اللي مستغنية عن الخدامة و متحكمة بشغلها برة البيت و داخله اتدش

[PuPa^^SWeeT]

ياربي اتشوقوني على هالحياة





وناااسة

 

[Melazlaza]

قوة بنات
لهيت عنكم والله ولدي كان بالمستشفى كحة وترجيع وصخونة واستمرضت وحالتي كسيفة كحة وحامل كلش تعبت الله ياجرنا

حبايبي والله فقدتوني ماتفقدون غالي وراجعتلكم ان شاءالله بس خل اطييييييب

مس يوووو كلكم

 

[PuPa^^SWeeT]

ملزلزة


سلامات ماتشوفين شر انتي وولدج



فقدتج والله




شلونكم الحين



ياربي هالمنتدى لي غبتي وين نطمن عليج



تختفي العضوة ومحد يدري عنها

 

[Melazlaza]

حياتي بوبا الله يسلمج
وماتفقدين غالي
والله كلش تعبت لاتشوفيني حالتي كسيفة لا جسديا ولا نفسياً

وصج بالمنتدى الي ماعندج ارقامهم او تتواصلون بالواتس اب خلاص تصير فص ملح وذاب لوووول انا مكسورة وتبرد هم تعبانة وهم اطلع امثال دايخه

 

[PuPa^^SWeeT]

ياقلبي



المهم ربي يشافيكم و يكتبلكم العافية انشالله

 

[سوسو حبيبتى]

ملزلزة سلامتك حبيبتي ماتشوفين شر

انا كمان والله من امبارح مريضه صداااع ورجعت مره ومعدتي مو مضبوطه ولله الحمد

توتا الله يخلي لك الوالدة يارب ويشفيها

بوبا لالاااا جدول الضرب مرة واحدة..؟؟ انا فى عرضك هههههههههه

طب نحفظ واحد + اتنين الاول :$

 

[حبوبة الأطفال]

ماشاءالله عليكم وعلى سنعكم

ان شاءالله دووم

انا ضد الخدم

احس شرهم اكثر من خيرهم

وياحظها الوحده اذا طاحت بوحده سنعه ... واحد بالمليون

....

ارفع شعاري

. لا للخــــــــدم ونعم للـــــراحة النفســــٓــــية

 

[سوسو حبيبتى]

حبوبه حياااكي بتجمعنا هلااا وغلا

احكي لنا عن يومياتك ؟؟ وطريقه تنظيفك

شوفوا انا اليوم نسيت اقول لكم

طبخت سمك والله يعين ع الريييييييييحه

وشوربه سي فود يميييي

وسلطه طحينه للسمك بالطماطم . وارز مع اشبنت وربيان ..وصحتين على قلبي لوووول

بعد العفسه بالمطبخ طبعا

حطيت ماى حار على كل الصحون وخلطتي الى تعودنا عليها

فيري للصحون وتايد للملابس .

وخلصت الصحون كلهم والحلل وكل المواعين

وغسلت البوتجاز

والارض حطيت ماى حار مع التايد وديتول .. وفركت الارض بالمكنسه عدل

وتالى حطيت ماى مع كومفورت البمبي .. ومسحت ونشفت الماي

والريحه واووووووووو

بس هلكت

ونظفت الصالون وانا شغاله بقلي السمك عالسريع

ونظفت غرفه سوسو كمان ع السريع

وبس خلاص ***

 

[حبوبة الأطفال]

الله يحييج سوسو

بالنسبة لنظامي في التنظيف

* المطبخ:
- وقت الطبخ : اول بأول أغسل المواعين والادوات الي اخلص منها... لأن اذا خليت المواعين تتكود يحوشني احباط من منظرها.

- وقت تقطيع الخضرا واللحم : احط سماط السفري تحت لوح التقطيع . اسهل واسرع وقت التنظيف.

- الفرن: اغطي العيون مع الغطاء مثل ما اهو آمبين بالصورة لكن ديروبالكم أنكم تغطون فتحات التهويه لانه خطييييير
هالشي يسهل علي وقت تنظيفها وخصوصا تنظيف بقايا الزيت

- الوجبات : اجهز الاشياء الاساسية وكمية تكفي كم يوم او اسبوع مو اكثر فأقطع الخضرا وافرزنه والدجاج او اللحم أتبله قبلها بليلة ... بس ما احب افرزن الاكل بعد ما اطبخه احس نكهته موحلوه

- التنظيف: يوميا انظفه امسح الطاولات والارضية بديتول بعد ما اخمه وما ياخذ مني وقت
اما التنظيف العميق من الارفف والخزانه والفرن والثلاجه مرة بالشهر

