الي تلبس عباة او منقبة تدخل فضلا لا امرا نبي نسولف معاها حياها الله

[نور-الكويت]

قال الله تعالى " لكل امرئ منهم يومئذ شأن يغنيه "
كل واحد عمله انا استغرب من اللي تقطه باوربا والدول العربيه لأ ليش انتي ما تؤمنين بأن الله واحد وهو الرقيب القريب العليم البصير
وينه من الخشيه من الله ولا بس الخشيه من عيونهم
يا حبايبي تأكدو ان الانسان يفرض احترامه وهيبته في كل مكان بشخصيته وليس بلبسه

 

[haifa86]

انا عن روحى اقط النقاب والعباية خصوصا برا
زوجى اهو الى يقولى قطيهم
وساعات البس قصير

 

[روج وردي]

حبيبتي انا اسافر برع اذا اوروبا او دول الشام او مصر او دول شرق اشيا اقط النقاب بس اما اذا كنت في دول الخليج لا ما اقط لان بصراحه الحياة برع صعبه ان يكون الواحد متغطي

هذا رايي وتقبلي مروري

 

[أماراتية]

انا مب من الكويت ^^


الله يعطيكن العافيه ويثبتنا جميع بس ما افصخ عباتي والحمدلله متحجبة ترا عندنا بالامارات الشيله زينة الحين الله يهدينا بس

 

[*peace*]

لا طبعا

وانا اعتقد اللي تقط عبايتها ونقابها مالبستهم واهيا مقتنعه فيهم ياأهلها غصبوها او زوجها

او مالبستهم عشان الدين

الحين السيكي بكبته والهنديه بساريها والنصرانيه بصليب هالكبره على صدرها والراهبه ولبسها والبوذيين بلبسهم البرتقالي

كلهم مااستحوا ولا فكروا انهم يلفتون النظر او على قولة البعض(يبتعدون عن المشاكل والخز)واحنا المسلنمين نستحي

ترى هذا طيحة حظ لنا ورب الكعبه

بالطقاق اللي يطقهم عساهم يخزون من اليوم لي باجر بس اليوم بشوفهم وماراح اشوفهم طول عمري مره ثانيه

بشنو راح يضرني خزهم او نظراتهم؟؟!!؟!؟!؟!؟!

الله يثبتنا بس يارب وان شاء الله مااقطهم طول عمري يارب

 

[@شمس الضحى@]

شخبااااااااااار ي لاسافرت برا اقط عباتي ونقابي!!!!!!!!!!!
الحمدلله سافرنا برا ولكل مكان ومحد استغرب ولاعلق
انا بعباتي ونقابي بلندن وشي عااادي اصلا هنالك متروووووووس عبايات ونقابات وامي وخالتي حريم كبار عليهم براااااااااقع وكلشي طبيعي
بس اناالبس عباية كتف طبعا وااااسعه عشان نمشي واايد لانها اريح من عباية الراس
ومشكووووره ع الموضوع

 

[حلو الذكريات]

هلا حبيبتي شوفي في الاول كانت العباية عند الغرب شي غريب اما الحين اصبحت شي عادي يعني لوتروحين ولابسة عبايتج ونقابج ماراح يستغربون لان الحين العرب صاروا وايد عندهم وهذا لبسهم
فاحسن لج تلتزمين بلبسج واثبتي عليه

 

[نوره في وسط صوره]

واالله انا البس عباية بس لما اسافر اقط العبايه والبس ملابس فظفاظه وطويله يعني لو البس بنطلون البس قميص طويل لي الركبه ومو ضيق علشان رجلي مايعصب علي وغير جذي علشان مااحس اني مفصخه بس على حسب الديره والوقت والمكان بعد

 

[أسيل]

_ يالغالية عن نفسي أقدامي لم تتخطى حدود الكويت والسعودية ؛ وأنا ألبس عباية ومنقبة منذو مبطي ؛ لكن شوفي أنا لو كتب لي ربي أسافر لأي مكان كان ؛ مستحيل أقط أو أبدل لبسي بأي شي ثاني لأنه خلاص صار لبسي مني وفيني يعني بمثابة روحي دون مبالغة ؛ وعندي قناعة أن ألي يقطون حجابهم أو نقابهم في ديرة غير ديرتهم علبونه محدن داري هذولي منافقات بس قولي أي نفاق ؟!

