اللي مستغنية عن الخدامة و متحكمة بشغلها برة البيت و داخله اتدش

[سوسو حبيبتى]

ملزلزة اقسم بالله انتى نفس حالتي ما اخلي بنتي مع خدامه ابدااااااااااا

ولما كانت عندي خدامه كنت اراقبها واخلي بنتي دايما قدام عيني وهمم ما ارتااح

اقسم بالله اول ما مشيت من عندي .. لقيت سوسو حبيبه قلبي زي الى كانت فى السجن وطلعت ..كانت فرحاانه وتجري بالبيت وتلعب ..يومها اتاكدت مليون بالميه انها كانت تخوفها

ومن اسبوعين تقريبا روحت عند اهل رييلي زيارة طبعا عندهم خدامتين

المهم جات واحدة منهم تمسك بنتي وتلعب معاها .. انا مااقتنع ابدااا بأن الخدم يحبون الاطفال ماادري ليش

بنتي مابتقعد تمشي وتتطلع وتنزل بالبيت والتانيه تلحقها كان تروح صوب الصالونات ..طبعا الخدامه ماتبي شي يتوسخ

والا يتكسر.. كان تخوف بنتي وتقول لها هني فى صرصر وقطط ..سوسو بكيت وصرخت..

اقسم بالله قعدت تلات ايام كل يوم تقول لى يا ماما طنط قالت لى فى صرصار قولي لجدي يضربها طنط دي نوتي .

يعني حتي بالزيارات يااربي ما نرتاح من قرفهم ..

انا مااحب اخلي بنتي لحد ..بس عمته رييلي هي الى قالت لها خدي البنت لعبيها وانا مااقدر اتكلم .

 

[Melazlaza]

بوبا اقصد خايفة من الحياة بدون خدامة


سوسو اي لاحظت بردودج ان نفس بعض انا معاج
والله يا سوسو ماااالهم امان وهذي الي خضت راس ابني كانت جدامي تلمه وتشمه وتقول اي i love him mum
بس قلبي ماكان مرتاح مع ان بحياااااتي ماتركته معاها ولا بدلتلته ولا غسلته ولا عملتله اي شي مجرد اذا طلعت مشوار ضروري تكون معاه فبيت اهلي وامي ماتخليها تغسله بس تشيله جدتمها اذا بجا لان ماما كبيرة ماتقدر تشيله

بس الخدامات هندهم عقدة النقص وشعووور دائم بخب الغش ويشعرون بنشوة اذا غشونا

حسبي الله عليهم

 

[سوسو حبيبتى]

شوفوا تجربه صحبتي

تشتغل من الساعه 6 الصبح ل 3 العصر واحيانا تتاخر اكتر

عندها بنتين توام ... الله لا يوريكم اكتر بنتين شوفتهم فى حياااااااتي بيعيطوا ومدلعين بطريقه موطبيعيه

ومتعبين جدا جدا جداااااااااااا فوق الوصف

كان عندها خدامه اندونيسيه

من اول ما جات الخدامه وبدات المشاكل والحوارات

من اول اسبوع قالت لها مدام انا المكتب ما قال لى انهم توام!!

تاني شي قالت لها مدام انا المكتب قال لى هااخد فلوس اكتر من كدا!!

مدام انا عايزة المرتب بالدولار ههههههههه على بالها مثلا انها فلبنينه؟؟

المهم صاحبتي قالت لها خلاص نروح المكتب.... راحت المكتب قام بهدلوها ومسحوا بيها الارض ورجعت

هنا صاحبتي غلطانه لانها رجعتها كان المفروض تقول ما ابيها بس للاسف كانت اول تجربه لصحبتي وماعندها خبره

كانت دافعه للمكتب 10 الف ريال!!! حسبي الله عليهم

طبعا اول شهر شهرين الخدامه كانت كويسه اول ما سوي لها اقامه .رجعت تاني للمشاكل..

كل يوم مشكله شكل.. وماتبي تشتغل ولا تنظف ... او بمعني اصح تبي تنظف عليى كيفها هي ..وصاحبتي جدااا مرتبه ونظيفه

بطريقه الهووس ...

كل يوم يتخانقوا ويهاوشوا..فى يوم من الايام هربتت وراحت ع السفاره

راحت صاحبتي ورييلها ..اتكلموا مع الى بالسفاره .قالوا له احنا بنعطيها راتبها كامل وماكملت العقد صارلها 6 شهور

المهم قام بالسفاره ضربوها ورجعوها ..