وبعدين اكمل يومياتي :eh_s(22):

 

[زوجي توأم روحي]

صباح الورد على أحلى تجمع

ملزلزة ما تشوفين شر انتى وولدج أجر وعافية ان شاء الله

سوسو سلامتك انتى كمان والظاهر انك متفقة معايا لانى انا كمان عملت مربين ( ربيان مع العيش )

سويت بوبا وتوتاتوتا هذى لكم :eh_s(17):

أمس نظفت المطبخ ومسحت الأرضية والطوفة ومسحت الثلاجة ونظفت الغرف وبالليل على ضوء الشموع حطيت اوتى البخار واديلو كوى كوى هههههه

وفى النهاية صرت جذى



ههههههههههههههههههه

ومع هذا سعيدة جدا

 

[سوسو حبيبتى]

زوجي توام روحي هههههههههههههههههههههههه الصورة مووصجججججججججججج


حبوبه الاطفال.. تقريبا طريقتك مع الاواني نفس طريقتي انا لما بكون بطبخ بحاول اغسل فى نفس الوقت

بس حسب الاكله يعني لو تحتاج الطبخه متابعه مااقدر اغسل كل الصحون ..

تغطيه الفرن امممم ماادري مابحب شكله ... وبحس اسهل لى المعه كل يوم بعد ما اخلص طبخ وانا بغسل الصحون


الخضار واللحمه دايما بشتري الخضار المجمد لان مش كل الخضار متوفر ف السوق طازة ..والمتجمد نفس الفايدة

لانهم بيجمدوة ف الموسم بتاعه

اللحمه كمان بشتريها متقسمه فى اطباق حسب استهلاكي ..يعني مثلا كل كيلو فى طبق لحاله

التنظيف العميق صراحه للحين انا مومنظمه

يعني كل مابحس ان المكان محتاج تنظيف بنظفه ..سواء المطبخ او الحمام او البيت كله

ومنتظرين يومياتك ياعسل


بوبا الحل الوحيد اننا كلنا نبعت لبعض ايميلات بعض ع الخاص لوووول

وانا عن نفسي معنديش مانع ابعت لك

وايميلي مع بنات الديوانيه ورقمي مع بوتمبا يعني موصعبه توصلوا لى

ولو تبي رقمي حياكي حبيبتي

 

[سوسو حبيبتى]

ياسنعات عايزين نتكلم عن التوفير شوي

من الاشياء الى بعملها مثلا لو لقيت عرض على شي انا بستهلكه كتير بشتري كميه

مثال : فى رمضان كانوا مسويين عرض على ارز البوابه الهنديه انديان جيت

شريت العبوة الكبيره وعطوني فوقها 10كيلو مجانا ..وللحين بستخدمه ماشاء الله

من يومين روحت اللولو لقيتهم مسويين عرض ع المنظفات ..شريت فيري 6 علب

وبشكل عام مابشتري ايشي غالي الا لو فعلا محتاجه له ..

يعني فى بعض المنظفات اسعارها مبالغ فيها .. وكل الطرق تودي الى روما

ليش الغلبه والتكاليف؟.؟؟ اشتري العادي احسن

وانتظر افكاركم الحلوة

 

[Melazlaza]

انا نفسج سوسو بالتوفير وغير جذي في شغلات ممكن بالبيت تسوينها نثل السبراي اي علبة فاضيه اترسها ديتول وماي واحلى سبراي لووول
وهكذا عالمنظفات

وهم اي عرض اشوف اني استهلكه اييبه واخليه عندي في غرفة خدامة انا محولتها مخزن فيها كبت مرتبته للتخزين

وصج يعطيج العافية وين نصيبي من طبخة السمج؟؟


زوجي توأم روحي تدرين شنووو ضحكت عالصوووورة
ترى بس اول جم شهر جذي بعدين تصيرين مرتبة يومج والتنظيف سهل عليج
بس بذمتج شرايج بالهدوء النفسي لوووووول تحسين ان صج بيتج مو شراكة مع غريبة



بنات تذكرت عالغلاية مالت الماي
الحل الذهبي
ترسيها ماي وملح الليمون وخليها تغلي وشوووووووفي اللمعان زوجي انبهر من اللمعة
وعقب طبعا شطفيها بماي


عسل وينها مختفية؟

 

[سوسو حبيبتى]

