اللي مستغنية عن الخدامة و متحكمة بشغلها برة البيت و داخله اتدش

[hend6363]

اي وصج اغراض الجمعية منو يشلهم

يا فضيحتي فضييييحة
لهالدرجة ما تقدرين تشيلييين اكياااااس
بصراحة :ggdw:

 

[*kim*]

الله يسلمج حبوبه اولا انا لي 3 سنين ماحملت ما اخذ لا مانع ولاشي
فا تعودت اني كل شهر مو حامل وحتى لو تأخرت علي لا مبالاه الشهر اللي طاف جتني اعراض دوره مع الم اخر الارحام وكنت احسب من الشغل وجتني حراره رحت الهادي سويت تحليل طلعت حامل ورحت الباطنيه قالي لازم اصرف لج مضاد خفيف عشان الحراره والاحتقان وبعدها بيوم نزل مني قطرات دم وعقب بلاوي شي مو طبيعي والم نفس الطلوق ورحت طيبه كلينك قألي الدكتور لازم نسوي سونار الرباعي ب 35 قالت لي ان ج سقطتي بس نتأكد سوي تحليل هرموني وعقبها بالشهر اللي اهو امس تأخرت علي يومين بس تقريبا وهم ماتوفعت جاني نفس الالم والاعرأض ورحت حللت طلعت حامل رجعت البيت نزل علي دم نفس الدوره رجعت مره للمستشفى قالت مافي حمل سقطتي بس طبعا انا ما اسوي تنظيفات بالمستشفى لان اسقط وهو صغير تو اخذ عشبة المدينه حلوه وتنظف واذا خلصت رحت اسوي سونار اشيك واااي احس قرقت وايد ههههههههه

 

[توتاتوتا]

صباح الخير شخباركم

كيم الله يعوضش بس لازم تعرفين سبب التسقيط المتكرر

اذا تبين اعطيش رقم معالجة شعبية شااااطرة ومب مادية لو اكتب لش عنها وشلون كلامها يطابق الدكاتره وعلاجها احسن منهم عبيت صفحاات

 

[زوجي توأم روحي]

صباح الخير يا حلوين
اليوم قعدت الصبح وخذيت تأخير وتريقت انا زوجى على منظر البحر حده وناااسة الجو مو طبيعى
وهذى نقصة لكم






ومشكورين لردودكم على سؤالى

عسل مرت قيمر مبروك الحضانة وفقدناج حيل
ملزلزة انتى فراولة التجمع :eh_s(17):
سوسو حبيبتى انتى لوحدك حكاية لذيذة خالص بسألك هو انتى جوزك مصرى ومتغربة بقطر ؟
سويت بوبا عفيه عليج انج بديتى تستغنين عن الخدامة شوى شوى
كيم ربى يعوضج حبيبتى قريب ولا تتعبين نفسج وايد بشغل البيت الهون ابرك ما يكون
دلول هاربك للحمام عجييييييييب لا تستغنين عنه
توتا توتا لج وحشة واخذى بنصايح البنات بالنسبة لمطبخج
حبوبة الأطفال تعجبينى طلعتى نفسى قلبج حار هههههههههه
درابيل أهلا بكى فى عالم مريح بعيد عن غثا ومصايب الخدم عالم تكونين فيه الملكة الحقيقية ببيتج

بنهاية الأسبوع نظفت المطبخ تنظيف عميق مع الثلاجات والغرف وشفطت الغبار اللى بالدرايش بالمكنسة الكهربائية وخليت الهندى يمسح الدرايش من بره وغسلت الحمامات وسويت دياي مع خضار بالفرن وعيش مشخول وغطيت الغنفات اليديدة اللى شريتهم بشراشف القنفات خذيتهم من الميره ونظفت اللوحات والطاولات وكويت ملابس ريلى وسبحت عيالى وسلامتكم

وبالنهاية تعالوا صفوا يمى نستمتع بالهوا الحلو

 

[توتاتوتا]

زوجي توأم روحي مرحبا ومسهلا وانا جمبش استمتع بالهواء

 

