الي ينحآشووون من الحصص يدشووون :p

[منوشه ام شوشه]

انا عاد ما انساها والله كان يوم الاحد وانا بادبي المهم شلتي كلها بعلمي وكان عليهم اختيار حر حصتين انا بس حضرت الحصه الاولى وباقي الحصص معطيتهم طاف المهم قررت اهرب يومها بس ادوج بروحي لما طق جرس الهده رحت الصف الا ابله الفرنسي كانت بوجهي وعاد تقعد تكلم بالفرنسي واتصرخ انا عاد اهني وصلت حدي ومابي اتخار والمدرسه كلها اطالعني فشله واخليها واروح اخذ اغراضي واطلع بالهده
ههههههههههههههههاي والله ابدااااع لما اهرب

 

[فديتج توته]

لووووووول انا اول مره انحشت فيها الي اهي السنه الي طافت بعااشر

كان يووم عيدميلادي انحشنا انا ورفيجتي من احتياط احيااء ولما البنات راحا المختبر احنا قعدنا بالصف و شرينا من المقصف
لييلحيين اذكر كاان بطني يعورني من الخرعه
و في مره بعد عللى اخر السنه جنه كان امتحان قران و ماكنا في دراسه ولا حتى مراجعات انحشنا انا ورفيجتي و بناات رفيجاتي بس من صفووف ثانيه
جكتنا الابله و ركضنا كلنا الحمااام كل وحده دشت حمااام
ولما نطرناا شويي رفيجتي قالت يالله بنات اكييد راحت خلنطلع اهي اول وحده طلعت وانا طلعت ولا الابله كانت ناطرتناا كاااااك
انا رديت دشيت الحمام الابله ماحست علي بس الباجي كلهم جكتهم وودتهم
تخيلوا يمكن قعدت سااعه كامله عالمرحااض و مت من الحر و من الخوف ماطلعت بس بعديين مليت قلت ارووح اشرب ماي وارد
رحت شربت ولا يطق الجرس اووووه وقتها صج ارتحت
وشكثر انحشت بهالسنه ولا جني انا الي كنت اخاااف بدعت بصرااحه بعااشر

ويسلموو حيااتي والله ونااسه خلييتينا نرجع بالذكرييات:d

 

[ألم صمت]

والله انا نحااشتي قلليل جدا ونادر ما انحاش من الحصه

الكورس الثاني اكثر شيي لان تعرفون المسابقات والنشاطات كلها تبدا الكورس 2

واانا انحاش ع ضمانه رئيسه القسم لي هذا قلت مسابقه لووووووول ولا نشاط اذاعي

 

[حلوه بس بلووه]

هههههههههههههه حلوه مصير جماعي
انا كل ما امحاش لااااااااازم انجك وتعهد اواستدعاء ثانوية نوريه الصبيح ماااااكز تفاهم

 

[Dnoona]

انا اول مره انحشت يوم كنت بثالث ابتدائي لووول كنت ماحب حصة العربي جان ننحاش انا و رفيجتي و ظلينا جي اسابيع ننحاش بس من حصه العربي ليما الابله شكت فينا و انجكينا لوول
بعدين بالمتوسط بدعت بالنحشات تقريبا كل يوم انحاش و ما انخش بس افتر و ساعات انخش بمختبر العلوم او الحمام لووول
و مره كنت منحاشه مع رفيجتي جان تشوفنا رئيسة قسم الرياضيات جان تقول شنو عليكم جان نقولها رياضيات جان تقول و ليش طالعين عاد رقعنا و قلنا رايحين نشرب ماي و كملنا النحشه و لا تشوفنا نفتر عاد اول ما شفتها جان انحاش اشكره و اهي تركض وراي ليما دخلتني الصف و طبعا الابله خلتني اوقف حصه كامله لوول

 

[AL-Jree7a]

اما انا بداية قصتي مع النحشات كانت بسابع كنت كل حصة انجليزي لاني كنت اشوفها سهله ومستغله طيبة الابله كل يوم اقولها ابله بروح الحمام طبعا اكون انا ووحده من رفيجاتي متفقين انا واللي كانت تقعد وراي وحده تطلع ورا الثانيه ونروح ننزل عند تاسع وثامن وانتمشا وجذي اما بثامن فما كنت انحاش وايد بس كنت اعرف وحده كانت بتاسع رفيجتي كل يوم تمر عند صفي وتاشرلي يعني طلعي ابيج واقول للابله بروح الحمام او اشرب ماي اروح اشوف شنو تبي وارجع حتى احيانا تقولي مابي شي بس جذي ادري تبين تطلعين كاااااااااك اما بتاسع لا ما هربت كلش بس النحشات الجماعيه هذي اوكي لوووووووول وعاد انا الحين بروح عاشر متوقعه اني ماراح اهرب لاني بهتم بددراستي ومتوقعه اي لان رفيجتي اللي كانت اكبر مني ودايما تطلعني واللابلات يزفوني بسبتها راح تكون بنفس مدرستي بس اهيا ب11 والله يستر ههههههههه
وثانكس على الموضوع الاكثر من ناايس ويعطيج العافيه​

