امهات المنتدى.. ترضون تزوجون ولدكم بنت متعرف عليها ؟؟

[ام مناوي2009]

اقوله يستخير
وبعدها لي يريحه
هم انا امه وابي اشوف ولدي مستانس

 

[q8y-moon]

اذ ولدي ثقيل وعاجل وشخصيته قويه
اكيد الي اختارها زينه وهم بعد بسال عنها
واذا زينه ليش احرمهم من بعض؟؟
بس اذا ولدي ملقوف ويايبلي وحده فيها بلاوي لا والله مو بكيفه

 

[بحرينية@ماركة]

اي عادي ليش لا اذا حب طاهر وشريف ليش لا خو الحب مو حرام
واذا يبيها اسأل عنها وكلشي اذا خوش بنيه اوافق عليها وبقوه واهم شي سعادة ولدي
واكيد راح اعاملها مثل البقايه وانا افكر اذا ولدي تزوج راح اعامل زوجته مثل بنتي راح ادلعها وماراح اعاملها انها مرة ولدي ..
وللعلم ولدي عمره 8 شهورر,,,

 

[G!RLooNa]

Upp

 

[أشبـاهـ المطـر]

بخصوص نعتنا بالمعارضات ياجماعه خلوا روحكم رياضيــه
وابنوا آرارأكم بمنطق وعقلانيــة معليش خلوا العاطفه على جـنب شووي


الموضوع عــنوانه واضح ترضون تزوجون ولدكم بنت متعرف عليها ؟؟!!

العلاقه الي فيها محادثات ماقصد ورارئها ؟؟
فهموني شنو يقولها ؟؟ اهيا تشرد عليه ؟؟
تخضع بالقول بعباره آخره تميع واهو مو مقصر معاها غزل
في غزل وثناء على الي قدر يحصله منها ويطابها بالمزيد في حالات
قد يمارس معها الجنس بالهاتف !!


الذكر ليس كالانثى متى بتفهمون هالعباره ؟؟!!
الرجل يفسر الجنس بالحب !!
يعني ولدي الشيطان راكبه من البدايه وجليله الحيا مساعدته بهالشي
والمعصيه تعمي قلبه قبل بصره فيتعلق فيها ...
ولأننا مجتمع نرفض الزنا من مبدأ الأعراف لا من الخوف من الله والعياذ بالله
مافي حـل الا زواج لأن الدولـه تجرم الزنا بدون علاقه شرعيه


لاتقولون ان الصواب هو بزواجهم لا ياجماعه
مااقبل ان تكون جنتي وزوجة ولدي بائعه هووى لو عن طريق الهاتف
ولا اقبل ان تكون ام لأحفادي ودنيا تدور وكما تدين تدان
وحتى بناتي كيف يطمئن قلبي لفتاه تروج وتجاهر بالمعصيه لان تجربتها نجحت فيها
وتحبب بناتي بذلك ؟؟!!!



لأنـــي أم أرفض رفضاً قاطعاً
والأنسان ابن بيئتــه فاللي بحاججني ليأتي برد مقنع وعقلاني
لاني مللت من الخيالات الخصبه والافلام المدبلجه وكـأن مجتمع الكويت
اصوله مكسيكيه ويعيش في حاله ريــاء ديني فاااضح !!


لا اابشركم بناتنا فيهم الخير وبنسبــة كبيره بعد
يعني عمليه البحث عن زوجه لاخي او لأبني مستقبلاً
ستكون سهله وميسره بإذن الله ....





أخيراً :


هناك قاعده عظيمة ربانيــة يقول الله تعالى : الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ

وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ


الأمــر سهل جداً لكن ينقصنا اليــقيــــن
الموضوع وااضح ابتعدوا عن ريبه وتشكيك شيضمن لكم انها ماكلمت ووو ... إلخ




دمـــتم سالمـــين

 

[G!RLooNa]

ابب

 

[طفـشآنه]

رد: رد : امهات المنتدى.. ترضون تزوجون ولدكم بنت متعرف عليها ؟؟

هالزمن هذا غييييييييييير
ماكو ولد يرضى ياخذ وحده ما يدري عنها شي
الحين الريال يكلم البنت عشان لا ينصدم بعدين
بعض الردود تضحك احس صاحبة الرد ما تطلع من البيت ما تروح جامعات..:d
اخوي يقول انا اتمنى اتزوج وحده بس متكلمه بالتلفون
من كثر ما يسمع ويشوف المسكين:tongue22:​

انشهد شهآدة حق انج صآآآجه ,

 

[ترانيم القصيم]

رد : رد: امهات المنتدى.. ترضون تزوجون ولدكم بنت متعرف عليها ؟؟

أشباهـ المطر & مطيرية ماركة

ما تقصرن يا بنات ,, والله إنكن نماذج نتشرف فيها .. ^_^

فيه وحدة تردد بِ ردهآ تخلف ورجعية آرجو منهآ تحترم غيرهآ كل آنسآن وقنآعآته وعلى مآتربى عليه

عيآلنآ كيفنآ

إلللي قالت تخلف و رجعيـة أنـا أشهد إنها ( وقحة ) بمعنى الكلمة ,, و أنـا قد الكلام آللي أقوله

