اللي مو متحجبة و فري تدخل

[الهما]

السلام عليكم احلى كويتيات شلووونكم؟؟



بنات انا في موضوع وااايد شاغل باالي من زمااان

خواتي الي مو متحجبات و اللي تلبس على راحتها
في هبه يدييده صايرة بالديرة ...صارالقصير عاادي الركبة تطلع عااااادي

انا امس بالدوام و معانا وحده وااايد محترمة احبها حييل يابت بنتها و اتعرفنها عليها و البنت و اهيا واقفة لابسة نفنوف فوق الركبة يمكن بثلاث اصابع ....انا فتحت عيووني ..... انصدمت يعني لو تجندس ....!!! مصييبة و لو في هوااا بالجو ....كااارثة!!!!
و حدث و لا حرج عن اللي في السوق و اغلبهم بنات و النعم العوايل و اعرفهم و امهاتهم محجبات .....

الموضوع.... انا كل ما شفت وحده ودي اسلها ابوج يشوفج عادي و اخوانج و امج معقول تمرين جدامهم و ركبج وو جزء من فخوذج طالعه عااادي....

و شنو تفسيركم حق هالظاهرة ...انا واايد مضيقة خلقي يعني معقوله راحت الغيرة ....

الاعتدال بكل شي حلوووو


ابي البنات اللي يلبسون هاللبس هذا يردون علي شسااالفه!!!
و طبعا ما نستغني عن ارائكم كلكم حتى خواتي المتحجبات​

 

[نبض هبة]

و عليكم السلام و والرحمة
صبر اللي متحجبة ما يصير ترد ؟ >>> خوش موضوع اسمحيلي أرد
فعلا سالفة القصير هذي صايرين وايد نشوفها ....أنا ما أستغرب الا من شغلة وحدة شلوووووووووون طلعتي من البيت و ركبتي السيارة مع السايق أو بروحج و انتي لابسة جذي؟؟
بعض الحريم ألحين قاموا يلبسون عيالهم جذي على بو انهم صغار لكن باجر لما يكبرون راح يصير صعب عليهم انهم يتسترون لانهم مو متعودين على هالشي
موضوع مميز ياليت البنات يستفيدون
تقبلي مروري ...
شكرا لج

 

[ام الفهد712]

موضوووعج وااايد حلووو همهوومه

انا اختي وبنااتهااا موو متحجباات يلبسوون لبس فوق الركب بس هاااا تحتهم لقنزاااات لي تحت الركب ولبسهم حيل محترم الحمدالله واتمنى لهم الهدايه يااارب قووولوووو امين

مشكووووووووووووووره ياااقلبي

 

[SweeTa_4ever]

الله يهدي الجميع

في بعض البنات مايقدرون امهااتهم التحكم بلبسهم خواتي جذي يااامه نصحتهم وامي كذلك بس هالجيل ماينقدر عليهم وابوي يزف بالخفيف ويطخ الله يهدييييييييهم انشالله

 

[الهما]

اختي نبض هبه ما استغني عن مروركم اكيد و عدلت الموضوع عشانج
و حبيبتي ام الفهد يا حلات اللي يلبس ليقيينز انا بنات خالتي جذيه بس اعمارهم على 12-13 سنه
و سويتا فوايفر والله الله يعيين الاهل
معقوله في ام ما تقدر على بنتها ....ممكن ما يقدرون على الولد بس البنت

 

[brettey]

انا متحجبه
بس كل واحد حر بنفسه عقله براسه ويعرف خلاصه
ادعي لهم بالهدايه ولا تنصحين في مثل يقول ناصحكم فاضحكم

 

[شندوخه]

والله اهو مايجوز بس شتقولين
عسا الله يهدي الجميع

 

[manoola]

وليش هم المتحجبات من زين لباسهم !
يعني حجاب على راسها وكل شي طالع صدرها وايدها ورسمة فخوذها وشسمونهاا يعني شنو نقص على اعمارناا بالغطا اللي على الراس الحجاب يا اما يكون على سنع والا لاتلبسينه لان وايد اشكال طيحت قيمة الحجاب وتحلي الجياكر بعد .... والحجاب حجاب اللسان والستر بالملابس والعبابات الراهيه مو حتى الحبه تبين اللي بجسمها وتقول متحجبه لحووول

 

[q8tya 3asaal]

