الي ولدت عـند دكاترة رويال حـياة تدخل تفيدني ؟؟ !!

[أشبـاهـ المطـر]

السلام عليكم ورحمة الله وبركـاتة

انا ناويه بإذن الله افتح ملف عند رويال حياة وأولد عندهم
طبعاً ابي اولد عند دكتوره تبعهم ....
بنات انا موبجر هذا ثاني حمل لي وانا يابنات ولادتي البجر تعسرت
حيل وياني نزيف وخواافه بس جد خوووف موطبيعي فيني ابي وحده بالها طويل
اهم شي ماتزفني :hjy5jewf:

الشهر الياي بكون بالسابع خاطري بخالدة بس يقولون تصلح للبجر
وانتي ياييته بأخر الشهور ماراح تكون اوكي معاج وبعدين مادري يقولون ماتيي بسرعه
وقت الولاده ....


انصحووني بالأفضل انا مااعرف الا خالدة المجيبل




بلييييييييييز ساعدووني ​

 

[ga6wa shy6ona]

هلا حبيبتي عندج د.نداء ابوخضور يقولون زينه

 

[مدمنة ككاو]

حبيبتي اشباه انا ما اراجع عندهم ولا اعرف دكاترهم
بس اسمع وايد يمدحون نداء يوخضور

وترى تقدرين تراجعين عند اي دكتوره بره المستشفى بس تولد هناك وتكونين مرتاحه معاها

 

[It'S Me]

والله انا الحين عند نداء وايد امدحوها لي عشان جذي رحت لها

 

[أشبـاهـ المطـر]

هلا حبيبتي عندج د.نداء ابوخضور يقولون زينه

اي والله حتى انا اسمعهم يمدحونها
بس انطر احد جربها وقت الولاده

 

[أشبـاهـ المطـر]

حبيبتي اشباه انا ما اراجع عندهم ولا اعرف دكاترهم
بس اسمع وايد يمدحون نداء يوخضور

وترى تقدرين تراجعين عند اي دكتوره بره المستشفى بس تولد هناك وتكونين مرتاحه معاها

هلا مدمنه
انا فكرت جذي بس التأمين
مايغطي ولادتي الا اذا كان الدكتور من المستشفى عرفتي
وانا ابي ارجع عند دكاتره عشان ادفع الولاده عن طريق التأمين

 

[_Pure_]

نداء بوخضور

و اسخيري قبل

الله يسهل عليج

 

[جناعية]

انا عند الدكتوره نداء تهبل واهي سوتلي عملية ربط عنق الرحم مريحه وان شاء الله ناوية اولد عندها

 

[♥ąϻᴑŁ♥]

نداء بو خضور ..

انا عندها ووايد من اهلي مجربينهــآآآآ ..

روحي لها وانتي مغمضه ..

 

[أشبـاهـ المطـر]

والله انا الحين عند نداء وايد امدحوها لي عشان جذي رحت لها

مشكوره حبيبتي
انا ودي احد يفيدني عن خياطها
نفسيتها حزة الولاده وصج اهيا شنو
كويتيه ولاشنو ؟؟ استشاريه اخصائيه ؟؟!!

 

[أشبـاهـ المطـر]

نداء بوخضور

و اسخيري قبل

الله يسهل عليج

اي ان شاء الله بستخير
آمــين اجمعين يارب
الله يخليلج بناتج انا هم فيني بنوته
ويرزقنا اخوان لهم بإذن الله

 

[أشبـاهـ المطـر]

انا عند الدكتوره نداء تهبل واهي سوتلي عملية ربط عنق الرحم مريحه وان شاء الله ناوية اولد عندها

الله يتمم عليج وتولدين بالسلامه
طيب شلون على مواعيدها زحمه ؟؟ اقدر ادخل عليها ولالازم موعد :eh_s(22):

 

[a7la_7b]

uppppppp

 

[كويتيه مذهله 87]

الله يهون عليج بالولاده السهله يارب

أهم شي لا تخافين ترى كل ولاده غير موشرط تتعسرين هالمره

د خالده ود نداء ود امل شطاااار حبيبتي

 

[اريج الجوري]

رد : الي ولدت عـند دكاترة رويال حـياة تدخل تفيدني ؟؟ !!

الله يتمم عليج وتولدين بالسلامه يارب ,,,


عندج الدكتوره ماجده كميخ ,,,


ماشاء الله تبارك الرحمن الكل يمدح فيها ,,,


والسهاله من رب العالمين ...

 

[أنا الثريا]

اهلين شوشو

انا جربت د.نداء كنت اراجع عندها لتاخر الحمل,,,,,,,اهي كويتية وطيوبة
بس المشكلة عندها وايد زحمة,,,طبعا اهي تهتم بالحمل اكثر من امراض النسا
يعني كنا نزرع واااايد لان تدخل اثنين حمل مقابل وحده امراض نسا,,,بصراحة شي ينرفز لان انا بعد داشه بفلوسي
وحاجزة موعد استحق عناية واهتمام!!يعني اذا بتروحين لها الحين ماراح تتاذين
بس السبب اللي خلاني اغير عنها,,,,,كله مستعيلة
اول شي يدخلوني على غرفة السونار,,,وبعدين اهي تدخل علي تسوي سونار وتقولي كلمتين وتروح تركض
حتى اذا بسألها واهي واقفة وانا منسدحة على السرير,,,احس كلش ماعجبني الوضع!!!بس موشرط انها شينة
عشان تطلع من ذمتي,,وااايد بنات يمدحونها,,,بس انا ماعجبتني
وماكان عندها علاج الا الكلوميد,,,,.فتركتها,,وبعدها بثلاث شهور حملت عند غيرها ماشاء الله تبارك الرحمان
لان مشكلتي اصلا بسيطة بس ماكان يبيلها كلوميد,,وحتى اول ماحملت رحت لها سوت سونار مبروك اخذي المثبت ,ممنوع الجماع لاسبوعين مع السلامة,,وانا وريلي على ويهنا 100علامة استفهام!!لان بجرية اصلا مااعرف اي شي,,الله يسامحها,,

وبعدها رحت ناهدة العلي تهبل شويه عليها,,استقبلتني بالغرفة وبعدين دشيت السونار وخلتني البس ملابسي وردينا مرة ثانية المكتب,,وسالتني,,وقالت لي شنو عندك اي سوال؟
وايد وايد ارتحت عليها وحتى ريلي ,وبس سلامتك/هذي سالفتي بالتفصيل الملل|>>>>>>>ووووه تعبت واااااايد قرقت

 

[كيت كات]

انا ولدت مرتين عند خالدة ماشاء الله عليها تهبل وصبرت علي بالمرتين
وكانت ولاداتي متعسرة بس سبحان الله وجودها معاي وطوله بالها ريحتني
ونداء سمعت انها زينه وحتى ماجدة كميخ

 

[دمثة]

خالده المجيبل تهبل انا والدة عندهااا روعه قمة طبعاا من فضل رب العالمين

 

[سموره 87]

انا والده عند نداء كلمة روعه شويه عليها باااااااااالها طوووووويل بالولاده وحبوبه حيل

 

[Om 3zo0oz_2011]

رد : الي ولدت عـند دكاترة رويال حـياة تدخل تفيدني ؟؟ !!

لرررررررررررررررررررررررررررفع