اللي مستغنية عن الخدامة و متحكمة بشغلها برة البيت و داخله اتدش

[PuPa^^SWeeT]

حبووبة عندج افكار روعة

 

[حبوبة الأطفال]

سوسو و pupa

مشكورين عالتشجيع

وانا بعد استفدت منكم ومن تجمعكم

يعطيكم العافية

 

[Melazlaza]

حبوبة ماشالله شغلج مررررررتب نموذج للمرأة المنظمة
الله يعطيج الصحة والعافية


سوسو حبيبتي انا نفسج بس قتلج حاطه كريم عالكومودينو يم راسي فماعندي عذر للترطيب
انصحج بكريم نيفيا العناية الليلية لليدين او كريم باث اند بدي ووركس ياي ريحته خيال للصبح اظل اشمها وتلصق بالفراش


بوبا انتي اجازة نبي يومياتج مع بدء التأقلم بدون خدامة

 

[حبوبة الأطفال]

Melalaza

الله يعافيج حبيبتي ومشكووورة*

 

[Dloool_q8]

توني اطيح على هالموضوع العجيب

انا صارلي 6 سنين متزوجه وما عندي خدامه الحمدلله و مرات اييب خدامه البارت تايم ناااادر طبعن انا ما عندي عيال فللحين مسيطره عالوضع بس من عيد الاضحى وانا طالعه من شقتي القديمه ورحت شقه ثانيه وللحين انا بلوووويه اي ونسيت اقولج اني موظفه

 

[زوجي توأم روحي]

^
^
^
حياج الله دولول بتجمعنا

سوسو وملزلزة عسى دوم هالضحكة

توتاتوتا وبوبا مشتاقتلكم

حبوبة حياج الله بتجمعنا وأفكارج حلوة وانا مثلج أغسل الصحون أول بأول طفارتى لما أشوف المطبخ متروس صحون وصخة

وبانتظار جديدكم

ونسيت أقولكم ان زوجى ما حلتله الحلاقة الا الساعة 1 الصبح :rgewrg:
وطبعا ما قدرت انطر للصبح والحمام معفوس فقمت الساعة 2 ونص غسلت الحمام ورجعت نمت لان وراى دوام

بسألكم شرايكم بالمكنسة اللى تغسل وتنشف السجاد مثل هذى ؟



أحد مجربها ؟:bbbiu:

 

[PuPa^^SWeeT]

ياقلبي يا بنااات علييكم افكار


حاليا قمت اهمش خدامتي شوي شويً


بس لها بالتنظيف و كوي فعلا




الباجي انا

 

[Melazlaza]

زوجي توأم روحي
تعجبني النشيطة قاعدة عشان تغسلين الحمام
مو لازم اتعبين روحج كله بالراحة وقوليله رش ماي بالحمام ولي قعدتي غسلي خفيف
عشان لا يصير عليج ضغط

والله عالمكنسة مادري اذا اهيا الي تكلمت عنعا مرة او لا لاني ماعرف شكلها بس الي تسوي كل شي ب١٣٠٠دينار فمافكرت فيها لي صار عندي بيت افكر ان شاءالله


بوبا زين تسوين قاعدة تتأقلمين شوي شوي وهم لا تنسين بناتج وريلج لازم تبتدين تعودينهم

عسل مرت قيمر عسى المانع خير وينج؟

 

[Melazlaza]

دلول حياج معانا ونبي يومياتج حبيبتي

 

[زوجي توأم روحي]

هلا وغلا ملزلزة

شسوى أحس شئ يقعدنى من النوم ما أحب الحمام معفوس كلش

والمكنسة لا مو هذى اللى ب 1300

هذى بس تغسل سجاد وتنشفه وتقريبا سعرها 300

بس بعرف أحد مجربها ؟

 

[PuPa^^SWeeT]

مادري عن المكنسة



بس سعرها زيين اذا اتغسل الزل



منو جربها



نزلو موضوع عنها شوفو احد يرد

 

[Melazlaza]

زوجي
زين تسوين الشغل لي تراكم يغث
ومادري عنها لان بالشقة فاحس ما احتاجها يبيلها مساحات وانا شقتي على قدي

 

[سوسو حبيبتى]

:ggdw: دلوووووول هلا هلااا وميه غلاااا حياااااتي نورتي تجمعنا

زوجي... والله ماادري عنها انا باخد السجاد كل فتره ع المغسله يغسلوه

وعشان احافظ عليه نظيف بلمعه كل فتره بجيب سطل واحط فيه ماى حار وشويه تايد وداوني

وبعدين بالفرشه مالت السجاد المعه . بتنفع الطريقه وقت الازمات

بوبا كوويس انك تحاولي تاقلمي نفسك وهي معاكي عشان لو قررتي تمشيها ما تتصدميش مرة واحدة

