اللي مستغنية عن الخدامة و متحكمة بشغلها برة البيت و داخله اتدش

[*kim*]

كاتي الفرن الكهربائي نفس غرض الفرن العادي بس اسهل واريح لج وهو تقريبا اكبر من حجم المايكرويف نفس ماقلتي

 

[Hello_kitty]

مشكوره كيم مدام نفس وظيفته عيل ليش اسمع الكل يقول شي ضروري؟؟عشان يخلص الأكل اسرع بس؟؟

والقلايه اللي تقصدونها اهي غلايه الماي صح ؟؟

 

[نارنجه]

السلااااااام عليكم

ملزلزة
توتاتوتا
بوبا

تسلموووون كلكم بعد عمري على كلامكم الطيب
بالعكس انتوا الي تشجعوووون يعني بصراحه كنت احس اني الكويتية الوحيدة الي عايشة بدون خدامة :d

قطاعه براون الي عندي ثلاث في واحد لاني حزتها ماحصلت سته في واحد كانت خالصة
وممتازة لتقطيع البصل و الخضرة و تفرم الطماط حق الدقوس وفيها خفاقة و مضرب حق هرس الشوربة

بس اذا حصلتوا سته في واحد مالت الشيف اسامه يكون احسن لانه فيها شفرات حق تقطيع السلطه

اخذتها من سيتي سنتر يمكن بالعشرينات سعرها

الفرن الكهربائي شريته بس مااستفدت منه وايد
الميكروويف احسن منه



انا عندي غسالة ال جي مادري جم كيلو بس وايد زينه تغسل الكفرات و الشراشف و جواتي الرياضة وانتوا بكرامة
اخذتها من الغانم

بخصوص الغلاية اعتقد غلاية الماي :eh_s(7)::eh_s(7): لان قلاية الزيت مشكلة تستهلك وايد زييييت القلاي العادي احسن


/
بوبا موخوش حلم
شنو تفسيرج له
وشنو ناوية ؟؟

 

[توتاتوتا]

هيلو كاتي الغسالة الكبيرة تغسل الديباجات والكفرات بحسب حجمها
بالنسبه للماركات ماعرف جربت فرجدير ماشية معي واذا خربت صلحوها الغانم
أمي غسالتها جنرال من زمان عندها بس ماعتقد موجودة بالسوق

 

[عسل مرت قيمر]

بوبا الله يخبيهم لج ياارب
انا ولدي عمره سنه وسبع شهور وماعندي غيره .. متى تنصحين اييب الثاني؟؟؟



كبم بروك علغساله
حييل حيبل بتحسين بفرق
حدها راحه
اصلن بتقولين انا شلون ماشريتها من زمان



ملزلزه

بعد قلبي والاه حاسه فيج
الحضانه بس تبينها العصر؟؟
انا سامعه فيها
بسأل اكثر واييبلج معلومات عنها
ولا تحاتين ياقلبي ان شاءالله تكون زينه يااارب



توتا الله يخلي عيالج ياارب
انتي عندج توينز صح؟؟
فديتهم الله يحفظهم يااارب



نارنجه

ضحكتيني هههههه
تصدقين انا بعد كنت اقول نفس كلامج حسبالي انا الوحيده بس طلع في وايد سنعات ههه >>> مو جني مدحت عمري


عيون الريم
مفكره تتخلين عن الخدامه
!!

 

[swanyway]

بنات انا الحين ببيت حمولتي وبعدين بطلع ببيت بروحي
وقسمي انا اللي ببتدي انظفه لاني تشجعت ببيتي مااييب خدامة


بس عندي مشكله الحمام اسود مااعرف كيف انظفه ابي طريقة تنظيفه بالتفصييييييييل الممل تراني للاسف طول عمري معتمدة على الخدم ولا عمري نظفت حمام ومتفشلة من نفسي

 

[Hello_kitty]

نارنجه

توتا

مشكوووووورين حبايبي ما قصرتوا جزاكم الله كل خير

 

[*kim*]

ياقلبي في منظفات تساعدج على ازالة الدهون والوصخ بسرعه وبسهوله انا عن نفسي اول ما سكنت شقتي المطبخ كان كله دهن بالطوف فا جبت جف السائل لانه اقوى من البخاخ وحطيت على الطوفه وخليته شوي عقب بمسحه بالاسفنج راح
*

 

[*kim*]

