الي تلبس عباة او منقبة تدخل فضلا لا امرا نبي نسولف معاها حياها الله

[دنيا جديده]

انا متنقبه اذا بروح دول العربيه او شرق اسياا اكيييييد عبايتي ونقابي علي اما معظم دول اوربا شوفي بعد موكلهاا نصهاا وامريكاا اكيد بقط نقااابي والعابة على حسب بصراحه عشان لايتحرشون فينا حنا العرب ومحد ينصح يروح امريكا او اووربا بنقاب هذا لصالحج عشان نبتعد عن المشااكل ولايتغثثولناا وهذا راايي

 

[منووور]

انا رحت لندن ونقابي علي :ggdw:

وسمعت حجي منهم لين قلت بسسسسسسس وبصراحه اسمعهم واضضححححححححححك عليهم لانهم مساكين مو عارفين شلون يغثونا



ورحت ماليزيا بعد ونقابي علي بس ما حاشني شي الا بالمطار اجنبي يسوي نفسه يبي يرميني بإيده يعني مسدس خخخخخخخخخخخخ :dddds: :dddds:



وانا اهم شي اكوووون راضيه عن نفسي لاني انا الصح واهم الغلط


نبي مشاركات بعععععععععععععد

 

[فرنسا]

انا مو منقبة بس متحجبة بس حبيت اشارك بالموضوع
انا سافرت اماكن وايد تقريبا كل اوربا وشفت وايد منقبات لا احد ضايقهم ولا كلمهم ولا شي بالعكس يمشون باحترامهم وعند الاجانب حالهم وحال الحجاب مايفرقون بينهم الموضوع بالنسبة لهم مسلمين وبس
ثانيا بعض اللي يقطون نقابهم بالسفر لانها تخاف من المضايقات البعض لبسهم مقنع لوجة نظرهم فعلا تلقينها لابسة عباة او نفنوف او مانتوة لكن استغرب من بعضهم ولبسهم !!عالاقل التزمي بالعباة ولا مانتوة مو مرة وحدة من نقاب وعباة لية حجاب ملون وبنطلون والله يفشلون جنهم ما صدقو يقطونة اهو الموضوع مبدا داخلي وقناعة واللي فعلا حدتها الظروف مايكون هذا شكلها

 

[سكارلت]

ما فيها شي اذا قطت عباتها ونقابها عشان ماتلفت الانتباه لها وتتعرض للمضايقات

وانا مو محجبة ولو تحجبت راح اقطه اذا سافرت لأني مو ناقصة مشاكل

 

[**أم السنع**]

حبيبتي آنا رحت كل مكان بعباتي الراس والنقاب والدسوس وامشي بفخر بينهم واتعمد اوريهم نفسي ولبسي واسلامي اللي ما استحي منه بس الضحك اذا شفتي علامات التعجب وآنا اكلمهم انجليزي بطلاقة ؟؟لا يمكن اغير لبسي لان رب الكويت اهو رب كل مكان.

 

[alothoob]

بنسبه لي الحمد الله في كل سفراتي الحمد الله منقبه لكن اغير لون العبايه يعني افصل الوان علشان هم يخافون من اللون الاسود

الحمد الله اهم شئ الواح يروح يستانس مو يستعرض شكلها

 

[um_hind]

انا بالنقاب طبعا... لما رحت بومبي والكويت والسعوديه وعمان... مستحيييييل اتنازل عنه

 

[memy-08]

قبل الزواج كنت البس بدل بس زوجي لبسني عبايه بس في الكويت بالسفر بصراحه ما البسها

 

[eman84]

مرحبا

انا صراحه محجبة بس اعتقد بالسفر ان عاي المنقبه ماتلبس نقابها وتظل بعباتها او بدله محترمة علشان ماتكون العين عليها
تصدقون انا متحجبه واحااتي لان ما احب احد يضايقني عيل شلون المنقبات ؟

 

[ندووو]

عباية الكتف المستورة لها بديل باللبس قميص او جاكيت واسع وطويل وبنطون

وفي ناس ماخذين النقاب عن العيب مو عن الدين

 

[Reem_q8]

عباتي ونقابي ما اقطهم ابداااااااااااااااااااااااااا تعودت عليهااااا لدرجه اني لا لبست عباه كتف احس اني مفصخه ههههههههههههههههههه ويسلمووووووووووووو علي الموضوع

 

[3BAQ AL CAmEllia]

أول ما أقول كما قاله أبوبكر رضي الله عنة يوم وفاة النبي : " من كان يعبد محمد فإن محمد قد مات ومن كان يعبد الله فإن الله حي لا يموت "
ومن كانت تخاف الله ... تعلم أنه موجود في كل مكان ... ومن يخاف الله يستحي أن يراه على معصية ... فأحب أذكر هذه القصة لكم ...
(كان ثلاث نفر من كان قبلكم ... ذهبوا يستظلون في الغار ... فسقطة صخرة فسدة الغار عليهم ... فكل واحد يذكر العمل الذي قام به فتنفتح الصخرة قليل ... وكان منهم شاب أراد أن يقع بأبنت عمه فمتنعت فكان يوم أتاهم فاقه ... فذهبت إلى أبن عمها ليساعدها ... فقال لا أعطيك مال حتى أخلو معك .... قلما خلا بها ... أرتعدت فرائظها فقالت أني أخاف الله .... فأطلقها ... فنفرجت الصخرة عنهم)
فمن تخلعت العباء خارج بلادها ظننا منها أن الله لا يرها .... فأدعوها أن تنضر مكان لا يرها الله فيه فإن لم تجد فعليها أن تستحي من الله ... وتستغفر الله ... وإن الله غفور رحيم ​

