الي تلبس عباة او منقبة تدخل فضلا لا امرا نبي نسولف معاها حياها الله

[عالي مستواها]

الحمد لله سافرت دول عربية وأجنبية ونقابي وعباتي علي

ما غيرت ولا شي ولا شفت معاملة غير بالعكس يستانسون على العرب

 

[قلمر]

الله يدووووووووم عليكم هالعقل والثباااااااااااااااااااات انشاءالله

 

[Hello_kitty]

السلام عليكم

انا محجبة ولبسي نفسة مايتغير بالسفر بس يعتمد الدولة اللي رايحة لها ,,,,,,,مثلا الخليج نفس العباه ونفس الملفع واذا ابي اروح اوروبا اغير شكل الحجاب واغير اللون الاسود والله بس علشان المشاكل علي المسلمين يعني نتحرص كثر مانقدر ملابس طويلة ومحتشمة وحجاب مودرن وامرنا لله سبحانة والله يحفظنا وياكم آمين

شاكرتلج اختي على المررور والرد الطيب نورتي الموضوع الله لا يحرمنا نعمة الستر ياااااااااااارب

 

[Hello_kitty]

يعني لو اضطريتي لدولة اوربية وانتى لابسة عباة ؟ مو تخافين على روحج منهم ؟ او حتى نظراتهم ما تضايقك

مشكورة اختي على المشاركة..واتوقع البنات جاوبوا على اسالتج
وبالنسبة لي انه لبسي نفسه وحجابي نفس الشي بالكويت اللهم اني احاول اكون عملية اكثر بهدوومي وابتعد عن التكشخ والكعب...حياج الله

 

[Hello_kitty]

الا عباااااااااتي ما اخليها "

اقول ياقلبي الحين انتي موضوعج شالهدف منه كيفها اللي تلبس تلبس والا تقط تقط اشعليج منهم انتي ههههههههههههه


الي ماتخاف من رب العالمين مالنا عليها من سلطان ياقلبي موضوعج حلو ويالله خليني اشوف شيقولون بناتنا


يالله مشاركاتكم ازا بتريدوووووووووووو "

يا بختي منو قدي امنا الغالية نونو مشاركة بموضوعي:dddds: ونااااااااااسه

حلوة جملة الا عباتي ما اخليها...ان شالله تكون لج حجاب وستر عن الناااار يااااااااااااارب

 

[Hello_kitty]

وانا بعد نفس اللبس اللهم انه تكون عباتي كتف واسعه وبالعكس احب اثبت نفسي بلبسي بدول الغرب
مع اني تعرضت لمواقف وتطنز وزورو ونينجا هههههههههه بس اضحك واقول اللهم زيدهم عشان احس احرهم وفوق هذا اخذ حسنات

عاشت الديحاانية اسعدني مرورج والله يثبتج على هالستر وهالهداية ياااااااااااارب

 

[Hello_kitty]

اناااااااا باى مكااااااااااااان ما اقط عباااااااااااتى
واذا قصدج بالسفر احنا نسافر بسياااارة البس عباية جتف واذا جينا عند الجوزات او باى مكان بننزل البس عباية اس مخليتها للكرف والسوف عرفتى بس فية عبي كشخة حق زوارتنا


ومغسي بووووكو على طرح الموووووووضووووع

اسعدني مرورج وردج جدا...الله يجعل عباتج ستر وحجاب لج من النااااار يااااااااااااااااااااااارب

حياج الله

 

[Hello_kitty]

هلا حبيبتي والله انا ضد اني اقط نقابي كلش والحمدلله زوجي معاي بعد

لان في ازواج يقولون العبايه بالسفر لفت انتباه :0bee2e8d89:

وانا ما سافرت برى كلا دول عربيه فا مو غريب عليهم العباة والنقاب حتى لبنان اول مارحت لها قبل

الحرب قلت ماراح القى منقبات وبيصير شكلي ملفت والله نص السياح سعوديات ولا لابسين عبي راس


بعد فتحيه :ggdw:لهم وعلى تمسكهم وتمسكنا وكل بنت مسلمه متمسكه بهويتها ومطيعه لرسولها



محمد صلى الله عليه وسلم :eh_s(21):

هلا وغلا شرفني ردج ومرورج بنت العاشرة وذكرتيني بوحدة يا حليلها وين ما تسافر مع زوجها نقابها وعباتها على راسها الله يثبتج ياااااااااااااااااااااارب

 

[مطيريه ماركه]

ماقطه اكيد

 

[فديتوني..q8]

شوفي آختي .. آنآ توني متنقبة مآصآرلي آشهر .. وسآفرنآ مع عيآل خآلتي بس خوآتي قآلوآ لي آقطه وحتى آخوآني يقولون شلج بآلنقآب محد يعرفج وبعدين محد يدري آنج متنقبة آصلآ .. وآلله مآكآن بخآطري آقطه وكنت آستحي من عيآل خآلتي(مثل آخوآني وآكثر) لكن شسوي آمي وآخوآني يبون جذي ^,^ ,, مشكوووورة عآلموضوع

 

[احلى حلوه]

انا متنقبه بس بالدول الاوروبيه اقط نقابي واقعد بعبايتي
لان النقاب يلفت الانظار ويحسسوني اني ارهابيه لوووول

وميرسي عالموضوع

 

[.]