[alhnan]

بنات انا ودي استغني عن الخدامه و انا ام و موظفه بنفس الوقت هل راح اقدر؟؟؟؟؟؟؟؟؟؟؟؟
الصبح مو مشكله يكونون البنات اب مدارسهم
والغسيل و الطبخ مو مشكله
بس لي بغيت اروح ازور وحده مريضه او والده شلوووووون؟؟؟؟؟؟
ولو تعبت وحده فيهم بوديها للطبيب شلوووووووووون اقشهم كلهم معاي؟؟؟

محتاره يا ربي

 

[توتاتوتا]

الحنان الله يعينش و يسهل امورش

بالنسبه للزيارات خذيهم وكنت اتمنى فيه حضانات بالساعات لنفس الاوضاع هذي

وان شاء الله البنات يفيدونش

 

[PuPa^^SWeeT]

الله يعوضج يا كيم



روحي شوفي سبب التسقيط


اسم الله علييج



دلوول لازم اتعلمينهم يرتبون اغراضهم


وهمن علميهم يديرون بالهم على بعض



ملزلزة معظم الرياييل مايحبون الاكل البايت يعني طباخ امس


شالحل وياهم



اعتقد نص الطبخة بالليل والنص الثاني لما امرد احسن حل

 

[Melazlaza]

حبيبتي كيم لازم تراجعين دكتور فاهم يعرف سبب الاجهاضات المتكررة

زوجي توأم
وناااااسة عشت الدوووور معاج عليكم بالف عافية
الجوووو يبيله ريوق بره ونسمات الهوا تدغدغج
وحبيبتي انتي سكر التجمع والله اقرى ردج احس بتفاؤل ماشاءالله عليج

الحنان حبيبتي وين دور الاب؟؟
لي بغيتي تطلعين مشوار مهم يقعد مع بناته بيرفض بدايتا لكن عقب بيحس بموزة بالبيت ودفء وغصب عنه بيقعد معاهم واذا كلش طلعوا كلكم وخل يقطونج عالي بتزورينها نص ساعة ويرجعوولج مافي مشكلة
وهم اهلج واهل زوجج ممكن يساعدونج
ليش انتي تتركين عيالج مع الخدامة بروحهم!
لازم عند احد مسؤول ويهتم فيهم بغيابج وطبعا كل وحدة ادرى بظروفها

توتا تسلمين عالدعوة قلبي

بوبا انا ريلي عنده فوبيا الاكل البايت لووووول
بس في اكلات تضبط عدل معاج
لزانيا مثلا سويها وخليها بالثلاجة الظهر تحطينها بالفرن وااو تطلع خطيرة
والمجابيس تطبخين ماي اللحم او الدياي بالليل الظهر بس تكتين العيش على ماي الايدام ودخلي الديايه او اللحم الفرن يتشقر وبس
والسلطات بنات تقعد يومين بدون صوص طبعاً
وما نستغنى عن الخفايف نص الاسبوع القلاية موجودة بطلي الفريزر واي شي جدامج بالقلاية والذ غدا سريع
ما يمنع اذا تعبتي المطعم يوفي الغرض مع اني ضد المطاعم

الزبدة الريال ياهل عود يقولج مابي جذي وجذي ويتأمر بس خل يشوف شي يعجبه بيتغير فوق حدر

 

[Melazlaza]

بموزة بالبيت=بمودة بالبيت
لووول بدلية سنعة

 

[PuPa^^SWeeT]

ملزلزة



لا ختيييرة بدليتج

 

[Melazlaza]

لوووول بوبا معاي عالخط

 

[Dloool_q8]

مرحبااااا

كيم حياتي الله يعوضج خير يا رب

بوبا مو بناتي بنات اختي مالي خلقهم

انا باجر موعد دورتي فلازم اخلص شغل اللبيت لاني وقت الدوره ما اسوي شي

 

[درابيل]