وفكرتيني بمراه اوباما

بتخلي بناتها ينظفوا هما غرفهم ويساعدوا نفسهم .. بتقول ان الوضع ف البيت الابيض مودايم

وتخاف بناتها يتعودوا ع الدلع .لوووول خووش تفكير

ملزلزة يبي لى والله انشر الكريمات بكل مكان بالبيت ..انا مشكلتي انى مرتباهم جزء ف الحمام

وجزء فى ادراج غرفه النوم .

والقهر ان عندي مليوون نووووووووع بس بنساهم دايما

 

[حبوبة الأطفال]

زوجي تؤام روحي

ههههههه

انا نفسج


اذا قمت بنص الليل ... اچيك عصالة او المطبخ اذا عافسه زوجي .. لازم ارتبه عسريع ولا مايجيني نوم

والله اذكر اني كنت حامل والساعه قريب نص الليل ... ما ادري شنو صارلي لاااازم اسوي جرد للمطبخ وانظفه

لدرجة ان خالتي الي اعتبرها مثل امي طقة علي الباب وتسألني شنو قاعده اسوي .. قلتلها لا ما اسوي شي بس قاعده انظف المطبخ >>> كنه شي طبيعي
والله شوي وتكفخني وتقولي صاحية اولا انتي حامل وثانيا اللحين نص الليل فخلي شغلج بكرة ... هزيت راسي ان شاء الله

صكرت الباب وقعدت اشتغل بهدووووء .. ههههههههه

والله لما اتذكر هالسالفة ... امبي حدي انتحاريه

....

بالنسبة للمكنسة ماعندي فكرة

...

حياج الله دلول ... نورتي
*

 

[توتاتوتا]

زوجي توأم روحي انا قارية عنها بمنتدى ثاني وتكلموا عن ماركتين بيسيل و الثانية ناسيتها بدور الموضوع واحط رابطه وانا افكر فيها لان شقتي كبيره و كلها موكيت
بعد جربت منظف بيسيل للسجاد حلو مره ومريح رشي ادعكي ثم اشفطي بالمكنسة

 

[سوسو حبيبتى]

توتا سوال حيوي لووول

انزين ما يحتاج ماى .؟؟ منظف بيسيل وكيف شكله بليز ؟

 

[توتاتوتا]

سوسو بدور صورته ان شاء الله و الموضوع ...................... ياسلام حلو اشبك من اللابتوب من زماان

انتظروني

 

[توتاتوتا]

حبيباتي بسئلكم عن حل للمغسله عندي صغيرة مررره لان مطبخي كان تحضيري و حولته لمطبخ رئيسي

حاطه فيه مشخال لبقايا الاكل علشان ما تنسد مليت ابي حل

و هذي صورة لمطبخي(الصورة اول ما نقلت مابعد رتبته ) 3 متر فيه كل شي فرن ثلاجة فريزر مايكرويف مغسله و دروج للصحون و الاكل

اضفت ثلاجة و فرن غاز و بصراحه مب مرتاحه نهائي الفرن ما حوله رفوف او طاوله اتبهذل وقت الطبخ ماعندي مساحه تنزحم الدنيا عندي بسرعه

 

[توتاتوتا]

سوسو بدون ماي

و شكله يشبه الصورة

انا شاريته من يوريكا جهة الكاشير

و اتوقع تلقينه في اماكن بيع اجهزة التنظيف و السوبرماركات الكبيره

 

[توتاتوتا]

زوجي توأم روحي تذكرت اسم الماركه الثانيه هوفر

هذا موضوع عن مكنسة بيسيل و بالصور

السلام عليكم ورحمة الله وبركاتة

بعد اللف والدوران شريت مكنسة بيسيل تغسل السراميك والفرش والكنب وتجفف وتكنس على الجاف

وهذى صورتها

الموضوع : http://forum.hawaaworld.com/showthread.php?t=2147536


موضوع ثاني : http://forum.hawaaworld.com/showthread.php?t=3203153




هذي هوفر

الموضوع : http://forum.hawaaworld.com/showthread.php?t=2264304

انا افكر بمكنسة من ذا النوع بس الى الان اقرا في النت و لا بعد حددت .. لان يقولون تنظف الغبار من كل الاثاث كنب موكيت ستائر و انتوا تعرفون الغبار عندنا شيسوي فينا

و الله يستر ان شاء الله القاها في الكويت