 

[بالروح احساس]

انا كنت اهرب تقريبا يووميا لووول بس وااع في بنات ينخشون بالحمام نو وااي زهيوي!..لوووول
ولا شفت الوكيله امشي جدامها بكل ثقه ومرات تطلع جدامنا واحنا خمس اربع بنات نمشي بكل ثقه تشوفنا عاااد احنا تحت السواهي دوااهي اشكالنها مودبه وشطار بسس ميينننن حييل وميننين الابلااات ولا اغلبنا متيازات ماشااء الله عليما ولا باخر الثمانينات << احلا شله مرت علي ..ياحلوكم ولا دشينا الحصه الثانيه صبعا معروفات احنا ولا بعد نمر على ابلاتنا بالقسم نطل عليهم نبتسم ونترااكض لوووول اي لا دشينا الحصه اللي وراها الابله تكون عارفتنا ان مهربين فتقوول روحوا الاداره احنا لوعلينا نهرب مره ثانيه بس تكون الحصه مهمه ومانقدر والوكيله عارفتنا مجننينها لوووول...ماتكلم ولا تقوول شيي تاخذنا ودششنا الصف عاد اهيا لاشافتنا داشين الاداره تمسك رااسها خخخخخخخخخخ اتذكر يوم كان تصوير المتفوققاات ماصدق لووول واحنا جاينها قالت لا اشكره مهربين وحاطين مكياج وجايين عندي يوم قلنا لها احنا امتياز بقت تستخف هههههههههه حتا قالت للابله جيكوو على اساميهم ..وقالت الابله ايي جان تقوول لا رووحي شوفي ملفي بالمكتب هذييل مستحيل امتياز صج كنا ميينن بس والل كل ابلاتنا يستانسون علينا ويزفونا لاغبنا ويموتون علينا ياحلوهم وتدرون شلون ننحاااش كااااااااااااااااااااك ..تكون الابله معطتنا ضهرها وتكتب بصبوره ..كلنا ركض ونطلع بره ويتمر الركض لين نحس بالامان ومحد يلحقنا وابله الفرنسي كوويتيه دايمن نسوي فيها جذي عااد مره بجت منا لووووول

 

[غـلاهـا]

احممم احمممم
اناااااااا دااايم اهرب بس محد يصيدني قولو مشالله
بقولكم سالفه .. وهااااذي بنسبه لي اقووووى تهريب ههههههههههههه مره انا وبنات صفنا
جذي 10 بنات هربنا ويه بعض المهم نتمشى بساحه عاادي وبين صفوف وضحك وصوتنا عالي
الا في ابله شافتنا عااااااد انا قلت لهم انتشششروووووووا عشان تضيع تلحق هاذي ولا هاذي :eh_s(9)::krkrkr:
وصعدنا فووووق وركض ركض والابله ورانا اانااااا ورفيجاتي دشينا الحمام كل وحده دشت حمام اهما يضحكون وانا اقوووووووولهم بس بس
وباقي البنات مالقووو مكان بالحمام كل ثلاثه بحمام تخيلو هههههههههههههههههههههه
ومحد يتكلم نطرنا عشر دقايق ولا نطلع :eh_s(9):
مالقينااااااااا احد اشوووووووا وطق الجرس وعدت على خير :dddds:




انززززززززين بقولكم اخر سالفه ههههههههههه والله
مره انا ورفيجاتي ثلاث بس
كنا نتمشى وجذي عاادي مهربين هههههههههههههه
ولا قعدنا عالسلم نسولف جان تشوفنا الاخصائيه ههههههههههه انا نحشت ورفيجتي زفتها الابله

بعد بقولكم شي فكره حلوة هاذي انا اسويها:eh_s(9):
اذا مالي خلق للحصه كلش اقول للابله بروح الحمام واسحبها

 

[بنت النوار]

هههههههههههههه ذكرتيني واللله السنه الي فااتت هررررربت من الاختياار الحررررر رسم وقعدنااااااا بالجبراات يعرفوونهم بناات النواار وحطينااا القهوى ونتقهووه علني هههههههه عايشين جونااااااااا ونااااسه ولااا تحريبنااا من حصه الانقللش يااحلوهاااااااا من اياااااااااام

 

[* بدويه وآيد *]

بنآت دآم هالموضوع حق المشآكل والتهريب والسوآلف

المهم انا بتآسع السنه اللي طآفت

والله انا كافيه شري خيري بسس مثل ما قلت انا اطلع خبآلي اخر السنه واخرب ع نفسي ..!