اي والله صح الحين يوم ارجع الكويت اشوف البنات انصدم من المتحجبه و المو متحجبه
و الحين البنات ماشاء الله 13و 14 تقولين عروس طول و جسم بس يا حسره كل وحده لابسه هالمرصصو الزند طالع و الصدر و الله حرام
خواتي الصغار عبى 13 و 16 قلبي يعورني عليهم الصدر و المرصص و الشورتات و اذا كلمتهم يزعلون مني
الكبار لهم عقل يفكرون ب في بنات صغار لازم ينمسكون الحين البنت الي عمرها 10 سنين تلفت النظر مو نفس قبل و اهلهم حاطين في بالهم ان بنتهم للحين ياهل احنا يوم كنا صغار الحفر كان عندنا من يوم كنا بالروضه عيب هالجيل الله يستر عليهم مادري شلون وصل اهمال الاهالي لاي درجه

 

[الهما]

منوله حبيبتي معاج حق انا معاج طبعا اللبس الفاضح بشكل عام غلط في غلط
انا ودي اي وحده هابه بلبس القصير تجاوبني ....ابوها و اهلها لمن تطلع جذيه عادي وحتى المتحجبات اللي يلبسون مرصوص عاادي؟؟؟

 

[manoola]

ممكن يدرون وممكن لآ
بس شنو الحكمه من هاللبس الماصخ بعد العصله اهون لما تييج متروسه الصراحه تقص الويه ومو كل موضه حلوة ياريت الكل يفهم هالشي
وودي انا اعرف شافو نفسهم بالمنظره وقالوا الله شكلي راقي وطلعوا والا شنو بالضبط
افففففففففف ياربي وايد تساؤلات

 

[لازوردي]

وو الله صج هالشي منتشر وايد بس انا اشوف بنات يلبسون قصير و تحته ليقنز و شكلهم حلو بس هم اتمنى لهم الهدايا و هم و الله لما اشوف جذي احاتي اقوله الله يهديها و يستر عليهم ....​

 

[q8tya 3asaal]

حتى في شي يعور قلبي شوهو منظر الحجاب

وحده متحجبه تلبس جينز سكيني و بدي قصير انزين عيل ليش الحجاب بس زينه عشان الشيله ماركه و لا شنو

او متحجبه تلبس ثلث ترباع كل ايدها طالعه
و الي تلبس تنوره قصيره مع بوت و جزء من ريلها طالع و اهي ماتدري

شالفايده حجاب و اللبس مفضوح و مكشوف
الغايه من الحجاب الستر و عدم لفت النظر حتى الحجاب الي هابين فيه هالايام
صج شوهو صوره الحجاب

 

[miss-one]

خلي هذا طلعت الركبه وطلعت الفاضيح ركب سوده ما ننكر ان هذي ماركه مسجله بس الناس تخش الفضايح

 

[ღ خجلانة ღ]

مادري عنكم

انا سعوديـــــــه والحمدلله متحجبه حجاب كامــــــل

وماالبس قصير الا عند حريم وبعد مو اي قصير البس


وطبعا قبل لا اطلع اكوون لابسه عبااااااااايه


يعطيك العافيــــــــــه

 

[الهما]

يعطيكم العافية على الردود
حبيبتي السعودية ترا هاذي والله ظاهرة بين شوية بنات و الا اغلب الكويتيات الحمدلله يا عبي
يا يكون لبسها محتشم
الله يتمم على المحتشمات
ابي وحده ستايلها يكون قصيرترد ودي اتحاور معاها

 

[جوك احلى جو]

عاد ماشاءالله المتحجبات مقصرين لبسهم يفشل

 

[ام الفهد712]

شفيكم بنات البنت تقوول عن اللي لبسهم فوق الركب ماا عمت الكل

ومثل مااقلتوو في متحجبااات شوهووووووو صوورة المتحجبه من لبسهم الله يهدي الجمييييع يااارب

 

[افتخر اني كويتية]

انا معاج اختي

واتمنى لهم الهدايه والصلاح

 

[الهما]

جو احلى جو حبيبتي انا عارفة ان في متحجبات مشوين شكل الحجاب ... و في بنات يلبسون عباية و معاها نقاب بس بطريقة مشوة بعد...انا اتكلم عن اللي وصلوا مرحلة متقدمة ...الركبة الفخود و الحفر...