الوزير أحمد المليفي : لا رجعة عن قرار تعديل آلية تقويم الاختبارات

[M!Ss Un!VerSe]

وفي موضوع آخر يتعلق بوزارة التربية، أكد الوزير أحمد المليفي ألا رجعة عن قرار تعديل آلية تقويم الاختبارات، وأن الوزارة ماضية فيه لأنه يصب في مصلحة الطلاب ومستقبلهم.وقال في تصريح للصحافيين عقب اجتماعه مع مديري عموم المناطق التعليمية والموجهين ان اعتراض الطلبة على القرار كان نتيجة لسوء فهم له، مطالبا المسؤولين في الوزارة والمناطق التعليمية بالنزول الى المدارس لتوضيح أبعاد القرار الذي يحفظ حقوق الطلاب التعليمية دون تعسف، معربا عن قناعته بأن الطلبة سيرحبون بالقرار بعد ان تتضح لهم الصورة كاملة بأنه يصب في مصلحتهم.


المصدر:
جريدة الوطن*

http://alwatan.kuwait.tt/ArticleDetails.aspx?Id=143621&YearQuarter=20114

 

[M!Ss Un!VerSe]

رايي الشخصي:

انا قريت ان هالنظام يتبع في بريطانيا
*واحنا مو اقل منهم.. والحمدلله
*برافوا عليك يالمليفي عالموافقه او اللوغاني لاقتراحها هالقرار
من اليوم ورايح ماكو غش بالنسبة للمسائي
وماكو طلبة تشتكي من الاستاذ او الابله
ظلموهم بالشفوي وحاقدين عليهم
اغلب درجاتكم بيدكم*
بس تركوا الطلعات والبي بي
والكسل*
درسوا باجتهاد وتوكلوا علي الله
ما اعتقد احد يشد حيله ويلقى العكس
الا اللي مو دارس عدل
*اما الامتحانات يمكن اصعب اختبارين كل سنه يتشكون منها العربي والرياضيات
والباجي ضمان بإذن الله
كل شي من المنهج ما اعتقد يحطون أسئلة عباقرة!!!
ولا ليش المصري واللبنانيه السنه اللي طافت يابوا ٩٩ شالفرق!؟
انا اقولكم لإنكم ماتشدون حيلكم كثرهم
*ولا.. عقولنا وحده..!
كلمة والثانية قالوا حطولنا اختبارات تعجيزيه
واحنا مو عباقرة..!!
هالشي بس بالنسبه لمستوى دراستكم عبقري اكيد..!*
انزين انتو مو قد هالشي ليش تبون الجامعه..! تبون كل شي سهل!
اي لازم تتعبون عشان توصلون،،

ترا وايد خريجين مايعرفون الفرق بين التاء المفتوحة والمربوطة*ولا يقرون عدل
*
اعرف طالبة طب عندها الف خطأ املائي
واعرف مهندسة ماتعرف تكتب جملة بالانجليزي سليمه من ناحية القواعد..

وااي فشيله؟! اللي حاطينه بالجريده من يومين ان في طلبة جامعيين مايعرفون عدد اعضاء مجلس الامه..
هذا يدل ان جيلنا ابدا مو مثقف.. *ولاقارئ

فلاتلومونهم ..

القرار سليم ١٠٠٪ بس بنظري اللي مو متقبلينه*مو واثقين بقدراتهم ودراستهم
من جذي خايفين..
خلكم واقعين، ودرسوا اول بأول وخلوا طموحكم اخر التسعين
ولاتفكرون بالسبعين لإني لاحظت مجموعة من المعترضين هدفهم بالسبعين وحلمهم لقب "جامعيه" او "جامعي"
وماعندهم طموح راضين بأي شي المهم الجامعه ،، كلية آداب ادبي ولاكلية العلوم علمي
فأقولكم الأولوية بالدخول للنسب الأعلى..
فطالعوا فوق واسعوا لأعلى الدرجات وابذلوا كل الاسباب واهم شي الاستعانة بالله..
وابتعدوا عن الغش عشان ماتصير شهايدكم وشغلكم حرام.. بعدين تقولون احنا ماسوينا شي ياربي ليش تعاقبنا..
من وين تتحذف علينا المصايب..
فكروا عدل اذا تبون الله يساعدكم ساعدوا نفسكم وابتعدوا عن اللي نهى عنه..
وجدامكم السنه بكاملها شدوا حيلكم
والله يوفقنا ويوفقكم .،

 

[أنـــفال]

اولا يعطيج العافيه على مجهودج...
ثانيا انا ضد هذا القرار...
ما يصير يعني قرار مايساعد في تحصيل الدرجات ولا تعديل المعدل وهذا بيزيد من نسبة السقوط والمليفي الله يهديه نبيه عون صار فرعون ...
الله يعين وانشاء انجح انا وجميع احبتي وجميع بنات الكويت يا رب

 

[شغآف الروح]