شنو التنظيفات اللي تستخدمونها
انا استخدم ديتول السائل للمطبخ والحمامات اما البخاخ لسراميك اما تمسيح السراميك احط ديتول سائل وشوي كمفورت وشوي معطر ارضيات اخذه من رامز وجف البخاخ لتنظيف المغاسل وشنووو بعد امممم صابون المواعين لولو والملابس ايريل بنات صج الغساله صابونها خاص الاتوماتيك؟لان توني شاريه الغساله موعارفه

 

[عسل مرت قيمر]

اي كيم

تاخذين الصابون الي مرسوم عليع صورة غساله الي بابها جدام
ينكتب عليه حتى ان خاص حق هلغسالات

 

[عسل مرت قيمر]

عليع=عليه

 

[توتاتوتا]

عسل جزاش الله خير عيالي توم ثلاثي





سواني واي الحمام الاسود يبين فيه كل شي بسرعة حتى الغبار وبالنسبه للتنظيف نفس الحمام العادي بس يبيلة تمسيح باستمرار
اذكر موضوع لمارثا ستيوارت بدور لش طريقة الحمام الاسود


كيم بالنسبه لغسالتي وغسالة امي تعبا من فوق نحط لها اي صابون مانرتبط بصابون معين أمي غسالتها من سنين و ماشية بالصابون العادي

 

[توتاتوتا]

بسئلكم عن طريقة غسل اللبس الغامق الكحلي والاسود تبهت معي شالحل

 

[نطوووعه]

بنات ودي اشالكم رياييلكم شنو رايهم بسالفة انكم تسوون كل شي وماكو خدم؟؟ مستانسين؟ والا يبونج زقطه بنقطه وفاضيتلهم في كل زمان وكل مكان و كل حين واواااان؟؟!!! انا احس هالشي يصلح حق اجانب لان رياييلهم عمليين ويقدرون ان المرة تتعب و مايحملونها فوق طاقتها بالعكس يساعدون مو مثل الكويتي قاااط كلشي عالمره و الاجنبي مايطلب من مرته ليالي وخرابيط و لبس و تسنع وتزقرت ولا يتحلطم على حنة اليهال ويبي الاخ ينام الظهر وانتي طحسي وياهم !

انا ودي استغني عن الخدم بس هالساااالفه من ضمن الاشياء اللي مرددتني

 

[نطوووعه]

صج بنات انا عندي غساله ويرلبول اواتوماتك بس ماحسها تطلع الهدوم جنها مكويه وسيدا عالكبت مثل ماتقولون؟ علموني شتقصدون وشالطريقه عشان تصير هدومنا جذي؟

 

[*kim*]

حبيبتي هذا على نوع الغساله في غساله تنشيم 60%وفي 80% وفي 100% على حسب النوع اللي عندج انا توني شاريه تنشيف 100%صج راحه اطلعها حاره بخار

 

[زوجي توأم روحي]

زوجي تؤام روحي مبروووووك الشقه

بنات ابشركم شريت غساله اتوماتيك هههههه بدال ما اضيع وقت على الغساله العاديه وغير التعب بعد

ياحلووووو البيت من غير خدامه والله تو حسيت بشعور ملزلزه قبل كله احاتي عيالي واحسبها الف حساب وغير خزاتها نظراتها اللي مادري شوراها وكله قافله غرفتي الحين الوضع ماشالله حلو واجواء عائليه

الله يبارك فيج يارب

الا بسألكم شنو احسن اوتى بخار ؟؟:bbbiu:

 

[نطوووعه]

Ana 3ndi elli el tansheef qawee ti6la3 nashfa 100 bil emyaa bs elmoshkilaa elhdoom ykishoon shwaya o ma yi9la7 m3a ay hdooom 3ni mo wayd mstfeeda mnha ,welgassala mat6alli3 lhdoom nashwa wayd wayd bs shwyaaa y

 

[Hello_kitty]

مع ان عندي خدامه بس للأمانه احب اتابع تجمعكم واستفيد منكم واتشجع اني اصير مثلكم ماشالله تبارك الله

انه فاقده مشاركات بوبا وملزلزه ووينتر عن هالموضوع عسى ماشر ووينهم؟؟

يا الله بنات نبي حماس وتشجيع عشان نقدر نتقبل فكره ان نعيش بدون خدم للأسف نشأنا في مجتمع وبيئه وجود الخدامه شي
اساسي بالبيت لي درجه لما قلت حق وحده من رفيجاتي تقرى هالموضوع ردت علي باستنكار تقول ما اشوف احد عايش بدون

خدامه من صجج في ناس ما عندهم خدامه؟؟؟؟

 

[Melazlaza]

قوة بنات شلونكم ولهت عليكم