المطبخــ الامــريــكيــ / منــ a2z

[بسكوت على الفحم]

الى تسال عن النيدو تحصلينه في كرتون ابيض كبير في الول مارت

 

[مجنونة حبه]

باذن الله راجعتلكم باطباق حلوه

 

[مجنونة حبه]

السلام بنات اشلونكم
يعطيج الف عافيه دودي عالوليمه الحلوه
يبيلنا شوي نعنش المطبخ
شذي اليوم يبتلكم جم طبق من تطبيقي
وجم طبق من تطبيق بو شباب ( شاد حيله بالعطله وصار يتسلى بالمطبخ مع هالبرد الله يخليه لنا يارب ويطول بعمره ويوفقه )

من الاطباقي :
اليلاليط

المجدره

 

[مجنونة حبه]

عيش اخضر بالتونه :

لازانيا :

 

[مجنونة حبه]

مرق لحم وباجلا خضرا مع عيش :

فوتيشيني مع لحم بالمرق ( حلوه ودافيه تصلح حق جو الحين )

 

[مجنونة حبه]

صلصه تشيلي باللحم المفروم البينز مع ناتشوز وشيز شيدار:

بلونيز باستا وفوقه اكيد جبن سايح :

 

[مجنونة حبه]

الحين اطباق بو شباب :


كوشري :

مسخنه باصابع التوست :

وهذي الحشوه

 

[مجنونة حبه]

فطاير مشكله دياي وجبن ولبنه :

فطاير زعتر :

بيتزا بالدياي :

 

[مجنونة حبه]

فطاير مشكله :

 

[مجنونة حبه]

قولوا ماشاالله عليه ضبط فطاير
انفع ابطل دورات طبخ

وبالعافيه

 

[لولوة الكويتية]

ماشاءالله
تبارك الله
الله يخليكم لبعض
تسلم الأيادي

 

[doode cool]

مشاءالله تبارك الله الله يخليكم لبعض ي رب

اي والله مج مج افتحي دورات انا اول وحده عندجج ودي اعرف اسوي فطاير ابي اصيرفنانه بطبخ
​

 

[Sa7aBa]

ما شااء الله تبارك الرحمن

ما شااء الله تبارك الرحمن

الله يحفظكم ويوفقكم
كل اطباقكم عجيبه الله يعطيكم العافيه
سنغ بناتنا سنع الله يوفقكم ويسهل اموركم

انتوا مرجعي بغربتي بس خل استقر ليلحين ما لقينا شقة��

بس انا ابي اعرف شغله ... لييييش لما اسوي دياي لازم اشم زفرة او طعمها مس ولا بد .. مع اني انظفها واتبلها
وحتي الصدور الدياي لما اشتريها واحط معاها ليمون وثوم وساعات زنجبيل بصل كركم اللي اهو بس ما تعجبني لما اكلها تلوع جبدي
هذي وحده

الشغلة الثانية
اللحم عمري ما سويته ولا جسته سواء حق مرق او غيره
لازم اشد حيلي بالغربة برقبتي ريلي و ولدي
لازم اضبط روحي بالاكل
امنيتي اني اعرف اطبخ��

 

[ذكريات]

حبيبتي مج مج قوليلنا شنو طريقتكم حق المعجنات ؟؟

 

[لولوة الكويتية]

مج مج بغيت أسالك تفوحين اللزانيا قبل لا ادخلينها الفرن ولا تحطينها سيدا بالصينية لما افوحها تلزق معاي واتأذيني ،،،،،،

 

[سويت فانيلا]

رررررررروعه

 

[درة أهل الطولات]

نبي طريقه الفطاير

 

[مجنونة حبه]

السلام بنات اشلونكم سوري على التاخر لان انشالهه بنرد الديره فكنت بحوسه مع الاغراض وتعزل

لولو الكويت بالنسبه حق لازانيا
انا استخدم لازانيا ماركه باريلا ماتنطبخ بس اتصفيينها وبعدها احط كميه قليله من عصير طماطم اطراف اللازانيا تقريبا الى ربع ارفاع طبقات لازانيا
وبعدها اغطيها واحطها بفرن
حرارته تقريبا 120 الى 180 درجه
بس اذا عندج وحده تنطبخ قبل تصففينها وتلزق معاج بعد ماتطبخينهها حطيها بماي بارد فماراح تلصق معاج

 

[مجنونة حبه]

بالنسبه حق طريقه فطاير ( قياسات المستخدمه : الادوات القياسيه من اكواب والملاعق )

المقادير :
ثلاث اكواب من الطحين
ثلث كوب من الحليب البودر
ربع كوب من زيت الذره
كوب واحد من الماء

بيضه واحده
ملعقه صغيره من الملح
ملعقه كبيره ( ملعقه اكل ) خميره فوريه
٣ ملا عق كبيره سكر

الطريقه
يخلط البيض مع السكر والملح ثم الزيت والخميره لمده خمس دقايق ثم يضاف عليهم الحليب والطحين والماء وتعجن
ويترك بمكان دافيء مغطى الى ان يتضاعف حجمها

 

[مجنونة حبه]

بالنسبه حق الي اول مره يسوون فطاير
قبل العجن شغلوا الفرن شوي وطفوه علشان يدفى وتقدرين بعدها اتحطين عجينتج علشان ابسرعه تنتفخ
بعد ماتعجنونها العجينه حطوها بوعاء ( باديه كبيره ) من زجاج وغطوها بنايلون شفاف وبعدها بالفرن الدافي بس مو شغال

وبعد ماتنتفخ وتجهزينها وتحشينها وتصففينها فوق الصينيه مرشوشه بالطحين وادهنين الفطاير بالبيض ( علشان طلع ذهبيه من فوق ) وترشين سمسم ولا حبه السوده ولا حتى بزعتر
وتشعلين فرن من تحت على ١٨٠ درجه
بس قبل لا ادخلينها الفرن خلي الفطاير ترتاح شوي مده عشر دقايق بره ( كلما ارتاحت معاج فطاير وانتفخت كلما كانت طريه ولينه مو ناشفه ويابسه )
وبعدها دخليها الفرن لما تسوي من تحت ( يصير لونها ذهبي شوي ) شغلي النار الي فوق وطفي تحت وخليها تاخذ صبغه الذهبيه