نفاق على الله .. أستغفرالله العظيم .. يعني ربج ألي بالكويت بكل ديرة موجود .. المهم رايي أنا وعن نفسي مثل ما قلت لج مستحيل أقطهم وإلتزامي فيهم لأخر رمق من حياتي << متعوب عليها ..!

أطيب التحيات .

بيض الله وجهج فدييييت مطير

 

[أسيل]

هلا حبيبتي شوفي في الاول كانت العباية عند الغرب شي غريب اما الحين اصبحت شي عادي يعني لوتروحين ولابسة عبايتج ونقابج ماراح يستغربون لان الحين العرب صاروا وايد عندهم وهذا لبسهم
فاحسن لج تلتزمين بلبسج واثبتي عليه

صح السااانج

 

[أسيل]

لا طبعا

وانا اعتقد اللي تقط عبايتها ونقابها مالبستهم واهيا مقتنعه فيهم ياأهلها غصبوها او زوجها

او مالبستهم عشان الدين

الحين السيكي بكبته والهنديه بساريها والنصرانيه بصليب هالكبره على صدرها والراهبه ولبسها والبوذيين بلبسهم البرتقالي

كلهم مااستحوا ولا فكروا انهم يلفتون النظر او على قولة البعض(يبتعدون عن المشاكل والخز)واحنا المسلنمين نستحي

ترى هذا طيحة حظ لنا ورب الكعبه

بالطقاق اللي يطقهم عساهم يخزون من اليوم لي باجر بس اليوم بشوفهم وماراح اشوفهم طول عمري مره ثانيه

بشنو راح يضرني خزهم او نظراتهم؟؟!!؟!؟!؟!؟!

الله يثبتنا بس يارب وان شاء الله مااقطهم طول عمري يارب

برااااافو براااااااافو برااااااااافو

لبى عينج كلامج من ذهب تستاهلين احررررر تصفيق

:ggdw::ggdw::ggdw::ggdw::ggdw::ggdw::ggdw:

 

[الزيــــــــــن]

اول شي يعطيج ألف عافية على هالموضوع


وتسلموووون بنات على ردووووودكم .... بس أنا بقول ماله داعي العصبية والحدة والاسلوب اللي يرهب :eh_s(14):

ياحياتي يا كويتيااااات الدين ترغيـــــــــــــــــــــــــــــــــــــــــب


وليـــــــــــــس


ترهيـــــــــــــــــــــــــــــــــــــــب


والدين يسر مو عسر ..

ولكل وحدة فينا قناعة خاصة فيها إما تكون صحيحة و إما تكون خاطئة .. ولنا رب يحاسبنا


والله قال : " وعلى نياتكم ترزقون "

وقال جل جلاله " ومن أتى الله بقلب سليم "


أهم شي إن يكون لبسنا محتشـــــــــــــــــــــــــــــــــــــــــم ومافيه أي نوع من أنواع الفتنة ولفت الانتباه وتكون نيتنا نظيفة وقلبنا سليم


مو ألبس نقاب ونص خدودي طالعة والا البفة اللي ورا والعباية كلها ألواااااااااااان ومخصرة !!!!!!!!!!

شالفايدة صحيح متغطية بس جنها مفصخة " كاسيااااات عارياااااااااات ":0bee2e8d89:



و أنا عن نفسي ألبس لبس محتشم والنية صافية ونظيفة


وهاذي وجهة نظري


وأتمنى إنكم تحترمونها :tek:​

 

[بنت الأناقة]

آنه متنقبة والبس عباة بالنسبه للسفر للدول العربية والخليجية نفس اللبس
أما اذا رحت الدول الأوربية ما أقل عباتي بس البس عباة الكتف الشلاح الواسعة مع النقاب
عادي الوضع جدا ولازم نعتز بلباسنا مثل ما اهم يعتزون فيه
سافرت الصيف الماضي النمسا والمانيا مع قروب التقيت فيهم بالمطار
ولما وصلنا هناك انصدمت فيهم قطو العباة والنقاب لا مو بس جذي وبنطرونات ومكياج على الآخر
ويوم بنرجع رجعو لبسو عبيهم ونقاباتهم

 

[الباسمه]

