اللي مستغنية عن الخدامة و متحكمة بشغلها برة البيت و داخله اتدش

[زوجي توأم روحي]

بوبا سوي خطوات قبل لا تروح خدامتج
اول شي جردي كل الكبتات
ملابسج ملابس ريلج ملابس البنات
المطبخ كل شي كل شي جرديه لا تقولين استخدمهم بعدين احنا نمشي ونشتري فعادي مردج بتشترين غيرهم

البنات انصحج بكرسي بو طاولة للصغيره والكبيره كرسي عادي اذا ماتحوس

الصحون البلاستك من رامز او سوق لندن
كارفور
جيان
هالاماكن دوري وبتلاقين

وفي صحون الي استخدام واحد خو هذيلا معروفين اسمهم سفري وانا ماييبهم لان عندي غساله مواعين تغسل حتى البلاستك

يييبي كل شي غير قابل للكسر
واعيدي ترتيب المطبخ بحيث ان كل شي جام وينكسر فووووق وكل شي بلاستك وماينكسر تحت
لو لاسمح الله غفلتي عنهم ما يكسرون شي ويتعورون
كل ارفف السجين والالات الحادة خليها فوق بنكان عالي بس انتي والابو توصلوله

غطي المطبخ من فوق بنايلون عشان بس يغبر تقطينه ماتنظفين

ممممم
اذا تذكرت شي رجعتلج

فكرتج وايد حلوة :eh_s(15):

انزين عندى سؤال
اشلون اغلف الفرن بقصدير من داخل مامنه مضرة ؟؟:bbbiu:

 

[زوجي توأم روحي]

يه يه اشووووف الصفحه منورة زوجي توأمروحي هني

حبيبتي الله يخليلج ريلج ويبعد عنكم عيوووون الحاسدين

بشري شلونج







بوووبا مسوية دعاية فوق باسمج والله تنحت لما شفت دعايه بنك برقان حساب بوبا لوووول قلت اكيد الحين بتشوفه وتستغرب

منورة فيج بعد قلبى وهذى لج :eh_s(7):

الحمد لله زينة بدون خدامة قطيعة قطعتها
امس رحت شقتى اليديدة وقعدت أرتب أغراضى انا وزوجى
آآخر راحة

أول تخيلى اذا ناديتها ما ترد الا ثالث او رابع مره
واذا قلتلها ناديتج شكثر ما تسمعين؟
ترد بخبث لا ماما انا ما يسمع
وتلفونها لو دق واهوا بالكبت اسمعته وراحت تركض:eh_s(14):

 

[Melazlaza]

^^^
عساها شقة مباركة عليكم حبيبتي

بالنسبة للفرن انا اقصد الجولة شسوي اشيل العيون واحط قصدير واقضه صوب فتحات الغاز وعقب ارد العيون وبس

المهم خلي القضوض عوده عشان يوصل الغاز عدل



الله يديم عليج الراحة بدونهم
حاسة فيج الي جربتهم عطوني دروس بالخبث واللؤم

 

[زوجي توأم روحي]

الله يبارك فيج فلبى

ومنكم نستفيد

 

[زوجي توأم روحي]

ملزلزة سمعى هالقصة وشوفى الخباثة الصجية

دقت على وحدة من رفيجاتى
تبجى واتقول ان خدامتها قالت لها بابا يتحرش فينى
ويبى يسوى معاى الحرام

عاد رفيجتى هسترت
وقالتلى خلاص انا جمعت هدومى وبروح بيت اهلى

قلتلها انتى شدراج انها صاجة
قالتلى لا اهيا تبجى وتقول ماما انتى زينة ليش بابا يسوى جذى انا زعلانة علشان انتى

طبعا اقترحت على رفيجتى التالى

قلتلها سكرى الموضوع نهائيا
ولا تروحين بيت اهلج
وركبى كاميرا راقبى الخدامة

وفعلا
ركبت الكاميرا من غير محد يحس

وتخيلى شافت الخدامة تحاول تغرى زوجها وزوجها مسكين
ما يدرى عن هوا دراها

اصلا مارفع عينه فيها

طبعا من شعرها عالمطار
وما قالت حق زوجها

الحقيرة كانت راح اتهدم بيتها:eh_s(14):

 

[*kim*]

ملزلزه حوبي بغيت طريقمة موخيه بالدجاج

 

[noonaa-thn]

اوووووووووف اوووووووف هالخدم والله اقول حق زوجي ما بيها يقولي صلي عالنبي هذا الشيطان قاص عليج تخيلوووووو
هو مرتاح لانها تقعد مع اليهال لم يكووون موجود يعني اتفرغله لانه من النوع الاتكالي يعني حتى هدومه انا البسه والاكل اغلب الاحيان انا ااكله بيدي يعني هو رجال بعمر الطفووووووله ههههههههههه
اصلا حتى قلاس الماي ما يجيبه حق نفسه والمشكله اني انا السبب انا علمته على جذي من تزوجنا
بس الحين الوضع اختلف صار في يهال وحده عمرها سنه والثانيه جايه بالطريج
وهو على نفس الحال ما تغييير هذا غير السهر طبعا يحب يسهر ما ينام الا الفجر حتى لو عنده دوام لو ينام ساعتين ويقعد عادي عنده
والتعب كله علي خو ما يصير انام وهو قاعد

