اللي مستغنية عن الخدامة و متحكمة بشغلها برة البيت و داخله اتدش

[noonaa-thn]

صباح الخير
ادعولي الله يقويني واستغنى عن الخدامه
صراحه طول الليل ما نمت بسبت هالفكره
عندي يهال صغار اعمارهم سنه و9 شهور والثانيه 9 شهور
والله والله اني كل شي انا اسويه لهم ااكلهم ابدلهم اقعد معاهم
بس اذا بطلع مشوار صغير اخليها تقعد معاهم
لاكن ارد البيت القاهم بجي وصراخ تسوي روحها ما تعرف لليهال مع انها كبيره وعندها عيال
والله انها ما تطبخ ولا معطتها شغل اكثر من طاقتها شقتي صغيره وبس عليها المواعين والملابس وتنضيف البيت مره وحده باليوم
لا واخليها تكلم عيالها كل اسبوع تطمن عليهم ولا يبين بعنها
يعني اذا بطلعتي مو مستفيده منها ياربي شفابدتها بس عشان ااهدوم والمواعين
ادعوووووليي

 

[PuPa^^SWeeT]

^^^^



الله يعييينج



احنا مكلفين ترا بعيالنا و رياييلنا قبل نظافة البيت



الله يعييينا


نفس حالتي

بناتي شوي مختلفين مع اليدييدة حييل مايبونها



فصااااير عااد كل شي عليي


بس اهي اترتبلي البيت و تطبخ

انا ماراح اطبخ الا بعلم و بس

 

[Melazlaza]

و هيااااااا
فوق فوق بوبا تستاهل

 

[PuPa^^SWeeT]

لزلوووووز



ولكم باااك بالصدييييقة




يسلموووووووووووووو

 

[MOOON&M]

السلام عليكم

يعطيج الف عافيه صاحبة الموضوع


صارلي فتره اقرا الموضوع وحيييل حييييل استفدت منه


انا صارلي تقريبا شهرين بدون خدامه والحمدلله مرتاحه نفسيا


وعندي بنت وحده عمرها سنه ومدخلتها حضانه يم دوامي


نظامي اجيب خدم بارت تايم مره بالاسبوع وشقتي صغيره ما اتعب


واطبخ واعتمد على صحون السفري اكثر شي والغساله اتوماتك وغساله الصحون ودي فيها بس ما عندي مكان لها


الي يتعب الصراحه الماجله وسلندر الغاز وانا بالدور الثالث وماكو اصنصير


وعايشه ببيت حموله بس كأني بايجار


طالبه خدامه وان شالله اذا وصلت بخليها مثل نظام البارت تايم تنظف وتطلع من شقتي تقعد بره او ننزل تحت

والصراحه من قريت الموضوع ما حنيت عالخدامه

بس حزة الزوارات تاذيني بنتي ما اعرف اقعد نفس الحريم كلا لازقه فيني

 

[قماشه]

خوش سالفه سالفت المرق والله تضحك
بنات حبايبي انا معاكم وماكلتها غصبن علي

وااااااي الله ستر عليج منهم نصهم مينن هذيلا
وترى مو بس انتي الكل جذي بس الفرق انتي دقيقة وتحبين بيتج وعيالج غيرج عادي طاف المهم في خدامة


انا العن منج لووووووول 13وحدة ذوقوني المر
كثر ما كانت نيتي صااااافية معاهم كثر ما كرهوني حتى بالزواج والبيت والمسؤولية

وحدة معاها سحر وحرقت بدلتي مالت العيد بمبلغ مو هين اخ يقلبي

وحدة خضت راس ولدي عمره اربع شهور وانا واقفة وراها ماتدري

وحدة تخش السمج بالكبت مالها اربع ايام عشان قتلها الزايد قطيه وانا اول باول اعطيج وكانت تبيه فخشته من وراي بكبت هدوما كل هالمدةوتاكل منه

وحدة تقوللي بطلع معاكم انتي وريلج لاني متمللة

وحدة تبي تطلع مع ريلها يوم كامل رضيت ويبتلها تليفون تكلمه لانها قالت مابي اشتري انتي اشتريلي
ثاني يوم ماتبي تشتغل ليش ان يومها ماطبخت وقتلها سويلج غدا عيش حقج ونسيت اقولها سويلج مرق قالتلي شنو هذا بيت مافي مرق؟؟؟بروح المكتب




مممم بوبا في بعد قصص بس بيخلص موضوعج وانا ما خلصت لووول

المهم ربي فكني منهم
وانتي ماشالله فاهمة وواعية وبيتج مملكتج لا تخلين احد يشاركج فيها

 

[قماشه]

يبت وحده تساعدني وغلطت قلتلها بس ساعه لما يات اطلعت بااارده بس يادوب اتغسلها ماعونين واقول بروح
لا واخر شي تبي ضعف الراتب قلتلها تدلين الباب وين

وتحنننننن
ولقوه
انتي قولي ساعه بس
والله ما اقصر معاها بس شسوي وشقه عنوووونا
اقولها سوي غرفت بنتي تقول شنو كله عفس كبت شنو ما يقدر انا سوي
واتجعمس الهدوم من غير تصفط وتصك باب الكبت
واهيا طالعه تاخذ لها ما لذ وطاب عليها بالعافيه
بس تعبت نفسيتي من الحنه

