبت بنتي وصار عندي ياهلين ما قدرت اتحمل الوضع ويبت خدامه للعلم انا موظفه ومفكره بس بنتي اتكمل السنتين ان شاء الله راح اترك الخدم باذن الله وودي بنتي الحضانه

 

[PuPa^^SWeeT]

ياقلبي مشكورين عالافكار