المطبخــ الامــريــكيــ / منــ a2z

[اختكم بالله]

عليج بالعافيه بطوط خوش طبخه انا احب الربيان

بسالج بطوط انتي سويتي نفس طريقة مج مج بالكنافه بالضبط ومن وين شريتي الصبغه وحطي صورتها

 

[بطه فيها نطه]

الله يعافيك خوخه ... الصبغه يايبتها من الكويت ... احطلك صورتها علشان اذا نزلتي الكويت

تشترينها ...

اليوم ان شاء الله بحطلك صورة الكريمه من زمان قلتيلي واليوم تذكرت

+ اكلتين حلوين تاكلين اصابعك من وراهم

 

[مجنونة حبه]

يعطيج الف عافيه عالربيان
ويالله ورينا الحلو ناطرينج بطوط
وخوخه انا صبغه البودره حصلتها من بقاله عربيه اكيييد اتحصلين عندهم ساليهم ويقولولج
وتقدرين اتسوينها من غير صبغه لانها لون مو نكهه

 

[اختكم بالله]

هلا بطوطه ماقصرتي حبيبتي وناطرينج

مج مج الصبغه هي نفسها اللي يحطونها للعيش عشان ياخذ لون

وشكلها حلو بالصبغه نفس اللي بمحلات الحلو اللي بالكويت

 

[ضي]

يعطيكم الف عااااافيه

واااااو


ناطرينج بطوووووط


مج مج نسيت اسم الحلو :/

 

[بطه فيها نطه]

اليوم سويت بطاط بالكريمه .. الاكله لذيذه وبسيطه






المقادير :


بطاط مقشر ومقصوص شرايح

انا احب اضيف على جنب ( ذره حب - مشروم فرش مقطع )

2 علبة كريمه

جبن بارميزان

البهارات ( ملح - فلفل اسود - اورغانوا او زعتر بري - باربيكا )






الكريمه هذي اشتريها من وال مارت ... وكل سوبر ماركت عنده ماركه خاصه فيه

في حجمين الكبير والصغير ...





نتبل البطاط والذره والمشروم ونصفهم بصحن فخار او بايركس او حتى قصدير ... المهم شي يدش الفرن

ويفضل شوي يكون عميق علشان الكريمه ليه اطبخت ماتطيح على الفرن وتحترق وتسبب دخان





نصب الكريمه





نرش الطبق بجبنة بارميزان .. وندخلها الفرن تقريبا ساعه

اواكثر ... حطي شوكه وذوقي البطاط .. وتاكدي انه استوى




والنتيجه بعد الفرن









وعليكم بالعافيه ...

 

[بطه فيها نطه]

مسقعه امريكيه ... لووول يديده مو بس لذيذه





المقادير :


شرايح بيديان مملحه ومقليه

زهره مقليه

فلفل اخضر مقلي

وهذي الصلصه اللي جربتها ...








مقادير الصلصه :

النوع اللي شفتوه مااستعملته كله نص العلبه + عندي دقوس زايد من امس الغدا ( دقوس طماط عادي )

+ 1م ثوم مهروس + ملح +


فلفل اسود + بابريكا

خلطتهم على البارد ...








تحطين طبقه صلصله وطبقة خضار واخر شي ترشينه جبن موزريلا وتدخلينه الفرن .. واهي اساسا كل شي فيها مستوي فما تاخذ وقت







اهني بعد مااستوت







تفضلوا معانا ... وعليكم بالعافيه

 

[ضي]

يميييييييييي

يعطيج العاااااااااافيه شكلهم عجييييييب بطوووووط


بنات تعرفون شلون طريقة طبخ النخي والباجيلا؟

 

[بطه فيها نطه]

الله يعافيك ضيون ... شوفي النخي انا استعمل المعلب والصراحه اطبخه مع مايه احس فيه نكهه اكثر

+ ماي صافي + علوب فلفل احمر مجفف

اشغل عليه واخليه يطبخ ...

الباجيلا من اول ماييت وانا شاريتها ... بس ليش هالعيز ماادري ....