يعني بنتي بعدها عمرها سنه يعني للحين متعبه
والزوج دلوع يبيله مجابل طول وجوده بالبيت
وطبعا قريب اولد الحين بالتاسع دعواتكم لي يعني وراي مشوار مع البنوته الجديده

والخدامه تغث اكثر من انها تساعد يعني من قرب موعد سفرها يعني باقي لها خمس شهور وهي كل شي عافسته وكله تنظيفها خرطي شغل مش حالك ومالها خلق تمسك بنتي ليش انها صارت حركيه يعني تبي تلعب والخدامه تبيها ثابته في مكانها عشان تطالع التلفزيون يعني الوضع صاير سلطه خربوطه

ان شاء الله الوضع يتعدل والله يعيني على بيتي وزوجي
لان الخدامه تدفعين هالكثر ويا تصيب ويا تخيب هذا غير معاشها
تكوي وتغسل مواعين وتنضف البيت طبعا بالاجهزه الكهربائيه يعني مرتاحه وتخربهم
وبالاخير تاخذ معاش وانا احس انها مو كفو
يعني اسوي شغلها واكافء نفسي بمعاشها كل شهر بشي ابرك لي منها
ملابس ومطاعم وشغلات تنضيف وكل شي نشتريه لازم تشاركنا فيه يعني جن عندي ياهل ثالث مصرف نفر زياده
لو احسبها
اقطهم على نفسي احسن ولا اقطهم على غريبه وفوق جذي تحسد


اسفه قرقت بس والله من حرت قلبي كل ما شفتها ضاق صدري
والمشكله العوووووده
امي كل ما شكست لها تقولي لازم خدامه تساعدج لا لا تمشينها
تحمليها ما راح تقدرين على عيالج والبيت
اووووووووووف والله تعبت

 

[درابيل]

الحمد لله
عبالي بس انا الوحيدة بهالديرة اللي ما توااطن الخدم
عبالي اني مو طبيعيه او فيني عقدة

وجربت كذا شهر مفرقين بدون خدم تعب جسدي بس راحة نفسيه موووووو طبيعيه الله شوقتوني حق هالشعور،،
بس الكل يحبط و يقولون ماراح تقدرين تعيشين بدونهم

المشكله اني بشقه بروحي و موظفه وعيالي 4 ما شاء الله
و المشكله الاكبر انهم يردون من مدارسهم قبل لا ارد انا من دوامي

اقترحو علي شنو الحل اخليهم ينطرون بالشارع! ولا شنو الدبرة ،، لان صج صج شيشتوني ارد لحياتي بدون خدم


اهنيكم على قراركم الشجاع اللي اتخذتوه و اتمنا يجي اليوم اللي اكون وحدة منكم لأنكم مثال مشرف للزوجة و الأم
الله يوفقكم و يعينكم على تحبيط الناس

 

[Melazlaza]

امبيه زوجي توأم روحي صدمة
من صجج هذي حية يا علها للحية ام جرس الي تقرصها
اشوا انج شرتي عليها هالشووور جان انهدم بيتها مسكينة
الله لا يحووجنا للخدم


كيم قلبي الملوخية بالدياي
قصي دياية ست اجزاء ونظفيها بطحين فركيها حيييييل
خليها وروحي للجدر
زيت حمسي فيه راس بصلة وثومتين وبهار على عداله (كزبرة دارسين هيل مسمار ورق غار)كله كبار مو مطحون واهم شي الكزبرة للدياي حبي
عقب غسلي ديايتج وعالجدر فوق البهار حمسيها بيطلع ماي عاد حطي كركم وبهار دياي كله ناعم وهم كزبرة ناعمة وحمسي لي تشوقر صبي عليها ماي مغلي
وخليها عالنار نص ساعة عقب حطي ملح وخليها ربع الى ثلث ساعة

بجدر ثاني حطي ملوخية مثلجة من الفريزر الى الجدر على طول وابتدي صبي عليها من ماي الدياي بس هاااا لا تشغلين النار عليها
صبي من ماي الدياي بس ماااانبي وايد عشان لا تكون خفيفة لازم ثقيله
وشيلي الدياي حطيه فوقها بتلاحظين بدت تذوب سكري الجدر خليها لين قبل التقديم بطلي بتلاقينها ذاااابت هني عاد دقي ثوم مع كزبرة طازجة وحمسيه وحطيه على الملوخية وشغلي النار عليها خمس دقايق بس وتأكدي ان كل شي ذايب ونجبيها بالف عافية

