الي عندها ولد تدش

[ام اغلى الناس]

انا طهرته بعد شهر تقريبا
كان فيه بوصفار وقلت خليه يكبر شوي

 

[H&M love]

انا سالت الدكتور
قال عادي نطهره لج
بس الافضل لما يصير عمره 20 يوم و طالع
عشان يتكون انزيم التخثر بالدم
لان اذا قبل ال20 احتمال يصير فيه نزيف

 

[كويتيه مذهله 87]

لا حبيبتي حرام ثاني يوم

10 ايام وطهريه اساسا احسن وقت يمر اسبوع واكثر

وثانيا لا تخلينه عند السسترات خليه ياخذ حنان الام اكثر
انتي بجريه ليش من الحين بترتاحين من التعب

 

[noo7a]

انا ولدت بالثامن
كنت ناويه اطهره مبجر
بس الدكتور يوم شافه قال حرام صغير ليمن يكمل وزنه ٣ونص ييبيه
فطهرناه بعد الاربعين
ياااو اول يوم الطهور يكون وايد صعب

 

[english muffin]

شدراج السستترات بيهتمون فيه حرام عليج مسرع ماجبتيه ومسرع مابتقطينه ع غيرج يكفي سره ماطلح همن معاه طهار

لا والله نطري ليم تطيبين واهوا يكبر شوي وطهريه واتفرغي له انتي ولاتتكلينه على غيرج انا ولدي بمستشفى خاص لاجابوه

السسترات الا صوته رايح متقطع من البجي وسره انتفخ حسبي الله عليهم بس

ياريت بس تعدلين اسلوبج مرة ثانية لين بتردين علي
ولاتستنتجين الامور على كيفج انه انا بقط ولدي على احد *

 

[english muffin]

ولدي الاول طهرته من ثاني يوم والطبيب قالي عادي وفعلا ارتحت لاني يوم رجعت بيتي الا جرحه بلش يبرا

الثاني مارضوا يطهرونه الا بعد 10 ايام لان على حسب طول العضو وصحة البيبي

نفس ولد عمتي
طهروه ثاني يوم عمتي تقول وايد احسن من ولدها الثاني الي طهروه بعد فترة

 

[english muffin]

بييه بنات شفيكم
انا ماقلت بخليه عند السسترلت بروحي ماصدقت الله رزقني بالحمال
قصدي وقت التطهير يكون في المستشفى احسن لان مادري اخافيصيده نزيف او اعوره او او او

 

[مسك وطيب]

نصيحه نطري عليه الين يكمل 20 يوووم ليش مستعجله

 

[beauty rose]

انا طهرت ولدي لمة كان شهرين و نص
بس ولدي كان من اطفال الخدج

بآخر الاربعين احسن

 

[*صاحبة السمو*]

انا برايي لاصارلج 20 يوم طهريه
تكونين ارتحتي شوي وتقدرين تجابلينع تحطيله المرهم
حرام ثاني يوم صغيرون خليه لي 20 او 25

 

[Om-azooz]

انا طهرت ولدي عمره 26 يوووم
الافضل نطري احسن
خليييه يخف الورم ووانتي ارتاااحي احسن لج

 

[لمسات شمووخ]

انا طهرته بعد شهر
وولدي تحت عيني وعين امي
لان حرام يحتاج عنايه

علي الاقل بهالشهر اذا انتي بجر يمديج تتعودين عليه

 

[ام حمد 85]

انا عقب 20 يوم طهرته

 

[:: Diva ::]

حسب صحته
انا ولدي مولود مبجر
طهرته عمره 20 يوم تعب شوي
لو كان صاحي و تمام جان طهرته قبل لا اطلع من المستشفى
اهم شي صحته

 

[nadoo]

انطري اسبوع

 

[kuwaitiya_84]

حبيبتي اهي سنه عن الرسول عليه افضل الصلاة والسلام الذبيحه وحلق الطفل والتطهير يوم السابع اذا امج موجوده او احد عندج يهتم فيه طهريه يوم السابع مع التمايم واذا مافي نفس حالتي لاني تنفست عند امي اسبوعين كمل شهرين طهرته

 

[Unico Style]

حبيبتي الدكتور يقول لج اذا ممكن تطهرينه او لا حسب الوزن مال الطفل و الحالة الصحية

 

[غــلآ]

عادي طهريه ثاني يوم

انا اول يوم ولدت قلت حق الدكتور يطهره خلال وجودي بالمستشفى بس رفض لان كان صغير ووزنه قليل وكان فيه بوصفار

فطهرته بيوم الـ 21

بس اذا صحته وعافيته اوكي طهريه ماعليج

 

[إباء الروح]

حبيبتي اذا كل شيء سليم طهريه يوم سابع هذا سنة الرسول صلى الله عليه وآله وسلم ..واعتقد الامر من الله عزوجل لقوله (( وماينطق عن الهوى ان هو الا وحي يوحى))
الافضل لو صار ظرف لا سمح الله فأجليه شوي لا تطولين
انا ولدي طهرته يوم 11 كان ودي يوم سابع بس الدكتور اللي بنطهره عنده ومعتمدينه الا هل ماكان موجود وقرب فرصة جا يوم 11 وطهرته على طول والحمد لله كل شيء تمام واذا مايتحمل اصلا الدكتور من نفسه بيقول لج لانه قبل لازم يسوون له تحاليل ويكشف الدكتور عليه.

 

[*kim*]

من ثاني سبوع احسن