لو اكتب لكم عن تاريخي مع الخدم والله تهونون
ومرات والله ودي اييبلي وحده بس شسوي

الطباخ مع اني ما اكل من خدن بس ما احب المطبخ كلللللش
اكرف البيت كله بس المطبخ وطباخ ما اطيقهم كلش

 

[حلمي الأمومة]

أنا ماعندي خدامة كارهتهم رغم أني مرات اكون تعبااااااااانه وأبي احد يخدمني

ومع الدوام اخ تعب ماتلحقين ع شغل البيت ولا تريحين وتشوفين نفسج شوي

بس الحمدلله أنا اهم شي عندي ارتااح نفسيا وافتك من المحاتاه وانا اساسا ماعندي عيال يعني كلششش ماعندها شغل كله قاعده

بيتي كل يوم أنظف شغله وما يخلص الاسبوع الا أنا منظفه كل شي وارد ابتدي من جديد

واذا عندي اعمال شاقه مثل تنظيف الدرايش ولا ودي امسح اللمبات وفتحات السنترال وأمسح الطووف( الجدران ) من الغبار أدق ع خدامات نص دوام


بنات ودي ع غساله اوتاماتيك وغساله الصحون تنصحوني فيهم !!

ابي وحدة مثل حالتي شلون ع طبخ الغدا تطبخ بالليل ولا اذا ردت من الدوام !!

 

[قماشه]

اكتشاف خطير للجمعيات انا اقولكم
اذا بتروحين الجمعيه حطي بدبت السياره جنطه السحب مالت السفر عرفتوها الخفيفه اللي تشيلين فيها مشترياتج
انا مخليتها بالسياره بس اوصل بالعربانه عند السياره احط الاغراض فيها وانزلهم عادي البيت وتمشي بعجلات
اول كانت ايدي تنقطع من الجياس
بس مريحه واذا شفت صوره لها بالنت بحطها
يبيعونها الاسواق الشعبيه اب 5 يمكن والله تنفع

 

[قماشه]

هذي اللي اكلمكم عنها

عربانه تشيل اغراض التسوق - Google Search

 

[قماشه]

وي امبيه ما اطلعت الصوره

شوفو هذا بتطلعلكم صغيره بس كبروها
http://image.made-in-china.com/3f2j00ZjtQlSuKYYqf/[بورتبل]-تسوق-حامل-متحرّك-([إلد-ب5016]).jpg

 

[قماشه]

وي مافي احد عزلتوووو
بعد ما ييت
شجعوني لزيزه
انا ما شدني الا تشجيعج

 

[nadra]

انزين سوال للي ماعنهم خدم ؟ هل شغل البيت يساعدج انج تحافظين على رشاقتج ؟ شجعونا

 

[قماشه]

شغل البيت يهد الحيل اشلون ما تحافظ علي رشاقتها
اصلا يصير الاكل عندج اخر شي تفكرين فيه
مادري كل وحده غير عن الثانيه
انا اذا عندي شغل اخلصه بعدين اكل ولا ما اتهنا بلقمتي
ومرات نادر تشوفيني لا انظف ولا اكل من ضيقت الخلق
بس لما تنظفين البيت وبيدج تحسين شي كبيرسويتيه وانجاز وناسه

 

[PuPa^^SWeeT]

اي يساعد تراا



انج اتحافظين على جسمج


وترا ينزل وزنج


انا بشهر نزل 5 كيلوات





بس يت الهندية ردو 4



لووووووووووول

 

[الكويت حياتي]

الله يقويكم حبايبي ويساعدكم انه اضربت عند الخدم الله لا يردهم دوروا مواضيعي مع الخدم اقروها والله الحياه اريح واحلا وارتب وانظف والاهم البس علا كيفي نوعي احب بزياده لبس البيت وكنت منحرمه منه بسبه الخدامه واذا حطيت مثلا مكياج خفيف تقولي ماما طالعه لقااااافه ههههه بطلت احط من عيونها مراقبتي بكل شي

الاخت نونا حدج كسرتي خاطري نفسي كانو اعيالي اصغار استقلت من الدوام وجابلتم بنفسي لما اكبروا الحين صار الصغير ٣ والكبيره ٤ حطيلج صحون بلاستك او غساله صحون واجهزه اكترونيه كل الاجهزه عندج لازم والطباخ مايبيله اي شي ماراح تموتون يوع والتنظيف مكنسه يوميا انه لان يهال ومساح كل يومين ونشافتي تكوي الملابس ماكو شي

 

[قماشه]

قواج الله كويت حياتي
وقواكم كلكم
سبحان الله المره ما ترتاح الا في بيتها
وما ردها لبيتها
لو تقولج مستانسهه بشغلي بس هم تستانس اكثر في بيتها
والخدم بلوا عالقلب

 

[فـراوله]

رفع





رفع

 

[فـراوله]

رفع







رفع

 

[فـراوله]

بنات أبي خدامه تساعدني بتنظيف الطوف خلصنا من غبار الصيف وأبي أنظفهم

أنا أخاف أجيب للي نص دوام واهم 4 ساعات بس وتقعد تستعبط وما تنظف الطوف

كلهااا


وأبي شركة تغسل لي السجاد ما أعرف من وين بليز فيدوني هالشغلتين أبيهم ضروري

​