اللي مستغنية عن الخدامة و متحكمة بشغلها برة البيت و داخله اتدش

[Hello_kitty]

قريت الموضوع كامل ماشالله عليكم الله يعطيكم الصحه اوالعافيه ويبارك بوقتكم وببيوتكم

والله تشجعوون الواحد وتحمسووووون حيل ان نستغني عنهم خاصه بعد ماصارت الخدامه من قبل عشرين او ثلاثين

سنه تقريبا شي اساسي في البيت الكويتي وكل بيت فيه ثلاث وثنتين اصلا نستغرب اذا بيت كامل فيه بس وحده فما بالكم

اذا بيت مافيه ولا خدامه من الأساس..

حيل حبيت الفكره خاصه اني هالفتره هاذي ماخذه تفرغ من العمل واعيالي بالحضانه بس عندي بيبي صغير توا.
.
فكره شقه بدون خدامه من تجاربكم ماشالله مقدور عليها لكن اشلون بالنسبه اذا بيت كامل بسرداب وادوار وغرف وماشالله

يهال واسره منو فيكم جربت هالتجربه مع العلم ان الزوجه موظفه ؟

 

[عسل مرت قيمر]

الردود الي تحبط لييش؟؟


قلنا كل شي مع التنظيم يصير


وبعدين الي تقول غسيل الملابس متى وماخذتها سالفه

منو قال ان احنا الي نغسل الملابس

شنو الصعوبه فيها؟؟


اللهم شيليهم من السله ودخليهم بلغساله الاوتوماتيك وحطي غرشة الصابون والكومفرت واهيا تسوي كل شي

اتيين تاخذينهم وعلكبت


صعبه حيييل السالفه؟؟



انا عندي الملابس اصلن وناسه اسهل شي


عسا ما شفت شي بسله خذيتهم وخلتهم الغساله


بأي وقت


وبنسبه حق الموظفه

الي تقول ماتقدر


ليش ماتقدر؟؟؟


تسوي غداها بليل وتسخن الظهر او تدخل الفرن الظهر


وتقدر تسوي حق اكثر من يوم وتحطه بثلاجه


وانا عن نفسي الويك اند كلع برا


لان يا بيت امي او بيت اهل ريلي او طالعين


يعني خمس ايام بس الي تسوي فيهم وتقدر تقللهم بإنها تسوي حق اكثر من يوم وتدخله الثلاجه



صعب بعد هذا ؟؟؟



لا تقولون صعب


قولو مالنا خلق


كل وحده وقدراتها


في ناس جذي وفي جذي


وكل واحد ورايه






*

 

[عسل مرت قيمر]

وااي بفضفض


ماتشجعتي من كلامنا ؟؟؟


احس كلامنا يعطي داافع


ماار عندج حتى شوي تغيير


ولا للحين تحسين الخدامه شي لازم فلبيت


!!!

 

[عسل مرت قيمر]

ماار = صار

 

[Melazlaza]

باك
شلونكم حبي
اشكر كل الي دشوا وشجعونا اكثر وهلا سنع بنات الكويت الله يحفظنا
والله يسامح كل من يبي يكسر مجاديفنا
وعن نفسي اقول انا سعيدة بحياتي واتمنى السعادة لغيري من جذي قاعدة اكتب تجربتي ،،ربي يعطينا الصحة والعافية


بالنسبة للي سألت عن البيت العود
الحل خدامة نص دوام
اعرف وحدة بيتها عووووود ماشالله وعيال وايد
يابت خدامة نص دوام مريحتها وايد وشايلة نص الشغل عنها اللهم بس بالويك اند يقضونها طلعات فمحد بالبيت وهذا حال اغلب الاسر الكويتيه ،ويك اند يعني طلعة




كيم الف الحمدلله حبييتي فرحتيني وعسى ربي ينولج الي فبالج وتاخذين شهادتج بامتياز

 

[Melazlaza]

عسل هاج بوسة

تبردين الجبد

وكلامج عين العقل

 

[Winter Q8]

الهدوم اسهل شي الله يخلي الغسالة الاتوماتيك و النشافة 100% نظافة و تعقيم و ما ياخذ 3 دقايق .. بس اللهم تطبقين الهدوم و بالكبت و اللي يبيله تعليق علقتيه .. اصلا تصفيط الهدوم حده تريح للاعصاب ..

و الطباخ شيحدني آكل من ايد خدامة لا نفس و لا طعم و لا ريحه استغفر الله .. و التقصص الله يخلي البروسيسر تقصص لي من البصل و الثوم الى السلطة .. و المواعين الله يخلي الجلاية و الله حتى الجدور احط فيها ..

تنظيف البيت يوم واحد بالاسبوع و الاهم تحافظين على الترتيب بس .. و انا الخميس و اليمعه برا البيت و كل يومين خواتي عندي و لا انا عندهم .. الحمدلله الحياة سهلة و حلوة ..
و اذا ما قدرتي و لا ضاعت منج السيطرة الله يخلي خدامة بو 5 ساعات تنظف و تعدل لي و يرد النظام مثل ما كان ..