رجعت برضو تسوي مشاكل وتكسر لها اغراض البيت .. وجننتهااااااااا

اخري شي هربت تاني بس المره دي نطيت من البلكونه لانهم كانوا قافلين الباب

طبعا تركت التوام الى عمرهم سنتين ونص وهربت تخيلوا!!! الله ستر ان ابوهم كان معاهم نايم

صاحبتي اول شي سويته بعد مالقيت الخدامه ولغيت اقامتها وسفرتها....قالت انا امهم وهي مو امهم والدنيا ماراح توقف

على حتت خدامه ..وماراح اعتمد على خدامه تاني

المرة دي هربت .. الله اعلم الخدامه التانيه هاتسوي ايه ؟؟ صججج صار عندها عقدة من الخدم

وللحين بدون خدامه .. اول شي هي مغتربه وماعندها اصحاب ولا اهل ... طبعا هي جارتي بنفس الوقت

اول شي انا قعدت بالتوام من الصبح لين هي ترجع من الدوام لمدة اسبوع تقريبا..

وبعدها رييلها ظبط شغله وهو اعمال حره وصار يروح الشغل بعد ماهي ترجع من الدوام ..

جابت امها زيارة لمدة شهرين ..ارتاحت اكتر لما كانت امها موجودة وبناتها اتعودوا شوي على عدم وجود الخدامه

والحين امها سافرت وعااادي الحياه ماشيه وناويه توديهم حضانه بس على بدايه الترم

بنات اقسم بالله انا بحياتي ماشفت اطفال متعبين زي بناتها الله يعينها يارب ..بس صججج هي اخدت قرار

وكل الى حواليها ساعدوها فيه

لازم الاب يشيل المسئوليه ولازم الاهل يساعدوكم على القرار .. ومالكم من التحبيط ..

وان شاء الله تكونوا استفدتوا من قصه صحبتي ..

وانتظروني مع قصه صاحبتي الى عندها 3 اطفال القصص كتيررر ماراح تنتهي

 

[PuPa^^SWeeT]

اخاف منهم

واخاف من القعدة بدونهم


شوفي التناقض


عادي مشي الحال

 

[سوسو حبيبتى]

ملزلزة اصلا انا يوم ماجبت خدامه كنت وااحدة غبيييييييييييييييييييييييييييييه

بس الحمدلله تعلمت الدرس

وامي كانت من اشد المعارضين هي واختي

وانا كنت صج صج غبيييييييييييييييييييييييييييييه

والحين تعلمت الحمدلله

 

[Melazlaza]

بوبا عاااادي شعور طبيعي انا حسيت جذي والله
بس لان تجاربي آلمتني قلت اتعب ريولي ولا اتعب قلبي
شنو هذا طول الوقت مراقبة وما ارتاح بشقتي عيل وين برتاح
عايشة برعب وشغل البيت لوووعة وادفعلها مبلغ كل هذا متحملته عشان بس لا يقولون ماعندج خدامة
وسبحان الله من جربت العيشة بدونهم وانا كل يوم اسأل نفسي شلوووون كنت عايشة مع خدامة!!





سوسو الله يوفقج صديقتج ويهدي بناتها مسكينة والله
بس شوفي التعب النفسي يخليج تتخلين عن كل الراحة الجسدية في سبيل سعادتج نفسيا

عاد انا عكسج الكل معارض فكرة عدم وجود خدامة واولهم ماما بس حاليا معااااي وبشدة وتفوللي ربنا رحمج منهم
وصاروا وااااايد من بنات اهلنا يتركون الخدم من بعد تجربتي
ههههه صرت دافع

 

[درابيل]

بناات ماقصرتو عالتشجيييع رفعتو معنوياتي

وانا من قبل حتى لما يكون عندي خدم تشوفيني كل طلعه عيالي كلهم معاي حتى لو مراجعه مستشفى او جمعيه واشكثر سمعت طنازة و تعليقات من اللي اعرفهم

بس انا طبعي ما اآمن للخدم لو شنو كاانت
لاني مقروصة منهم و متعقدة

وعيالي بصغرهم كله ادخلهم حضانه مع ان الكل يقولون لي حرااام تقطين هالمبلغ على حضانه قطيه على خدامه ثانيه خصصيها لبنتج يعني يصير عندي خدامتين
انا خدامه وحدة ومو طايقتها اشلون احط ثنتين!!!

