اللي مستغنية عن الخدامة و متحكمة بشغلها برة البيت و داخله اتدش

[مذهلة 78]

حبيبتي عايشه توفت الله يرحمهاا بس احنا مو عايشين معاهم عشان نعرف

اهم شلون يعاملون الخدامه صح ولا غلط وحبيبتي البيوت اسرار محد عارف شنو

السبب الرئيسي اللي خلاها تسوي جذي يعني شنو اللي يخليها تذبحها بهالطريقه

الوحشيه وحبيبتي الاثيوبيات زعولات وما يحبون احد يكلمهم رفيجتي عندها 2 من

اثيوبيا لا تشوفين الدلع اللي ادلعه لهم والحجي الحلو والحمدلله يموتون على عيالها

واذا يت بطقهم ما يرضون تقولي مره طقيت ولدي الخدامه بجت وتقولي ماما ليش اطقينهم لما اطقينهم جنج طاقتني

حبيبتي دحري ابليس وتركي عنج هالوسواس عايشه ربج كاتبلها جذي ولا اعتراض على قدره اهم شي انتي حسني معاملتج مع الخدم وربج الحافظ

 

[روج لاميعي]

حبيبتي ( مذهلة 78 )

الاهل قالوا انهم كانوا يعاملونها عدل و بيتهم ما فيه يهال او انها تطبخ عليها الشغل العادي وفوق هذا مكرمينها ..

في البرنامج قالوا هي اعترفت انها قصدت تذبحها هاليوم ( ليش ما تبا حد ينبها انها ما تنظف عدل هذي شيخه مب خدامه )

اصلا ما عندها عذر والدليل انها الها سوابق في بلادها .

انا كانت عندي اثيوبيه من زمان بعد فتره طويله عرفت انها كانت مسجونه في بلادها على مشكله سوتها وقالت ندفع الهم فلوس زياده ويطلعونا من السجن ......

 

[PuPa^^SWeeT]

مذهلة ادحر الشيطان على شنو ؟؟؟

الحين هذا ابليس اللي فيني لما اقوول اني قمت اخاف منهم مابي اييب خدامة ؟؟


ليش شيستفيد ابليس من هالشي


بالعكس بيخسر

جذي مايضيعون عيالي بين لغتين

جذي اتكون اببيتي وحدة مو من محارم ريلي

؟؟؟

شكوو ابليس بالموضوع ؟؟؟


انا اللي فيني مو سالفة والله ذبحتها لأنها اتعاملها بالشينة



لاااا المعاملة من اروع ما يمكن



وانا ادري بهالشي


انا اللي كانو عندي ادلعهم اكثر من بناتي


ومع هذا يتعنفقون علييي


ويسووولي سوااالف



انا ياقلبي مابي ادفن راااسي بالرمل مثل النعامة واقووول الله الحافظ

لاترمو انفسكم بالتهلكة


انتي ماتقدرين

ويمكن انا ما اقدر

ولا اللي الحيين استغنييت


بس مو غلط اني اقول ودي استغني

 

[مذهلة 78]

حبيبتي الوسواس من الشيطان عشان جذي اقولج دحري بليس ولا توسوسين

وبالعكس شي وايد زين انج تستغنين عنهم وجان زين اقدر بس الخدم شر لابد منه انا قعدت 6 شهوور

وكنت اييب نص دوام بس ماكو فايده وبالنسبه للمعامله الخدم معروف ما ينعطون ويهه عامليهم رسمي حييل

وبالمقابل انتي مو ظالمتهم لانج قاعده تعطينهم معاشاتهم وتشترين لهم اغراضهم بس اذا دلعتيهم خلاااص يشيخوون عليج

والله يوفقج انشالله ويقويج وتقدرين تستغنين عنهم

 

[Melazlaza]

بوبا نصيحتي لج خلاص لا تتناقشين هني بموضوع الخدم او باي قعدة حريم
انا راسي يصدع والله
شوفي اذا عقدتي النية وعزمتي باذن الله اتخذي قرارج بس من الحين بقولج بييج هجوم فضيع بتكرهين روحج طنشي جنج ماتسمعين ووصي ريلج يطنش ويحقر

 

[PuPa^^SWeeT]

^^^^^


ايي حسيييت

 

[Melazlaza]

لول

 

[عسل مرت قيمر]

