اللي مستغنية عن الخدامة و متحكمة بشغلها برة البيت و داخله اتدش

[PuPa^^SWeeT]

اب اب اب
اب اب
اب

 

[منتهى الرقه89]

فديتكم كلامكم حلو وودي اعيش بدون خدامه بس شلون وودوامي وشغلي وساكنه بيت حمولتي وكلهم من خالتي لحمواتي موظفات
وبنتي لو اسجلها بحضانه والباجي شلون.،

الله يعين ويرزقنا من خيرة عشان نستغني عن الخدم والوظايف

 

[PuPa^^SWeeT]

حياج الله تعالي يميي


انا مثلج ودي


وادور حل للشغلات اللي افكر فيها مثلج


ملزلزة ويينج

 

[مدرسة84]

يعطيج العافية


صاحبة الموضوع بووبا.

والعضوة المشجعة. ملزلزااا.

على الشرح المفصل.

والاجابة على تساؤلاتي.

يلا بنات كل وحدة تدلي بدلوها.

نبي نعتمد على نفسنا ونستفيد من تجارب بعض.

 

[PuPa^^SWeeT]

الله يعافيج ياقلبي


انا و ملزلزة ماسكيين عنق الموضوع

بس مادري وينها صديقتي ؟؟؟



هاليومين مادري ماشوفها

 

[لقيت حبي]

ماشالله تبارك الله هذا السنع تحيه مني لج والله يعطيج العافيه الحياه بدون خدامه راحه نفسيه

 

[PuPa^^SWeeT]

حياج الله

الله يبارك فيج و يعافيج ياقلبي

 

[Winter Q8]

بنات انا من حطيت بالي ان مابي خدامة و وعدت نفسي اني ما اشوف فلانة و علانة و شمعنى انا اللي ماعندي " لأن ريلي اهو اللي رافض " اقتنعت الحمدلله دايماً ادعوا بالرضا و القناعة .. الصراحة مالي خلق عوار راس لاني ما اعرف اتآمر ع الخدم و لا لي خلق تحط عينها على أغراضي و لا لي خلق تبي موبايل و لا تبي تطلع .. و الصراحة مستخسره ادفع 1000 دينار و 70 كل شهر حق شقه متر بمتر .. عاد خاطري هاليومين بساعه اوميغا و انا اولى بالاف من اشتري من حلالي علّه

و قمت استصغر الشغل كله اقول وييه شيبيله ما ياخذ وقت على فكرة ترا انا كسولة مو حرجه و لا نشيطه و اموت على التسدح و التبطح و التلحف لول .. صج لي قالوا كبرها تكبر صغرها تصغر ..

 

[عسل مرت قيمر]

قوه بنات

شلونكم


حيل حيل اشتقتلكم


امس رديت من السفر

واليوم فضيت شوي ادخل المنتدى


قريت كلامكم كله


بوجه كلامي حق البنات الي دشو الموضوع عقب


وحق الي يسألون اشلون الحياة حق الي عندها عيال بدون خدامه


انا عندي بيبي


والحمدلله


بفضل الله


مو محتاجتها ولا ابيها


فبداية زواجي كنت مو متعوده


وكان شي كبير علي


بس الحين


تغيرت كلش


صرت اسوي شغل البيت

وقايمه بريلي

وقايمه بولدي

وعندي وقت اطلع
واستانس وادش المنتدى معاكم بعد هههه



صدقوني كله بتنظيم


ماكو شي صعب


تحسين تعرفين كل شبر بلبيت


وعلى قولت البنات

يكفي ابتسامة ريلج واهوا يقولج يعطيج العافيه


وبنسبه حق الطلعه

ترا حلات الطلعه وحوالينج عيالج


تدرون


انا نادر ماطلع بدون ولدي


يمكن صار هلشي جم مره ينعدون علأصابع


واحنا طالعين طول الوقت انا وريلي نقول والله مكانه مبين
ياليت يبناه
ياليته اهني جان شاف هلشغله
ياليت معانه جان كلا هلشي يحبه
ياليت وياليت وياليت ......



نفتقده والله



بلعكس نستانس اكثر واهوا معانه





لي رجعه ان شاءالله معاكم


ملزلزه وبوبا شلونكم ؟؟؟؟ شخباركم


بوبا شصار معاج متى تروح خدامتج
تحسين تشجعتي؟؟؟
ولا متردده !!

شنو تحسين الي شاغل بالج وتحاتينه!!!