والله اللي ايده بالماي مومثل ايده بالنار ليه ماحط هالقرار علي دفعه بنته هاا ولا يعرف مصلحه بنته وين والله هالقرار كل ابوه بس عشان يخفض نسبه دخول الجامعه لايقعدون يلفون يدورون بالحجي ويطلعولي حجج مادش برا ستغفرالله *

 

[فرباتشينو]

فتحت الرابط مافي عن الموضوع المليفي كاتبين موضول منهج الاسلاميه
بس بعلق علي كلامج

كلامج سليم ميه بالميه بس اهو هدفه ابداا مو هاذا وبعدين اذا صج يصب بمصلحه الطالب ليش مايقرره علي عاشر الدفعه الجديده ليش الحين بنسبه الاثنعش والاحدعش تعود علي نظام معين بيوم وليله وبدون دراسه كافيه نزل هاذا القراار لتفادي الاستجوابات الموجهه اليه اذا حاب انه يخفف نسبه دخول الجامعه خله يشدد الرقابه علي الامتحانات السنه اللي طافت نجحو بغش الاغلبيه مااعمم ومااقوول الا حسبي الله ونعم الوكيل في وزاره التربيه اللي كل يوم وثاني تصير اسوء

 

[بالروح احساس]

انا كل ضد هالقرار واصلن هالقرار بصالح المليفي ولا فكر بمصلحه الطالب كللش ملشووف اي نقطه ايجابيا بصالح الطالب كلش سوا هالنظام عساس يخفف كن الضغط ع الجامعه ويفرون فلووس عشان ماايشون جامعه جديده والميزانيه اللي للجامعه الجديده اللي لهم ٢٠ سن يقولون عنها اللع يعلم وينها ،!!!
وبعدين الطالب يقووم من ٦ وويرد البيت ٢ ميت وهلكان واخر شي ع ثلاث درجات بس ؟! ياخذ له منازل احسن بس اهما فكرو صح يووم حطوا درجه ع الغياب عشان مايغيبون الطلب وتنقلب عليهم السالفع لان مافي دافع يخليهم يدامون وكل هاذا لمصلحتهم ولا شفايذه الطالب يداوم دام كلا ع الامتحان ارتاح بيتنا ولا يا الامتحان ينادونا موواحسن !!!،ولا بتشووفون اذا ماحطوا امتحانات تعحيزيه بالفاينل وبيشتكون الناس وهما شنو بيقولون طلع صدفه ومادري شنو ويعتذروون وهما اصلن ناويين من قبل يبووونيصقطوون شلووون مسبه النجاح كبيره يموتون اهما مايبون احد متعلم !!! لاتبنوون مدارس ولا بعديين في شي ثاااني ليش ساكتين عن الخاااصه وانا متاكده انهم يدرون عنهم بس الظاهر في وسطات ومصالح الكباريه 

 

[M!Ss Un!VerSe]

فرباتشينو

امبلا حبيبتي الفقرة الثانية من الصفحة،
كاتبين اكثر من موضوع بصفحه
اذا تلاحظين بداية الفقرة ب (و)

هذا هم دليل على عدم القراءة قريتي بدايته وماقريتي الباجي
ومالاحظتي ان الفقرة بدت ب و
يعني اكيد قبلها في حجي

تدرين عاد هذا همن من الأخطاء بالامتحانات عدم الدقة وماكو تركيز
يعني مثلا اختياري: واحده مما يلي ليست كذا كذا
طبعا الطلاب اول شي يقرون نص السؤال ويشوفون الشي المشترك
ويجاوبون واجابته خطأ لإنه طلب الضد هالشي شكثر تصير
انتبهي وشدي حيلج حبيبتي
..

اشكركم بنات على الردود
والله يكتب الله فيه الخير

الله يوفقنا اجمعين

 

[حياتي فراغ]

اقوى قرار
وخطوة تطور للتعليم بالكويت
برااااااااااااااافووااا المليفي ​

 

[حبكـ ملكني]

انـا ضــد القراااار ليش ماحطه القرار السنه الطافت ولا ناس وناس ليش ماطبق القرار ع بنتـــه
و درجةالاعمال هي اللي ترفعـــنا . واكيـــد بيعطووونه امتحاناااات تعجيــزيه علشان مانــدخــل الجامــعه ما اقوووول
الا حسسسسسسسسبي الله ونعــم الوكيـــل,,,

 

[عــذووب الغلا]

كلناا ضد القرااار و كيفه هوو الطلاب رااح يرجعوون مررة ثااانية يووم الخميس
وان شاااء الله يشيلووونه

 

[احلى قدساوية]

ما نقول غير


حسبي الله ونعم الوكيل
​

 

[nicegirl94]

يعطيج العافية حبيبتي

الله يكتب اللي فيه الخير

و احنا لازم نتعب و نجتهد مافي شي اييلنا بسهولة

 

[الزين مني وفيني]