ملزلزة انا سلمج الله معلمه و على ما اطلع من دوامي واخذ بنتي من الحضانه اوصل البيت الساعه٢
وعيالي اعمارهم ١٠ و ٩ و ٥ و سنه ونص

والله يعييييين

 

[توتاتوتا]

درابيل الحمد لله الي قلعتيها قبل تسوي شي اكبر من الضرب حسبي الله عليها

والله يعينش و ييسر امورش استخيري فوضعش وشتسوين و تشوفين شلون الامور تتيسر للأفضل

 

[Melazlaza]

صج بوبا شفتج تسإلين بموضوع عن جريمة الاندلس
اي صج وفي ناس كانوا مارين صوب الاندلس حزتها يقولون دوريات واسعاف ولوووويه
وعقب جم يوم كتبوا ان الهندي ذبحهم من اربع ايام ومسافر تخيلي
وقالوا بنييبه بالانتربول
اقص ايدي يلقونه
هناك يغيرون جوازاتهم ويرد يدش الكويت ويشتغل عادي

 

[Melazlaza]

دربوولة ولا تضايقين عمرج
والناس مالهم الا الحجي خل ايحطون روحهم مكانج ويبلعون لسانهم
وانتي صح عفية عليج هذا السنع والله

الله يعينج عالتدريس لووووول بنقلبها تجمع المدرسات
مع اني بالمدرسة كل الابلات كانوا ينتقدوني اني ماعندي خدامة وقاطين عيالهم عالخدم لا وفي منهم يدرون انها تطق العيال وعادي عندهم


شوفي الكبار ماشالله اعمارهم روووعة علميهم يساعدونج ولهم مكافآت وانصحج مشي معاش للي يساعدج والي يتقاعس خصمي منه وعقب شهر اخذيهم ينقون الي خاطرهم فيه ومافي مانع زيديهم من عندج خل يتشجعون
الصغير عوديه يقط بالزبالة كل شي ولا تحاتين بيتعودون الطفل غرااامه يساعد بشغل البيت بس احنا مانشجعهم ومانبيهم يجيسون شي

الطباخ قتلج والله كل شي سهالة
لا وبعد في اطباق مثلجة بالجمعيات اخذي وسخني وهم فيه دايت كير مجابيس برياني وكل شي للازمات

شوفي انا اعطيج من خبرتي الخاصة بس ابدا مو شرط كلامي صح انتي شوفي الي يريحج سويه

 

[درابيل]

بعد عمري ملزلزة ما قصرتي
انا الطباخ مو مشكله عندي بالعكس استمتع فيه

امبييه قاعده اتخيل عيالي امشيلهم معاشات واخصم منهم بعد لوووول اخاف يمعوده يصيرون ماديين وما يمشون الا بالفلس
بحاول اشجعهم باشياء يحبونها طلعات سينما او حتى العاب

والحمد لله بطبق التسبيح و الحمد و التكبير قبل النوم وان شاء الله سهاله

اقول بوبا خربيها وجربي هالحياه بدون خدامه ترا اكشن وناسه لوووول

 

[توتاتوتا]

ملزلزة وشي جريمة الاندلس !!؟؟ طلعت من الموضوع !!!؟؟؟ و بالمره بسئلكم سمعتوا بالاثيوبيه الساحره الي هددت عمتها و لما سفروها احترق بيتها !!!؟ السوالف ذي صدق!!؟؟


نرجع لموضوعنا انا كنت ادور فالنت و اليوتيوب عن تنظيم الوقت و السيطرة على السترس لان فلبينيه سوت لي مساج قالت جسمي كله سترس

بالصدفة لقيت موضوع في كويتيات نفس تجمعنا هذا و ماشاء الله كثير منهم يشتغلون اقروا الموضوع و ان شاء الله تستفيدون و اذا بوبا تسوي لهم دعوة يشاركونا في موضوعنا

http://www.q8yat.com/t587045.html

و لقيت يوتيوب من برنامج صباح الخير امريكا عن الامهات في الكونغرس و عيالهم معهم اتوقع في حضانات في الكونغرس

ياليت الامهات العاملات يطلبون حضانات في اماكن عملهم و في الكليات او يسونه مشروع بينهم و بين بعض .. في كليتي كان فيه حضانه للموظفات و الطالبات و مبلغ رمزي اعتقد كان 500 ريال = 40 دينار و بتجهيزات حلوه و بسيطه و لو تنتشر الفكره بكل مكان يكون مفيد للطرفين و استثمار حلو و انا ودي بحضانه بالساعات بس تراقب الطفل و فيها العاب تسليه







