امهات المنتدى.. ترضون تزوجون ولدكم بنت متعرف عليها ؟؟

[G!RLooNa]

اببب

 

[حسبي عليك]

رد : امهات المنتدى.. ترضون تزوجون ولدكم بنت متعرف عليها ؟؟

أنا حاابه اتكلم عن نفسي

انا احب والي يحبني حب اول شي اخلاقي ولان حس اني صعبه

المهم الحين اهو يبي يخطبني بس بنفس الوقت ما يبي اهله والناس يضايقونا بالكلاام

يبي يقوول اني رفيجة اخته او انه شافني وراقبني وعجبته وانتهت السالفه ووو سوالف الشباب ما تخلص






الي ابي اوصله بالنهايه ان الشباب يقدروون يسوون المستحيل اذا حبوو

يعني يقدر يقوول لامه فلم والام ما تدري ان يحبها

يمكن البداايه غلط لكن حلوو الحلااال انا ما اشجع على هالشي بس ما في انسان ما يغلط

والغلط ان الواحد يستمر بالغلط والله يوفق الجميع

والله يسهل لنا قوولوو آمين

 

[حسبي عليك]

رد : امهات المنتدى.. ترضون تزوجون ولدكم بنت متعرف عليها ؟؟

G!RlooNa

مشكوووره عالموضوع حبوووبه

 

[ملاااك نفسهـ]

مادري شنو تقصدةون بخوش بنيه ؟؟؟

اذا اهي سمحت لنفسها تتعرف على واحد ؟؟ شلون يعني زينة ؟؟



لو عندي ولد لا والله ما ارضى لو شنو

حتى لو يحبها ،، حبتهم القرادة لان احنا في مجتمع عيب هالاشياء وحرام اساسا

شلون يبني حياته على هالشي ؟؟؟



طبعا ارفض وبشدة

أرفض وبـ شدددددهـ :eh_s(13):​

 

[G!RLooNa]

اببب

 

[Miss U]

اييييييه ارضى اكيد انشالله بكون ربيته صح واهوا مسؤول عن اختياره يعني تربيتي ما يختار الا الزين فديته >> خل ايي قبل لول

حرام عليهم .. شلون احرم ولدي من حبه .. ادوس على قلبه ولا أراعيه .. شلون اظلمه بزواج على كيفي واظلم البنت اللي انا زوجتها اياه .. يعني اعرف اهوا قلبه مع الثانيه .. وهي ممكن تحصل واحد يحبها وانا ازوجها ولدي واحرم الاثنين من الحب >>هم خل ايي قبل ويكبر من الحين مشتطه لول


بس اللي صج صج صج صج يبط الجبد انه خالتج تعترض لما ولدها يبيج وتخليج وحده بدون اخلاق
ولا تربيه لانج عرفتي ولدها وحبيته وماوراج اهل وتكون بنتها متزوجه عن حب !!!! >> لاتعليق

يعني ليش ما يسمونها تضحيه ! مثلا انا اضحي بسمعتي لانه ولدها يستاهل >> واكيد مو كل واحد يستاهل !
صعب اني اشرح وافهم واقول لشخص ما جرب انه يحب .. عشان يعرف انه الحب مو خرابيط ومواعد و كلام لين الفجر بالتلفون !

انا مالجه حاليا واللي ماخذته عن حب و قناعه والثقه موجوده الحمدالله عسى الله لا يغير علينا

 

[صمت المرافئ]

رد : امهات المنتدى.. ترضون تزوجون ولدكم بنت متعرف عليها ؟؟

أول شي أشكرج اختي على هالموضوع
ثانيا آنا رديت وأبديت وجهة نظري في الصفحة 4
أستغرب من البنات اللي يقولون
اشدراج عن اللي تاخذينها لولدج انها ما تكلم
وتطلع مع شباب وعندها بلاوي
شوفي حبيبتي كل كلامج صح وما انكره
كل شي يحصل بهالدنيا
بس قالوا أمهاتنا
" قبل لا تضمها اسأل عن أمها "
وفي حديث عن الرسول يقول
" اعقلها وتوكل "
يعني أوفر الأسباب ... أسأل عن البنت
أهلها ... شنو أخلاقهم ..أمها... أهم شي الأم وأخلاقها
وأخيرا الرسول صلى الله عليه وسلم يقول :
(تنكح المرأة لأربع: لمالها ولجمالها ولحسبها ولدينها فاظفر بذات الدين تربت يداك)
كون المؤمن يتخير الناس الطيبين في دينهم وأخلاقهم وسمعتهم فهذا أمر مطلوب، ولاسيما المرأة أيضاً تكون من النساء الطيبات المعروفات بالديانة والفضل الكريم، هذا أمر مطلوب.
يعني ما أرضى لولدي بوحده تطلع معاه ما أدري وين
وارد أقول اللي ما حفظت أهلها
لا يتوقع في يوم تحفظه وتصون عرضه
وسلامتكم​

