المتزوحة اللي عندها اكثر من ياهل!! ساعدووني

[om MaRyooM]

السلام





بنات انا والدة صارلي شهر

وبنتي عمرها سنتين ونص .. وحيل صعبة وعنيدة وتأذي اختها الصغيرة

والحين رديت بيتي ماكملت نفاسي عند امي لظروف معينة



بس وضعي بالبيت صعب :eh_s(1):


كلكم عارفين هالحالة اللي ماكو نوم ولا اكل عدل والليل نهار والنهار ليل


شلون تنظمون وقتكم وشلون تتحملون اليهااال وشلون تتعاملون معاهم ومع الوضع ككل ؟؟؟؟



والله محتاااسة بعمري حيل خايفة الوضع الخربوطي يظل جذي

ماكو وقت حق نفسي كللللش

ساعدوني مادري شسوي بعمري .. حايشتني كابة فظيعة

 

[زوجة عزيز]

الحمدلله على سلامتج حبيبتي والله يقدرج على تربيتهم ويخليهم لج ويعطيج العافيه رفع الموضوع لانه ماعندي خبره الكافيه الصراحه

 

[فاقده ابوهاااا]

وي ام مريووووووم الله يهداج ما شفتي شي المفاجئات راح تهل عليج الحين بين غيره اليهال وصراخ وبجي البيبي وغير الخدم وغير الريل الدعله الي راح يتدلع بعد ويضم عمره مع اليهال ويشغلج الاسطوانه انج مو مهتمه فيه ولهيتي مع اليهال ويبي حنان واهتمام
ههههههههه الله يكون بعونج خرعتج صح بس هذا الواقع للاسف

 

[الشهد كله]

حبيبتي انتي لازم تعدلين نومتج عشان تقدرين تعدلين نومة اليهال

يعني إذا شفتي واحد منهم نام مو بوقته خربي نومته وخليه يحن ويبجي ويصارخ

استحملي الحنة والرنة يومين بالكثير بس عقبها راح ترتاحين !!!!!!!!!​

 

[honey 2010]

الحمد لله على سلامتج اول شئ عدلي نومتها خليها تنام مبجر يعني على 9 المساء او10 وانتي نامي بعدها بساعه او ثنتين وحتى البيبي تقدري تخلي نومته مع نومتج وبجذي يكون عندج شوي وقت حق روحج وحاولي تشغليها بلعب او tv ويبيلها مغامرات او دفاتر التلوين او العاب او خليها تروح مع ابوها لي اي مكان بس حاولي تلهيها وخلي الكلام الحلو كله حقها والاهتمام لان هي اللي اللي تفهم اممممم وشنو بعد ونضمي وقتج خلي كل شئ له وقت الشغل والطباخ واليهال مع التنظيم بتلاقي وقت واذا عندج خدامه افضل يصير بس عليكي روحج واليهال والطباخ وبالنسبه لنفسج قبل خروجك روحي صالون حف وحمام مغربي والللخ 0000وقطي بناتج عند امج وياقلبي لا تشيلي هم كلها شهرين بالكثير والياهل يكبر يصير ينام ويريحج شوي وبتتعودين على كل شئ بس الحين عشانج توج نفاس تحاتين بس انتي لا تشيلي هم وربج يفرجها عليج ان شاء الله

 

[It'S Me]

الله يعينج عدلي نومة الكبيره خليها تنام الساعه 8 او 9 و بعدها جابلي البيبي و حاولي تخلين نومتج مع البيبي و السهاله من الله ان شالله ربي يسهل امورج
وبالنفاس ترى ماكنا ذيج الكشخه و الله انا البس ترينينغات و هالسوالف عشان اخلي شكلي غير بطلعتي من الاربعين يصير فيها زهوه

 

[أم حيدر]

حمد لله على سلامتكم ..

