اللي مستغنية عن الخدامة و متحكمة بشغلها برة البيت و داخله اتدش

[سمراءوافتخر]

السلام عليكم

شلونكم اخباركم ليش جذيه ما لكم حس وينكم طمنوني عليكم

 

[سيده الذوق]

هلا والله
شلونكم صج ليش صخه كاكو احد وين النشاط لا لا لا لا امانه لا تحبطوني انا خدامتي راحت تكفون ارجعو للموضوع

 

[سمراءوافتخر]

السلام عليكم

هلا هلا بسيدة الذوق ميخال فالغلا البنات مشغولين تدرين امتحانات وتجهيز لشهر رمضان الكريم الله يعين الجميع وربي يسهل امورج وتتسهل امور ادارة البيت من غير خادمة يا رب يا كريم طمنينا عليج الغلا

 

[بنت الاحلام]

بنات موضوع خاًج النص

وين احصل كفرات سرير قطن خام زين ما يحبب بليزز

كل ماشنري طلع خرطي. عفيه انصحوني

 

[توتاتوتا]

السلام عليكم

اخباركم يا حلوات

سمرا وافتخر مشكووووره علي سؤالش عنا وحرصش عالموضوع

 

[نطوووعه]

هلا بنات انا اكتشفت ان راس مال الوحده صحتها اذا ماعندها خدامه
انا هالفتره تعبانه معاي الركب وايد متأذيه وخدامتي مريضه جم يوم وماتشتغل كليت هوا صج
اركض ورا العيال او بالاصح اعري ورا اليهال والا انظف والقط دثرة عيالي والله ماقدر اجندس ركبي تعورني والا اوقف ساعه اغسل المواعين لما احس ركبي وريولي قامو ينملون
والله لوني بصحتي جان تهووون بس انا بهالةضع صج متمشكله ولا احد يعين ويعاون
تدعواي الله يقومني بسلامه

 

[سيده الذوق]

هلا والله سمرا وافتخر ومشكوره علي الترحيب
وشلونكم يابنات وينكم لاحس ولاخبر خلصت الامتحانات وعطلو اتمني يرد نشاطكم وحيويتكم

 

[نمله ذربه]

والله انا ماعندي حاليا خدامه

اطبخ وانظف واغسل

 

[*مطبخ الذواقة*]

ان مع الاستغناء عن الخدم ...

حاااااولووووا وراح تقدرون باذن الله ...


بالذات اللي توهم متزوجين مالا داعي خدامة كلكم شخصين ...

حتى لطبخ ترى تقدرين واللي تقول البصل ريحته تبط الراس اقولها استخدمي الاجهزه فديتج وما راح تلصق فيج ريحة البصل نهائيا ...





شكرا صاحبه الموضوع ...

 

[سمراءوافتخر]

السلام عليكم

شلونكم بنااات ااخباركم بشروني عنكم اعذروني المنتدي كان صار كم يوم ما اقادرة ادخله الظاهر كان خربان
توتاتوتا هلا فيج الغلا ربي يخليج كلج ذو ما سويت شي الموضوع حلو وحارم يكون مهجور الغلا انتي اخبارج احوالج يا عسل .
نطوعه هلا وغلا فيج ربي يشافيج شفاءا تاما عاجلا غير اجل يا رب يا كريم ما تشوفين شر الغلا طمنينا عليج
سيدة الذوق هلا فيج الغلا شنسوي انشغلنا بالدنيا والمنتيد خرب الله كريم انتي شلونج اخبارج
نملة ذربه &مطبخ الذواقه هلا وغلا فيكم المكان مكانكم واحنا خواتكم ويعطيكم العفايه يابنات

 

[عروساا]

ماشاء الله صج تشجعون الواحد
انا توني متزوجه وكنت متعوده عالخدم بس شسوي اضطريت الحين اطبخ انظف اغسل ملابس اكوي ملابس امسح ...
وفوق هذا دوام يهد الحيل
والحين حامل وزاد الضغط على
بس صج بنات ناويه اعود نفسي ما ادخل الخدامه بيتي ولا تمسك عيالي
والكل يقولي صعبه اذا انتي موظفه فمادري اغامر واطلع بنفاسي من غير خدامه ولا راح اتوهق

 

[توتاتوتا]

سمرا انا بخير الحمد لله و قاعده اجهز لكم موضوع اهداء ختيييير


عروساااا اول شي الله يسهل لش و تقومين بالسلامه

بالنسبه لسؤالش اجاوب من وجهة نظري انا موب موظفه

1- انتي حابه تعيشين بدونها و مقتنعه
2- الزوج مقتنع و راضي بالمشاركه
3- توفرين كل الاجهزه الي بتحتاجينها بالذات انتي موظفه و طفل يعني غساله مواعين غساله ملابس اوتوكاتيك و... الخ من الاجهزه الي تتوقعين بتحتاجينها
4- وين بتحطين الطفل وقت الدوام
5- صحتش اوك

بناء علي اجابتش انتي بتعرفين اذا تحتاجين خادمة او لا


و بالتوفيق

 

[انوثه واناقه]

الله يوفق الجميع يارب

كملوووا والله حيل اطبطبون عالوحده اللي نفسي

زين في ناس ماتحب الخدم عبالي بس انا

الناس قامو يقولولي ان فيني حاله نفسيه
خخخخخ

بس صج تعب حيييييل لان انا مونضم نوم عيالي

بس استفدت حيييل منكم مشكورررررين

 

[انوثه واناقه]

بنات ياليت تعطونا افكار شلون انضم
وقتنا للتنضيف والطباخ خصوصا ان مقبلين
علا رمضان والله يعوده علينا كل سنه بصحه وعافيه مع حباينا
ياااااااارب

 

[فـراوله]

أنا اليوم انضميت معاكم

الله يعينا



​

 

[انوثه واناقه]

مراااحب احما جينا متأخرين حيل عالتجمع الحلو


بنات بليز حراااام والله نفس هالتجمع الحلو نهمله


خلونا نكمل انا ان شاءالله ارد الكويت بكره وبكتب
يومياتنا لان جد تجمعكم حيييل حييييل يحمس الوحده
ويشجع عالاهتمام بيتها وعيلها

واللي تدخل خل اتمكل عشان هم غيرنا يتشجع ويستفيد
وان شاءالله يارب اللي اقدر عليه اسويه

 

[فـراوله]

أنا خدامتي راحت وديتها المكتب ما أبيها

ألحين أنا للي بسوي كل شيء بنفسي مع عيالي الله يعين
ويقدرني على هالمسؤليه

بس والله البيت أريح بدون خدامه


​

 

[فـراوله]

رفع








رفع

 

[ليمون ونعناع]

السلام اشلونكم

 

[انوثه واناقه]

وعليكم السلام والرحمه والاكرااام

اليوم وصلت من اسفر ويمه يالبيت مليااااااان غبار

يااااااااي وظهري عواااار فضيع

بريح اليوم عشان بكره ان شاءالله اضبطه