اللي مستغنية عن الخدامة و متحكمة بشغلها برة البيت و داخله اتدش

[عسل مرت قيمر]

ههههه اشوه عبالي بعد


انا زينه بس تعبانه شوي


دخلت يويو حضانه ههههه


الانقليزيه الي برميثيه يمدحونها واول يوم راح يداوم الاحد

رحت شفتها والله حييل ارتحتلها


وشغل البيت صاير تعب مادري شفيني كل خمول وتعبانه ومافيني شده اتحرك

 

[سوسو حبيبتى]

ولاد عمها بيصحوا الساعه 8 الصبح

بيناموا شوي العصر ساعه يمكن

ويرجعو تاني يناموا 9 بالليل

 

[سوسو حبيبتى]

عسل انا نفس مشكلتك كسسسسسسسل موطبيعي

يمكن الشتاء والبرد

 

[Melazlaza]

لول عسوله شلون مافقدج
سلامتج

وان شالله يستانس يويو عاد قوليلي انطباعاته حبيبي

سوسو عمري انا مؤمنة ان كل طفل شخص مستقل بذاته
مستحييييل طفل يشبه الثاني ولو كانوا توأم

لا تقارنينها باحد ولا تخلين احد يقارنها بطفل ثاني
انا اكره احد يقارن ابني بطفل ثاني وفخورة فيه بكل طباعه

 

[*kim*]

السلام عليكم شلونكم بنات اليوم قمت 7 الصبح حطيت الملابس بالغسيل وخميت الشقه كلها بالمكنسه الكهربائيه وعقب برشت الصاله بكونفورت ومسحت السراميك بديتول وعيالي قعدو 8 سويت ريوقهم وعقب قعدت ماعندي شغل ولما جا وقت الغدا ركبت غداي وتغديت وخلصت ونومت عيالي شوي مع ابوهم يقيلون ساعه ورحت صوت ورجعت قعدتهم ويومي ولله الحمد حلو وخفيف

 

[*kim*]

اي نسيت نظفت رف أبهارات والقهوه وباجر بنظف رف المعلبات

 

[Dloool_q8]

مرحبا اليوم رحت المواساة ما احب الحكومه وعطوني ابره حق السخونه وتكسر الجسم وادويه مع ان يقول ما فيني سخونه بس قتله تروح وترد وداخليه تضرب براسي وعطاني مضاد وادويه حق الكحه والنشله والبلغم

وباجر راجعه حق الكراف وبقوه ان شاء الله

 

[سوسو حبيبتى]

كيييم عاافيه ع الشاطرة

دلوول سلامتك حبيبتي الف سلامه ماتشوفين شر

ملزلزة لووول انا افتخر وكل شي ..وما اقارنها ابداااااا بالعكس لما اقعد قدام الناس اتطلع بنتي السما

وطول ما انا قاعدة معاها اقول لها انتي حلوة انتي قمر انتي نايسسسسسسس

لووول اضحك على رووحي والله .. بس لاني ادري الكلمات دي بتأُثر بشخصيه الطفل

بس من جوايا والله نفسي انها تنام بدري وتاكل كويس

 

[Melazlaza]

كيم يعطيج الف عافية حبيبتي

سوسو عندنا وعندج خير انا ولدي مأزمني بالاكل
يكره الاكل دايما عنده شعور ان الاكل حاجة ثانوية بالحياة ههههههههههه
يعني لعب وبس
لاتشوفيني وقت الاكل مش فاضل الا ابوس ريجلوووو عشان ياااكل
امي تقولي خلاص طنشيه وبياكل
كل ما اطنشه يزيد اصرار على رفض الاكل

قاعدة اطلعله فناتق بالاكل الحمدلله تعجبه بس اكله خفيف اتمنى ياكل زي الاطفال
بدون لا اركض وراه واتوسل اليه

 

[Melazlaza]

دلول صج سلامتج قلبي وارتاحي ان شالله باجر تقعدين مافيج شي

 

[حبوبة الأطفال]

السلام عليكم ورحمة الله وبركاته

شلوووونكم وشخباركم خواتي؟؟

...
دلول ماتشوفين شر :yaaaaaarb: ... وزين رحتي الخاص بدال ماتنطرين دهر بالحكومة

...