ما عندج خدامة تساعدج؟

الخدامة ممكن تلعي البنت الكبيرة تحط العاب او طين صناعي او الوان واوراق او تركيب.. وبهالوقت انتي تجابلين الصغيرة .. او ممكن العكس

وضروري الصغيرة ترتبين نومتها .. انتي وهي بترتاحون، الصبح فززيها مبجر والظهر نوميها نص ساعه او ساعة والساعة 9 بالليل دخليها فراشها ... ونصيحة اخت لازم يكون في روتين منظم للطفل يعني الاكل وقته ثابت والنوم وقته ثابت بترتاحين وايد.
عندي 3 أطفال وكلهم رويسية الله يحفظهم.

 

[دي حسن]

راح اصير مثلج بعد جم شهر الله يعينا ،، بنات نبي نصايحكم واللي ردو مشكورين يعطيكم العافيه :*

 

[دي حسن]

اب اب اب اب اب اب اب لعيونج

 

[زوجي توأم روحي]

وضع مؤقت لا تحاتين

بس أهم شئ تهتمين زيادة بالكبيرة علشان تخف غيرتها شوى

والكآبة طبيعية فترة النفاس بسبب الهرمونات

 

[ام حمد 85]

فتره وتعدي

 

[" ام حمود "]

الحمدالله ع سلامتج حبوبة
انتي تحاتين عيل ماشفتيء شيء تووج انتي نطري هواش والصياح خصوصا الحين تبلش " الغيرررره "
بس توج عدلي نومتج كلها فتره وتعدي بس خليها تكبر صغنونه عاد فجي بينهم هههههههههههههه

 

[miss_whitemocha]

عسى الله يهنيج بلمة بناتج حوالينج و يخليهم لج و يبلغج فيهم عرايس بيوم واحد إنشالله و ما أدري يا غالية شنو الدبرة لأني بجرية..
ياربي يبلغني هاليوم اللي عيالي حواليني و يشلعون الدنيا صراخ و بجي و انا أصارخ وياهم..أحلى من أحلى لحظة هدوء من غيرهم..​

 

[غارقة بأحزانها]

الحمدلله عالسلامة ومبروك ماياج اتربي بعزكم يارب
الكبيرة الحين حدها غيرانة خليج دائماً معاها
يبيلها سيديات بارني عجيب تلهى فيه ويبيلها العاب بيبي
وخليها تسوي مثلج يعني يكون أنتو الاثنين عندكم بيبي من حليب وحفاظات وملابس
والصغيرة لا تعودينها عالشيل وتخلينها تلصق فيج
خلاص غيرتيلها بدلت شبعانه خليها بسريرها حتى لو بجت
بجذي تتعود مو كل ما بجيت شيلوني ترى اليهال اذكية سبحان الله
بس عشان بنتج العودة حراام أهي اللي تفهم انا كنت اسوي كل هذا بنفاسي
ونفسج ماكملت نفاسي ببيت امي ورحت عند زوجي عشان يساعدني بولده الكبير
بس هم ولدي من الغيرة ضعف واستمرض وصار عصبي وعنيف مع ان كان اصغر من بنتج الله يحفظها
وانتي حبيبتي اكلي عدل خل يطرشولج كل يوم اكل النفسه السنع عشان تقوين جسمج انتي طالعة من ولادة وتعبانة
اي والبيبية اذا عالمغص يبيلها ماي غريب من المستوصف وهم سويلها شاي أعشاب وعطيها تمرة نقعيها بماي حار ليما تذوب طقيها بالقفشة
شوي لين يصير الماي لونه بني وشخليه وعطيها منها تغذية ومنها يخفف عنها المغص
وبالليل عشان تشبع وتنام جم ساعة متواصله عطيها صناعي عشان انتي تقدرين تنامين
والله يعينج الياهل ما يستقر وضعه الا لما يصير عمره ٤ شهور

 

[سيلينا]