و لي عوده لو لقيت شي مفيد

 

[سوسو حبيبتى]

توتا لووول كل الى يسوون مساج يقولون لك عندي استريس ..حكي فااضي

درابيل شوفي حبيبتي اولادك اعمارهم ماشاء الله ممتازة عوديهم انتى يشيلون ويحطون معاكي

والله يابنات فى مصر من عمر 9 سنين يعلمون البنت والولد كل شي

المسح والكنس والتنظيف وكل شيييييييييي

وكل بلاد العالم ماعندهم خدم

على سالفه صاحبتي الى حكيت عنها سوري نسيت اقول اهم شي بالقصه

صراحه صاحبتي ضربت الخدامه مرتين وكانت دايما تعصب عليها ..طبعا دة حرااااااااام بس صجج هي كانت مستفزة

ويمكن دة من اهم الاسباب الى خليت الخدامه تهرب ..

 

[توتاتوتا]

ام وليد ربة بيت فلة 3 ادوار و استغنت عن الخدم

http://lifewithoutmaid.com/?tag=%d8%a8%d8%af%d9%88%d9%86-%d8%ae%d8%a7%d8%af%d9%85%d8%a9


اسمحوا لي بنات اضيف الروابط ان شاء الله تفيدكم و لا تثقل عليكم

 

[توتاتوتا]

اقتباس من موضوع نفس موضوعنا

التنظيم النفسي :

رددي معي : انا اعتقد بأني استطيع ان ارربي اطفال وادير بيتي واسعد زوجي في آن
والخادمه فكرة لا احبها كونها شخص غريب لاينتمي لاسرتي
يمكنني التعاقد مع شركات التنظيف كل 3 اشهر او 6 للتنظيف العميق جدا ( لن يكلف الكثير )

قد احتاج لمن يرعى اطفال في مواقف نادرة كوني لا اعمل واذا كنت اعمل قد تساعدني امي او اختي او جارة اعرفها جيدا جدا وتخاف الله مقابل مبلغ بسيط او حضانه لعربياات مسلمات ولكن المهم ان لا اخسر تربية الابناء واخلاقهم
قد اخسر زوجي بسبب الفراغ
فلا هو يهتم بمزروعات البيت
ولا رمي المهملات في القمامه
ولا باللعب مع صغاره
وغالبا ما يكون مع رفاقه في الكوفي والاسواق يشاهد نساء ويخالط اجواء قد تسبب دمار للسعادة
( طبعا هذا حسب طبيعة حياة زوج كل وحده )
تكمن الفكرة في القناعة الذاتيه لكل واحده والهدف المنشود لتحقيق السعادة والراحه بالطريقة التي تحبها
التسبيح عند اخذ المضجع كما في الحديث الشريف



التنظيم العملي :

اولا انتي بحاجة لمبلغ تقريبا (5000-10000) مايقارب قيمة كفالة الخادمة لتوفير احتياجاتك للمهمه

وفري الاتي :
اولا الادوات المنزلية :
- الغساله الاوتواماتيكية ( عندي افترون لكن انصح بال جي 15 كيلو من الاعلى )
- غسالة الصحون ( لدي سيمنز وهي بسيطة وممتازة )
- نشاف حراري ن عندي ال جي ممتازة في نظري
- مكنسة كهربائيه مزدوجه التنظيف ( للماء والجاف ) يعني تنظف كل الوسخ
في الفترة الاخيرة اشتريت رينبو وهي ممتازة
- مكواة بخارية قوية ، عندي تيفال وممتازة عليها امان للاطفال
- اخرى : مثلا الممسحة الي تعصر نفسها
يعني اي شي يسهل المهمه
...........................................
ثانيا احتياجات للاطفال
- كرسي الطعام مع وضعيات للظهر لراحة الطفل لو كنتي تطبخين وهوه قريب منج يلعب وينام
- شبك اللعب حتى يلعب الطفل في محيطة فلا يوسخ البيت وانتي ترتبين وطفلك امام ناظريك يلعب بأمان
- التلفاز وقناة براعم لوقت محدد في الفترة الصباحيه او وقت اخر حسب حاجتك
- اخرى : الحاجة ام الاختراع اي شي قد يساعدك لبناء عشك وتربية ابناءك

