الى كل وحدة تعز ام مريووم :) !!! محتاجة استشارة ضروري

[رضاهم جنه]

ام مريوم اقرى قصتج وخانقتني العبره بصراحه انتي بموقف الله يعينج وحاسه فيج

والله يهدي نفوس اهلج ويرجعون حق بعض يارب

 

[أم ورود]

يااارب تسخرهم حق يعض وتردهم احسن من قبل
حبيبتي
ماله داعي الطب النفسي
مادري احس رد فعل طبيعي
او حالة مؤقته
راح تروح مع الوقت
اهم شي توقفين وياها وبالكلام الطيب تلينين قلبها
وهم ابوج روحي له

هذا رايي
ابتعدي عن الطب النفسي
انا احس موحلوة بحق امج
الله يكون بعونكم ويفرج كربتكم

 

[a7la MUM]

رد : الى كل وحدة تعز ام مريووم !!! محتاجة استشارة ضروري

حبيبتي والله انربط لساني مادري شقول
حطيت نفسي اول شي مكان امج ومكانج ماني عارفه شقول غير اني ادعيلج
حبيبتي والله امج ماتبي الطلاق صدقيني ماكانت تبي والدليل مرضت

 

[( مي )]

كلمتج انج أكثر وقتج تبجين ،، بجتني معاج

حاسة ابإحساسج ،، لاني مثلج وايد افكر ابأمي وابوي بكل صغيرة وكبيرة
وعلى كبري الحين ومعرفتي بالحياة الزوجية بس هم اتأثر لو اشوف بينهم زعل حتى لو ادري انه ماراح ياخذ وقت طويل

بس نصيحتي
انج ماتروحون دكتور نفسي ،، الدكاترة النفسيين على اللي اسمعه يتعاملون بالحبوب والمهدئات
قالولي مرة عن وحده قاموا يعطونها حبوب كآبة طول يومها مسطولة ومتسبهه لا احساس ولا كلام

امج اللي فيها مشكلة من صدمة الطلاق واللي صارلها مع ابوج ،، يبيلها حل للمشكلة الاساسية
اذا انحلت المشكلة الأساسية راح تنحل أزمتها النفسية ،، بالتالي الحبوب بشنو بتفيدها ؟؟ اذا الأساس ما انحل
وحطي في بالج انها ممكن تتأزم أكثر بعد معرفتها ان صار فيها ضغط وسكر

الوالدة يبيلها استشارة من الناحية الإجتماعية والزواجية وشلون تتأقلم مع وضعها اليديد
ويبيلها ابهالفترة شخص دوم يهديها ويكون معاها أكثر الوقت


الله يشافيها ويصبرها على ماابتلاها ،، ويعينج ويقدرج انج اتطلعينها من اللي اهي فيه
وعسى الله يصلح الأمور مابينهم ويرجعون لبعض
وطمنينا على الوضع ..

 

[miss_math]

رد : الى كل وحدة تعز ام مريووم !!! محتاجة استشارة ضروري

ما أدري شكتب ..

وضعج صعب الله يعينج ويشافي الوالدة ويجمعها بالوالد يارب

اعتقد انها بحاجة لاستشارة اجتماعية مو نفسية

وما أحب فكرة الطبيب النفسي بتاتا إلا في أوضاع ضيقة لأنها مرفوضة بمجتمعنا

+ أن الوالدة ما تحتاجها ...

أسأل الله العظيم أن يلم شملهم مرة أخرى ويسخرهم لبعض ..

 

[ام الدرر]

البنات ماقصروا ما عندي غير
عسى الله يشافي الوالدة ويمسح على قلبها ويرد الوالد لها ردا جميلا​

 

[الحلا^^مبتليني]

هلا والله ام مريوم
امج حييييل كسرت خاطري اسمع السالفه وعيوني ادمع لاحول ولاقوة الا بالله

خليها ترقي نفسها علطول شغلو سورة البقره

امج ذكرتني بموزه بزوارة خميس اسم الله عليها:ssssso:

ام مريوم لازم لازم توقفين وقفه مره
روحي عند ابوووج وابجي وانهاري قولي امي تحبك وتموووت فيك ردلها وقوليله عن حالتها ام مريووووم لازم تكلمين ابوووووووووج وتبجين عنده حييييييييييييييييل لازم تحننيييين قلبه عليهااااا

 

[أسيرة_أحزاني]

رد : الى كل وحدة تعز ام مريووم !!! محتاجة استشارة ضروري

الله يسخرهم لبعض ويردهم يارب والله من عذر امج عندج 27 سنه شويه ؟؟

انتي لو تركتي رفيجتج الي تعرفينها من سنتين او ثلاث بالكثير تحسين روحج ضايعه فما بالج 27 سنه ؟؟؟؟

