اللي مستغنية عن الخدامة و متحكمة بشغلها برة البيت و داخله اتدش

[توتاتوتا]

نفس كيم أحس قبل فراغ والحين استغليته بشي ينفعني وعيالي
والحلو صار الجو اسري أكثر
بس عيالي مستغربين يقولون ماما انتي خدامة وكل شي يسئلون من يسوي كذا و من بيسوي لنا كذاك يحاتون الشغل مب واثقين بقدراتي

ولاتنسون تحتسبون الاجر ترا عباده لو نويتوا

 

[Winter Q8]

ملزلزة ..
بعد شتسوين معاهم .. قولي لها الحين ما احتاج مسيطرة على اموري .. ان شاءالله اذا ولدت بالسلامه و رديت الدوام اييب و شرط انتي اللي تختارينها لي ..

توتاتوتا ..
اشوفها مكفيه موفيه و اعطيها 10 /10 .. اللي ناقصها مطحنة بهارات و انا عندي بجهاز ثاني ..
مرة قريت بكتيب قديم حق منال العالم شلون تستغلين محضرة الطعام باحسن طريقة و توفرين على نفسج كل شوي تغسلينها و تردينها .. ان شاءالله احطه لكم ..

بوباا ..
عاد انا معروف عني اخرب الافلام لول زين ما خربته عليج .. بس صج الفلم بارد ما تشوفيني نمت ..

كيم .. يهون ان شاءالله اهم شي الترتيب اول باول ..

عسل مرت قيمر:
هالاكله اهداء لج نشجعج شوي عالطبخ

وهذه المقادير:

1 خبز البريوش الكبير

10 حبات نقانق امريكانا او اى نوع تحبونه مقطعه حلقات

1 فلفل اخضر بارد مفروم

علبه مشروم شرائح

زيتون اخضر و اسود مقطع شرائح( الكميه حسب الرغبه)

كيس جبن موزاريلا

2 ملعقه ميونيز

بصله متوسطه الحجم مفرومه


الطريقه:

اولا تقطعين خبز البريوش بالعرض ليكون عندك نصفين متطابقين (طبقه علويه وطبقه سفليه)
انشاء الله تكونون فاهمين.. ستكون مفتوحه مثل الكتاب

وعلى النار سخنى القليل من الزيت فى قدر وضعى البصل وقلبيه حتى يصبح لونه ذهبى .

ضعى على البصل الفلفل الاخضر و قلبيه ثم المشروم ثم ضعى النقانق وقلبيه جيدا حتى تنضج

اغلقى الشعله ضعى الزيتون واخيرا ضعى القليل من جبن الموزاريلا وقلبي الخليط قليلا.

ضعى القليل من المايونيز على شريحتى البريوش من الداخل ثم ضعى الخليط عليه واخيرا رشى عليه المتبقى من الجبن وادخليه الفرن حتى تتحمر الجبنه ... وبالعافيه وشوفى الطعم العجيييييب..

 

[Winter Q8]

بنات تدرون احنا كل السنع ..
هذي ورقة أغراض البيت حطيها ع الثلاجة و كل ما خلص شي حطي صح بالورقة و لما بتروحين الجمعية الا كل شي جاهز عاد غيروا فيها حسب اغراضكم
maqadi.doc

 

[Melazlaza]

ونتر صج سنع ومنع
عفية عليج والله
والطبخة عجيبة وسريعة
يلا عسل نبي نشوف تطبيقج للطبخة

عسل انا بعد حسيتهم مبالغين بموضوع التخرع بس عقب حجي بوبا امس واااااي لاتشوفوني اخترعت


بوبا انتي شلونج بس؟؟

توتا يحلوهم عيالج مردهم يتعودون ويساعدونج

امس ولدي مريض حبيبي ويشيل اغراضه قبل لا ينام فديته

 

[PuPa^^SWeeT]