البنات ماشاء الله كفوووووو و وفوووووووووووووو بس بظيف شغله ان ربي يشوفنا بكل مكان كنااااا والله يعينا على مفاتن الدنيا
>>>>>>>>>>>>>>> ملتزمه بالنقاب والعبايه ولا تفكر تخليها
حتى لما اسافر براااااااااا يعني شنو اهم ما يستحون يجون لديارنا وينشرون قذاراتهم بعين قويه وانا اروح لهم وانا مكسووووووره؟؟؟؟؟
الا البس النقاب وافرضه عليهم نفس ما فرضو علينا سلبيات كثيره وللاسف البعض يقلدهم؟؟؟؟

 

[ننوووش]

الحمد لله ملتزمة بنقابي وعبايتي تكون كتف بس واسعة_وأحمد ربي رحت سويسرا وألمانيا ما كان في أي مشاكل_بالعكس أشجع أي وحده بتروح بالعكس أحس بكل ثقة ويمكن تضحكون علي أحس إني أنشر الإسلام
ليش الأجانب عندهم ثقة بلبسهم لو إنه مخالف عندنا.

انزين من الأساس ليش أروح مو ضروري أذا سياحه أرض الله واسعه ليش أضطر أروح الديره الي أفصخ فيها النقاب ياربي هني رياييل وهناك رياييل شفرقت يعني!



أرد عليج وأقول بالعكس أروح وأستانس وأفتخر إني مسلمة::eh_s(21):

 

[أم عزة]

أنا وحده ألبس عباه بس مانى منقبه لى سافرت دول عربيه ما أقط العباه وإذا دول أوروبيه ألبس لبس واسع مو مخصر ومحتشم وحجابات بيج أو أبيض
وأنا مع الأخوات اللى قالوا العباه والنقاب صار شى عادى فى أوروبا ولكن بضيف شى صار عادى فى العواصم والمدن الكبيره لكن فى المدن الصغيره وبعض المناطق ما زالوا يستغربونه حتى فى ناس من جماعتنا سافروا للعلاج فى مدينه ألمانيه صغيره وغير معروفه واضطروا يشيلون النقاب لأن استغربوهم وايد
فى أخوات يضطرون ما يلبسون العباه بره بسبب الأزواج وأنا واحده منهم زوجى ما يرضى ولله المستعان

 

[أميره بلا قصور]

كل سفراتي من غير عبايه ...لاني مسافره يعني يبيلي شي عملي بنطلون وقميص طوويل فضفااض..يعني ساتره رووحي مو مرصرصه

يسلمووو ع الموضوع

 

[غوالي76]

والله لكل وحده وجهة نظر بهالموضوع ..
بس لازم نرجع للقرآن والسنة .. عدل

ولازم كل وحده ردها يكون فيه حسن الظن وعدم العصبية التحمس الزايد برد البعض

خواتي آنا ما كنت متنقبة وسافرت دول أجنبية وايد .. وماشاء الله شفت وايد منقبات وماخذين راحتهم ولا أحد تحرش فيهم أو ضايقهم
وأنا توني متنقبة بس ولا مرة سافرت عقب النقاب
وبصراحة في ردود تبرد الجبد .. وتشجع الوحده على التمسك بدينها وخوفها من الله سبحانه وتعالى

ولله الحمد وبإذن الله سفراتي القادمة راح أسافر بعباتي ونقابي .. وأسأل الله الثبات في الدين

والماسك على دينه ألحين مثل الماسك على جمرة

أدعولي الله يثبتني .. لأن المغريات حوالينا وايد

وأحترم راي كل وحده .. بس مرجعنا ديننا الاسلامي اللي اهو أسمى دين
والخوف من ربنا أهم شي .. مو الخوف من نظرات الناس

آسفة على الإطالة .. بس الموضوع شدني شوي
والشيطان دايما يزين للناس الأخطاء ..

ومردنا بكفن أبيض ولا أحد يدري عنه .. ولا راح تنفعنا ملابسنا ولا كشختنا ولا تبرجنا

لا أحد يزعل منى .. بس ترى والله ما كتبت هالكلام إلا عقب صراع مع نفسي والتزامي بالنقاب والعباية
عقب ما كنت ألبس بدل وبنطلونات ومكياج

أسأل الله الهداية