المهم صآآر بيني وبين ابلة الدين هوووشه كل يوم وانا مطوله لسآني عليهآ << اول ابله اسوي معآهآ جذي وربي

المهم اهي ابله ميدآني يعني جديده وتجرب علينآ خخخخخ

المهم الصف كله يكره هالابله

تخيلو اهي قززمه وتصآرخ يآآبوووووي جنهآ << ذبآنه معصبه خخخخخخخخخخخخ

المهم كله تصآرخ ع اتفه الاسبآب وما تفهم وكل عذآريب الدنيآ فيهآ

,,,,,,, طبعآ انا قآعده اول شي جدآم الابله << مكآن استراتيجي :$

وبس تصآرخ بطت اذني

وكل شوي تقووم وحده توقفهآ عشان بسس سولفوا << والصف كله بحصتها يسوولف لانه ماعندهى شخصيه كلششششششش ..!

المهم وقفت ثنتين << وانا من زود الغيره ع البنات وابي افزززع لهم مسويه نفسي كلششش..!

قمت وقفت

قلت ابله شفيييييييييييج

كل شوي تقومين البنآت حرآم علييج و ع فكره الصف بحصتج كله يسولف قعدت عليهم ..!

قالت وانتي وقفي بعد << قهرتنيييييييييي

انا مآ سكت قلت لهآ ليش ماسويت شي غلط المهم كليت تبن و وقفت

........................... صرنآ 3 بنآت موقفين تخيلو ع هوشتنا هذي النآظره سمعت صوت الابله ودشت صفنآ ...!

اخييييييييييه وربي قهر حقييييييييييييييييره ناظرتنا << فصلتني << يوم وآحد اول مره اخذ فصل كله بسبت هالابله الزفت ...!

...............

ومره

كآن تسميع قرآن الفآينل

تخيلو بنآت الكل يسوولف ازعااااااااااااااااج

بسس انا لمآ اسولف تنتبه الابله وتقولي قومي وقفي << بذمتكم موووقهر...!



الكرسي حقي مادري منو ماخذه وموديه اخر الصف... جآن اقوم اروح اسحب الكرسي من وره لي جدآم

عاد قامت الابله قالت وين رآيحه

امبيه انا كنت فآصله قلت لهآ رآيحه المريخ ههههههههههههاااااااي

الصف كله ماتو من الضحك ,,قالت لا والله

قلت شدراني عنج رحت اجيب كرسيي فيها مششكله ...!

قالت وقفي

اوووول مره اسيووويها بحيآتي << قلت لها ماااااااااااابي اوووقف

ماسويت شي غلط ماراح اوووقف ..تخيلو قعدت وعاندتهآ ..قالت انا اوريج درجه كامله ماكوووو << انا سآكته

.................

المهم بنآت عقب القرقه هذي << فصل يوم وآحد يأثر علي مع اني شآطره ودآيمآ يختآروني الطالبه المثاليه وراا ــءـــدة الصف بسس لسآني متبري مني ماعرف امي من ابوي اذا كنت معصبه خخخخخخخخخخخ

 

[جبار حبكf-16]