بوبا حرام عليج والله ببجي انا صايرة اخاف مو مثل قبل
ببجي اهي اهي
من صجج عااااد
واي وشنو السبب
زين ماكنتي تشغلين البقرة بالشقة؟؟
انزين شنو مكان مهجور يعني مايمكم بيوت والا شنو واختج واعليا زين ما زر عقلها <<<<<<قامت تبلع بريجها وتتلفت




بوبا عاد الاجواء جنه فيلم رعب صوت الرعد والبرق يضوي

والمطر يصب لا اله الله اللهم اجعله خير علينا




شينومني اايوم

ههههههههههههههههه امبييييه خلييتج انا امس مادري


ياقلبي



لااا كان سرداب و اهل البيت وسخييين حيييل


فا اتوقع

وبعديين واايد اسمع مثل ضربات طبول بالليل فووق


مادري اهل البيت شنو فيهم اللي انزلوو الاخوة الافاضل عندي يتطأسون اخبار الرعية


هههههههههههههههه

 

[Melazlaza]

شعقبه عقب ما قمت ابلع ريجي وضروسي تطقطق

بس بس خلااااص هالموضوع فووونيش

 

[PuPa^^SWeeT]

ههههههههههههههههههههههه



لاتزعلين منيي ملزلزة



ترا مالي غيرج يشجعني

 

[PuPa^^SWeeT]

بوباا ..
عاد انا معروف عني اخرب الافلام لول زين ما خربته عليج .. بس صج الفلم بارد ما تشوفيني نمت ..
QUOTE]



اشوا عيل ماخربتييه علي


بس خرعني مقطع لمل اهي نايمة يم يدتها


تقعد يدتها اتقولها what big teeth u have


better to eat my dear


اهني اسنانها اتخرع

كبيرة و اطرافها سود


و عيونها تلمع

better to see u my dear


اهنيي قلت ايي هذا اخرع مقطع بالفيلم كله

 

[PuPa^^SWeeT]

ملزلزة

وينج

وينج

 

[Melazlaza]

باااك
لوووول وانا اقدر ازعل منج
انتي ملهمتنا صاحبة اجمل موضوووع

بوبا انا اقول يمدحووون افلام عادل امام لووووول
بسج تخرع

 

[PuPa^^SWeeT]

ههههههههههههههههههه


اي يمدحوونها


بس همن افلام جنفر لوبز بعد حلوة

كلها رومانس


و حب


و شغلات اتطيرج فووق


خل اقووم اشغلي واحد ابي اطير فوق


ههههههههههههههههههه

 

[ام عفراء]

ماشاء الله موضوعكم عجبني وجدا حلو

والله يوفقكم يارب ويعطيكم الصحة والعافية

....

انا جربت اكون بدون خدامة فترة ٨ شهور وكنت توني والدة ... والحمدلله كانت الامور ماشية الشي الوحيد اللي كان مسوي أزمة كان الكوي ... خصوصا كان عندي طفل بالاشهر

وكنت احيانا اكود الملابس بعد الغسيل واجيب خدامة ٥ ساعات بس بـ ١٠ دنانير واخليها تكوي كل شي

والحين تقدر تقولون عندي خدامة وماعندي

لانا ساكنين في بيت الاهل وهي خدامة وحدة للجميع

يعني معتمدة عليها بغسيل الملابس والكوي ... وتنظيف الغرف مو كل يوم مرة ومرة

.. ولا ترتب لي شي يعني حتى وقت اللي تبي تنظف انا ارتب الشقة كلها من الى تالي اناديها يادوب تمسح وتخم

لكن مالها شغل في ولدي كلش ... تصدقون انها لما تشيله والا شي احس اني اتضايق ما ودي تسوي له شي بالمرة


اتوقع لو اني في شقة منعزلة بروحي راح استغني عنها .. بكل سعادة

واشجعكم

...... ولحد يحبطكم .......



