الي تعدو ال 25 ادخلو ضروري ابيكم

[مزيونة الخبر]

صباح الخير حبايبي شلونكم شخباركم

هذا اول موضوع لي بسنه الجديدة

كنت بسال عن البنات الي تزوجو بعد ال 25 واكثر او بعد 27 اشلون كانت حياتج قبل لاتزوجين

كنتي تفكرين بزواج واجد شلون كان نظامج بالحياة وباليوم واشلون تعامل اهلج وياج شلون تزوجتي الطريقه
بعد ماتزوجتني شنو الشعور تحسين عادي ولا لاا حلوو وفي فرق بين العزوبيه والزواج
كنتي تدعين ادعية والله استجاب لج

والي الي الان ماتزوجت شلون نظامج

ابي كل شي عن حياة البنات الكبار الي ماتزوجو شنو الاسباب الي اخرتهم وكل شي عن حياتهم

او حتي لو موانتي بس تعرفين بنات كبار الي الان ماتزوجو كيف حياتهم

وسلامتكم بنات :ggdw:

 

[حكم الصمت]

الله يرزقك بالزوج الصالح ياااارب ..

 

[مولاي الفرج]

حبيبتي بالنسبه لي العمر مجرد رقم

يعني انتي بايدج تسعدين نفسج

وبدال لا تفكرين تقعدين تدعين رب العالمين ان الله يرزقج بالرجل الصالح

وكل شي خيره من رب العالمين متى ماكان خير للبنت راح تتزوج

والحياه عاديه دوام واكل ويمعه اهل

والحريم لا بد يقطون كلام لكن انتي تقدرين تردين وتقولين كل شي بيد رب العالمين وماراح اموت بدون زواج لي اهل وعزوة

 

[iLLuMinaTion]

ابببب

 

[M!SS.LOBY]

الله يرزقج و يوفقج

 

[foshia girl]

عمري 28 وليلحين ماتزوجت ومؤمنه ايمااان قوي برب العالمين ان كل تأخيره فيها خيره
وان كل انسان ياخذ نصيبه بالدنيا .. ما أخر الله شيئا الا لحكمه يعلمها الله سبحانه ( وَعِنْدَهُ مَفَاتِحُ الْغَيْبِ لَا يَعْلَمُهَا إِلَّا هُوَ )

الحمدلله منظمه وقتي ومو مخليه هاجس الزواج يأثر علي ..
طلعات وروحات مع خواتي ورفيجاتي والحمدلله على كل حال
متى ما يا نصيبي ياااا محد يموت الا بيومه ..


اللهم ارزقني وارزق بنات المسلمين بالرجل الصالح

 

[ام زايد العتيبي]

كل شي مكتوب لج من انتي ببطن امج الله يرزكم بزوج صالح ولا يرد القضاء الا الدعاء

 

[بنت النعــيمي]

عيشي حياتج !
عيشي لنفسج !!
حققي طموحج واحلامج !!
كوني نفسج !!
كوني لج علاقات مع الناس !!

تره الدنيا مو بس زواج وزواج !
وركضه وره الزوج !!


وتأكدي الله أخر عنج الزواج لخيره مايعلمها الا ربج !!
يمكن نهاية الزواج الطلاق.. يمكن تبتلين بزوج يكرهج حياتج !!

وكل خيره فيها تأخيره !!
وانا انصح اي بنت تبغي تتزوج عليها بالاستغفار وصلاة الليل !!

والله يرزقج بالزوج والذريه الصالحة !!

:eh_s(17)::eh_s(17):
​

 

[اميره بعيونه88]

انا بعدي ما تزوجت لانه اغلب اللي يتقدمون يتشرطون اغلبهم يبون موظفه

مع اني مو ناقصني شي الحمدالله والكل يشهدون بهالشي بس شقول نصيب
والحمدالله علي كل حال




عِنـ.̷̷̸̷̐ـديّ صديقتي تزوجت 27 سنه واهيا جامعيه وما كانت تبي تتزوج واهلها اجبروهاعلي فكره الزواج والحين عندها بيبي وتتنمى ترد بنت لا مسوليه ولا عمات عين

 

[وش الدنيا بدونك]

الله يرزقش بالزوج الصالح

ويوفقش ربي ويوفق بنات المسلمين


وصدقيني كل تأخيره فيها خيره ان شاء الله


وكثري الاستغفار وصلاة الليل

 

[lebanon night]

انا 24 و تقريب كل أصحابي تزوجوا
الوالدة كل يوم تقول اتمنى شوف أولادك الله يبعتلي حفيدة حلوة و افرح فيكي
هلق انا بساير الوالدة بس الزواج مش قرار شراء فستان و لا مكياج ما عجبني بكبوه
الزواج مسؤولية و قرار مصيري ولازم تتأني باختيارك
وبعدين لما بيجي النصيب بيصيب

أنا عايشة حياتي بالطول و العرض تركيزي على مهنتي و دراستي و مشاريعي و هواياتي
مني حارمة حالي من شي
بالنسبة للزواج بظن أنو عمري سن مناسب عشان نستقر و نأسس عيلة
بس يلي متلنا تعا لعنا
يعني الوحدة لازم تاخد شخص أدمي و منيح و كريم و بيخاف الله فيها

هيدا رأي ...

 

[سندس 90]

والله مرت علي نماااذج شكثثثر


ماشالله اعرف بنات والله اخر همهم للزواج
مهتمين بأنفسهم خلطات ونوادي وعنايه
مهتمين بدراستهم وعندهم طمووح
أسلوب ولا أروع
ونفسيه عال العال
ولا همهم
ومؤمنين بالله بياخذون زوج كل المواصفات للي يبونها موجود فيها


يعني ماشالله عليهم
والله يستر ويرزق بنات وشباب المسلمين ياااارب

 

[.. روحي تحبه ..]