ملزلزة حبيبتي كيفك اليوم وكيف ابنك .؟؟؟ ان شاء الله بخير


ولا يهمك اعزمك على سمك مخصوص لعيونك

تعرفي انا مشكلتي ان ماعندي مكان اخزن فيه

اسكتي من يومين كنت بتكلم عن الخدامات قدام رييلي وانى صرت اكرههم وما ابي خدامه كان يضحك ويقول لى سبحان مغير الاحوال ههههههههههه

والله اني كنت هبله ... قريت من يومين كلمه وصصصصج اثرت فيه جدااااااااااا

واحدة كاتبه ( انها لما بتشوف الخدامه مع الراجل ومرته بالمطعم

مابتشوف انها خدامه ولكن بتشوف انها انثي وست قاعدة تشارك المراه فى زوجها

وكانه متجوز اتنين !!!!!!!!!!!!! وان الراجل بيكون بيبص للخادمه على انها ست غلبانه تستحق العطف والحنان

يا الله اثرت فيه بجدددددددددد ..

وتتدرين الليمون انا وايد استخدمه اهوا والخل ..

ملزلزة تري ماراح اسيبك وين طريقتك فى ترتيب وتنظيف المطبخ ؟؟؟

 

[PuPa^^SWeeT]

اييي والله صاااجة

 

[توتاتوتا]

مساء الخير سلامات ملزلزة ماتشوفون شر
يعطيكم العافية سوسو و كيم وزوجي توأم روحي عالشغل

نورتي حبوبة الأطفال

 

[Melazlaza]

توتا الله يسلمج

سوسو ممممم هالكلام جنه انا كاتبته بموضوع من زمان لووووووول يامحاسن الصدف
جد الريال شعوره مختلف عن المرا
وانا كنت احس بأرف لما اطلع مع زوجي والخدامة معاي


ان شالله بحط طريقتي نطري شوي بس اتحسن واحطها لكم

 

[حبوبة الأطفال]

مساء الخير خواتي

تابع ليومياتي

*الملابس:
- الملابس الوسخة: حاطه في غرفتي سلة للملابس الوسخة بس شكلها حلو وماشي مع الغرفة وحجمها وسط
وبعد سله في المطبخ بس حجمها كبير

- الغسيل: طبعا يوميا أغسل الملابس واحطها بالنشافة او انشرها ... وهذا الشي ماياخذ وقت غير نحط الملابس ونحط الصابون وكبسة زر وخلاص ... ووراها اصفط الملابس إلي ماتحتاج كوي ...

.. فيه ملابس اغسلها يودياً فأخصص يوم بالاسبوع اغسلها وانشرها ... واحب اعلق الملابس بالمعلاق مثل(دراعه-دشداشة-تي شيرت..الخ) بالمعلاق ... ما احب الكسرات الي تطلع فيها لو علقتها عادي وبعد اسهل وقت الكوي

- الكوي : أخصص يوم او يومين بالاسبوع اكوي الملابس ... وقت الكوي احط طاولة الكوي قدام التلفزيون عشان مااحس بالملل ... وفيه ملابس اكويها عالسريع بالكواية البخار ...اما الدشاديش فأوديها المصبغة ...

-الترتيب: طريقتي في ترتيب الملابس بالكبت .. ما احب اترس الملابس في رفوف الكبت .. احب احط الملابس بطريقة تسهل علي وعلى زوجي اختيار اللبس من دوووون بعثرتها ..اما الادرج .. ترتيب الملابس جنب بعض ...

 

[حبوبة الأطفال]

مساء الخير سلامات ملزلزة ماتشوفون شر
يعطيكم العافية سوسو و كيم وزوجي توأم روحي عالشغل

نورتي حبوبة الأطفال

مشكوووووورة حبيبتي

 

[سوسو حبيبتى]

حبوبه ماشاء الله سننننننننعه وطريقتك جميله مثلك

لاتحرمينا من جديدك حبيبتي ودايما خليكي معانا .... حياااكي بالمسيره

لوووول حكي واحدة رايحه تحارب


شوفوا انا بعد يوم شاااق كالعادة

طبخت اليوم برياني روبيان وكان فى سمك من امبارح والحمدلله على النعمه

ونظفت المطبخ والصالون

واخدت شاور دااااااااااااااااافي ولبسه جوارب الحين وحاطه فازلين

وايدي ااااه يا ايدي بتشتكي مني ... اليوم خلاص قررت البس جوانتي مال المستشفيات واحط على ايدي زيت زيتون

وبعدها البس الجوانتي التانى مال النظافه ...

وان شاء الله انتظم واتعود

ايدي اتدمرررررررررت