 

[Melazlaza]

بااااااك
اشكر كل الي فقدوووني

بوبا حبي انا وياج عالخط بس لهيت بتجمع الكروش لوووول

بنات صدقوني الدنيا سهالة
مثل ماقالت ونتر حبيبتي كبرها تكبر صغرها تصغر

خل اقولكم شغلات تخفف الشغل وايد طبعاً عقب تركي للخدم اكتشفتها

الفرن اذا بتستخدمينه قصدريه حتى لو طاح شي تشيلين القصدير بدون تنظيف وفرك
الجولة هم قصدريها وكل جم يوم بدلي القصدير
في سبراي للفرن بشكل عام رووووووووعة اسمه كويك رشي ونطري ثواني الا كل الوصخ مختفي بمسحة

الحمامات ليش اغسلهم يوميا
رش ديتول او العملاق وامسح بكلينكس يلقلق

الملابس ليش اكودهم ارد من برا اقط بالغسالة واشرهم ثاني يوم اوتي بخار عالواقف واعلقهم

اهم نقطة المطبخ اذا كان نظيف ااشقة شكلها نظيف
وانتي تطبخين نظفي بيدج فوطه صغيره واي شي مسحيه
وكل صحن يذهب للغسالة فوراً



اييييي بدل حوسة فوط المساح
في غوط استخدام واحد ممتازين وكمية ولا ممكن نستخدمهم اكثر من مرة وبدووون غسيل الي تتوصخ تنقط

القنفات لااااازم تلبيس عشان لا يتوصخون والتلبيس كل اسبوعين اقطه بالغساله تصير ريحته دااااوني

الياهل لازم كرسي طعام عشان لا يوصخ وحطي تحته جريدة لي باح شي شلتيها وعالزبالة حشاكم


الزبالة بالغرف والحمامات احط اكثر من جيس فيها يعني جيس ابطن جيس والي ينترس اربطه واقطه وماله داعي ادور جيس جيسها فيها فهمتوني؟

الطباخ بالويك اند ممنوع عشان ماتنظفين شي حزتها راحتج
وسبحان الله اليمعه دايماً تتسلط علي النظافة والغسيل والجرد
ربج يسهلها لان من ترك شيء لله عوضه ربه وعطاه الهمة



مشتهية تطلعين مع ريلج بدون لوية اليهال قعديهم من الصبح وبيتعبون حزة طلعتج نوميهم بالعربانة وغطيهم وطلعي جنج عروس وتخيلي عرباناتهم جياس جمعية

الزبدة
التنظيم سر السعادة
مو الخدم

 

[Melazlaza]

عسووووووول
الف الحمدلله عالسلامة
مكانج مبين والله
عسى استانستي وتسوقتي
عليج بالعافية السفرة حبيبتي


انا تمام الحمدلله
وشوفي سبحان الله ردينا مع بعض


وكلامج كله صح والله وعم تجربة


ابتسمت لما قلتي تفقدونه حبيبي ولدج
انا جذي لي طلعنا نفقده حبيبي وريلي يقول مادري شلون ربعي يسافرون بدون عيالهم
شوفي الزوج عالتعويد يعني لو انا اترك ولدي جان عادي عنده وانتي نفس الشي
بس خلاص صار في ألفه وقرب وروح الاسرة الدافي
الريال غصب يتعلق بالبيت من زوجته وعياله

ناطره تفاصيل رحلتج وشلون العسول بالسفرة؟

 

[Melazlaza]

ونتر عليج بالعااااافية الوميغا ان شاءالله تحلينها بايدج قريباً

عالاقل الاوميغا بتبقى عمر وياج وبتفرحين فيها
بس الخدامة ام ريحة عفواً يعني
بتدفعين الف ثاني يوم منحاشة لووووول يعني ألفج بح بلمح البصر

 

[نور**الدنيا]

صباح الخير الموضوع حده حلووو بس ابي مساعدتكم انا حامل بالاشهر الاولي خدامتي فلبينيه طبعا اول ما يبتها المكتب قالولي اهيه مو متزوجه وطاخر شي طلع عندها ولد من رفيجها المهم المشكله وين امس اشوفها تقولي انا اعرف بنغالي وابي اتزوجه عقد ما اخلص الكونترتكالحين مادري شسوي طبعا ريلي يقول نمشيها لانها سوالفها وايد وانا عندي بنت وولد كبار انا ابي امشيها بس شلون علي التنظيف والالالاوتي ​

 

[PuPa^^SWeeT]

عيالج كبار مشيها


شكو تقعدين وحدة انتي متاكدة انه اخلاقها مييح

 

[نور**الدنيا]

اي هذا اللي راح يصير

 

[نور**الدنيا]

بس ابي خدم بارت تايم ثقه

 

[PuPa^^SWeeT]

ملزلزة اتعرف




ساليها



ياااااااااااااااااااااااي ملزلزة

شكلي بخليج صديقتي الصدوقة

 

[cnn79]

الحمدلله انه تأقلمت على الوضع بدون خدامه ولابييب خدامة وبعد كم يوم يداوم والله بعيني بس مشكلتي غرفة اعيالي كل يوم الملابس تطلع من الكبت كله عشان ادورون ملابسهم امأذيني والكبت مافيه قفل ووقتي مايسمح كل يوم ارتب الكبت والغرفه وبالعيون لعدم وجود الخدامه والله راحه نفسيه كبيرة

 

[PuPa^^SWeeT]

الله يعييينا

 

[مناير خزنة التاير]

اييييي بدل حوسة فوط المساح
في غوط استخدام واحد ممتازين وكمية ولا ممكن نستخدمهم اكثر من مرة وبدووون غسيل الي تتوصخ تنقط

جان زين تعلميني وين القى هذول الفووط ؟ ؟ و شلون صايرين