البعض مننا ما يدير للمحاشي ولا يعطيها وجه
يمكن علشان هم يستصعبونها او ما تجي على بالهم
ويمكن لان محشي ورق العنب دائما هو على سيد القائمة في البوفيهات والعزومات
بس الشي اللي حبيت اقوله لكم اليوم
ان محشي الملفوف ليه طعم مميز والحلو فيه ان يتجهز قبل العزيمة بيوم لو يومين ما يخترب ولا يتأثر
يعني من النوع اللي يوفر عليج وقت وفوق هذا ما شاء الله الملفوفة الوحدة تطلع كميه خير
وبعد هالمقدمة تعالوا اعلمكم شلون تسون محشي الملفوف بطريقة سهلة جدا
تاخدون الملفوفة بكبرها وتدخلونها الميكرويف كأنكم تبون تصخنونها
وتتركونها ربع ساعة
في هالشغلة راح يطرا الورق ويتفلل بكل سهولة
وبدون ما تحتاجين لقدور ولا مواعين كبيرة وطباخ ماي
واول ما تطلع تتركونها 5 دقايق وتبدون تشتغلون فيها
راح تقلبونها على بطنها وتقصصون الاوراق من الاسفل مثل ما نتو شايفين في الصورة
وبعدين راح تغسلون الاوراق
ألحين تجون تاخدون الورقة وراح تقصونها بالنص بحيث تتخلصون من العرج اللي بالوسط
علشان تقدرون تلفون الورقة بكل سهولة
طبعا على ما الملفوفة تكون في الميكرويف انتوا راح تستغلون الوقت وراح تجهزون الحشوة اللي هي عبارة عن
كاسين رز مصري
سبنت
بصلة مفروم
طماط 2 مبشورين
3 مكعبات دجاج
وماي
الماي ياذوب يغطي العيش تتركونه على النار يطبخ 8 دقايق تقريبا وتطفون النار
بعد الـ 8 دقايق راح يتنشف لحاله ويطلع بهالشكل
ألحين تجيبون الورقة وتحطون في بداية شوية من الحشوة وتبدون تلفونها للنهاية
بتطلع بهالشكل
وعلشان لزوم نظافة الشغل وهالشي اختياري مب اجباري
راح تقطعون بالسكين طرفي الملفوفة علشان تصير مرتب
وراح تصفون الملفوف مباشرة في القدر اللي بتطبخون فيه على النار
ألحين بعد ما خلصتوا من اللفاف تسووون الصلصة
وهي عبارة عن ماي يكفي لتغطية الملفوف بالكامل مع معجون طماط واني اضفت
ليه مكعين دجاج بس لاحظوا اني ما اضيف اي ملح علشان لا يصير مالح
بعدين نسكبه على الملفوف