..
أنا تزوجت وعمري 24 بس مالله كتب يستمر زواجي وانفصلت ..
توني قبل جم يوم دشيت 26 ..
قبل الزواج كنت أتمنى حالي حال أي بنت تتزوج بزوج صالح وتستقر ..
أما الحين لاااا أبي أتفرغ لنفسي بلا مسؤولية ولا هم ..
ببالي جم شغله متى ما خلصتها فكرت بالزواج
يعني الزواج مشروع مؤجل حتى إشعار آخر ..
والزواج مااهو أكبر هم بالدنيا ، هو رزق من رب العالمين ..
عسى الله يرزق كل بنت الزوج الصالح إلي يفرح قلبها ..
..

 

[زوجة عزيز]

الله يرزقكم بنات بالزوج الصالح اللي يدللكم ويسعدكم

 

[سماء الاحساء]

الله يسهل امور جميع المسلمين والمسلمات. وطبعا كل وحده وطريقتها على حسب الثقافة والمجتمع والعادات والتقاليد تقضي وقتها اذا كانت مؤ متزوجه وبعضهم متزوجات ومحكورررين يتمنون لو مؤ متزوجين عشان يحسون باسم الحرية والحمد لله على كل حال ابدا

 

[بنفسج ..~]

السلام عليكم

أنا عرسي بعد جم شهر وعمري 27 سنة
وفعلاً كنت أبي اتزوج وادعي ربي كثيير لدرجة كنت بستموت على سجادتي
ومو عشان شيء محدد لكن تمنيت أتزوج ويكون لي مملكة خاصة وأتحرر أكثر
ويكون بجنبي واحد يحترمني ويحبني ..
ماله داعي اجذب وألفق الصراحة راحة
أمم سبب أني ماتزوجت قبل ,, مافيه فرص زينة يمكن + كنت أرفض عبالي بيجي أفضل
وليش خذيت ألحين .. لآني قدمت تنازلات وتنازلت عن فتى احلامي اللي فبالي
مو معناه اللي خذيته ألحين شين لا .. الحمدلله الوضع يحمدعليه :eh_s(7):

نظامي كان دوام وبعدين للبيت ع طول يا اطالع تلفزيون يا ع اللاب وبعدين بعد صلاة العشا انام
مافي شيء مميز يعني الدوام ماخذ كل وقتي وطبعاً عادي زيارات اهل وجمعات
وإذا ع النغزات وألخ .. فما فيه لآن اغلب البيوت فيها بنات اعمارهم فوق 25 ومو متزوجين يعني الحال من بعضوو


شكلج تسوين أستبيان مو موضوع عادي


بالتوفيق





​

 

[نـازك الملائكة]

انا 24 و تقريب كل أصحابي تزوجوا
الوالدة كل يوم تقول اتمنى شوف أولادك الله يبعتلي حفيدة حلوة و افرح فيكي
هلق انا بساير الوالدة بس الزواج مش قرار شراء فستان و لا مكياج ما عجبني بكبوه
الزواج مسؤولية و قرار مصيري ولازم تتأني باختيارك
وبعدين لما بيجي النصيب بيصيب

أنا عايشة حياتي بالطول و العرض تركيزي على مهنتي و دراستي و مشاريعي و هواياتي
مني حارمة حالي من شي
بالنسبة للزواج بظن أنو عمري سن مناسب عشان نستقر و نأسس عيلة
بس يلي متلنا تعا لعنا
يعني الوحدة لازم تاخد شخص أدمي و منيح و كريم و بيخاف الله فيها

هيدا رأي ...

تعرفين انصدمت توقعت بلبنان مايتزوجون على مشارف الثلاثين او بعد الثلاثين اغلب البنات
لانو عندكم حريه وتكوين صداقات مع الجنس الآخر جداً عادي , طبعًا مو الكل بس الاغلب
لانو بعض الاحيان البنت بحاجه تكون للجنس الآخر في حياتها عشان كذا مايكون قدامها حل الا الزواج

 

[معي احلى]

مولاي الفرج .. لو اانك عازبه .. وعمرك اتجاوز الخمسه و العشرين .. ماكان العمر بالنسبه لك رقم ..



الذي ايده بالماء مش زي الذي ايده بالنار ..

 

[نـعـومـه]

وايد بنات اعرفهم تزوجو متاخر

مثلا وحده تزوجت 27 من يوم كانت 18 تفكر بالزواج وميته عالزواج بس نصيب

وحده معاي بدوام عمرها 30 ماتزوجت وحدها تحاتي وتبي تتزوج

وحده معاي بالدوام عمرها 39 ماتزوجت وماشاءالله مستانسه ومرتاحه ماشاءالله وتضحك وتسولف ولاهامها سالفه الزواج

يعتمد على شخصيه الوحده انتي بس ادعي وشغلي وقتج زوري اهلج زوري ناس استقبال عروس وسافري وعيشي حياتج والله يرزقج ويرزق الجميع

 

[راقية بذوقها]

انا الحين مخطوبه عمري 26 واكيد كنت افكر بالزواح بس مو ذابحه عمري وكنت انخطب كثير بس كانت فيني عيني قويه والحمدلله تشافيت منها وربي عوضني بزوجي واكيد في نغزات بالمجتمع بس ماكانت حيل تضايقني لاني كنت واثقه بربي ان بيوفقني وبيرزقني بالوقت المناسب وعسى ربي يوفقك انتي وباقي البنات صدقيني العمر كل تاخيره فيها خيره بس ادعي دايما وخليج واثقه بربج