واااااي احلى مافي المدرسه انج تهربين انا اذكر اول مره هربت كنت بسابع فيها قام بطني يعورني طول اليوم وثاني مره جكوني وكتبت تعهد
بس الحين عقب ما دشيت الثانوي وخاصة كان شي طبيعي اصلن ان نهرب من الحصص اللي ما نحبها بس تدرين المكان اللي نقعد فيه وين والله لو ادورين المدرسه داعوس داعوس ((زنقه زنقه)) ماتلقينا كان في بصالة البدنيه في ممر قبل لا تدشين الصاله كان فيه طاولات كبيره مالت الابلات اكيد عرفتيها وكانوا تقريبا خمس طاولات وعليهم مفارش مغطينها كنا نقعد انا ورفيجاتي كل اثنين تحت طاوله ولا انجكينا ولا شي (( شرايج بالمكان بس لما نطلع تعالي شوفي فلم ننطر يفضى الممر عشان نطلع))
اما لما رحت 11 انا ((علمي)) فالكورس الاول كنت ما اهرب وملتزمه بس الكورس الثاني فليتها اتذكر مره كنت مهربه من حصة الe وطق الجرس خلصت الحصه قاعد اقول حق رفيجتي يلا خل نرجع واحنا رايحين الصف ولا الابله بويهنا قلنالها كنا نطبع اوراق بالاداره جان تقول يبو ورقه جان عطونا شؤؤن الطلبه ورقه مافي عليها ساعه ودينها للابله جان تقول خلاص دشو فيها هالحصه جان نسحيها تهريب لي أخر الدوام(( معانا ورقه لوووووول)) اخر موقف طبعنا نفس الاوراق مالت الدخول والخروج وكنا مهربين انا ورفيجتي شفنا الوكيله تفتر فقررنا ندش و لما نبي ندش كتبنا اسامينا ويينا نبي ندش طلع احتياط و ابله احنا ميانه معاها عطيناها الورقه جان تظل اطالعها جان تسحب ورقه من تحت لابتوبها ولا ورقة دخول بس شكلها غير ولونها ازرق بدال الابيض فيهاوحده من بنات الصف جان تقول ماتدرون انا الاداره كل اسبوعين تغير الاواق لأنها تعرف سوالفكم (((( انا اهني حمدت لابي ان الابله احنا ميانه معاها

طولت وانا اقرررررق تقبلي مروري وسوري عالطواله

 

[شرمبي]

يوووهـ التهريب حدث ولآ حرج ..

ودآيم نهرب بحصة الفرنسسسي ..

وأحنآ 7 بنآت ..

مستحيل نهربـ من غير بعض ..

وكنآ نخصص مهمه لكل وحدهـ

وحده عليهآ الجاي والقهوهـ
وحدهـ عليهآ الفرآش ..
وحدهـ عليهآ الحلآ
وحدهـ عليهآ البيبسي والسفن والشآني والمشروبآت الغآزيـه ..
وحدهـ الشيبسآت
وحدهـ عليهآ الريوق ..
وحدهـ عليهآ الفنآجيل و{ أكوآب الجآي } مآنتعآمل مع سكآنآت

وكنآ نقعد بالصيف ...> المسسجد ..
وكنآ نقعد بالشتآء ...> فوق سطح المدرسسسـه .. أو بالسآحه الخلفيه ..

يآكثر مآيمسكونآ وننزف ومن كثر مآيفصلونى واستدعآء ..

قآموا يعطونى عقآب ..

نغسسل المدرسـه أو نمسح الصف أو يكدونآ ويلعنون خيرنآ بشغل الأدآره ..

ولمن تجي الأمتحآناات دآيم يفتشونى تفتيش كآمل ويمسحون صف مسسسح من كثر التفتيش لآن كنآ نجيب درجآت حلوهـ ..

والله أيآم حلوهـ ..

وإن شاء الله يبتدي الكورس هذآ ونرجع لعآدتنآ القديمه

لوووووولـ آمبيييهـ حدكم رآآهييين
آحنآ ننحآآآآش ومخترعييين آنتوو عآآدي الحيآآآهـ حلوآ
والله حدآآ ونآسآ .. بي معآكم

 

[كويتيه مزيونه....]

بنت النوار
لووول بمدرستنا عادي
ياي حصة اختيار الرسم ممله
انا تالاختيار احب حصة السياحه والسفر
يونسون ابلاتها

لووول انزين بقولكم سالفه
مره كان علينا اختيار حر
ورحت لابلتنا وقلت لها ابله ممكن اروح احاجي
ابله فلانه قعدت تضحححك طلعت تدري اني احبها
يوم رقالتلي روحي بس لا طولين طبعا
يومها سحبتها وطنشت لما طق الجرس لووووووول

انا تهريباتي قليله الاكثر يوم تجي الحصه استأذن
واطلع من الحصه وطبعا ما ارد لووول او اتاهر او الاغلب يوم يطق الجرس
توني مبطله باب الصف لوووول اخليها يوم تلف وطالعني
وبعدين ارد واطلع

مره اول ما داومت كنت مهربه لا ووين قاعده
لووول ايام نعله بثانوية النوار قاعده عند قسم الحاسوب والمقصف
بنات النوار عرفتو اللي بالساحه
ومجابل الادارة بالضببببط
لوووول
ومره بعد هربت وقعدت على الدرج اللي عند
العربي والفرنسي
بس محد جكني

 

[CUTIE-THUG]