اذا زاد ماي دياي سوي فيه عيش الشعرية يطلع ناااطع

 

[Melazlaza]

نونا الله يعينج حبيبتي كلنا حاسين فيج لان ياما عانينا من الخدم

وانا بقولج مااااالج شغل بالناس
انا عندي بيبي وحامل نفسج وماعندي خدامة وربي لك الحمد كا اشارك وياكم ومافيني شي
الله يقومج بالسلامة حبيبتي





درابيل مشكوووووورة عالكلام الحلووو ماقصرتي
وترى كل وحدة فيننا داخلها بركان من العمل والهمة والمرأة علمياً تقدر تركز بثلاث مهام بوقت واحد بدووون لا ترتبك

شوفي وضعج يعتمد على عمر عيالج ومنو اييبهم من المدارس؟
وبيتج عود والا شقة؟

كل هالاشياء تحدد طرق استغنائنا عن الخدامة بس مو مستحيل لا هذا شي ممكن وبالمستطاع



انا بس ابي اعرف لي متى مجتمعنا جذي؟؟؟؟
يا يبه كل وحدة حرة ابي خدامة مابي خدامة كيفي
ليش من تقولين مابي خدامة تلاقين هجووووووووم و صواريخ ارض جو وسيل من الاتهامات لج

خلاص كل انسان حر بقراره
لازم تسكر اذونا عن حجي الناس انا لو كنت طايعتهم جان للحين خدامتي تلعب علي وتذلني بخدمتها لي وشقتي وصخه وولدي يا مقروص يا مندقر

والله يا خواتي حياتنا بدون خدم سعادة مالها نهاية

 

[توتاتوتا]

صدقتي ملزلزة
ان الخدامة تلعب علينا وتذلنا وتدقر عيالنا << كلمات ذهب


زوجي توأم روحي مبروك الشقة والقصة الي قلتي توجع القلب

نونا الله يساعدش و تقومين بالسلامة

درابيل كلنا حسينا فالبداية انا غريبين مب من الكوكب
بالنسبه لوضعش صعب الاطفال بروحهم فالبيت انتي ادرى بطبيعة شغلش اذا تقدرين تعدلين وقت طلعتش وبالتوفيق

 

[توتاتوتا]

اليوم عطرت كيس المكنسة بدهنيات(عطر دهني ) و رجعتها المكنسة ويوم شغلتها ريحة الشقه عطر وكأني مشغلة فواحة افكر ازيد العطور عالكيس عشان تصير الريحة اقوا واثبت

 

[Melazlaza]

توتا حبي جربي حطي قطن منقع بدهن عود داخل جيسها تقعد الريحة مدة طويله

 

[توتاتوتا]

بجرب ان شاء الله

 

[حبيبه هيثم]

الله يعطيكم العافيع اهو اريح بس ما نقدر

 

[ورود وردية]

ماشاء الله عليكم الله يعطيكم ألف عافية ويقويكم و يجازيكم الجنة ...أحلى موضوع وايد حبيته

 

[بنت شيخ]

انا والله مفكره اني ما اجيب خدامه لو شنو

حلو الوحده تكون مستقله ببيتها

واذا كبرت عايلتي شوي واحتج بجيب البارت تايم

اهي المشكله بس باول سنتين من عمر الجاهل بس بعدها لا بيكون عنده حضانه وروضة ومدرسه فتطمنين عليه اكثر

وان شاء الله اله يقدرني

 

[PuPa^^SWeeT]

هههههههههههههههههههههههههههههههه اول شي ملزلزة


ياقلبي الستيكات طلعووو زينييين بس نسيت اصور الشكل النهائي


باجر باجر انشالله نفس الطبخة


ريلي طلبها بعد


وبعديين شفتي حساااب بكبره باسمي


كشخة كشخة


عيل نكاتكم انتو



هههههههههههههههههههههههه



ترا عادي فاصلة توني مخلصة تصحيييح


اقوول حق امي اودي بناتي حضانة اتقوولي لاا ييبيهم عندنا بعد عمري



فااا احس لوووية شوي



شوي شوي شوي ارد عالباجي

 

[PuPa^^SWeeT]

بوبا تدرين اني حلمت فيج
لوووول حلمت فيج انتي وبنوتاتج الله يحفظهم
عاد قولولي
(خيراً رأيت)

خيرا رايت يا ابنتي



المهم شنو كان الحلم

وشنو كان شكلي


ههههههههههههههههههههههههههههههه

 

[PuPa^^SWeeT]

ترا بالعكس كلنا مدلعين رياييلنا

وترا شغله انا اقوول فيييه


ماخليها اتجيسهم



لا دشاديشه ولا قتره

والاندر ويرات ملوته انا اقوم فيهم


اتاخر ساعات بس ماتجيسهم ههههههههههههههه



و اكله و شغله انا احب اسوييه خصووصا انه ريلي معدته ماتعبني يبي لو توست و جبن عادي ولا همبرجر بطااط هههه