ومره كان علينا رسم حصتين والابله تشرح ومندمجه ونا ورفيجتي مخلصين شغل فا ماكو شي نسويه
والابله هاذي ماتسمع عدل
المهم
قلت حق الابله ابله بطلع ابلة الحاسوب تبينا انا ورفيجتي جان تقول ماكو طلعه اذا تبييج إتييب ورقه تستأذن قلت لها اوكي انا اروح آخذ منها قالت لا مافيه
جان تخطر إبالي خطه جهنميه قلت حق رفيجتي شرايج لما الابله تلف انا وياج نركض عالباب وننحاش ماراح تشوفنا
عاد رفيجتي خوافه قالت لا مابي انتي روحي وييبي ورقه عشان نطلع انا وياج بطريقه محترمه
عاد قلت لها اوكي
لما الابله لفت يسار رحت ركضضضضضض عالباب وانحشت وانا بالممر اركض حني المينونه وفيه ابله تمشي جدام مادرت اوقف جان ادعمها وطيحتها ههههههههه فشششله =$
تأسفت وكملت ركض لي الحاسوب ههههههه < لاني اخاف ابلة الرسم تنتبه وماتلقاني مع البنات لانه احنا كنا شويه
المهم رحت عند ابلة الحاسوب اكتبت اسمي واسم رفيجتي ورحت عند المرسم لقيت بنت قتلها انا بدش وبعد دقيقه دشي عطي هالورقه الابله
الحين توهقت شلون ادش بدون لا تشوفني الابله
رفيجتي أشرتلي انه الابله لفت
دشيت ولا الابله تصرخ وتشوفني !!@@ انا مت من الخرعه
قالت شتسووووين !!
< اشوه حسبالي جكتني
جان اشوف يمي زباله وقتلها لا ابله كنت بقط ورقه بالزباله
قالت اي مره ثانيه قبل لا تقومين من مكانج وتقطين الورقه تستأذنين قلت ان شا الله
ودشت البنت وعطتها الورقه وطلعناا
< والله مادري شلون تجرأت وسويتها لوووول