 

[Japanese]

موضوعج وايد حلو يعطيج العافيه انتي وكل البنات

انا مع ان البنت والولد هو يختارون شريك حياتهم مب الاهل اللي يتدخلون بهالشي :/

من اللي بيتزوج ؟

مع الزواج عن حب؟ اي نعـــــــــم مع وضد ضد ضد ضد الف مره الزواج التقليدي

مع احترامي بس مادري شلون الصبي او البنت تقدر تتقبل فكره انه تتزوج واحد عمرها ماجافته ولا تعرف عنه شي

ولا تعرف طبايعه ولا شلون يفكر ولا شنو مخطط يسوي بالمستقبل وافكاره وارائه عن ابسط الاشياء بالحياه !!!

اوبيه صراحه لمن افكر بهالسالفه احس انه صج في بنات قطو نفسهم قطه شينه بالزواج بواحد مايعرفون عنه شي!!

عن نفسي مستحيل وابدا وغير مقبوله سالفه اني اتزوج واحد ماعرفه معرفه مسبقه سواء معرفه عمل او دراسه او اللي هو

المهم اني اكون متآكده من انه برتاح مع هالصبي باقي عمري وبنكون متفاهمين ،، السالفه مب خذوه ف قلوه ..

وبخصوص لو اني يبت ولد وبغى يتزوج وحده يحبها ،،،، ياااالبيه بيكون يوم السعد صراحه لآنه بجذي ريحني وخلاني اعرف

انه خلاص لقى شريكه حياته اللي متآكد انه بيتسانس معاها وبيعيش مرتاح ...

وسلامتكم ،، قلبي متروس من هالسالفه اوف :/

 

[almasiah]

اذا مرتاح معاها وواثق فيها ويحبها اوافق احسن من ياخذ بنت ومغصوب ويفكر بحبيبته و وايد من اهلنا ماخذين زواج حب والحمدلله عايشين بسعاده وجيلنا حين تغير وبالنهايه كل شي قسمه ونصيب لو زواج حب او تقليدي
ويعطيج العافيه
اي نسيت انا موام

 

[G!RLooNa]

اببب

 

[نونو جين]

خل ياخذها بالحلال ولا بالحرام واهوه يتحمل كل شي

 

[G!RLooNa]

ابب

 

[حوريه عسل]

الام هي ام
وبتم ام

والريال اهو اللي بيتزوج وعارف البنت ويدري شنو راح يكون مصيره اذا خذا البنت

واهو ادرى بمسئولية اختياره


بس اذا الام شافت شي جااااااااااااااااااااايد اهني لازم تتدخل وتقول رايها لا او اي

 

[ام سعود ديكسون]

غرلونا

زمن أمي غير عن زمن يدتي

و أكيد زمن اعيالنا غير عن زمنا

واللي تحب الستر لبناتها أكيد تحب الستر لبنات الناس

ليش لا الولد اذا متربي عدل وانا ادري ولدي علمته علي الصح والغلط والحلال والحرام

ليش اذا عجبته أخلاق البنت وكان اختياره صحيح ونابع من نضوج سنه وحسن تربيته

ليش ما اشجعه يكمل نص دينه بالحلال

ماكو بنت ما تدور الستر وماكو شاب ما يعرف هذي تلعب والا تبي علاقة جادة

ما اشجع ولدي علي الحرام ولا اقامة علاقة الاسلام حرمها

لكن بجيلي اكو تطور بالتربية أتمني اكون صديقة لعيالي

واتمني ان اعيالي ما يتجاوزون حدود التعارف بقصد الاختيار الصحيح

لان اللي ما ارضاه لبنتي مستقبلا ما راح ارضاه لبنت الناس.