 

[Winter Q8]

بنات عندي لكم طبخات سهله و سريعه ان شاءالله ارتب افكاري و احطهم لكم

 

[Winter Q8]

والبيبي اليديييد لو بت بيبي باخذ اموومة و عادي عندي نص راتب بس المهم اني ارتاح

وبناتي الكبار السنة الياية انشالله ثنتينهم روضة

بوبا ترا مخرعينا بسالفه نص راتب ,, اصلاا ماراح تصرفين شي بهالفترة كله بالبيت و مجابله الياهل .. بتشوفين نفسج موفرة اكثر من الراتب الكامل ..

 

[توتاتوتا]

حبيباتي أبي افكار اكل صحي للعشا وسهله لمرضى سكر وضغط

انا مسؤولة عن اكل عمي وعمتي وزوجي بعد يحتاج حمية

ونتر اسعفينا بالطبخات

 

[Melazlaza]

صح لسانج ونتر والله صاجة
وبنات ترى الاجازة بدون راتب تخيلوا بدووون راتب ماتحسين فيها سبحان الله ربي يرزقج وزوجج يمشي ويقط عليج يحس انج مضحية عشان ضناه


ونتوورة يلا ننطر الطبخات حبيبتي

 

[Melazlaza]

شوفوا موضوع مميز مشاركة بكتابته حبيبتنا بوبا مؤسسة هالتجمع

http://www.q8yat.com/t997611.html

 

[*kim*]

بنات بتكلم بموضوع مو بعيد عن موضوعنا عشان نستفيد الا وهو الاسراف والمبالغه في مشتريات الجمعيه انتو نفسي يعني لما بشتري مثلا ديتول ما اخذ نوع واحد وخلاص اخذ ديتول سائل وديتول بخاخ واحد بالليمون وواحد عادي وهكذا شلون انتو تشترون اغراض البيت اقصد المنظفات

 

[توتاتوتا]

كيم اذا تستهلكينهم لاباس بس اذا تطول ماتستخدمينهم تجنبي تشترينهم مرة ثانية لان ماتحتاجينه

أشتري الي تحتاجين بس واذا من النوع الي ماتبون تروحون الجمعية اسبوعيا كثري
في شغلات اكثرها لان مستهلكة مثل القصدير السفره البلاستيك

وخلي عندش ورقة كل ماحتجتي شي او بيخلص اكتبيه واذا رحتي اشتري المكتوب بس وحبه وحده او بحسب الحاجة

لايمنع اذا شفتي منظف جديد او معلبات او اي شي تاخذين حبة تجربينه

وبالتوفيق

حد مشتهي سليق يتفضل عندي

 

[Melazlaza]

كيم كتبي بورقة لما تروحين الجمعية
عشان بس تاخذين النواقص مو تشكيلة

يعني الديتول اخذي عرض كبير
وترسي بغراش رش
هذا صار عندج سبراي ديتول
وبيطول عندج

وحاولي كل المنظفات من الشويخ ارخصلج

 

[PuPa^^SWeeT]

كيم ليش تاخذين هالكثر


لا حبيبتي

انا عندي خدامة بس قلتلها الجركل هذا ( امبييه يضحك الاسم ههههههه ) يقعد وياااج شهر كاااااااااااااااااااااااااااامل


ان خلص دريت انج اتكبينه


قامت اتعرف شلون اتحط منه


شدعوا ترا اقصاه شقق


ديتول و ماي وكلوريكس و كومفرت يعني مافتكر بيلج اكثر من جذي


شوية على قاعة التب يعني بس كثري الماي لا بغييتي واايد علشان مايصير مركز بعد يقمت

 

[PuPa^^SWeeT]

ملزلزة


ياقلبي


اانا ودي اتعرف عليج بالصج


حبييتج



بس صدقييني ماني مؤسسة القروب

ياليت


انا عضوة صغيروونة حبوووبة







عضوة في القروب بس

 

[Melazlaza]

وانا بعد ربي يشهد بوبا ودي اعرفج اكثر
خصوصا ان نتشابه بوايد شغلات

وانا قصدي مؤؤسسة تجمعنا هذا

ادري هناك انتي عضوة واحلى عضوة حبيبتي

 

[حبيبة دودي]

واااي بنات معقوله ماعجبكم ردي
ع العموم متابعتكم حبيتكم الله يجزاكم خير

 

[عسل مرت قيمر]

ملزلزه

بعد جبدي والله علبوسه ههه

شنسوي بعد كل ماحطينا حل حق شي يطلعون بشي يديد هههه نبي نقنعهم




بوبا >>> للامام وموفقه الصراحه خوش شي انتي وبنات القروب الي معاج



وينتر

يعطيج العافيه ياا قلبي وناطرين منج الاكلات
جنج تدرين عن حالتي هههه



كيم

جم امتحان بقالج شدي حيلج ترا ننطرج تبشرينه بنتيجه



حبيبة دودي بلعكس ياقلبي حياج وترا ماشفت ردج بشوفه وارجع ارد لا تزعلين ياقلبي اكيد حتى البنات مالاحظو المشاركه عدل