زوجي توأم روحي
New member
شلونكم حبيباتى كلكلم ولهت عليكم
يالله قوموا فتحوا الدرايش وخلوا البيت يتهوا
وتفضلوا شربوا معاى قهوة
وحياكم عندى
وخلونا نتناقش بموضوع
هل فى مره حسيتى انج فقدتى السيطرة على وضع البيت وبدت الأمور تفلت من ايدج والشغل اتكود ؟
ببدى بروحى أول شئ
نعم حسيت بهالإحساس وايد
الصراحة كنت أروح الحمام أبجى من الضغط
وبعدها أغسل ويهى واتعوذ من ابليس
وطبعا أبدى بالمطبخ
واحاول كثر ما أقدر انى انظف بسرعة وبدون مبالغة بالتنظيف لان التنظيف العميق الصراحة يكون وقت نوم عيالى ولانى من أشوف المطبخ معفوس اتحوشنى كآبة فظيعة
بعدها ألم كل الهدوم اللى قطوها عيالى بسلة ( وفرز الملابس يكون بعدين )
الغدا أو العشا وجبة سريعة التحضير مثلا الغدا اسوى كفتة بالصلصة لانى بس أقليها وأسوى الصلصة بسرعة وأخلى الكفتة تستوى براحتها داخل الصلصة
واذا عشا همبورجر بالفرن وأجبان
بعدها أشغل المكنسة الكهربائية وأكنس عالسريع
طبعا انا نهائيا ما عندى مشكلة بشغل البيت
مشكلتى العريصة ريلى وعيالى
ريلى لما يكون موجود يتضايق لما يشوفنى أشتغل باختصار يبينى أجابله وهذا نوع من أنواع التعطيل:bbbiu:
عيالى عاد حدث ولا حرج
أعمارهم 6 و 4 و2
بنتى الكبيرة نوعا ما عقلت
لكن البنت الثانية والولد الصغير مأسااااااااااة:eh_s(2):
بنتى الوسطانية عندها هواية التكسير والتخريب :eh_s(11):
اما ولدى فجدا عنيف ويطق ويعض والمأساة انه يبى شيل واذا تركته يمشى معناته لازم أضل أركض وراه لانه صغير وأخاف يعور روحه أولا
ثانيا لانه راح يكسر أغراض البيت
وفى النهاية يصير شكلى جذى
يعنى وضع البيت والطبخ والتنظيف عندى أقل من عادى
بس أحس عيالى وريلى اهما اللى مقيدينى :eh_s(4):
والحين المايك لكم :ggdw:
التعديل الأخير:
