اللي مستغنية عن الخدامة و متحكمة بشغلها برة البيت و داخله اتدش

[بنك بااستا]

احسن احلى تجمع

 

[سماء الاحساء]

موضوع يستحق النقاش رفع لعيونك

 

[انشودة المطر]

وااااااااااااااااااااااااااااااااااااااع ببجي توها لها يومين راحت وانا اكرف كررررررررررررررررررف تعبت من عيالي انا اكبرهم 11 واصغرهم سننتين ونص وربي هلكت عندي بنات برابع وخامس بس رحمتهم عليهم امتحانات واحس عيالي تعبوني بالاكل كله جوعانين لاعت جبدي شغلي كله بالمطبخ بس فرصه لصلاه وارد للمطبخ بسرعه وعيالي دمروا البيت ماينظف دقيقه وكله صراخ جني مو صاحيه وااااي شسوي شنو الحل انا نويت بس غدا اسوي والعشا مطاعم عيالي ماشالله لا واحد ولا 4

 

[قلب زوجي وولدي]

الله يعينا صج راحه نفسيه بدونهم لكن تعب جسدي

وأنا بس مصيبتي عيالي أحاتيهم وين أخليهم اذا رحت الدوام أو اي مكان
وأخذهم معاي لانه مادري وين أحطهم


أبي خدامه تاخذ دينار بالساعه بس وين أحصلها مادري كلهم غالين


وما تعرفون البيبي ستر بجم ؟

 

[قلب زوجي وولدي]

خدامه رابي 97684484

خدامه راني 97506929

خدامه كوماري 65913721

خدامه ليسا 55957236

خدامه لجمي 66515065 بالشهر 110 دينار


هذيلا اللي عندي
​

 

[PuPa^^SWeeT]

ياحلوه التجمع


للحين في له جمهوووور

 

[Lady Arwa]

خوش تجمع ..

انا موظفه وما عندي خدامه وعندي بنت عمرها 7 شهور .. كنت مفكره بالخدامه بس جني هونت استفدت وايد من التجمع ..,

بييب غساله مواعين لانه انا مشكلتي المواعين اكره غسيل المواعين والاوتي .. والاوتي يبيله مصبغه وهم غساله الاتوماتيك ..

ان شاء الله ع هالشهر بييبهم ..,

 

[درابيل]

ياحلوكم وياحلو هالموضوع
كان يرفع معنوياتي في الثمان شهور اللي قضيتها بدون خدامة
وهالمدة اولها حمااس بس بالنهايه تعبت واستسلمت
وطلبت خدامة كاهي عاله قلبي وملوعه جبدي صار لها جم شهر عندي
واليوم قررت ارد المكتب
ودشيت ادور هالموضوع العزيز على قلبي عشان اتحمس
الله يوفقكم ويعينكم ويآجركم
شكلي بنضم لكم مرة ثانيه

 

[يآكثر آحبك.~]

الموووضووع هذا مشششيب راسي الله يعين

مع اني بشقه صغيرونه وعندي بنت وكانت هذي شرووطها عشتوو ومعاشها ماتستاهله


ع احر من الجممرر لنطر اليووم الي اووديها المكتب مالت عليييهم

 

[ناسفه البرقع]

شوفي انا فتره كنت مستغيه عنهم مو عشان خايفه او شي جذي لا بس كنت احس انهم وايد دار مداري طول الوقت وانا طبعي استحي وقلبي يعورني عليهم


وبعدين هالفتره كنت مضغوطه وبس اعصب واصرخ فـ بعد مايصير انا اتعامل معاهم هالتعامل اهما يشتغلون عندي مو ملك حقي لازم يكون بينا احترام متبادل فمشيتهم خفت الله فيهم


بسسسسسسسسسسسسسسس الله وكيلج ينيت صرت مينووونه

من افج عيني من النوم تنظيف مساح غسيل كوووي طبااخ وااااااااااااااااااي وااااااااااااااي

وجو الكويت بعد ما يساعد لازم لازم كل يوم تمسحين كل شي اذا كشتي يوم شوفي الغبار

واحنى بعد يتشرطوووووون كل واحد يبي شي واكله معينه

ومحد يساااعد

انتي مشيتيهم انتي تحملي :eh_s(11):

اقولج اي كنت متحكمه بشغلي داخل البيت :eh_s(9):بس برا البيت انا ماشفت برا البيت اصلن :eh_s(11):

ما كنت اطلع نسيت الزواره نسيت التسيورات نسيت المجمعات نسيت كل شييي انقطعت عن العالم 6 شهور لاني ما الحق اقولج من افج عيني انظف ليمه ادش الفراش اسوي جياس المخاد على الفراش وانام

انهد حيليييييييييييي تعبت تعبت تعبت اهملت نفسي بشكل مو طبيعي

انا اقول الخدم شر لا بد منه

ومو مني والطريج اهما يتعقدون وفسياتهم تتعب اكو ناس تعاملهم جنهم عبيد حقهم ما جنها اهيا هاذي شغلتها @@

يعني كلنا مو ظفات ونحب المسئول عنا يكون يحترمنا ويقدرنا

واهما موظفات عندنا لازم نعدهم بشر

امبيه غرف نفس الاوادم الناس ما تحط لهم بعد اهيا بتعيش سنتين اذا مو اكثر معانا لازم نحسب حسابها بكل شي وكله ثواب واجر عند الله

وااي انا وايد يكسرون خاطري احس متغربين وهادين عيالهم واهلهم عشان 75 دينار وتشوفينها مره كبييره ما فيها حيل ولا تشوفينها صغيره ويضيع شبابها بالغربه


عنديها انسانه واهيا تصير ذهبه معاج

اكو ناس حتى كلام ما تكلمهااااااااااا بس تقولها سوي جذي وجذي

 

[Om-hamadly]

الله يوفقكم حبيباتي

والله زين ما سويتو

انا تميت سنه بدون خدامه كانت راحه نفسيه وتعب جسدي

والحين عندي وحده لكن ان مشت ماراح اييب غيرها خلاااااااص تعبهم اكثر من راحتهم

لكن بغيت انصح الي يتعبون من الاوتي انا قبل ما كنت اكوي والله النشافه تطلع الهدوم مكويه

بس هدوم ريلي السبورت ما احطهم بالنشافه ليش يكشون غير جذي من النشافه لي الكبت

ومساح البيت انا اشوف البخار مال الارضيات اريح وانظف من المساحات العاديه مع الديتول

 

[أم محمد و أحمد]

السلام عليكم ،

كنت مشتركة في المنتدى من 3 سنوات ، هههه ، ونسيته ، ولكن شدني موضوعكم.

يمكن حوالي من شهر وانا اقره كل اللي كتبتوه ، وعشت كل حدث وياكم .
بوبا وملزلزه وسوسو وتوأم روحي والجميع عجبوني ، اتمنى انهم ما زالوا موجودين.
ونعم ، الخدم هم على القلب ، والأستغناء عنهم جنة.

 

[abeer-alkuwait]

السلام عليكم

انا شدنى الموضوع بعد ونا وحده من الى اضربو عن الخدم بسبب مشاكلهم النفسيه الى اكثر من فوائدهم
وانا مشكلتى دوامى متاخر جدا يعنى من الصبح 6 ليما 3 ونص يله اوصل البيت وعندى اولاد وبنات كبار

وتميت تقريبا سنه واكثر بدون خدامه والامور كانت ماشيه وسهالات لين يت بنتى الكبيره وسحبت كورس فقلت فرصه دام انتى بالبيت اطبخى لنا الغدا وفعلا ارجع البيت هى تطبخ وتسوى كل شى بس ماتنظف وراها ابدا فصار المطبخ زباله الله يكرمكم ولازم ارجع انظف وراها غير انها طبعا ماتلمس الغسيل وما كان عندى غساله اتوماتيك انا كله اعتمد على غساله عاديه بس شريت غساله اضافيه صغيره فكنت احط غسله بهذى وغسله بالثانيه وساعدتى الغساله بالشغل كثير كنت ارد اغسل ملابس المدرسه وعقبها ملابس البيت ويوميا هالشغل بس اكثر شى ضايقنى طلبات المدارس لو عندى الى يجيب لى طلبات المدارس من مكاتب وطلبات وتصووير مذكرات وخاصه انى ارمله وماعندى الى يساعدنى بالبيت غيرى انا وبناتى كنت اول اخلى وحده من بناتى الكبار تطلع لانها تسووق وتصور لخواتها من المكتبه القريبه بس صارت تشكى من الشباب والمغازل صارت البنت ماتبى حتى تطلع ابد بس من البيت للكليه وصرت اضطر انى انا اطلع اجيب الطلبات بنفسى بس من تطلعين بره يضيع الوقت وترجعين حيلج مهدود ماتقدرين تسووين شى وعيالى بدون عشا والبنات بالغصب يوم يشتغلون ويوم لا طبعا لانهم متعودين طول عمرهم على شغالات فزين منهم يسوون غدا ويغسلون ملابسهم ويسوونها اوتى المشكله بالصغار وطبخ العشا لهم وتجهيزهم للنوم غير ان البنات ماينظفون عدل مثل راعيه البيت فمليت اخيرا وجبت مؤقته تساعدنى وحالبا ناويه اطلب لى خدامه دايمه لنى تعبت مو من الشغل بالعكس الشغل عادى وسهالات المشكله بالمتطلبات الى غير شغل البيت وطلبات المدارس الى ماتخلص و الزوارات الى مضطره تروحين لها ولها وقت محدد كان صعب على اطلع واترك البيت بدون مااسوى العشا او اطلبهم او انظف البيت والبيت كل يوم يبى تنظيف لنى عيالى خمسه وماتعودو على التنظيف من الصغر وهذى نقطه مهمه جدا المفرووض نعود اولادنا على النظافه والترتيب من الصغر وان كل شخص عليه شغل لازم ياديه مثل الاجانب لو فعلا تحقق هالشى راح يساعد كثير ويصيرون معتمدين على انفسهم حيل وفعلا الخدم ساعتها بيصير مالهم داعى
وسلمتم هذى تجربتى بالحياه بدون خدم وفهلا كان اوفر بالمصاريف اكثر من 90 % ونفسيتى ابد مو تعبانه بدونهم بس الظروف حدتنى غصب حتى وقت ما عندى ارجع لهم درووسهم واتابعم ووحده من بناتى تاثرت دراستها حيل مع ان المفرووض تعتمد ع رووحها بس لازم الام تتابع
وسلمتوووووووووووو

 

[فـراوله]

صباح الخير

يا حلو هالتجمع والله وأنا للحين مقاومه بدون خدامه بس طبعا خلاص هلكت هلكت وتعبت

أنا موظفه أرد أسوي غدا نظافة البيت غسيل الملابس نظافة المطبخ الحمامات الصاله الغرف

وااااااااااااايد واااااااااااايد شغل لاحظت إني أهملت روحي اشوي صار كل همي البيت والعيال

بصراحه وااااااااايد صعب وأنا عندي ولدين للي يبي يتعلم عالحمام وللي يتعلم عالمشي وللي يركض ويلعب

ويبي أحد يتابعه اذا رحت زواره بيت أهلي أو بيت حمولتي العيال يبي من يجابلهم أنا بطلع أركض وراهم بالحوش

ولا بقعد مع الناس نسيت الزوارات نسيت الطلعات نسيت كل شيء ولاعت جبدي وأنا أشتغل أقول خلاص زهقت

بقدم على خدامه وحزت النوم أهون عنها وترجع ديمه لعادتها بس حاسه إني ما راح أطول بهالقصه

لانه الواحد صار يفكر ألزم ما عليه راحته النفسيه والجسديه



​

 

[Man7o0osa]

لا يا فرااااولة لا تفكرين في الخدامة

ييبي لج وحدة بالساعات تنظف لج البيت و انتي جابلي عيالج

والله بترتاحين

 

[فـراوله]

أنا أجيب وحده بالاسبوع تساعدني بالشغل للي يتعبني والباقي علي بس بعد
مو كل شيء البيت هم اذا بطلع مع عيالي مستحيل بركض وراهم اذا رحت زواره
أجابل الناس ولا أشوف عيالي اذا عزمت أحد عندي نفس الشيء ​

ألحين أنا مفكره بهالسلسله للي تنربط بيد الام وولدها يمكن تفيد وتغنيني عن الخدامه ​

 

[أإلع ـشق دلع ـهـأإ]