ملاحظة وافكار:
يجب التخلص الدوري من كل اشياء لا اهميه لها
او قديمة او ...... الخ
استغلي الافكار التخزينيه وكوني زبونة دائمة لايكيا او دايسو مثلا واستمتعي بالجديد للتخزين
الفجر وماادراك ما بركة الفجر فأستغليه ثم عودي للنوم
عيشي ببساطة ورقي وتنظيم وبدون تعب
اي جهد اضافي وتعب يعني تمارين رياضية >>> حتى في الجيم تعب وارهاق

و هذا الموضوع :: http://forum.uaewomen.net/showthread.php?t=703299

<< شابكه من اللابتوب الله يعينكم

 

[Dloool_q8]

شلونكم؟

اانا يايتني حالة الكسل بس خل اقولكم ليش لان ريلي للحين ما ركب البرادي وفي لوحه نسى يركبها وليتات حق مكاني الخاص مال التمكيج فقلت خل اخفف شغل لمن يحس شوي

وغسالتي اختربت الحمدلله لوووول وعندي شكثر غسيل عندي

بدعت حدي صح

 

[توتاتوتا]

دلول اعتبريها اجازه

 

[Dloool_q8]

توتاتوتا انا جذي جذي اجازه لان باجر موعد دورتي

 

[سوسو حبيبتى]

توتا جزاكي الله خير على اضافتك الجميله

 

[حبوبة الأطفال]

الله يسلمج حبوبه اولا انا لي 3 سنين ماحملت ما اخذ لا مانع ولاشي
فا تعودت اني كل شهر مو حامل وحتى لو تأخرت علي لا مبالاه الشهر اللي طاف جتني اعراض دوره مع الم اخر الارحام وكنت احسب من الشغل وجتني حراره رحت الهادي سويت تحليل طلعت حامل ورحت الباطنيه قالي لازم اصرف لج مضاد خفيف عشان الحراره والاحتقان وبعدها بيوم نزل مني قطرات دم وعقب بلاوي شي مو طبيعي والم نفس الطلوق ورحت طيبه كلينك قألي الدكتور لازم نسوي سونار الرباعي ب 35 قالت لي ان ج سقطتي بس نتأكد سوي تحليل هرموني وعقبها بالشهر اللي اهو امس تأخرت علي يومين بس تقريبا وهم ماتوفعت جاني نفس الالم والاعرأض ورحت حللت طلعت حامل رجعت البيت نزل علي دم نفس الدوره رجعت مره للمستشفى قالت مافي حمل سقطتي بس طبعا انا ما اسوي تنظيفات بالمستشفى لان اسقط وهو صغير تو اخذ عشبة المدينه حلوه وتنظف واذا خلصت رحت اسوي سونار اشيك واااي احس قرقت وايد ههههههههه

ربي يعوضج قلبو

بس شلون يصرفلج مضاد موزين حتى لو كان خفيف

لكن بنصحج بدكتور ناهض حمادية بمستشفى المواساة ممتاز وشكثر الناس. تمدحه
خصوصا حق الي عندها صعوبه في الحمل

وان شاءالله تحملين بتوم بنت ولد :yaaaaaarb:

انا بإذن الله لا رديت الكويت راح اروحله

....

درابيل

ربي يخليلج عيالج .. ما شاء الله عمرهم مناسب .. بس عطيهم حافز :klhfl: ووقت يوسخون المكان ومايسمعون كلامج احرميهم من الشغلات الي يحبونها >>> شفته ببرنامج سوبر ناني

وربي يوفقج ويسهل امورج

...

توتا
يعطيج العافية عالمواضيع الروووعه .. ماقصرتي :rerrerek:

...

سوسو حبيبتي

صح كلامج .. اغلب دول العالم تعود اعيالها على الاعتماد على النفس والتعاون في البيت

وانا متفاءلة ان ديرتنا راح تكون منهم مدام هالتجمع الحلو موجود :33_1185028183:

...

دلول

هو لازم يمر عالانسان فترة كسل شي طبيعي قلبو ...

والله يعينج عالغسيل:cxxxp:.. ياشين الغساله لااختربت قضية على ماتتصلح .. وان شاءالله يتصلح بأسرع وقت

...

ملزلزة

امبي سالفة الي تدري ان خدامتها تطق عيالها وساكته .. ماني قادرة ارقعلها
مولدرجه هذي .. واااي شي يقهرر:eh_s(14):
ربي يستر على عيالنا ... والله مافي مثل الام