اللي مستغنية عن الخدامة و متحكمة بشغلها برة البيت و داخله اتدش

[بقلبي انت]

ماعندي خدامه ولا موظفه قاعده بالبيت وعندي ثلاث بنات وولد ونظامي نفس نظام بو بيوتي

 

[سيدة الذوق]

انا موظفه وماعندي خدامة ..

وكل مااجيب خدامه ماتحملها بصراحه يخرعون ومالي خلق دندره وحنه

اقوم صبح اسوي ريوق بسيط يعني صمون وجبن وحليب حق بنتي واكون مزهبه لبس دوامي ولبسها للمدرسه فنلبس بسرعه ونطلع

اقطها واروح دوامي ..

ارد البيت قبل بنتي وابوها اذا مسويه طبخه سنعه اكون مزهبتها من بليل .. واذا مرق عدس ولا مموش ولا باشميل

اسويهم ماياخذون ساعه نتغدي واحط الصحون بالغساله واقيل ابو ساعه وبعدين ادرسها او نطلع وبليل عشا خفاف او اللي زايد من الغدا حق بنتي

تنظيف الحمامات يوميا ماياخذون شي ويوم الاربعا عندي امسح الارضيات والمطبخ


تري سهالات لاتحاتين بس اهم شي تكونين مقتنعه

 

[خفت أحبك وحبيتك]

مشكلتنا الربادة وتعودنا عالخدم

 

[ام شريفه]

انا الحين عندي خدامه بس ظليت فتره بدون خدامه لانه وديت الي قبلها المكتب...والله أنظف بيتي صار حلو و يلمع و طلعت بلاوي من الوصخ

والله ماكو تعب الخدم جذابين و يتدلعون عما ابعينهم....عاد الحين اذا خدامتي هذي قالت ما أقدر على طول بوديها المكتب لانها اكيد جذابه...لانه الشغل مافيه تعب أبدا الا اذا معاها ياهل صغير اهنيه صج تعذرينهم...بس اذا بروحها لا والله جذابه حتا لو تغسل الزوالي و الحمامات تكرموون كل يوووم

 

[PuPa^^SWeeT]

مشكووورين بنات ماقصرتووو

 

[ام مشعل المطيري]

واللة حتى انا ودي بس المشكلة بالطلعة اذا عندج مشوار وين تخلينهم انا احاتي عيالي وانا ببيت حمولة وولدي 24 ساعة تحت احاتية حيل

 

[ام مشعل المطيري]

اي وصج اغراض الجمعية منو يشلهم

 

[PuPa^^SWeeT]

ايي والله


امبيييه انسدت بويهي



اللي ماعندها خدامة شلون اغراض الجمعية

 

[Melazlaza]

اروح وارد على موضوعج لوووول غصب اتطلعون عقبات
اذا النية موجودة كل صعب يهوووون

شوفوا انا بشقة بروحي بالدور الثاني
اعراض الجمعية نروح انا وريلي ونييب على قدنا لان اووووردي اذا مافي خدامة والله بتشوفون نص الاغراض بتستغنون عنها مصيبة صابتهم والله قمت اشك انهم يقطون الاغراض مو بس ياكلون وينظفون
المهم نشيل الاغراض النص بالنص واذا اغراض وايد نحطهم بعربانة ولدي ونصعدهم بالاصنصير سهاااااااااااالة

وهم بقولكم عن جيس الزبالة عشان لا يطلع فجأة ويضيق خلقكم
يوم وترك اربطه ويا انا انزله يا زوجي عقب خليت الي يغسل سيارتنا كل يومين الساعة اربع احطله الجيس عند باب شقتي وايي اهو يقطه



ها عرفتوا الحين ماكو شي صعب 

بنات نصيحتي المهمة جدا جدا
الدش ووووشر والله لو ماعندي جان ينيت لاني يوميا اطبخ
ولا يتكود الشغل كل شي اول باول وعيشي بسعادة لا وحدة تخزج ولا تلعب باغراضج من وراج

واذا عاليهال اعتقد حتى الي عندها خدامة ما تأمن عليهم عندها
كل طلعاتي وليدي معاي واذا شي ضروري حيل ومكان لا يمكن اخذه معاي ابوه موجود واهلي موجودين وحمولتي
اكيد ساعه وحدة ماتفرق انخليهم مع ناس نأمن عليهم

 

[جروح ودموع]

والله لازم نفتك من الخدم والله حاطين عدو ببيوتنا يتربص لنا ويحقد علينا

 

[eman12]

الخدم شر لابد منه

 

[Winter Q8]

أغراض الجمعية سهالة الله يخلي الاصنصير نكود الاغراض فيه و مرات حارس العمارة يشيلهم معانا .. و الزبالة تكرمون اهو اللي يشيلها