بصرآحه انا مع القرار بقوه
و الحمدالله تطبق و انا ب 12
و مافي عوار راس و سطري دفترج و عدليه و امتحان قصير و شفوي و نشاط لا اللحين كل شي على الامتحان
اريح راسي و كل يوم اداوم عشان الحضور و عشان الشرح و افهم و بسس و اذا قربت الامتحانات ادرس عدل و خلاص و اتوكل على الله
و لا تقعد ابله تذلني و تلعن خيري بالشفوي و لا اذا حقدت علي حطتني براسها
و لا تقعد ابله تتطلب جيبوا و جيبوا و سوي نشاط و سوي بروجكت
الحممدالله على كل حال
و الله يوفقنآ

 

[متيمة بالشعر]

هالقرار فيه نوع من الصحه وبنفس الوقت فيه من نوع من الخطأ ..

هو ممكن فيه ما راح يتساوى الشاطر باللي نايم على روحه ! ..
لكن بنفس الوقت فيه ظلم شوي .. يعني الطلاب خاااااااصة ( الثاني عشر ) حرام يعني والله يحتاجون لكل درجه حتى نص درجه تنفعهم !
الشفوي يلعب دور كبير و درجة النشاط بعد ..
الحين الاعتماد الكلي على الامتحان يعني يا نجاح او رسوب ! .. حرام ! المفروض اكو فرص عشان يقدر الطالب يرفع من مستواه لو بدرجه او درجتين ! ..


الله يوفقهم ان شاءالله .. و ما يضيع تعب

 

[اعلام الهدى]

انا كل ضد هالقرار واصلن هالقرار بصالح المليفي ولا فكر بمصلحه الطالب كللش ملشووف اي نقطه ايجابيا بصالح الطالب كلش سوا هالنظام عساس يخفف كن الضغط ع الجامعه ويفرون فلووس عشان ماايشون جامعه جديده والميزانيه اللي للجامعه الجديده اللي لهم 20 سن يقولون عنها اللع يعلم وينها ،!!!
وبعدين الطالب يقووم من 6 وويرد البيت 2 ميت وهلكان واخر شي ع ثلاث درجات بس ؟! ياخذ له منازل احسن بس اهما فكرو صح يووم حطوا درجه ع الغياب عشان مايغيبون الطلب وتنقلب عليهم السالفع لان مافي دافع يخليهم يدامون وكل هاذا لمصلحتهم ولا شفايذه الطالب يداوم دام كلا ع الامتحان ارتاح بيتنا ولا يا الامتحان ينادونا موواحسن !!!،ولا بتشووفون اذا ماحطوا امتحانات تعحيزيه بالفاينل وبيشتكون الناس وهما شنو بيقولون طلع صدفه ومادري شنو ويعتذروون وهما اصلن ناويين من قبل يبووونيصقطوون شلووون مسبه النجاح كبيره يموتون اهما مايبون احد متعلم !!! لاتبنوون مدارس ولا بعديين في شي ثاااني ليش ساكتين عن الخاااصه وانا متاكده انهم يدرون عنهم بس الظاهر في وسطات ومصالح الكباريه 

انا اييييييييد
كلامها
احنا مع النظام القديم ويالله بالدز البنات انجحوا
صلي على النبي
واضحة وضوح الشمس مايبوووووووووووووون اعداد كبيرة يدشون الجامعة
ما اقول الا الله يستر هالسنة

 

[ya al3rosa]

صح كلام
بالروح احساس
​

 

[M!Ss Un!VerSe]

بنات شفيكم فاهمين القرار غلط

ترا في امتحانات اشهر واعمال سنه

اللي ملغي اهو المسائي
ماعندهم اشهر

صاج المليفي انتو حدكم فاهمين القرار غلط

 

[tt2tt]

حسبي الله ونعم الوكيل

 

[رويال كلاس]

لعمل البحوث والتقارير و عروض التقديم سواء لأغراض طلابية أو للشركات (البوربوينت) والترجمة والتلاخيص الأكاديمية وحل الواجبات المدرسية و الجامعية ومشاريع التخرج والتقارير الدورية

نقدم خدمات مكتبنا لجميع المراحل الدراسية ولجامعات الكويت والبحرين , كما نقدم خدمات مكتبنا لجميع الطالبات والطلبة المبتعثين بالخارج بجامعات بريطانيا وامريكا

خدمات مكتبنا يقوم عليها مجموعة من الأساتذة الأكفاء من حملة الماجستير والدكتوراة

كما نقوم خدمات مساعدة الدراسات العليا كالابحاث والرسائل وتحليل الأستبيانات

توجد خدمة لتوصيل الطلبات لجميع مناطق الكويت وخصومات خاصة للطلبات المجمعة ومجموعات الزملاء

للإتصال م. هبه الحداد - 94456116

​

​

 

[ياربي عفوك]

لكل مجتهد نصييييييب ومحد ياخذ الا اللي مقسوم له
لكن ومثل ماتعلمنا واحنا صغار من جد وجد