قوه بنات


انا ماعندي خدامه بدش السنه الثالثه تقريبا

وعندي ولدي عمره سنه وست شهور


الحمدلله بلبدايه كنت شوي مو متعوده لانه فبيت اهلي دلع وكل شي اييني لي عندي

بس الحين


الحمدلله كل شي تمام


شوفو انا مو مسويه جدول التزم فيه


على حسب يومي يعني


يعني في اشياء كل يوم وفي اشياء بلسبوع

غسيل الملابس يومي


والي تسأل عن جياس الجمعيه


ريلي اهوا ينزلهم اكيد


واحنا اصلن عندنا اصنصير فعادي


وجياس الزباله وانتو بكرامه


اطلعهم كل يوم حقه عند باب الشقه واهوا طالع ينزلهم


بنات انا مو مشكلتي التنظيف


مشكلتي ماعرف اطبخ


بنات حاولت وايد


كله افشل

دشيت دوره ماكو فايدع انسا مع اني اكتب

وطلعت من النت هم ماعرف


ودي احد يتفصيل الممل يقولي حطي جذي وجذي وبهلمقدار وشبي الغاز على هلكثر وقصي هلكبر يعني بدقه


صج صج ماعرف

ريلي مسكين صاير مع ان احسه مل وانا مليت


بتقولون شتاكلون


مرات اهوا اييب من برا ومرات من امي ومرات اسوي اشياء خفيفه


بنات انا اعرف اسوي عيش ابيض وباشاميل وطبعا الغشا اعرف مايبيله


بس الغدا


ماعرف





مادري شسوي

 

[روج لاميعي]

حبيبتي عسل مرت قيمر

شوفي كتب الطبخ اللي مقاديرهم وطريقتهم سلسه وسهله

ابد لا تين صوب الكتب المعقده :cxxxp:

 

[Melazlaza]

عسل مرت قيمر الله يعطيج الصحة والعافية

شنو تبين تطبخين قوليلي انا اقولج بالتفصيل وبطريقة سهلة

 

[PuPa^^SWeeT]

يالله نقلب الموضوع للطبخ

انا بعد ابي اعرف اطبخ شغلات سهلة و سريعة

 

[رووح ابووها]

^^^^^

وانا بعد :cxxxp: ابي اعرف

اب

اب

 

[زوجي توأم روحي]

والله انا عن نفسى بتسافر خدامتى

وماراح اطلب غيرها

اتفقت مع وحدة يم شقتى ييى كل يوم الساعة 1 عقب ماراجع من الشغل تساعدنى الى الساعة 8 وتروح

وان شاء الله اتقاعد وما احتاجها ولا أحتاج غيرها

يابولنا الأعصاب هالخدم

غثاهم أكثر من راحتهم

 

[PuPa^^SWeeT]

^^^^



صححح حلوة طريقتج


الخدم البارت التايم


بجم اليومية عندهم ؟؟

 

[Melazlaza]

باك
امبيه سوينا موضوعج تجمع لووول
اامهم
بالنسبة للطبخات السهلة في الي اعدادها قبل يوم وتدخل الثلاجة وتتسخن باجر وفي الي وانتي واقفة تسوينها
الي تسوينها قبل يوم
لزانيا
بشاميل
صينية بطاط بالكريمة
مرقوق
محروق صبعه
بتر جيكن
محاشي
سلطات كل انواعها تنحط بتبر وير بالثلاجة وبس تطلعينها تحطين الصوص
هذا الي تذكرته


الطبخات السريعة نفس اللحظة
همبرغر بالفرن يبيلج فرن كهربائي سريع
بطاط مجيس حلزوني او اي شي وحلقات بصل
برياني خضار
معكرونة ارابياتا او وايت سوس
معدس
حمسة ربيان
فتة بيديان
وفي رول الدياي يتجهز قبل يوم وباجر بس تقلينه

الي يعجبكم اقولكم الطريقة

 

[PuPa^^SWeeT]

حياااج الله

بالعكس


هذا الموضوع خل يصي تجمع

لأنه عنوانه خااص

 

[رووح ابووها]

اب

اب

 

[عسل مرت قيمر]

Melazlaza


صج تعلمينه


شنو احسن شي حقي يعني ابتدي فيه انا والبنات الي اهني


فديتكم بنات شجعتوني


امس قعدت اقرا ردودكم


واليوم غسلت المطبخ كله هههههه


كنت متعييزه وكان يبيله تنظيف


باقيلي الحمامات وانتو بكرامه


بغسلهم باجر



تدرون اول ماتزوجت كنت بس احن وابي خدامه

الحمدلله ماطلبنا


لان مع الوقت حسيت اني تعودت


والصراحه احلى شعور لما تنهين الشغل وتحسين بإنجاز

او لما يدش ريلح ويلقاج تعبانه وتنظفين وتسمعين منه يعطيج العافيه


احس تنسين التعب

 

[PuPa^^SWeeT]

صجججج



ياليييت


نبي تشجييع


مو كل شوي وحدو اتقووول لا ماتقدرين


قمت احس صج ما اقدر

 

[dob106]

الله يعينا جميعا