 

[PuPa^^SWeeT]

الله يعيينا والله



انا دور ثاني من غير اصنصير


بس على قولتكم بدونهم يمكن تقل الماجلة

 

[G0theka]

باك
انا كنت موظفة وماعندي خدتمة وتركت وظيغتي لاني ماحبها مو عشان مو قادرة على شغل البيت


بالنسبة لي من اشد الرافضين للخدم وكلامي من تجارب مو من عدم خلال سنة وحدة جربت١٣خدامة مختلف الجنسيات ماعدا الاثيوبية طبعا
توصلت اخيرا لان سعادتي النفسية تهم عندي الف مرة من راحتي الجسديه
وديت الي عندي المكتب ولما عطوني فلوسها بنصهم رحت شريت غسالتين اوتوماتك وحدة للهدوم ووحدة للمواعين واوتي بخار وقلايه وونويت نية بقلبي اني ما اتحلطم ولا اطالع غيري
والله من يومها ورب لك الحمد انا بسعادة ماعمري حسيت فيها

نظامي وقت الوظيفة
بالليل ارتب عفسة ولدي لي نام واطبخ غدا باجر وعندي طبخات ممتازة لهالمواقف اذا تبين اقولج
الصبح ولدي اقطه علئ امي وبيده صمونته بالطريج ياكلها وانا وريلي ناكل بالدوام
ارجع اخذ ولدي وارد وانا بلبسي احط الاكل بالفرن او اجبس العيش واروح اتسبح الا الاكل خالص نتغدا واحط المواعين بالدش ووشر ونام العصر ناكل خفايف وانا احط ملابس للغسيل اواتابع النت والاوتي حزة الطلعة اوتي البخار او اوتي الطاولة العادي حسب مزاجي والغساله فيها تنشيف كامل يعني بس اصفط الملابس يطلعون مكويين
العشا يا من مطعم يا بيض وتوست جذي يعني
وهذا يومي
وبالويك اند كله طالعين زوارة ومجمعات


ومعلومة صغيرة وانا موظفه كنت اخلص شغل بسرعه لان فيني نشاط الحين صايرة اتكيسل احيانا

اختي ماشالله ربي يعطيج العافيه و الصحه
ماعليج امر بس بغيت اسأل عن الغساله شنو ماركتها
و من وين خذيتيها و جم سعرها
بليز لاني محتاجه نفسها
والله يهنيج و يسعدج ياعمري

 

[PuPa^^SWeeT]

ملازلازا



انزيين اول الايام ماتعبتي ؟؟؟


شلوون قدرتي اتوفقينن


انا مرة قعدت شهر من غير خداامة كنت اننام انا وبناتي من الساعة 6 من كثر التعب



و لما اقعد الساعة 5 الفير اكوون ليلحيين تعبانة بس علاما اسوي ريوقهم و البسهم و اطلع

وبعديين دوامي كان ما يسمح اني اطلع كل يوم اييبهم

فا كثرت غياباتي لأني اكوون منهكة و ريلي مو قادر على البنات نبي ماما و نبي ماما

شتسويين

انا عندي بنتين فوق بعض


وحدة حليوة

والثانية صغييرة مخطوورة عاادي تذبح رووحها



وانا دور ثاني من غير اصنصير





شووفي ملازلازا


تراا وديي صجج و فيني دقة سلف اني اتخلى عنهم


بس اشلوووون


مابي اقوول اي سهلة السالفة و اطييح على ويهي الا مو قادرة اسيطر


انتي اول شهرين شنو سوييتي

 

[G0theka]

Up




Up

 

[ام كوثر2007]

انا خدامتي كانت عندي لمده ست سنين بالضبط ..


وصار لها شهرين سافرت وردت ديرتها للابد ..


للامانه ما شفت منها مضره طول هالسنين ..


لكن يمكن لو اقولكم انها اول ما راحت وقفت نص البيت واشوف شبلش فيه واشلون وشسوي ..

وطبعا ما قدمت علي خدامه لاني كنت بنطر ريلي يرد من السفر .. عشان يقدم لي علي وحده


وسبحان الله .. يمكن اول اسبوع تعبت .. وطلعت عيني .. من الشغل والترتيب والطبااخ


لكن الحين وعقب شهرين اكتشفت انه شغل البيت ما يبيله شي


والله اقعد ست الصبح واودي عيالي المدرسه واشتري ماجلت البيت وايدامي وخضرتي وارد بيتي


الساعه 11 ونص انا مخلصه شغلي كله وطابخه بعد ..