اذا الله اكرمني والتزمت بالعباة ماراح اقطها لاني مالبستها الا لاني مقتنعه فيها 100% ..

واللي مقتنع بالشي مايهده..

مو يقولون ثابت ع قيمي

واذا بفصخها برا ليش البسها من الاساس..

ومشكوره..

 

[%عسولة الحلوة%]

والله
والله
والله
والله
والله
والله
والله
والله
لو شنو ما اقط عبايتي

اصلا انا احس ان هالانسان نااااااااااااااقصة اذا قطت عبايتها برة الديرة
وتلبس بدلات

لا تقولولي اذا زوجها راضي
والا ابوها راضي
والا اخواها راضي


حتى لو كللللللللللللهم رضو المفروووووووووووووووض انها اهيا ما ترضا

لو شنو ما اقطها
والله يتمم علي
يارب


انا البس عباية وافتخر

 

[غــ وايليه ـــرور]

لا يبا شدعوه بس انا مو كل مكان اللبس فيه عبايه عرفتي ف يعني عادي افصخها متى ماابي مو ملتزمه فيها
ويعطيج العافيه

 

[جداوية سعودية]

موضوع رائع كروعة كيدي عظيم

بنسبة ليه بدأت ألبس العباية والطرحه((الشيلة))من كان عمري 11سنة
ولبست النقاب((الغطاء))وأنا عمري 13 سنة

يعتقد البعض أن المرأة السعودية مرغومه على لبس الحجاب وانا اقول نعم حين تدخل الفتاة لأول مرحلة من مراحل التعليم ((الأبتدائية))وحين تنتقل الفتاة الى الصف الخامس او السادس تفرض ادارة المدرسة عليها الحجب وحين تنتقل الى المرحلة المتوسطة تفرض ادارة المدرسة على الطالبة النقاب ((الغطاء))هنا يصبح الحجاب على الفتاة مفروضاً غير مرغوب
ومع ذلك كله فطالبه بجميع مراحل التعليم التي تمر بها وخاصة حين تنتقل للمرحلة الثانوية سوا درست في مدرسة خاصة او حكومية تجد أمامها من ثلاث مواد الى خمس مواد دينية وتجد مابين سطور هذة المواد ادلة وبراهين على وجوب الحجاب بل وجوب تغطية الوجة أيضاً والعقاب الشديد يوم القيامة لمن تغفل عن الاتزام به حتى يصبح داخل كل فتاة اقتناع بوجوب هذا الحجاب ومايترتب عليه من الوعيد الشديد في من تتركه فيصبح الحجاب في نظر الفتاة من حجاب مفروض غير مرغوب فيه الى حجاب مفروض عليها من دينها مرغوب فيه..

يوجد لدينا من لايلتزم بالحجاب ولكن لو بحثتي عن جنسيتها الحقيقية لوجدتيها غير سعودية يسافر الكثير الى الخارج وينزعن الحجاب مقتباسات لجنسيتهن الجنسية السعودية ويشوهن هذا البلد بأفعالهن لا انكر انه لا يوجد سعوديات يفلعن ماسيئ لهذا البد ولكن قلة قلة قلة جداً..

أعذريني أختي لأطالتي ولكن أردت ان أضع رداً لمن يشكك في المرأة السعودية ولمن سمعت منهم مايسيئ للمرأة السعودية وشاكرة لكي مرة ثانية على طرحك لمثل هذا الموضوع..

 

[جداوية سعودية]

خواتي الفاضلات الحجاب ليست مسألة أسرية يقتنع بها ابيك أومك أو أخيك أو أختك أو زوجك الحجاب مسألة دينة مثلها مثل الصلاة والصوم نعاقب لترك الصلاة فكذلك الحجاب الشرعي نعاقب لتركه نثاب لادانا لصلاة ونثاب ايضاً لتمسكنا بالحجاب
لن ولن ولن تلتزم اي امرأة بالحجاب اذا نظرة له بأنه مسأله اجتماعية وليست دينة..

أسأل الله الهداية لي ولكن

 

[HwaweyA]

انا البس عبايه صارلي اكثر من 3شهور والتزمت فيها
وردا ع موضوع السفر ماسافرت الا للرياض ولاظنتي بقط العبايه لو رحت اي مكان غيرها
ويسلمووووو خوؤوؤوؤوؤش موضوع
ع

 

[خشف العوازم]

ما سافرت الا الخليج

وعباتي علي

 

[N.springflawer]

انا عن نفسي ما اقط عباتي ولا نقابي لو شنو الريال ريال بكل ديره

 

[& بنت الرئيس &]

السلام عليكم

حبيت ادلو بدلوي في هالموضوع الطيب

والله اختي ضربتي بالوتر الحساس بالنسبه لي انا كنت اجهل امور الدين فسهل اني اقطه لسافرت للخارج لامريكا او لندن
لكن بعد الهدايه ونسال الله الثبات مستحيل ومن سابع المستحيلات اقطه بالعكس الان افتخر واعتز بديني وبحجابي الكامل والشرعي وانا بوسط امريكا او لندن لله الحمد والمنه من قبل وبعد
اذا البنت لبست الحجاب للعادات وجهل بامور الدين سهل قطته ,,لكن يختلف تماما اذا لبسته لامر الله وإماننا بما عند الله من مثوبه وعاقبه حسنا
بارك الله فيج اختي صاحبة الموضوع

اختج : & بنت الرئيس &​

​