كيم الله يعوض عليج والحمد لله عالسلامه

بنات امس وديت خدامتي وطبعا خدامه امي طلعت خياسها و قالت انها كانت تطق بنتي الصغيرة ام سنه و نص تخيلو
واصلا انا كنت كارهه هالخدامه وقبل اسبوع صليت استخارة لما صار الجمعه اللي طاف بنتي مسكيينه قاعده تأشر على راسها و تحاول تقوللي ان الخدامه طاقتها

ومن عقب ما وديتها بديت انظف التنظيف اللي بمزاج من اجهزة المطبخ الكهربائية و الثلاجة و الديش ووشر وادراج المطبخ والكبتات
بس اللي ملعوزني بنتي اسم الله عليها ما اقدر اخليها دقيقة بروحها

والله يعيني الاسبوع الجاي لما اداوم وعيالي يداومون

مادري شنو بيكون وضعي مع القعدة الصبح و الريوق و البس بناتي الصغار ولا البس انا
وعقب الدوام من غدا و غسيل يومي لملابس المدرسة و اوتي طبعا غير التدريس و التنظيف و العشا اااااه!!

اتهقون راح اصمد! !!!

 

[PuPa^^SWeeT]

انشالله تصمديين


اذا صمدتي


قوليلي



يعني انا بصمد مثلج عيل

 

[Melazlaza]

درابيل انتي قاعدة تحبطين روحج شهالحجي!!
من اولتها قررتي انج ماتقدرين!
تقدرين اذا عندج دش ووشر وغسالة ملابس اوتوماتك ومكنسة هذيلا يساعدون حيل
وشنوووو خدامتج المجرمة الي تطق بنتج بعد قلبي والله ياعل ايدها الكسر الي ماتخاف ربها
يا امهات ديرووووا بالكم والله الخدم جدامكم بويه ومن وراكم بويه
انا كنت الحمام وانتوا بكرامة مادشه اخاف تسوي بولدي شي علي ما ادش
وصدقت ظنوني وحدة منهم خضت ولدي وعمره اربع اشهر شنووو هالاجرام والحقد الي تارس قلوبهم علينا احنا وعيالنا

حبيبتي دربولة ولا يهمج كلنا هني خواتج
ومتى ماحسيتي بضيقة دشي هني نواسي بعض ونتعاون

ماقلتيلنا جم اعمار عيالج ودوامج من الساعة جم لي جم؟؟

 

[PuPa^^SWeeT]

ملزلزة


بس لاتسولفيين


اتذكرييني بالمجرمة اللي بقعت عين بنتي




واااااااااااااااي


ياعل ايدها الكسر

 

[سوسو حبيبتى]

درابيل هلا وغلا حبيبتي بتجمعنا زين ماسويتي الله يجعله بميزان حسناتك

كل تعب تتعبيه احتسبه عند الله .. وبنتك الصغيره خلي بنتك الكبيره تتدير بالها عليها ..وخليهم ينظفوا معك ويحوسوا معك .

كيم سلامتك الف سلامه الله يعوض عليكي بس ضروري تتاكدي من دكتور شاطر

زوجي توام روحي ياااايي انتى قمر بجد ومشاركاتك ترد الروح

عسي الله مايحرمنا منك ..انا ياستي مصريه وزوجي مومصري .. مااقدر اقول اكتر .. واهله كلهم عايشين بقطر .

لزلوزة ياااغاليه اخبارك واخبار جوز بنتي حبيبي ؟

عااادي خليها على الله وماتفكريش بالولادة ..الله يرزقك ولادة سهله .

بوبا ما فاضلش غيرك تستغني عن خدامتك ياله تشجعي واتوكلي على الله

انا شوي وهااكتب لكم تجربه صاحبتي الى بتشتغل بدون خادمه

لانه حان الوقت انكم تعرفوا تجربتها وتتشجعوا

برب

 

[Melazlaza]

بوبا انتي خايفة ؟
اعترفي

 

[PuPa^^SWeeT]

خايفة من شنو ؟؟؟ ؟




خايفة من اشياء وايد حددي لو سمحتي