المطبخــ الامــريــكيــ / منــ a2z

[بطه فيها نطه]

بكمل معاكم شنو تختارون منتوجات ...




سناك كثر مااقول لكم لذيذ شويه عليه ... اشتريه من كاسكو علبته كبيره شفافه

وكميته راهيه ... بس هالعلبه البيضه متوفره بسيفواي



جبن بارميزان مااستغنى عنه ... للبيتزا والباستا والمعجنات





هذي يسمونها بديل الزبده ... مافيها سعرات وفي منها انواع مالح وساده

انا استخدم النوع المالح ... نفس العلبه بس عليها صورة كوكيز

استخدمها للريوق او ادهن فيها ساندويش او بالكوكيز ..





ثوم مقشر ومهروس جاهز ... حق اللي ماعنده وقت





عصير ليمون ... حق الورق عنب حق السلطات ...

 

[مجنونة حبه]

امبيييه بطوط جنج انا
اي والله اصلا الي يبطل حلجه ويقول عالسفره مااحبه بالملاس غصبا علينا ناكل

بس سبحانك يارب مو كل بيت
بيت اهل ريلي الله يعين خالتي طبقين اتسوي ناس ماتاكل لحم وناس تاكل
اما ريلي اصعبهم والمشكله اخوانه يقلدونه (لانه الكبير )
ومايحبون التنويع يعني اطباق يديده
بس ريلي تعود يجرب الا في اشياء مايحبها معدته على طول تقلب

 

[مجنونة حبه]

داشه ثلاجتي وماادري بطووط
بس الثوم لا احبه فرش
يعني ادق بالهاون ولا ابشره (للحين ماتطورنا )

 

[اختكم بالله]

ماشالله بطوط شكلي بجرب من الاشياء اللي حطيتيها


الكول سلو مالت ببايز أنا اعجبتني بس مافيها بصل

وبيني وبينج انا ماجربت غيرها يمكن اكو مطاعم أحلى

بس انا بحاول اسويها بالبيت احسن


ناطرين صوص الكول سلو

 

[بطه فيها نطه]

Prego italian sauce

في منه كذا نوع بالثوم والمشروم والجبن ... استخداماته حق

كور اللحم او صلصه حق الباستا ولا ساعات للبيتزا ...






افضل نوع لازانيا ... مايحتاج سلق ...

اللهم جهزيها واتركيها بونص ساعه تتشرب البشاميل والصلصه وعقب دخليها الفرن






آفضل نوعيه بآستآ بالنسبه لي جربت تقريبا كل انواعهم روعه






عبآره عن 6 آنوآع جبن ( موتزريلآ - بروفولون - بآرميزآن - آسييقو - فونتينآ - رومآنو )

انصح فيه و بقوه للازانيا والصواني والبيتزا ... جربوها





بقدونس مجفف ... حلو حق الشوربات والاطباق اللي يكون فيها سمج

وهم لسلطات ...





من اليمين مشروم فرش

ورآه جبن بآرميزآن مبشور جآهز

آفضل جبن ريكوتـآ من سرجينتو

يسآره روزمري فرش آحلى من المجفف

مكرونه تورتليني بـ آربع آنوآع جبن بس مآعجبتني آبد ( راي اللي استخدمتها )

للامانه ماجربتها ..

 

[Miss Chanel]

بطوط بالعافيـــــــــــه الفطور


نوني العفو قلبو
وعلــــــيكم بالعافيه الروبيان


مج مج هنــــي وعافيه
وتسلم ايدج

 

[بطه فيها نطه]

بنات طبعا للامانه الصور مو لي منقوله ... بس انا قاعده احط لكم من تجاربي وتجارب

البنات بالنت ... واي منتج احس انه يفيدكم وحلو اخذ اسمه

واسوي سيرج واحط لكم صورته وحق شنو ... اللي يحب يشاركني

حياه الله ... الاستفاده للكل ...

 

[بطه فيها نطه]

امبيييه بطوط جنج انا
اي والله اصلا الي يبطل حلجه ويقول عالسفره مااحبه بالملاس غصبا علينا ناكل

بس سبحانك يارب مو كل بيت
بيت اهل ريلي الله يعين خالتي طبقين اتسوي ناس ماتاكل لحم وناس تاكل
اما ريلي اصعبهم والمشكله اخوانه يقلدونه (لانه الكبير )
ومايحبون التنويع يعني اطباق يديده
بس ريلي تعود يجرب الا في اشياء مايحبها معدته على طول تقلب

مشكله والله ...