تدريـن ليـه قلبو مط مط ؟ لأن البنت هذي ما تتجاوز علي و عليك و على أي وحدة تستنكر تصرف ( انحطاطي ) غير أخلاقي

هذي تتجاوز ( على الدين ) و أحكام الشريــعة ,, يعني كأنها تقول عن الدين و أحكام الشرع ( تخلف و رجعيـة )

وش رايكن فيها ؟ وقحة و إلا ؟

على فكرة مدري من هي آللي قايلتن تسذا , و لا أبي أعرفه ,, كتبت ردي بشكل عام حتى أحط حد للمهزلة لأن ماهيب أول مرة نشوف تطاول و ( نسكت ) !!

يعني ما بقى إلا أحكام الديـن يتجاوزون عليها السفاء و يطعنون بها !!!

يا للأســـــــــــف ما يغلط على ديننا و يشوهه إلا من أبناء جلدتنا !!!!

 

[G!RLooNa]

عفيه مانبي السالفه تنقلب هوشه كل واحد حر برايه

 

[ناتشوو]

رد : امهات المنتدى.. ترضون تزوجون ولدكم بنت متعرف عليها ؟؟

والله مادري احترت بوسط هالاجابات
بس بشكل عام في فرق بين اللي ولدي معجب بشكلها واخلاقها وتكون معاه بدوام ولا كلية ومابينهم الا كل ادب واحترام
ووحدة مغازلجية سوالف وضحك 24 ساعة معاه ويمكن طلعات

واللي فعلا متمسك باللي يحبها ( اوتظن انه يحبها ) و مقتنع فيها
ماراح يقبل باحد يوقف بطريقه بس يقص على اللي مايبيها ويقول امي مارضت!

والمسكينة تصدق انه امه سبب فراقهم
والله اعلم لو حصل هالموقف شنو بسوي
بس مااتوقع بوقف بطريقهم

سألت اختي هالسؤال قالت اذا من عايلة زينة بوافق وافتك من اني ادور له

 

[G!RLooNa]

Upp

 

[مطيريه ماركه]

رد : امهات المنتدى.. ترضون تزوجون ولدكم بنت متعرف عليها ؟؟

.

إلي معآرضين وآآآآآآآآآآآآآآآآآآآآي يمه منكـ وآلله لو بنآآآآتكـم الكشره من هنـي لهنـآكـ

آي عـآدي بـس لآ صآرت آلسالفـه عند بنت النآس لآ مآ يصيـر وتطلع آلقيم وآلمبآدئ عشتــووووو

<< وآآآآآآآآآآآآي غثيتووووني بهآلتناقض !!

آمـي دووووم تقول لآخواني وآلله لو بغيتو تحبووون حبو يمه بس هآه هآلله الله بالأصيله بنت آلناس الطيبه

آلـي من مواخيذنآ آحسنو الآختيـآر لآن آنتم آلي مسوؤلين عن آختياركم .. << وووووه فديت منطووووقج يآ آحلـى آم بالدنيآ

آي والله سعـآدتهم من سعـآدتهآ آلوحـده آلزم مآ عليهآ رآحت عيآلهآ !!

.

غآدة حبيبتي ليش تنآقض ؟؟

بنيت وجهة نظري حسب حيآتي

آلولد وآلبنت نفس آلشي في نظري

هذآ آللي تربيت عليه في بيت آبوي

آلولد غلطته مآهي مغفورة وكلمة آلولد شآيل عيبه مآتدور عند آهلي

شنو آلآم تقول تعرف وحب لك وحدة آصيلة آلآصيلة مو آصيلة آلعآيلة آلآصيلة آللي متمسكة بِ آخلآقهآ

بنت تعرف على ولد حتى لو علآقتهم بسيطة آسمحيلي مو آصيلة ودي آقول كلمة قوية توصف حآلتهآ

هل آبوهآ آمهآ يدرون بِ علآقىتهآ آو آخوهآ يدري كل آلنآس تدري ؟؟

طيب ليش تخبي ؟

لآنه بآطل ومآبني على بآطل فَ هو بآطل

هذآ غير خيآنة آهلهآ تخون آلعظيم ربهآ آلله أكبر

وآللي تخون آهلهآ وربي يهون عليهآ كل شي

حنّآ طلعنآ عن محور آلحديث آلموضوع مو علقي على رد آللي معآرضة وآللي مؤيدة !