اقعد بيني وبين نفسي اقول اشفيها خدامتي قبل كثر ما تكرف ما يخلص الشغل وكله تشكي البيت كبير البيت كبير ما يخلص الشغل


لاحظت انه بلادتهم اهي السبب وانهم يمشون علي بيض وهم يشتغلون وهذا السبب


صراحه بالنسبه للموظفاات يمكن بالبدايه تتعبون لانكم دوامات ولازم تطبخين بالليل وتخلين الغسيل وهالامور كلها حق الويك اند او انج ما تنامين الظهر


انا الحين اسحبها سحبه وحدهه من الساعه ست اقعد لين العشر باليل انااام وهذى حالتي والحمدلله مرتاحه


وبيني وبينكم ماني ناويه ايييب خدامه عقب البلاوي اللى سمعناها ..

 

[Melazlaza]

اختي ماشالله ربي يعطيج العافيه و الصحه
ماعليج امر بس بغيت اسأل عن الغساله شنو ماركتها
و من وين خذيتيها و جم سعرها
بليز لاني محتاجه نفسها
والله يهنيج و يسعدج ياعمري

مشكوووورة عالدعوة الحلوة حبيبتي

مارمتها ويرلبول اخذتها من الغانم قبل سنتين واسفة ماتذكر السعر بس كنت بايعه فلبينيتي ب 600دينار طبعا باقوني عما بعينهم
واذكر ب300وكسور شريت غسالة الملابس والمواعين

 

[Melazlaza]

بوبا حبيبتي والله جنج انا قبل كنت جذي مترددة بس عقب اخر فلبينية يبتها الي حاطة اذونها على باب غزفة نوننا ابطل الباب تطيح لوووووووووووووول لا وعمرها ٥٠سنة عما بعينهم والله مستغلينا هالنتخلفين طول عمرهم بالغابات والحواري ويزرعون ويحصدون ويكرفون كرف اليهد ولي يوا هني وشلفوا الدلع قالوا تعبنا اعنبوا دارج شقة نتفة والياهل والاكل ماتجيسينه وين التعب الا دلع ومصاخه
واي اشتطيت من حرت السنتين الي طافوا علوا قلبي الخدم



المهم بوبا شوفي بقولج من اول خطوة خطيتها لي يومج هذا
الصعاب و الحلول::
غسل المواعين صج ظيم،الدش وووشر روعة تخليج تتعجبين شلون كنتي راضية على وصاخة الخدم بغسيل المواعين

غسل الملابس،الغسالة الفول اوتوماتك عجيبة وريحة الملابس منعشه وماتقولج مدااام انا تعبت. تكررررف طول اليوم وماتبي غير صابون وداوني وانتعشي بريحة الملابس والبيت يتعطر

الاوتي،اذا حطيت الغسالة عالتنشيف يطلعون جنهم مكويين بس اصفط او اعلق واذا الخامة ماتتحمل تنشيف اخليها حزة الطلعة اسويها اوتي اللهم بس مكسرات ريلي كل اسبوع مرة وحدة اغسلهم واكويهم

الحمامات شريت ديتول رش كل يوم ارش وامسح ريحة ونظافة وكل يومين اغسلهم عالسريع لان تحت ايدج فما يتوصخون بسرعة

المطبخ عقب كل شي اسويه امسح بمناديل ديتول المعقمة ولو اشزب جاي لي هلصت حطيت القلاص بالدش ووشر ولي تيمعوا المواعين فيها شغلتها لا وفيها تعقيم بعد ومعطرات ليمون ونعناع

شوفي اول ما فكرت استصعبتها لان تعودنا عالخدم وصرنا كسااااالى بس لما طفح الكيل وقمت ما أأمن على روحي وولدي منهم قررت اني اتخذ قراري وياااااااريتني من زمان متخذة هالقرار

تلبسين بكيفج محد يخزج محد يقهرج
احب اشتري كل فترة واتمكيج والبس بس كنت دايما اتضايق لي بغيت اطلع وانا كاشخة نظراتهم تحسسني اني مسوية منكر وليرجعت وجياسي معاي شووووفي الخز وطبعا غير ان يفتشون والي يعجبهم ياخذونه جنه حلال ابوها البوق عندهم حلال

شوفي بالنسبة لشيلة الاغراض ماعندج اصنصير اشتري سلة عربانة بيدة تلقينها بلولو تحطين فيها اغراض الجمعية لي رجعتي من برا
واي استفسار انا حاضرة
راحتي النفسية اهم ألف مرة من راحتي الجسدية الي اساسا خمول وتعود مو طبع فيننا

حبيبتي بوبا اذا وصلتي لمرحلة أثروا فيها الخدم على نفسيتج هني صج لازم تتخلين عنهم بس اذا مرتاحة لا خلج عليهم

واوتي البخار اينن عالواقف وثواني وتخلصين

 

[Melazlaza]

سوري شوي كلامي عفيسة لاني شابكة من الاي فون ولازم بدليات