على كثر مايقولون طبخك وطبخك ... مايدرون بالبيت اطباقي مكرره

بين فتره وفتره ... وللاسف قليل اقدر انوع او اجدد

والسبه البنات وابوهم ... الله كريم عندي امل يكبرون وتغير عاداتهم

الله يعينكم مج مج ... وصج ترى اكيد بقلدونه اخوانه ...

عيزت وانا اقول حق منوره بنتي ... اي شي ماتحبينه خلاص يما سكتي

على السفره لاتقولين ... علشان اختك تاكل

بس ماكوا فايده ... الصغيره قامت تلاحظ اختها وتقلدها ...

 

[بطه فيها نطه]

ماشالله بطوط شكلي بجرب من الاشياء اللي حطيتيها

عليك بالعافيه خوخه ..


الكول سلو مالت ببايز أنا اعجبتني بس مافيها بصل


كل مطاعم الفاست فود اللي عندنا للاسف يحطون البصل الاخضر ... وريحته قويه

مااعجبتني كلش ... وببايز ماجربته خوخه



وبيني وبينج انا ماجربت غيرها يمكن اكو مطاعم أحلى

بس انا بحاول اسويها بالبيت احسن


ناطرين صوص الكول سلو

اكيد احلى بالبيت ... ان شاء الله قريب بحط لكم الطريقه وامقادير بالفيديو

 

[بطه فيها نطه]

داشه ثلاجتي وماادري بطووط
بس الثوم لا احبه فرش
يعني ادق بالهاون ولا ابشره (للحين ماتطورنا )

اكيد الفرش احلى ونكهته اقوى مج مج ... بس في ناس وخصوصا البنات اللي يدرسون

يبون شي على السريع ... وهذا اكيد افضل لهم من ناحية

الوقت ولا احنا اشورانا ... هههههههههه

 

[بطه فيها نطه]

:eh_s(7):

بطوط بالعافيـــــــــــه الفطور

الله يعافيك شوشو ...

 

[بطه فيها نطه]

كوكيز .. ماحبيته وايد ولا بناتي ..




اويل سبراي ... في منه كذا نوع ... انا قمت استخدمه لقوالب الكيك وايد

ريحني من سالفة الدهن ورش الطحين ..

اخذت اللي على صورة كيك ومخبوزات





مخلل مفروم لسلطات او الساندويش




ماسترد .. استخدامه حلو ودايما اشتريه




هذا صج مااستغنى عنه .. مو بس اهني حتى بالكويت

بس المضرب اللي قاعدته حديد من تحت يكون اقوى ... يصلح حق اشياء وايد

تطحنين فيه الشوربه ... تحطينه بالجدر يقاوم الحراره

اسوي فيه الحمص والصلصات واضرب فيه اليريش .. مفيد بصراحه




بالنسبه لي الهرشي عادي وفوق العادي ماحبيته وايد ... بس اللي ضحكني

كنت ماخذه منه صوغه حق مرت اخوي ... ومسكينه تقولي

انتي شسويتي فيني ... الهرشي يلوع الجبد ... طعمه مكرمكم الله ترجيع ههههههههه

حدها منصدمه منه ... احد عنده راي ثاني ؟؟؟






اجبان حلوه للبيتزا والسلطات والباستا





مكعبات توست محمصه بنكهة الثوم وااااااايد حلو ... استعمله حق السيزر والشوربات





حبوب الخردل ... يمدحونه حق التتبيله وصوص السلطات

بس ماجربته من قبل ..

 

[بطه فيها نطه]

هالمقص مريح ووايد احسن من السجين ... حق الدياي والسمج




للامانه ماجربته ... عطونا رايكم ؟؟

 

[بطه فيها نطه]

ني حق الليمونيد ... وخصوصا البنك ليمونيد





هالماركه احبها ... وجربت منها




وايد حامض .. للي يحبونه جذي




بنك ليمونيد ... وايد احلى ( ماي - ليمون - سكر - لون ) هذي مكوناته

عصير عادي مو غازي





هذا بعد احبه .. على قولتهم ماي مايوه بس حلو وفيه ريحة فراوله





هذا ماجربته ... وتوني لقيته صدفه بالسيرج

طريقته مثل تانج البودر ...