كل وحدة تعبر عن قنآعآتهآ

آخيرآ ً ومرة ثآنية عشت وتربيت في بيت آبعد عن آلتنآقضآت ولد وبنت كلهم نفس آلشي مو مسموح آلولد يكلم وآلبنت لآ

وبعدين بنتي لو جآهآ وآحد جذي آعوذ بِ آلله وربي مآني شآقة آلكشرة سوآد وجه

تعرفينه تحبينه ؟

لو تحبه بدون علآقة مآعليه بس تعرفه مصيبة

هذآ تدرين شنو يعني ؟؟

يعني آني مآعرفت آربيهآآآ

آموت آنآ بعدين تآخذه ، آلله يآجعل بنآتي مآيجون جذي

ترآنيم وكثر آلله من آمثآلج لآ هنت ِ

آلآمر قنآعآت شخصية وكل من يتكلم على محيطه ومآتربى عليه

فيه وحدة تقول آللي معآرضين آشك آنكم مآتطلعون

لآ حبي وصلنآ آمريكآ وآوربآ بعد وشفنآ كل شي

بس متمسكين بِ هويتنآ آلآسلآمية وآعرآفنآ حرآم وعيب

من متى صآرت آلتقآليد رجعية ؟ وآلعلآقآت تقدم

حتى آلآسلآم لمآ آتى آلغى بعض آعرآف آلجآهلية وآبقى على بعضهآ

حتى لمآ شرع آلنظرة آلشرعية مآ آوجبهآآ

شلون توجبين علينآ نزوج عيآلنآ بنت جذي سوري بس كلن ورآيه

ومهمآ صآر بِ آلزمن آذآ تعتبرون هـ آلآمر تقدم آنآ آشوفه تقدم لِـ آلهلآآآآآآآآآآآآآك لآ آكثر

 

[Miss McDonald]

رد : امهات المنتدى.. ترضون تزوجون ولدكم بنت متعرف عليها ؟؟

,


إذا بنت زينة بوآفق ,






الله يهنيهم مقدماً <

 

[G!RLooNa]

Upp

 

[المرتاحة]

انا مو متزوجه

بس امي الله يخليها تقول انها عادي ترضى ولدها ياخذ اللي حبها اهم شي سعادته

جان اقول لها عيل ليش قمتي تهاوشين اخوي لما قال لج يبي وحده امريكيه<اخوي كان يتقشمر معاها و مصور مع ممرضته لما كان يتعالج بره و يقول لامي انها حبيبته<
ضحكت و قالت هذيلا ما يندرى عن اخلاقهم

على فكره امي و ابوي ماخذين بعض عن حب

 

[Freakya]

المفروض يكون الموضوع ( ترضون تزوجون بنتكم واحد متعرفة عليه)

من ناحيتي ما أءمن بالحب قبل الزواج !

و أرفض بشدة ان وحدة تحب واحد متعرفة عليه او العكس

يعني بالله الولد طلع مو شي تقعد تكلم شباب الديرة لين تلقى لها واحد ؟؟؟

تلوع جبدي لما اسمع عن ناس متزوجين عن حب ..

@@

 

[G!RLooNa]

 

[خشف الرعآبيب]

واخيرا خلصت كل الصفحات

>> من حالف عليج

لآ جد يماااي تعبت وارتفع ضغطي في ردوود لا موووصج

شوفي ياقلبي انا نعست حدي وكان في بالي حجي واجد اقوله بس للاسف غلبني النعاس

بس الوكآد إني بوآفق كفآيه إنه إختيآره وبعدين شبآب هالوقت يعرفون اللي تحت القاع ومآينخش عليهم شي أبد

فليش أحرق قلبه وأحرق قلب بنت النآس ومآرآخح أستفيد إلآ الدعآوي علي والتحسب

لآ والله أوآفق بس بعد مآأسأل عنهآ عدل عدل وأشوفهآ وأقعد مع أهلهآ

وبالأخير

أسويله عرس لآ صآر ولآ ستوآ ع قولت وحده من الخوات تقول اسويله عرس مو اسبووع لا 40 يووم

 

[G!RLooNa]

٧

٧

٧

ههههه

 

[][ sarah ][]

رد: رد : امهات المنتدى.. ترضون تزوجون ولدكم بنت متعرف عليها ؟؟

يعني تسمحين لولدج يكلم بنات الناس
بس بنات الناس تكلم ولدج لاااا ؟؟؟؟؟؟؟؟؟؟؟؟؟
وهو شلون سمح لنفسه يكلم وحدة غريبة ؟؟؟؟؟؟؟؟؟ ممكن يكلم غيرها بعد الزواج
والله منطقكم غريب
وعن نفسي مافيها شي اذا البنت زينة واهلها سنعيين ليش لااااااااا

واللي تقول تحت نظري ومدري شنوو اكو بنت الحين تحت نظر اهلها عشان تكون تحت نظرج ؟؟؟؟؟؟؟؟؟
تخلف لاخر درجة صراحة

بنات الناس لعبه عندهم وعند عيالهم , وبناتهم مكتوب عليهم ممنوع اللمس !!
الوحده ليش ماتمسك ولدها بعد , والا عشان ريال مرفوع عنه القلم وكل شي عادي

وليش ترضون تفرقون بين اثنين يحبون بعض , وكل واحد منهم يتزوج واحد غير , البنت تتزوج واحد كان يكلم ويحب , والولد نفس الشي ياخذ حبيبه غيره على قولتهم

عالاقل جربوا سألوا عن البنت واهلها ماتدرون

هالبنت مثل ماكلمت يمكن بيوم من الايام بنتكم ينقص عليها وتكلم , هل ترضون ان ينطلق عليها مسمى بنت مو شريفه !!