الي تلبس عباة او منقبة تدخل فضلا لا امرا نبي نسولف معاها حياها الله

[alffoozz1]

الحمدالله انا رحت لسيلان ولا قطيته لبسي على من طلعت من مطار الكويت لمطار كولمبو للكويت وهذا لبسي صج حولت عيونهم على لبسي بس والله محد همني العبايه والنقاب وامشي بكل فخر وازيدكم حاطه تليفوني علي توقيت الاذان لكولمبو

 

[!! الواصليّـــــة !!]

تدرين منو الي تقط نقابها بره ؟

اللي ماخذه الستر عاده مو عباده !

والله لو حد السكين برقبتي ماقط عبايتي ونقابي وبلا هالسفره اقعد في ديرتي ابرك ..
اشفيهاا الفردوس واشفيهاا الجابريه والا جنوب السره كلهاا دول حلوة وتستاهل العنوه ههههههه <<افصلت
،،

 

[!! الواصليّـــــة !!]

اذا اهلي موافقين وعندهم عادي ما اضن فيها عيب
وانا سامعه شيخ يقول اذا رحتى دوله لبسهم غير عنكم حاولو ماتكونون مختلفين حيل عشان ماتلفتين الانتباه

خلي العيب ع جنب
احنا نتكلم عن الحال والحرام
،،
شسم الشيخ الله يعافيج!!!!!!!!!!!!!!!!

 

[أم الحلوة جمان]

حبيبتي في ناس مو لابسة العباية ولا النقاب ديانة ... لابسينهم (عادات وتقاليد ) فقط .. أو الزامي من الأهل ..
والدليل تلقينهم حاطين ميك أب .. و العباية ترتهش من الشوارفسكي و الألوان والتخصر ... غير الحجاب اللي متفووخ عالآخر .. و من تحت النقاب مكيجة عيوونها بالكامل ... فما أتوقع ان هالفئة لابسينها ديانة أو التزام ... فعندهم عادي انهم يقطونها .. و سالفة ما ألفت النظر أو ان محد يضايقني هذه حجة ... لأن والله الأجانب مالهم شغل بأحد .. و ماريييين عليييهم شكثر عبي و نقابات ... فمايلتفتون علييهم والله جدام عيني .. و لا يعلقوون ... وإذا بدر هالشي فتكون حالات تنعد عالأصابع ما نعمم عالكل ...
و في بنات أعرفهم لابسين العباة مو التزام فيها .. يعني حتى بالكويت ما يلبسونها على طول .. يعني دوام .. طبيب .. جمعية .. هالسوالف .. فهذه ما تعتبر من الفئة السابقة لأنها مو ملتزمة فيها..
أنا بصراحة ما ألبس عباية و لا منقبة طبعا .. بس محجبة .. و الحمدلله حجابي ما أقطه و لا أفكر اني أقطه ...

و الله يهديني و اياكم للي فيه الخير لنا ولكم

 

[غيـ الناس ـر]

بنات شفيكم قلبتوها ظن باللي يقطون نقاباتهم !!


انا الصراحه قطيته باوروبا لاني شفت مضايقات وفتنه وتأشر وحاله تسبب انهيارات نفسيه وممكن يضرونج خاصه اذا كانت دوله غير سياحيه ..


بس طبعا التزمت باللبس المحتشم الحمدالله


ولا تقعدون تحرمون وتحللون على كيفكم .. لان اذا كان في فتنه يختلف الموضوع ...


بس ان شالله بسفراتي القادمه بحرص اروح لدول متعوده على النقاب عشان ما اضطر اقطه والله يثبتنا على الطاعه

وعلى فكره مو كل من قطت نقابها بره الديره معناه ماخذته عاده او مغصوبه !!


احسنو الظن

 

[ام خالد 78]

انا مافكر اقط نقابي كلش ... انا تحجبت وتنقبت لربي مو للناس

 

[غلاتي غلا]

انا بصراحه يتغير شي واحد بس
ابدل عباية الراس بعباية كتف وسيعه عشان المشي اريح
بس نقابي نو مافطه الا بالصور مع زوجي

 

[زهرااا]

انا كنت بلندن
بصراحه غيرت العبايه
و لبست بلايز طوال و بنطلونات
بس هاااااا ... طوال تحت الركب ووساع

 

[kingq8q8]

خلي حجابج عليج خلي عباتج عليج بس النقاب ترا عادي يعني لو تقطينه احس مافيها شي بالذات الدول اللي برا اريح ماادري ليش متمسكين بالهنقاب اللي غثني حسي بالحريه شوي استانسي بشبابج -------والله العظيم انبطت جبدي ؟؟؟؟؟؟؟؟؟انا مااقط نقابي لو شي يصير الحمدلله والشكر

 

[MyLittleBerry]

انا مو منقبه بس البس عباة

بس السفر مالبس عبايه بس لبسي طويل وواسع ومحتشم

 

[أم@الحلوين]

مساء الخير

انا مو منقبه بس ألبس عبايه راس بس لو سافرت دايمن اخيط لي قمصان للسفر واخذ معاي عباياتي سواء الراس او الكتف


عشان مرات بالليل ننزل اللوبي نقعد_shh_: واكون لابسه بجامه بس اقط العبايه على راسي وانزل وانتوا؟

 

[مســـــافره]

النقاب مو زي اسلامي هذيج البوشيه اما النقاب من العادات والتقاليد لا تخلطوووووووووووووووون يزاكم الله خير

وانا اللي اعرفه دام المرأم لبسها واسع محتشم وحجابها ساتر بدون الوان ملفته ولاحركات وبدون لاتحط ميك اب خلاص ماتغطى ويها الا اذا كانت تفتن هني وجب تغطيه الوجه ----------------->> والله اعلم

 

[..مفاهيم الغرور..]