لازم تعدلين نومج وتضبطينه مع البيبي الصغير

بخصوص بنتج الكبيره من تقعدين من النوم انتي جابليها لا تحسسينها بان البيبي الجديد بياخذج منها والبيبي ما يبي شي وهو صغير غير انج تغيرين له وتشربينه حليب كل ساعتين او اكثر ولا تعودين البيبي على الشيل دايما خليه بفرااااشه ترى لي عودتيه على الشيل انتي الي راح تاكلينها
واكيد لي ضبطتي نومتج مع الصغيره وظبطتي نومت بنتج الكبيره بحيث ما تصير الساعه 12 الا اهي نايمه انتي بتتفرغين اشوووي لعمرج وتقعدين مع زوجج اشووي
ترى الرجال عقله صغيييير بيقولج انا نسيتيني وبناتج اهم مني

** لا تهمييين روووحج زياده عن اللزوم حطي في بالج فتره وبتعدي وانتي قادره على انج تمشين امور بيتج عدل بس اول فتره بتحسييين ان يومج مشغووول وماقادره تمشين امورج بس ترى سهالات انتي حددي ونظمي نومتج ونومه الصغار واذا عندج خدامه خليها تساعدج بالصغيره او تشيل الكبيره عنج بس لا تنسين تبينين للكبيره انها اهي الاهم لان الصغيره ما تفهم ليلحين

 

[أم علي الرفاعي]

الله يعينج حبيبتي ..

الكبيرة مثل ماقالوا البنات عدلي نومتها

والصغيرة مستحيل ما تقدرين تعدلين نومتها
معروووف ياهل النفاس ليله نهار ونهاره ليل ..

ان شالله فتره وتعدي
واهم شي اهتمي بتغذيتج

واكيد ماراح يكون لج وقت حق نفسج

ان شالله يستقر وضع الصغيرة بعد 100 يوم
على قولة يدتي الله يرحمها ..

وهدي بالج
كلنا مرينا بهالفترة
بس حبيبتي
ديري بالج عالصغيرة من الكبيرة
ترى كل شي ماتتوقعينه بتحاول تسويه بالبيبي

فخليج مفتحة عيونج عدل عدل ..

والله يحفظهم لج ان شالله

 

[يارب احفظ عيالي]

حمدالله على سلامتج وتره هذي فتره وبتعدي وبيكبرون انشالله بس لازم كلنا مرينا بهالدوامه اللي تحسين وقتها انج في عاااااااالم ثاني

 

[شنوووفه]

هههههههه الله يعيينج ام مريوووم صج اذا ياهل واااحد ويلهي الله يعييينج حبيبتي ويخلييهم لج
بنتج دخليينه حضاانه ماشالله بنااتج بعمر عييال رفييجتي دخلت بنتها حضاانه يالله ارتااحت لاتقووولين صغييره ترى كل شي يعرفوون توكلي عالله ووديها

 

[الـفـجـر الـبـعـيـد]

حبيبتي فترة وتعدي بس تكبر شوي تتعدل نومت الصغيرة
والكبيرة سهله تقعدينها مبجر وتنومينها مبجر ولا ادخلينها
حضانه بعد احسن

انا كنت نفس وضعج ولدت وعمر ولدي سنتين وتأذيت وايد
لما رديت البيت اقول حق ريلي احس اني محتاسه مو قادره اسيطر
على الوضع والحمدلله جم شهر وتضبط الوضع ولما رديت دوامي
بعد صارت نومتي وقعدتي معاهم

واهتمي بالكبيرة عشان لا تغار لا تحسسينها ان الصغيرة ماخذتج منها
انا ولدي الصغير مسكين حتى الطق والتكفخ على الماشي ياله من اخوه
وليما الحين مينني الله يعينج ما شفتي شي الله يحفظهم بس تحملي شوي وتتعودين على الوضع

 

[لي لي78]

الحمدالله على سلامتج ومبروك مايج وفتره وبتعدي لازم في البدايه تتعبين اشويه معاهم بس مجرد ان البيبي يكبر بيخف الضغط عليج وبتقدرين اتنضمين وقتج ام في هي الفتره صعب اتنضمين وقتج مع البيبي وبنوتج لان الاثنين اصغار