المطبخــ الامــريــكيــ / منــ a2z

[اختكم بالله]

عليكم بالعافيه ياحلو الجمعه

 

[ام روكي]

هلا والله
والله يعافيكم وبخصوص اليمعه عسالله يسخرلك ناس اتيمعين معاهم:yaaaaaarb:

 

[Miss Chanel]

رد : المطبخــ الامــريــكيــ / منــ a2z

عسى الله لايغير عليكم
ويعطيكم الف عافيه الاكل يشهي

 

[مجنونة حبه]

السلام اشلونكم
صخه المطبخ ليييييييييييييييش وينج زمرده وام مجمد وام دونه

اليوم كانت طبختنا اكل صيني بالعيش ونودلز
طبخت ونشيت ابسرعه لان بو شباب كان يوعان ومستعيل ( وراه جامعه )
سوري اذا صوره ماكانت واضحه ولا نشاب كان اي شي

بالعيش

بالنودلز

 

[ام دونه]

تسلم ايدج مج مج:rerrerek::rerrerek: وبالعافيه عليكم
ممكن وصفه الدجاج لو سمحتي

 

[ام روكي]

واوووو اموت على الاكل الصيني بالعافيه عليكم
الوصفه لوسمحتي

 

[q8_toffee]

يم يمي مج مج



تسلم يداك

الوصفه نفس ماقالت ام روكي ​

 

[مجنونة حبه]

سوري والله عالتاخير لان كنت شوي مشغوله
المهم
طريقه الاكل صيني بالدجاج
تتبيله الدجاج :
يقطع الدجاج الى شرائح وتتبل
بالخل الابيض *
صويا
ثوم مطحون ناعم
وزنجبيل مفروم ( او معجون الزنجبيل )
وتترك بالثلاجه لمده من ٣ ساعات الى خمس ساعات ( انا اتبلها بليل )

الخضرا المستخدمه
بصل اخضر
جزر
ملفوف
زهره
مشروم
ثوم مقطع قطع صغيره
زنجبيل مقطع
بصل حجم صغير مقطع الى شرائح
ذره
فلفل اخضر بارد
كرفس امريكي
اي نوع من خضرا الي تحبينها
مكعب ماجي
ملعقه نشا بودر مذوبه بالماء ( لتعطي سماكه لصوص يصير ثقيل )
طريقه
بمقلاه حطي زيت زيتون او زيت سمسم وحطي الدياي ولما يستوي شيليه من مايه وخليه على جنب
اتحطين مقدار من زيت سمسم ( اذا مافي عادي زيت الزيتون )
وبعدها البصل وثوم والزنجبيل
وحطي دياي
وبعدها درجي الخضرا ( من تحتاج الى طبخ اكثر الى اقل طبخ )
وخلاله حطي الخل وصويا ومكعب الماجي ( ذوقي وقدري )
و بلا خير حطي من ماى دجاج ( مرق دياي )
وفوقه النشا وابسرعه حركيهم
وصبيه فوق النودلز او العيش
وبالعافيه

 

[مجنونة حبه]

اليوم غدانا
سمج فيليه ابيض متبل مع عيش اشبنت وباجلا

الطريقه سهله
السمج :
اتحصيلنه باي مكان بالجمعيه في انواع اخذي النوع الي اتصير نفس ستيك بيضه واذا تبين متبله اخذيها متبله
طريقته طبخها مده 22 دقيقه على درجه 400 فهرنهايت بيك
صينيه اتحطين فوقها قصدير بعدها ادهنينها بزيت زيتون واتحطين استيكات السمج المتبل يكون وجهه فوق وبعدها اتغطينه بقصدير

العيش باجلا وشبنت :
بصل مقطع قطع صغيره
شبنت مفروم
باجلا خضرا معلبه ( منظف من القشور)
مكعب ماجي
ملح
عيش منقوع
الطريقه :
جدر فيه زيت وحطي بصل وحمسيه وبعدها اشبنت
لما اتشوفين بدا ماي شبنت يطلع حطي مكعب الماجي وملح
وبعدها العيش وماي الحار وبعدها الباجلا وقلبيهم شوي شوي
ذوقي الملح زين
وغطيه لما يستوي العيش

وبالعافيه

 

[q8_toffee]

مج مج تعذبيني

اشوف طباخج ايووع

​

 

[مجنونة حبه]

لوووول توفي بس اهم شي لا تتوحمين عليه >>> شكل ولدج راح يطلعله وحمات وايد لووول

 

[Miss Chanel]

رد : المطبخــ الامــريــكيــ / منــ a2z

الله يا مج مج تسلم ايدج
والله جوعتيني

 

[زمردة الكويت]

شفتوا كيف انا شطوره خخخ

 

[مجنونة حبه]

شاطره زمرده زين حصلتي خبز ايراني
يعطيج العافيه

 

[Miss Chanel]

رد : المطبخــ الامــريــكيــ / منــ a2z

عفيه عليييج يله باقي احنا نقلدج
يعطيج العافيه

 

[ام روكي]

الله الله شنو هذا
اي ماتقولين عندي اخت اوديلهى :rgewrg:على العموم الف عافيه عليكم
هههههههههههه

 

[De3La^85]

مج مج شوقتيني على السمج

شنو النوع المتبل الجاهز ؟ انا مره شريت من هول فود كان وااايد حلو بس نسيته

وعادي السمج حق الحامل ؟ انا الدكتوره قالتلي لا تاكلين اي نوع ومعطيتني ورقه فيها انواع معينه

وباجي البنات شغلكم تبارك الرحمن اينن بس كل وحده حطت صوره تحط لنا الوصفه ماعليكم امر


انا قبل فتره سويت هريس الشوفان

الطريقه :
تفوحين الدياي مع البهارات العدله من هيل وعود دارسين وملح وفلفل

وبعدين نحط الشوفان وكوب واحد من ماي الدياي ونضيف كوب ونص ماي ونخليه يطبخ مع اضافت بهاراتج باستثناء الكركم مانحطه خير شر بالطبخه

وبس كل شوي تحوسينه بقفشه خشب عووده

وبالاخير تقدميتها مع دارسين وشكر ناعم وبالعافيه واايد لذيذه

 

[مجنونة حبه]

اهلين دعول والله يعافيج
السمج بدايه 3 اشهر يقولون مو زين لان فيه نسبه زنك فيه وايد ويمكن ياثر على مخ الجنين في بدايه تكوينه بس بعدين عادي واكثر شي يمنعونه سمج تونه بس انتي تاكدي من دكتورتج
ونوع انا اخذ اي سمجه لونها بيضه اتوقع هابلت ( شذي اسمها ) وتتبيله في وايد وكلهم حلوين انا ماخذته من سيف وي ( او فونس )

وزين قلتيلي عن الشوفان لان مره ولدت اهني وبالمستشفى يابولي شي نفس الهريس طعمه لذيذ
فقلت معقوله عندهم هريس بس مشكله مالقيت
وراح اجربها بشوفان واحط صورتها
مشكوره وبالعافيه

 

[اختكم بالله]

ماشالله خوووووووووش اطباق عليكم بالعافيه

ابي طريقة حلا سهل باجر في يمعة عن وحده وفشله ادخل ايدي فاضيه ابي شي سهل

 

[غلا شمر]

رد : المطبخــ الامــريــكيــ / منــ a2z

خوخه حبيبتي

اذا عندك سميد..

سوي بسبوسة الجالكسي وراح احط لك الوصفه..