حبوبة

انا و خواتي نلبس عبايات اهني

و اذا سافرنا نقطهم لعدة اسباب

1) المعابل بالعبايات و غسل و كوي كل يوم او على الاقل مرتين باليووم بعد

2) الحركة فيهم مو شي تصعدين جبال و تركبين تل فريك و تنزلين بألعاب و مشي و المترو و الهالسوالف ما تصلح

3) لفت النظر للمواطنين بالدولة اللي يخلونهم حتى الاسعار يرفعوونها لأنه دروا انج خليجية و الادهى و الامر لفت النظر للخليجين هناك اللي شرهم اكثر من الاجانب جنهم ما شافوا خليجية بديرتهم تلفت و ابتسامات و ملاحق ووصل للترقيم بعد

بس هناك شروط

اللبس اللي استبدلت فيه العباية

يكون بنفس درجة ستر العباية

يعني بناطيل و قمصان طويل واسعه و ما تتلزق على الجسم فوق الركبة بالضبط و الا تحتها

يعني الغرض الاحتشام مهما كانت الوسيلة

و بالنسبة للنقاب

احنا عندنا بالعايله انا النقاب من ضمن العادات و التقاليد يعني تزوجتي تنقبتي بس علشان جذي تكون البنت مو لابسته ديانه فتقطه

يعني اختي تزوجت و تنقبت بعرسها و سافرت شهر عسل و قطته لأن من غير قناعه ذاتيه

اما اذا كانت البنت متنقبه تقربا و طاعة لله لا المفرووض ما تقطه و اصلا اهي ما تقطه لأن لابسته لله مو لخلقة


هاذي وجهة نظري

و احترم كل اللي يلتزموون بلبسهم بكل ديرة

و الله يثبتكم و يثبتنا على حسن الطاعه

 

[مافي حب في هالزمن]

حبيباتي أنا ألبس عباة اسلامية
وإذا سافرت ألبس ملابس واسعة ألوانها غامقة مثل الكحلي والأسود والبني
ولأني سألت شيخ دين فقالي مافي مشكلة اذا مالبستي عباة لأن الخليج اساسا
يلبسون العباة السودة وعلى أيام الرسول (ص) ماكان عندهم العباة كانوا يلبسون الأخضر والبنى والالوان الغامقة
فهذا الشي مو نفاق امام الله

 

[مضيعة برقعها]

أنا من أطلع بره الكويت
أقط نقابي (( الوجه مووووو حرااام )) مذكوووور بالقرآن وما أحط مكياج ملفع وعبايه

 

[من بعيد]

والله رحنا بنقاباتنا ، اللي تبين ، أعدد لج ؟

خلي دول الخليج والدول العربية على جنب

رحنا لندن ، النمسا والمانيا وايطاليا ( فريناهم فراااااارة بالسيارة ونزلنا أماكن مو سياحية بعد )
سنغافورة ، تايلند ( بانكوك) ، ماليزيا (كوالالمبور وبيننق وجنتنق وهالسوالف ) ، اندونيسيا ( جاكرتا )

والله وجنه العيد
سهالات الحمدلله

 

[كويتيه فنتك]

ان الله لايغير مابقوم حتى يغيروا مابانفسهم.
استغرب من اللي تتفوه بكل جرأه وتقول ان جواز الكشف مذكور في القرآن؟؟؟
كلام ارعن من عقل ارعن...
القران الكريم قال/قال تعالى : ( وَلْيَضْرِبْنَ بِخُمُرِهِنَّ عَلَى جُيُوبِهِنَّ ).
واللي قاعد يصير من البعض نعتبره تعطيل العمل بالشريعة.
فلاتتفوهون بشيء قد يضر بديننا وتنقلب الاحوال علينا وخافوا ربكم وبلا فلسفات مسيحيه.

 

[حلم الطفولة]

ألبس ليش لأ ؟؟؟!

أسافر أوروبا وشرق آسيا ودول ( حزبيه وبعثيه ) ولا أقطهم ..لله الحمد.
وأمشي بكبرياء وفخر واعتز بديني ولبسي ,, والكل يفسح لي ويبتسم وينحني .. لأن الشعوب مو مثل الحكومات .. الشعوب يبون يراوونا انهم متفهمين على لبسنا ويحترمونا

 

[حلم الطفولة]

آنا مصدومه من بعض الردود ... يالغوالي ماتدرون انهم يضحكون عالمسلم لما يشوفونه مو ملتزم بدينه ؟
ترى يامه يوني ناس انجليز ويسئلون عن الإسلام بشغف وليش هاللبس وشنو الإسلام وووو .. ,, .. واحد أشكره قال انه لما يشوف عرب مالهم شغل بالدين .. يقول يشمئز !! . الله يهدي الجميع ,, هذا ربكم واحد وين ماتكونون لا يقص عليكم الشيطان .
.

 

[قلب راشد]

الا عبااتي ما أخليهاا

عبااره أعجبتني كثيراا