مسستحييل تعيشون بدون خدامه بالزمن هذا

الحين المره موظفه تجي تعبانه شلون تغسل وتطبخ وتدرسً وتركض ورا عيالها

نفسكم عليها حق

ماتقدرين تسوين كل هذا شغل البيت بروحه يتعب الطفل يهد الحيييين وزوجج بعد يبيله تكشخين له وتدلعين

ماعتقد يكون لج خلق

لازم خدامه

تقومين الصبح مجهزه الريوق الخدامه وتتريقين وتلبسين عيالج وتروحين دواماتكم

تجين البيت تلقين الغدا جاهز والبيت نظيف والملابس مغسله ومكويه تتغدون وتقيلون لاقعدتم تلقون الساي والقهوه جاهزين وتفرغين تدرسين عيالج وتقعدين مع عيالج والخدامه بالمطبخ

وتروحين بعدها زواره الخدامه تلحق عيالج وتراقبهم وهم يلعبون وانتي قاعده مع اهلج وخواتج مرتاحه

ولا خلصتوا رديتي البيت تسبحتوا ونومتي عيالج ونامت الخدامه وكل شي نظيف وجاهز تتفرغين حق زوجج

مو راحه

لو ماعندج خدامه لا طلعتي عيالج منو يمسكهم !!!

بتروحين عند الناس وعيالج معاج ماسكتهم !! توقين امج او خواتج لهم خلق كل يوم ماسكين عيالج

لا رحتوا البر او المزارع عيالج بيلعبون مع العيال تبين تهدين الحريم وتلحقين ولدج !!

الولد يبي يلعب مع العيال يبي يقرقع لا جا وقت القرقيعان

وراكم رمضان تعب تعب وراكم عيد العيال بيعيدون يبيلهم متابعه

صعبه يابناااات فكروا بنفسسسكم الخدامات مو كلهم شر

صيري زينه مع الخدامه وعلميها الشغل وخليها راح تتقنه وتحفظ عيالج

انتي لاصرتي زينه وماتتبعتيها راح تصير زينه

في حريم شغلهم الشاغل الخدامه يقدون يراقبونها لا سوي جذي لا غلط ليض وليش !!

جيبوا لكم سيلانيه او هنديه زينات

 

[أإلع ـشق دلع ـهـأإ]

اي صح ولا جا عندكم عرس عيالكم منو يمسكهم لازم عندهم خدامه تحرس عليهم

 

[أغلى حبيبه]

انا مثلكم ماعندي خدامه والشغل تعبببببب اول الايام شديت حيل بس الحين خلاص فجيييييت من الشغل

جربت اللي تييني بالساعات بس شغلهم مااااا يبرد الجبد لازم اوقف على راسهم واشتغل معاهم لانهم بس ينظفون من فوق

يعني ماتحرك ولاااااا شي وتنظف تحته الا لما اقولها

وكل مره اتيني وحده اغبى من اللي قبلها

بس فالحين ماما ابي كوتي حليب يعني قوطي حليب ماما ابي سوووقر ماما ابي ايييس

انرين خوو اشتغلي بضمير وانا اعطيج من غير ماتقولين ماكووو

هذا بعد مايغسلون الملابس ولا يكونهم بس تنظيف

اي وجربت اللي تنام عندي شهر زينه وعله بنفس الوقت

الشي الحلوو اقعد من النوم البيت نظييييف ما احاتي حوسه الصاله ولا المواعين مكوده بالمغسله

الشيي اللي مو حلوو ماتحب الترتيب ولا تحب اتعلم الترتيب

وهمممم معاشها ١٤٠ مووو شويه واغلب وقتها نايمه

والحين مقدمه على خدامه ولي الحين ما شرفت

 

[فـراوله]

ههههههههههههههه أغلى حبيبه ذكرتيني بوحده جتني قبل كنا نظف الفريزر وشافت
لحم وراس الخروف وكل اشوي تحن تبي منهم وتقولي قصص آخر ما زهقت قلت اخذي
خلاص لوعتي جبدي وتقول أبي عيش وعدس وسكر وعطيتها لانه عندي وايد
بس شاطرين طلبات أما نظافه مثل ما قلتي كله من فوق واذا قلتي لها شيء ماكو تايم مدام
و لا يسون اوتي جايه تخم وتمسح السراميك بس لا والله حيييل تعبتي ما قصرتي
الله يعينا على هالخدم


​