سوسو ربي يخليلج بنوتج ...
شنو نوعية اكلها :eh_s(10): ... المشروبات الغازية والسكرية وانواع من الكاكاويات تخلي الطفل هايبر اكتيف
وبعد حاولي انتي تحكمين بنومها .. ان شاء الله يتعدل

...

عسل مرت قيمر

مبروك عالحضانة ... ان شاء الله ماتشوفين الا كل خير منها

وسالفة الكسل والخمول .... هذي ضريبة الشتا ... الله يعين :eh_s(2):

...

Kim
قواج الله .. وان شاء الله ايامج كلها حلوة وخفيفه

 

[*kim*]

تصدقون حتى انا عيالي ماياكلون الا بطاط وعصاير وكاكاو وخخشيت عنهم هالحلويات والبطاط بدرج عشان يتعشون ويتغدوم نفس هالاوادم بس للاسف كل ماجاعو الجأو لهألخرابيط

 

[Dloool_q8]

حياتي الشر ما اييكم

حبوبة الاطفال اانا وريلي دم ضروسنا الحكومه مع ان اختي امس تقولي اقصاها كحه شنو بيعطيج زود الحكومه كله بندول فرق عن الخاص


اليوم قعدت 10 تريقت وكليت ادويتي وحطيت خلطه بشعري وكنت بشغل الغساله بس مادري شفيها خرفت قام تطلع وصخ وبنات اختي نايمين عندي فوحده قعدت والثانيه لا ناطرتها تقعد عشان اخم الشقه كلها وبغسل الحمام مكرم السامع وبصفط الهدوم وبنظف المطبخ

 

[PuPa^^SWeeT]

لااا يا بنات


ترا قبل كنا ناكل هالخرابيط



بس انتي اللي اتحكمين بالوقت والكمية



انا عن نفسي اعطيهم كاكاو و بطاط


شوي عالاقل فيهم فايدة بلا هالحلاو الملون


وعندج الوقت الانسب اربع العصر



بسسسس


حتى الصبح بس كيكة صغيرة بعد الريوق وبس




انا بناتي ضعااف حييل



بس اكلهم اشوفه طبيعي حق عمرهم

 

[Melazlaza]

دلول انا نفسج اكره الحكووووومي يارب يتسنعون


بوبا انا اسوي جذي واعطي دايجستيف بدل الحلاو والخرابيط وما اشتريهم اصلا الناس يعطونه والا انا مادخل بيتي شي مو صحي ابدا
بس نفسج ولدي ضعيف احسه طبيعي بس ودي ياكل من كيفه مو مراكض وراه

صج بوبا انا طرشتلج رد عالبوكس مالج وصلتج والا لا
لايكون دزيتها حق احد ثاني

 

[Melazlaza]

كيم مالج الا انج تقطعينهم من البيت
بيحوسون وينجبرون ياكلون من اكلكم

مو زين لهم الخرابيط كلش

 

[PuPa^^SWeeT]

ماجيكت صبررررر

 

[توتاتوتا]

لاااا كتبت رد شطوله وطار


صباح الخير يا حلوات

بالنسبه للأكل اهم شي تجنبوا البيبسي يسبب هشاشه لاطفال مع الوقت

والمثل يقول: كل طير يشبعه منقاره اذا صحتهم زينه و وزنهم طبيعي كفاية

 

[Melazlaza]

صباح العسل توتا
عادي انا نفسج اكتب وينمسح قهرررر

صح كلامج وهذا مثل امي ههههههههههه
بس قلب الام يخلينا نحاتيهم ونبيهم يتعافون

عن نفسي اي شي غير صحي برا بيتي لدرجة ولدي ماكان يعرف المشروبات الغازية لي عطوه الناس يقول هذا عصير
وطبعاً كثر ماتحاولين تمنعين الناس انهم يعطون خرابيط لعيالج ماراح تقدرين خصوصا كبار السن

 

[Dloool_q8]

بنات شلون تغسلون الحمام مكرم السامع انا الحين مستقره على فلاش والعملاق

قبل كنت مليون منظف وما ارضى بالنتيجه واايد