ياقلبيييي عليها الله يمسح على قلبها ويعووضها

 

[noo7a]

لا حول ولا قوه الا بالله
عشره 27 سنه مو شويه ما تهون و تنسى بسرعه
الله يشافيها و يقومها بالسلامه
ليش ما ابوج يروح يزورها و انشالله يطيح الحطب بينهم و يردون لبعض

 

[غير عنكم]

رد : الى كل وحدة تعز ام مريووم !!! محتاجة استشارة ضروري

مدري شقول بس دام صار اللي صار حاولي تغيرين جوها وتطلعون عالبحر او تتمشون ومنها تفاتحينها بموع الدكتور النفساني وفهميها ان صحتها عندج بالدنيا كلها ولا ممكن تشوفينها تذبح نفسها وتدفن عمرها بحرره الطلاق وقوليلها انا معاج وانشالله بتشوفين نفسيتج احسن مع العلاج
ولاتحاتينكل مشكله ولها حل والله يكتب الخير انشالله واتوقع بتنحل دام وراها عشره صدقيني مارح تهون على ابوج

 

[روحي تحبه غصب]

الله يعينه اكيد انها مصدووووووووووومه وماكانت تتوقع ان بعد هالعمر بتتطلق وتهون العشره غلى ابوج

سفروها للعمره خلوها ترتاح نفسيا وتغير جو

وامج محتاجه الحين احد تفتح له قلبها وتعبر عن مشاعرها شخص غريب ماتعرفه ولايعرفها
في وايد استشاريين نفسيين متخصصين لمثل حالتها يعني مومستشفى الطب النفسي

الله يفرج لها من عندها ويسخرلها ابوج ويارب تهديها وتريح بالها وتشرح صدرها

 

[امـ جوجو]

والله خنقتني العبره لمن قريت عشره 27 سنه

حاولوا كلكم تجمعون عندها واذا قعدتوا عندها لا تيبون طاري الطلاق لان بياثر على نفسيتها والله يهدي مابينهم ياااااااااااااااااااارب ويشافيها ويعافيها لكم

 

[G!RLooNa]

الله يهديهم و يصلح بينهم انشالله

 

[*peace*]

الله يهديهم ثنيناتهم ويسخرهم لبعض

الله يصبركم ويعينكم والله مادري شقول غير الدعاء لكم

 

[غدووور الكويت]

رد : الى كل وحدة تعز ام مريووم !!! محتاجة استشارة ضروري

اللهم شافها بشفائك

 

[شــــــــــــــوقــــه]

الله يهديهم يارب و يقوم امج بالسلامه

عين ما صلت على النبي

 

[أم حوور]

عسى الله يهديهم ياااااااااارب



والله يشافي الوالده وتكون باحسن حاله عن قريب




الصدمه اللي يامج فيهاااا لاااااااااااااااابد تكون " خياااااااااانه "



اسمحيلي عالكلاااام



المرأة ما يذبحهاا غير الخيااااااانه والتلاعب بمشاعرهاااااااااااا



تقبلي مروري

 

[chanel N22]

البنات ماقصروا
الله يخليلج امج وابوج ويهديهم ويسخرهم لبعض يارب

 

[شيختهم$$]

رد : الى كل وحدة تعز ام مريووم !!! محتاجة استشارة ضروري

واضح انها عييييييييييييييييييييييييين

والا

سحر

اخاف خدمكم مسوين شي جيكي حبيبتي

 

[So0oKaRa]

والله ضاق خلقي
الله يفرجها عليكم يارب ويمسح على قلب امج ويحنن قلب ابوج
اكيد امج ماكانت تبي الطلاق او ما توقعته بمعنى اصح ولا جان ماصار هذا حالها
يمكن كانت بتجرب ابوج او بتشوف غلاها عنده
حاولي تصلحين بينهم حبيبتي انتي البجر واكيد ابوج يسمع منج
شبيسوون بهالحال وبعد الطلاق؟شراح يستفيدون من الطلاق؟
لا امج تقدر تعيش حياتها من بعد ابوج ولا اهو يقدر يبدي بحياه يديده وايد صعب هالشي بهالعمر
دايما حطي قرآن بالبيت عشان يهديها وادعي انه ربج يقدم اللي فيه الخير لهم سواء كان برجعه امج لابوج او يظلون جذي منفصلين
يمكن في حكمه من رب العالمين من ورا هالانفصال وانا متأكده انه في شي كبير احنا ماندري عنه ولا انتي حابه تقولينه لانه البيوت اسرار
الله يكون بعونج وطمنينا عالوالده