 

["مغروره بس معذوره"]

انا منقبه وعبايه راس


بس لاسافرت دولة غير خليجيه اقط عبايه الراس واقط النقاب



يعني لبنان اوربا امريكا اقط


بس البحرين الرياض عمان لا والله لبسي علي



اذا اهلي موافقين وعندهم عادي ما اضن فيها عيب



وانا سامعه شيخ يقول اذا رحتى دوله لبسهم غير عنكم حاولو ماتكونون مختلفين حيل عشان ماتلفتين الانتباه




بس بالزي الاسلامي المحتشم





اضن اني ساتره جسمي وشعري مافيها شي





ويسلمو

 

[نبتة خير]

والله انا اللي بسأل سؤال أنتو لبسين النقاب والعباة عن الناس ولا طاعة وعبادة لله؟

يا حبيباتي مايجوز تفصخين عباتج بره الديرة ولا تقولون الغرب وعشان ما يضايقونا

إذا على المضايقة فالشخص نفسه هو اللي يحدد يخلي أحد يضايقه ولا لأ يعني كل واحد

يضايقج وقفيه عند حده مو تسكتين (طبعا إذا كنتي مجبرة على السفر لهالدول )

أما إذا ماتقديرين تفكين نفسج من المضايقات فليش أتسافرين لهالدول أنتي رايحه سياحه ولا للمشاكل

عن نفسي أختي إضطرت أتسافر علاج لدولة اوروبية وكان وقتها متشددين على العرب بسبب احداث 11سبتمبر

بس مع هذا سافرت بنقابها وبعباة الراس وزوجها كان ملتحي ومع هذا ما صار لهم شي يا جماعه تذكروا قوله تعالى

(( ومن يتقى الله يجعل له مخرجا ))

والله يهدينا ويهديكم :yaaaaaarb:

 

[أميرة الحلا]

انا ما اغير لبسي حجاب
واذا السعودية ضروري العباية

 

[بدويـــة مودرن]

أنا الصراحة ماسافرت أوروبا الخليج بسسس ماقطيت لا عباتي ولا نقابي ولا ملفعــىى الله يثبتني ويثبتكم،،،،آآآآآآآآآآآآآآآآآآآآآآآآآآآآآآآآآآآآمييييييييييييييييييين ،،،،مشكوووره عالموضوع الحلو..

 

[قطرات أنوثة]

لايا قلبي البسي العباية أحسن لك ما يبي لها سوااااااااااااااااااااااااااال من نفسك يا عيوني

 

[ريحانةالروح]

والله المسأله ترد على البنت نفسها وخلييج من اللي تقووول يضايقوونا أصلا الأجانب مايطالعوون في بعضهم شلوون يطالعونج ياللي تعتقدين أنج رمز لتخويفهم أنت بالنسبه لهم مصدر خطر ماراح يقرب صوبج ياأم العباة والنقاب سبحان الله أهي فوق أنها عباده وطاعه لها هيبه وقيمه طبعا أنا أقصد العباه المحتشمه على الراس لأنها تزيدج سمووهيبه ولونها الملكي اللي له الهيبه أسووووود لا ألوان ولا شوارفسكي كل ما قللتي من هيبة عباتج قلت هيبتج أختي اللي تلبسين العباه وكوني على يقين التبريرات تقنع البشر ممكن بس ماتحفظ ماي وجهج عند رب البشر وتذكروا((أحفظ الله يحفظك-أحفظ الله يحفظك))
وبالنسبه لي درست برا وعشت مع زوجي برا دول أوربا وأمريكا ماصار شي من اللي يتعذروون فيه الخوات اذا أنا ما أشوفهم بعين شلووون أهتم للي بيقولونه!

 

[نـــــ أم ـــــور]

انا منقبه
مستحيل اغير لبسي اذا طلعت من الديرة

لاني تنقبت عشان ارضي ربي واللي لبست طاعة لربها مستحيل تغير لبسها وين ماكانت

 

[منيرة خالد]

بالديره ولا برا ......... البس عباية المانتو ومع ملفهي ......... ليش اغير العالم انفتح على بعض وصرنا قريه وصار اللبس في كل مكان متشابه ............ لا تنسون ان الشماغ موضه اللحين ..... مع انه اول كان اللي يلبسه باوروبا يكون مؤيد للفلسطينين والحين انتهت ......... البسي اللي تؤمنين فيه ومو اللي يرضى عنه الناس ...... واعتزي بهويتج