طبعا الباجيلا الناشفه ... تغسلينها بالليل وتنقعينها بماي + 1م بيكربونات الصوديم

والصبح او الضحى تطبخينه ... اعتقد ياخذ وقت

بس ماينحط معاه الا الملح بس ... هذي طريقتي بس ماجربت من قبل

 

[مجنونة حبه]

يعطيج الف عافيه شكلها لذييييييييذه المسقعه وبطاط
اذا رحت راح اشتري بيديان واسوي المسقعه لان بس انا وخالتي انحبها لوووووول
بس ان شاءالله طعم الصوص ضبط معاج وين حصلتيه الصوص

 

[اختكم بالله]

واااااااااااااو بطوط عليج بالعافيه حبيبتي

 

[منورة الكويتية]

رد : المطبخــ الامــريــكيــ / منــ a2z

يم يم عليج بالف عافيه ضي
صج صج شيشتوني عليه

 

[بطه فيها نطه]

يعطيج الف عافيه شكلها لذييييييييذه المسقعه وبطاط
اذا رحت راح اشتري بيديان واسوي المسقعه لان بس انا وخالتي انحبها لوووووول
بس ان شاءالله طعم الصوص ضبط معاج وين حصلتيه الصوص

الله يعافيك مج مج ..

انا مثلك مااتلذذ باكل البيديان الا مع الوالده ... ولا ريلي ماياكله ولا البنات

الصوص حده لذيذ ... اهو تقريبا مو صوص مثل غموس يعني اخشن شوي

فيه نوع فلفل احمر بارد وارض شوكي ... وكله مفروم خشن ..

انا شاريته من جوز اوف ماركت ...

حماك متى بييكم ؟؟؟

خل اطرشلك نقصه معاه ... اتكلم جد

 

[بطه فيها نطه]

الله يعافيكم بنات ... مشكورين وجربوها ترا الطبقين حلوين

 

[love love]

تسلم ايييدج بطووووووووووط


وقتها ماشفت رد وسويت طريقه همبه

يمييييييييييييي صج كان واااااااااااااااااااااااااااااااااو

بس اللهم اخر شي ماكان عندي ماي ورد وزعفران فماصبغ بس الباجي يم يمييي

 

[مجنونة حبه]

لهههههههههه شكلج اتسوينها نطري لما اييلج بدعي فيني لوووووول بس ما ادري متى ايي يمكن طياره او سياره الحين عندهم فتره امتحانات فاينل والله يوفقه كاسر خاطري تعب المسكين وودوه المستشفى من الجو والحين الحمدالله اشوا تحسن عاد حده مو وقته فتره امتحانات ومرض

 

[q8_toffee]

رد : المطبخــ الامــريــكيــ / منــ a2z

تسلم ايدج بطوط

صج شي يشهي ويوع زياده مه هالبرد

انا لاحضت شغله رياييل مايكلووون بيديان

يمكن بس ابوي

عندي اخوي الكبير يقولنا حطولى اي شي اكله ولا تيبولى بيديان حتى اذ كليناه انا وامي يستغرب

انا اتعيز اطبخ لى شي بروحي وريلي وماياكله الا من وين لى وين

مااحب اطبخ واايد وماعين على نفرين اهو شي وانا شي احس ماتسوى السالفه

الموجود خير ونعمه من الله ينوكل والحمدالله شي يسد اليوووع

 

[q8_toffee]

رد : المطبخــ الامــريــكيــ / منــ a2z

بطووط انا اسوي نفس طريقتج بطاط بالكريمه بس احط معاها دجاج صدور مقطعته

خفيفه وسريعه

مج مج جربيها اذ لج خلق تطبيخين احذي بريك ووريحي وبعدين جربيها

 

[مجنونة حبه]

اكيد وكيفه ريلي اذا ما ياكل بطاط
اصلا توفي انا ريلي صعب بالاكل مو بيديان البطاط الطبوخ والمشروم والفقع والبيض امبيه لو اكتبلج لسته ما اخلص لوووووول

اليوم بعد تعب والصراخ والحوسه اخيرا طبخت برياني لحم اخليكم مع الصور

 

[مجنونة حبه]