الى كل وحدة تعز ام مريووم :) !!! محتاجة استشارة ضروري

[atoootta]

رد : الى كل وحدة تعز ام مريووم !!! محتاجة استشارة ضروري

امج طلبت الطلاق ماتوقعت ردت فعل ابوج انه ينفذ طلبها

فا يوم نفذه انصدمت لاتلومينهاا خصوصن انها كانت عايشه معاه 27 سنه على الحلوه والمره

قاعده اتخيل وضعها بعد ها العمر والسنين اللي عشتها معاه هانت عليه وطلقها

حتى لوني قلتها من قلب المفروض مايطلقني راح تقول جذي

البنات الصغار لا تطلقو شنو يصير فيهم فما بالج جده تطلقت والله لاتلومينها اذا صارت فيها حاله هستيريه

والعلاج الاول والاخير ابوج عسى الله يهديهم لبعض ويسخرهم ويرد الشمل من اول وجديد

والطب النفسي ترا ماهو عيب قعدي معاها اقنعيها ع الاقل يعطونها حبوب تنام الليل

والله يصلح حالها يارب لاتلومين امج قعدي معاها قد ماتقدرين وفهمي رجلج في الوضع وان شاءالله فتره وتعدي

صح لسانج عسل

انا معاج بكل كلمه

:yaaaaaarb:

اسال الله العظيم رب العرش العظيم ان يشفي ام ام مريوم
اسال الله العظيم رب العرش العظيم ان يشفي ام ام مريوم
اسال الله العظيم رب العرش العظيم ان يشفي ام ام مريوم
اسال الله العظيم رب العرش العظيم ان يشفي ام ام مريوم
اسال الله العظيم رب العرش العظيم ان يشفي ام ام مريوم
اسال الله العظيم رب العرش العظيم ان يشفي ام ام مريوم
اسال الله العظيم رب العرش العظيم ان يشفي ام ام مريوم

 

[FeShinGoOo]

رد : الى كل وحدة تعز ام مريووم !!! محتاجة استشارة ضروري

مسكينه اكيد 27 سنه موشويه ضحت بشبابها وعاشت ثلاث ترباع عمرها ويا هالانسان اتوقع فرحها وحزنها وتعبها كله ويا ابوج من جذي لاتلومينها .. يارب يشافيها وتصحى من الصدمه
شوفي انا ام ارفيجتي جذي بس هذيلاك جنهم يهال اتطلقو الطلقه الثانيه وكل مره يردون اسبوع ويتطلقون ..
وهم ام ارفيجتي هستر وامسكت المقص بغت تقطع شرايينها جان ارفيجتي تاخذها بالسياره وتوديها الطب النفسي نص الليل دشتتها غصب طيب ..!!
ولا انها تشوف امها تضيع جدام ايدينها .. وتظل ساكته ..
انتي جسي نبض امج .. قوليلها ارفيجتي امها اتطلقت وودها استشاري نفسي ساعدها بتجاوز الاكتئاب والطلاق وارتاحت اشرايج نمرهم يما ؟؟ اذا عجبج نستمر وان ماعجبج بس نطل طله ونطلع ..

 

[كنوشة 2009]

جيكي على الخاص

 

[سنفوره8]

الله يهديهم ويسخرهم لبعض
وان شاء الله يردون حق بعض

 

[شنوووفه]

رد : الى كل وحدة تعز ام مريووم !!! محتاجة استشارة ضروري

حببيبتي اول شي ودووها العمره وبعديين اهيه مسكيينه ماتوقعت ابووج ينفذ طلبها بالطلالاق يمكن كانت معصبه يوم قالتله طلقني وموطالعه من قلبها انا اتوقع اذا ابووج راحلها وكلمها ممكن انها تتحسن خصوصا انه عقب عشره
الله يشفيها انشالله ويسخرهم حق بعض يااارب

 

[وردة-الكويت]

ان شاء الله يردون حق بعض ياقادر باكريم ويششفي امج يارب

 

[اميره1980]

اذا في مجال الصلح بين امج و ابوج احسن حل لوضعكم
و ان شاء الله يردون لبعض

 