اذا جربته بقول لكم

 

[doode cool]

الله يعافيك حبيبتي دودي .. مشكوره

بنك ليمونيد عصير ليمون عادي وطعمه حلو بس لونه وردي

وفي ماركات تدش فيه بس ريحة فراوله مثلا .. على اساس انه وردي

بحطلك انواع ثانيه .. جربيها

بس اللي بالصوره نوعا ما فيه غازات ... تقريبا مثل السفن اب

تسلمين بطوط والله ماقصرتي الله يجعله بميزان حسانتك ويوفقك ويوفق كل من تحبين ي رب

اي والله احب الليمون كلا ودي اجرب بس متردده لانو اجرب اشياء كثيرا واقطها والله ماشرب منها الا رشفه وحده بس حرام وبعدها هونت اشتري شي مو مجربته
​

 

[بطه فيها نطه]

سلطة

Coleslaw






المقادير :


ملفوف ابيض مقطع

جزر مبشور

حسب الرغبه ( ملفوف بنفسجي مو وايد - نص بصله بيضه )


الصوص :


كوب مايونيز

3 ملاعق طعام خل ابيض او بديله 3 سور كريم ( كريمه حامضه )

2 ملعقة طعام + 2 ملعقة صغيرة سكر ناعم

2 ملعقة طعام حليب

رشة ملح




وهذي الطريقة الامريكيه

بالفيديو ..

http://www.youtube.com/watch?v=LRkzY3j-izU&feature=related

 

[doode cool]

بنات ياعسولات

مشتهيه بسبوسه بالقشطه منو تعرف تسوي وحده لزيزا وسهله تعطيني الطريقه :ggdw:

ومره شكرا
​

 

[doode cool]

ماقصرتي بطوطط تسلمين وانا بعد كلش ماحبيته هرشي مو حلو جدا عندنا بالخليج طعمه احلى من هنا بكثير صادقه مرت اخوك كانو خربان علا قولت وحده كانو محزر <<خربان حده
​

 

[بطه فيها نطه]

البسبوسه بالقشطه


جربيها وادعيلي ... هذي طريقتي



مقادير البسبوسه :


1 كوب سميد

1 كوب جوز الهند

1 كوب سكر

1 علبة قيمر

3 م روب

1 بيضه

نص كوب دهن

1م بيكنغ بودر

1 م هيل ناعم

زعفران - ماي ورد - صبغه صفره شوي طرف المعلقه

+ ماي شوي للعجن ... لاتكثرين

هرده او طحينه لدهن الصينيه من تحت والاطراف ...




مقادير القشطه :

3 م قيمر + ربع قلاص كريمه + ماي ورد + 3 م سكر + ماي بارد مع نشا علشان نثقل الخليط



واكيد للزينه :


شيرة + فستق للوجه



الطريقه :

نخلط جميع المواد الناشفه + البيضه + الدهن + القيمر والروب + الماي للعجن

لاتخلينها خفيفه ولا ثقيله وايد ...

القشطه .. كل الواد على النار ماعدا النشا ... لما تبدي تغلي شوي نحط لها نشا مذوبه بماي بارد

تقريبا كوب ..


لازم تكون عندنا صينيه حديد او نفس مالت الكنافه تطلع اضبط او حتى تيفال ... ندهنا هرده من كل الاطراف

وعقب نحط نص كميه البسبوسه ... وبالقفشه نوزع القشطه عليها

بس لاتقربين من الاطراف ... خلي مجال علشان لاتطلع برا

واخذي باقي البسبوسه وحاولي توزعينه فوقها ... ودخليها الفرن ماتاخذ وقت

وليه اطلعت صبي عليها شيره وفستق ... وعليك بالف عافيه

دايما الاهل بالكويت يحبونها ويطلبونها مني ...




ساعات اسويها بدون قشطه هم لذيذه ... بس اكيد بالقشطه احلى بوايد بعد

 

[noni]

اليوم ريوقنا واللي اهو كان غدانا بعد ... كلاب ساندويش + بنك ليمونيد




تصوير على عيله ... مااصبروا علي



والحمدالله على النعمه ..

عاد احب الكلوب ساندوتش عليكم بالعافيه بطوط​