هههههههههه وناسه الموضوع حده
ذكرتيني عاد شكثر كنا ننحاش من حصه الانجليزي و تودينا الابله الاخصائية و احلى شي انه الاخصائية ما تحب ابلتنا فعشان تحرها تعطينا ورقة ندش فيها الصف ولا مرة باستنا على خدنا جدامها عشان تحرها و تقولنا حبايبي هذول ادري انج ظالمتهم هههه
ايام الشطانة حدها وناسة

ولا مره كنا منحاشين و نمشي جدام غرفة المديرة بكل ثقة ولا تنادينا بنات ليش مو بصفكم ؟ احنا ما لفينا ويهنا اصلا على طول نحشنا رحنا مكان يحطون في الطاولات القديمة نطلع فوقهم و نقعد نسولف و نلعب جنجفه ههههه صج كانت تمر ايام ما نحضر الا الحصة الاولى كااك

 

[CUTIE-THUG]

ايي صج على سالفت الاوراق الي ندش فيها الصف مرة كنا عند الاخصائية والاوراق يكونون جدامها ولا بس لفت ويها خمطنا نصهم كااااك بس نبي قلم شلون ولا نطلب من الاخصائية نقولها نرده بعد الحصة وااي صج وقاحة ههههه ولا مرة سألتنا ابلة شحقة تتمشون بالممر ولا نرقعها نقولها الابلة دزتنا ندور على بنات منحاشين من الحصه هههههههه​

 

[ورده حنونه]

ههههههههههه احلا شي بس متي خربتها 11 اخر سنه
بنت الابله مششكله بس وحياتكم ماجنه امي ابله صج
صج وناسه خصوصا البنات لما يشجعوون بعض هع :krkrkr:

 

[* بدويه وآيد *]

اب اب

 

[الدلع ذابحني]

أنا برئيه مااانحاش بس حصة الموسيقى والرسم ومره حظرت الحصة الرسم عااااد ابلة قالت يديه انتي عاد أقلوووه أنا يديده امبيه والبنات افضحوني موقف لاينسي ههههههههههههههههههههه

 

[سارونة ..!]

انا ولاا مرة انحشت الحمدلله .. لاني متفووقة يعني ..

بس اذكر كانت اخر السنة .. وكنا نتدرب علا حفلة التفوق .. خلصنا تقريبا بالفرصة الثانية.. جان نكملها انا ورفيجاتي لووول .. ظلينا لي الهدة نسوولف ونضحك ماكو شغل ..

 

[BnoTa CuTe]

وايد انحاش بس مو طول الحصه لا نصها لانه الناظره والوكيله يفرون وشكثر صادوني مره عطوني تعهد وخذيتلي جم زفه

بقولكم اكثر موقف ضحكني

مره انا ورفيجاتي 2 منحاشين من حصة العربي كانت آخر حصه اوكي

صارت نص الحصه واحنا للحين منحاشين المهم

ونفكر شلون بندش الصف ماعندنا عذر لانه الوكيله والناظره يفرون بهالوقت

واحنا ماشيين ولا تطلعلنا الناظره !!!!@@

واهيا تعرفني جان تناديني بصراخ شتسووووون !!

انا تصرقعت وسكت لوووول ورفيجتي هم إسكتت وتعيد السؤأل شتسووون وحدها معصبه واحنا للحين ساكتين من الخرعه

جان رفيجتي ترد قالت كنا كنا كنا < وعلقت ههههههههههه

جان توقفنا بالممر جدام صف 12 هههههههه جنه يهال وقالت ان تحركتو ياويلكم عشان بتروح تكمل تفر عالصفوف

انا قلت حق رفيجاتي بعد لي ال3 وركضووو

ما مداني قلت 1 , 2 بنركض جان تلف علينا الناظره ! :'(

يت عندنا جان تقولها رفيجتي بترقع بس مو عارفه شلون قالت " ابله يعني لي متى بتوقفينا اهني " < فوق شينها قوات عينها

جان الناظره تصدمنآآآآ !!

قالت كييييييييييييفي مع الحركه تحط اصبعها على راسها وطارت يمين واهيا تسووي هالحكه امبيه انفجرنا ضحك

اهيا كبييييييييره وتسسوي حركات يهال لووووول والله ما تحملنا ضحكنا جدامها جان تقول اي ضحكو ضحكووو

وودتنا صفنا قالت حق الابله " يا ابله هذيل منحاشين ومايبون يحضرون حصتج وقفيهم ورآ يا ابله " ووقفنا لوووووول

مو من صجها انا حسبالي بتفصلنا ولا تعهد عالاقل .. بس زين منها دخلتنا لوووول لانه احنا من زمان كنا بندش بس ماعدنا عذر​