[Spanish Princess]

رد : الى كل وحدة تعز ام مريووم !!! محتاجة استشارة ضروري

كلمي ابوج خل يردلها

وخل يروحون عمره


ربي يجمعهم ويهديهم

 

[Hello_kitty]

هلا والله ام مريووووووووومه انه دخلت سيييييييييييده لأني احبج واحب موااااااضيعج اللي دايما حلوه ومفرفشه

بس انصدمت من موضوووعج اليوووووووم@@ لا حول ولا قوه الا بالله صج صج صدمه

حبيبتي انتي من قبل كتبتي جنه الخدامه مسويه لهم سحر او عين يعني السبب واضح

لازم تتصرفين تاخذين من اثرها تييبين شيخ يقرى في بيتكم ويقرى على امج وامج وتخلين البقره والقرآن شغال ليل نهار

واذا تبين استشارين نفسيين متخصصين وعلى مستوى وبدون ولا مقابل

عندج مكتب الإنمااااااااااء الإجتماعي هذا مكتب اسسه الشيخ جابر عساه بالفردوس الأعلى عساه بدار النعيم على كثر ما سوى حق الكويت واهلها..هالمكتب انشىء بعد الغزو علشان يعالج الحلات النفسيه اللي تتضررت ومجانا

عندهم استشارات تلفونيه او اتطلبين موعد وفرته الصبح او العصر وكله بشكل سررررررررري

بس ما ذكرتي موقف ابووووج؟؟وانتي ما كلمتيه

عسى الله يفرج همكم ويصلح ما بينهم ويهديهم حق بعض

 

[white**angel]

انا اذكر مره قاريه مني انه في خدامه كانت تحسد امج اوبوج انه اشلون يتعاملون مع بعض اتوقع انتي
اذا انتي فاكييييد اكييد عييين
الله يصبر قلبها وتردلكم مثل قبل واحسن ياااارب

 

[ضايعة بدنيتي]

رد : الى كل وحدة تعز ام مريووم !!! محتاجة استشارة ضروري


لاحول ولا قوة الا بالله

حبيبتي وربي ضاق خلقنا عليكم . ما تستاهلون .

ياقلبي لا تلومونها الي صار مو قليل. وكلام آيرون وومن صح ! . عطوها فرصة تنفس عن الي فيها . خلوها تبكي وتصرخ وتناجر الكل ! ..

فيها قهر المسكينة . قهر السنين الي راحت وقهر العشره وقهر عمرها الي راح جدامها بكلمة طالق !

خليها براحتها حبيبتي ولاااااااااااازم تودونها العمره لازم . وبعدين ياقلبي مافي بيت يخلى من المشاكل . مهما كان هالبيت مثالي وسعيد . لازم فيه يوم حلو ويوم مر .

بس لازم تظلين تكلمين ابوك وتحاولين تصلحين الامور من كل صوب . حرام خواتك صغار هم الي بيضيعون بهالدوامة وهم ما لهم ذنب .

طمنينا عنكم حبيبتي . وعسى الله يفرج همكم ويهونها عليكم ويهدي سركم ويسخر والديك لبعض ويهديهم يارب . صبروا يا قلبي تراه ما وراه الا الفرج بإذن الله .

 

[نــعــوومــه]

ياحياتي شكلها تحبه حييل .. الله يسخرهم لبعض وترد المياه لمجاريها إن شاءالله .... ​

​

 

[om MaRyooM]

مشكورين وايد حبايبي كل اللي ردو علي ماقصرتو والله ريحتوني شوي


واللي سالو عن موقف ابوي .. ابوي اعترف انه غلط وطاح بين ريلها محتار شيقول

مرينا بمواقف وايد جايدة تخيلو تشوفون امكم وابوكم منهارين بين ايدكم !

وابوي جم مرة يقولها قولي اللي تبينه وانا انفذلج طلبج .. حتى لو تبين تردين بس اهي ماتقدر تردله

والسالفة هذي من جم شهر وانا وابوي نماطل فيها يمكن تتراجع عن قرارها لأن حتى ابوي ماكان يبي

بس اهي ماتوقعت انها مارح تقدر تتحمل بعد الانفصال


اهي ماتدري شاللي تبيه ولا احنا عارفيلها .. وابوي حاس فيها ويقول انا عاذرها اي شي تسويه بس صحتها لا .

 

[DooLy88]

لاااااااااااااااااااااحول ولاقوة الا بالله
حرام عشرة عمر
امج حالتها حالة ماتنلام
وابوج شلون ؟ عادي؟

ياربي ان شالله يرجعون لبعض وعسى الله يسخرهم لبعض يارب آمين وترجع الامور لوضعها واحسن
فديتج

 

[احلام روحي]

دش الشيطان بينهم على هالعمر سبحان الله

امج تكابر حيل

كلمي ابوج يمكن يلين لها دامها هي طلبت الطلاق يعني شوي صعبه هي تردله

عسى الله يهدي النفوس

 

[أط أط]

يا عمري الله يعينج ويهدي سركم ..

الله يقومها بالسلامه يارب ..

مالي غير أدعيلج أن الله يهديها ويعطيها الصحة والعافية ..

 

[brettey]

رد : الى كل وحدة تعز ام مريووم !!! محتاجة استشارة ضروري

حبيتي الله يعينكم على بلاكم ويهدي امج وابوج ويرجعون لبعض عاجلا غير اجلا
حبيبتي حاولي تصلحين الوضع بينهم كلمي ابوج يمكن يحن ويردها حاولي مره ومرتين وثلاث واستعيني بالله قبل كل شي
عشره 27 مو شويه قولي له اخواني الصغار ضايعين ومتوترين ومو عارفين يدرسون نفسيتهم اتعبت
واكيد امج عقب هالصدمه لازم تروح لطبيب نفسي
عسى الله يصلح احوالهم يارب
عورتي قلبي

 

[المميزه84]

اختي بقولج نصيحه واتمنى انج تتقبلينها وتسمعينها عدل

عمرج لاتفكرين بالطب النفسي لانه اهو بروحه مرض

البنات الي يشورون بالطب النفسي انتوا داشينه تعرفون شنو فيه

انا امي نفس حالتة امج بس اكثر من امج انا امي من الاكتئاب الحااد صار فيها مرض الذهان الي تتخيل انها الرسول عليه الصلاة وساعات تسوي اشياء تخرع ومره حبست اخواني بالبيت اسبوع بدون اكل ولا شرب تعتقد ان الماي والاكل يذبحهم تدرين شنو صار فيني انا اكبر اخواني والله مت اخر شي بالغصب طلعنا امر من النيابه يكسرون عليها الشقه واليهال صار فيهم جفاف وانا كل ما اتذكر هالاشياء تصير فيني حالة مثل الخرعه على الضيقه الله لايبليكم

طبعا وديناها الطب النفسي وحسبي الله عليهم عطوها مهدئات وحبوب زادت حالتها ما انكر انها لما تاخذ الحبوب تتحسن بس لما تقطعهم تروح فيها وتنتكس اكثر من قبل


بالنسبه لي انتوا العلاج وابوج اهو العلاج خل يرد لها حرام عليه مهما كان هذي ام عياله حاولوا بكل الطرق تردونه لها وتسفرونها بره الكويت عمره اوربا المهم تغير جو وعمرج لاتفكرين بطب نفسي و ادوية وعندي رقم استشاريه تحل مشاكل الزواج والمشاكل النفسيه بس بدون ادويه
اسمها الاستاذه باسمه الكوس وسعر زيارتها اعتقد 25دك وهذا رقمها **********

ولاتنسيني انا وامي بالدعاء ادي الله يشفيها ويشفيني ويرزقني بالولد يارب

 

[om MaRyooM]

*المميزة*



حبيبتي مشكورة على ردج .. وانشالله بحاول اتصل على الدكتورة هذي وانشالله تطلع زينة
وتاثرت بسالفة امج وايد .. الله يشافيها والله يبرد جبدكم ويفرج همكم وييسر اموركم يارب

 

[غمزه وإبتسامه]

الله يهديهم ويعين الوالده ويثبتهاا