بس حبيت اسال غسالة المواعين .. شلون طريقتها .. ؟ لها صابون خاص ؟؟

لانه بالسفر شفتها بالشقة بس ماجربتها خفت اتعبث فيها ... وقضيت السفرة كلها غسيل مواعين يدوي

 

[7noOna]

آب آب

 

[عسل مرت قيمر]

با بعد جبدي والله علطبخه


مافيها حوسه هههه تحسون كسلانه



بناات شرايكم قعد افكر ادخل ولدي حضانه يستانس مع اليهال


تنصحوني الحين

ولا انطره بكمل سنتين ؟؟


يكسر خاطري بروحه وودي ان يتعلم وينظم نفسه شوي

 

[توتاتوتا]

ام عفرا لها صابون خاص

انا افكر بها بس مافاتحت زوجي أحاتي التمديدات خصوصا انا ساكنين فبيت قديم

عسل انا من مؤيدي الحضانات بالذات اذا تحسين عنده طاقه و وجوده متعب فالبيت و يتسلى و يتعلم بس مب فالشتا اذا تعدل الجو سجليه

بنات ابي حضانه او مركز احط عيالي فيه اذا بطلع مشوار العصر لان بعض المشاوير اذا راحو معي ماقدر اخلص الي أبي بالذات ابي قريب من الصباحية

 

[توتاتوتا]

اعطيكم مختصر شغلي اليوم غسلت مفارش الاسره ونظفت الثلاجات استعداد للمقاضي و رتبتها بشكل ماكنت احلم فيه يوم كان عندي خدامة لأن ما أتجرأ اقول لها تسوي الي سويت علشان ماتطنقر علي و خلصت بسرعة و هي كانت تقعد ترتب فيها قرن من الزمان

 

[Melazlaza]

بوبا شكلج طرتي صج وينج فوووق السحاب تحلمين بحياة مابعد الخدم ؟

ام عفراء ربي يوفقج على الكلام الطيب
وترى الغسالة روووووعة تمديداتها سهاله ييبي عامل يسويها لج
انا اعشقها هالغسالة

عسووولة انتي وضعج نفسي بالضبط شوفي انا فكرت ادخل ولدي لما كمل سنتين وافتريت عالحضانات بصراحة حسيته صغييييييير عليها يعني مافي ذاك الاهتمام القوي بس حالياً سنتين ونص حسيت عالثلاث سنوات دخوله ممتاز بيتعلم وبيكون واعي يعني يشرح شنو يصير معاه
بس اذا موظفة طبعاً لازم حضانة بس تكون بروفيشنال وفيها كامرات تقدرين اتابعين طفلج واهوا بالحضانة
*

توتاتوتا هم نفسج العصر بطلع والياهل يتأذى من الطلعة ويأذيج فيا بيت اهلي يا بيت حمولتي بس في حل آخر
حضانة فترة مسائية من الساعة٤الى٨
والدفع ممكن بالساعات مو شرط اشتراك شهري
فكرة حلوة للي ماعندها احد يمسك الطفل
ومن هالحضانات تبع وزارة الاوقاف بافرعها المنتشرة باغلب مناطق الكويت

يعطيج العافية عالشغل السنع شفتي شلووون البيت يصير مرتب ونظيف ومحد ينفس عليج ويشين النفس
اذكر كنت لما اقولها نظفي الثلاجة بروح الجمعية تتفس علي وارد القاها وصخة ومبهذلة وطبعا لازم اسكت والا بتزعل وبتخربلي شي او تكسر شغلة
واي لا لا صج الخدم ظيييييم

 

[توتاتوتا]

مشكورة بشوف شي قريب مع أني أرحمهم بس بعد للان يتعبون فالاماكن العامة وكل واحد شخصية و مزاج :/

 

[Melazlaza]

توتا العفوو
حبيبتي كلنا جذي مع العيال
ومااافيها شي لازم وقت لنفسج والا بتتعب نفسيتج
واذا مجموعة عيالج بالعكس وديهم بيشدون الظهر بجمعتهم مو واحد بروحه وتظلين تحاتينه عرفتي

 

[*kim*]

بنات انا ادرس مسائي وامتحاناتنا الصبح وباجر اول امتحان شسوي بعيالي وين اوديهم اروح الصبح 7 ونص وارجع 9 ونص وبعض الامتحانات لي الظهر فترتين