وما أتخيل روحي أني بصير خالة نسرة خخخخخخخ أنا قلبي كبير وحنونة علي أهلنا

 

[شقرديـه عالطل]

اب اب

 

[um_yoyo]

رد : امهات المنتدى.. ترضون تزوجون ولدكم بنت متعرف عليها ؟؟

عادي بس المهم اتكون مناسبه له من كل النواحي من نظري لان اهوه راح يكون معمي بالعواطف ممكن مايشوف عيوبها

 

[غــلآ]

رد : امهات المنتدى.. ترضون تزوجون ولدكم بنت متعرف عليها ؟؟

اختي

( صمت المرافئ )

انا مو ضد كلامج او منطقج

منطقج صحيح لكن في وقت غلط !

واكيد رايج له كل احترام وتقدير

ممكن ام البنت تكون ذهبه وطيبه وحبوبه لكن شخصيتها ضعيفه جدام بنتها ماتقدر تقول اي او لا ( وهالنوعيه موجوده بكثره هالايام )

ممكن ام البنت تكون هم ذهبه ودينه وحبوبه وكل الصفات الحلوة اللي تشرف فيها ( لكن ماتدري بنتها شتسوي من وراها )
طيب صح انا بسال عن امها بس الام ترى ماعندها كاميرا تتابع حركات البنت بكل وقت وثانيه


يمكن البنت تمثل جدامكم انها متدينه وطيبه وخلوقه وبالصج الله يعلم ويستر عليها

ترى كلها نوعيات موجوده

صح انا اوفر الاسباب

لكن بنفس الوقت اشوف الزمن اللي انا عايشه فيه شنو سلوكه الغالب عليه

لكل جيل خط يمشي عليه

انا اذا فهمت جيل هالوقت .. بفهم عياله

طبعا
اناا احب اقول كلمه

اانا صح مع زواج الحب

لكن الحب الشريف

اذا شفت ان ولدي اختار وحده سمعتها بالحضيض بقعده وبحاول اقنعه
وااذا ماقتنع بقوله اخذ مرتك وسكنوا برا ومابي اشوفها

مو احاربه

لالا
بس اترفع عن هالنوعيه من الناس وما ادخلها بيتي اما ولدي فمعزز مكرم اي وقت يبي ايي حياه الله
الا اذا

واحط تحتها 10 خطوط

البنت تابت توبه نصوووووووووووووووح

هني اشيلها بعيني

لان رب العالمين يحب التوابين والمتطهرين ليش انا انبذها ؟؟!!


طبعا انتي تقولين ولدي طالع معاها مادري شسوى
هذي نقطه تعتبر ضدج لانج ماوثقتي بتربيتج وسسلوك ولدج
ولدج لو متربي لو 20 الف اغراء جدامه مابيسوي شي لان يدري ان زنا

وبعدين ليش نظلم

يمكن هو بسيارته وهي بسيارتها
وراحوا يتغدون بمطم
او راحوا كوفي شوب



والسلام ختام

حبيت بس اوضح وجهة نظري

للاسف ان واقعنا متناقض ويدوخ هاليومين

 

[amani]

نفس راي خواتي غلا وبنت المنصور

ويمكن تكون البنت إلي يحبها ولدي بنت إختي أو بنت أخوي يعني من الأهل أو بنت رفيجتي أو جيرانه وأنا أعرف البنت من صغرها لمن إكبرت وعرف شنو أخلاقها يعني مو شرط إلي يحبها تكون من بره محيطه وتكون ذو خلق ومحترمه ومتربيه أوافق عليها ليش لأ

 

[احساسي غريب]

رد : امهات المنتدى.. ترضون تزوجون ولدكم بنت متعرف عليها ؟؟

انا مو ام لكن لو اخوي يحب وحده ويبيها وانا شفت انها انسانه محترمه وعلقتها باخوي علاقه شريفه ونيتهم الزواج فبنظري مافيها شي واللي تقول بزوج عيالي زواج تقليدي يعني لما تخطبني لولدج وحده مايعرفها على ذوقج انتي بتضمنين انها مو مكلمه من قبل او تعرفين اخلاقها وسلوكها؟؟ والا بس عشان اانتي اخترتيها تكون هي الشريفه العفيفه وباقي البنات مو محترمات شنو نتيجة الزواج التقليدي غير ارتفاع نسبة الطلاق والخيانه الزوجهي ولابلاوي اللي نسمع عنها كل يوم

 

[صمت المرافئ]

رد : امهات المنتدى.. ترضون تزوجون ولدكم بنت متعرف عليها ؟؟

اختي غلا
اسعدني ردج علي
وآنا مثل ما قلت لج
أطبق قول الرسول الكريم صلى الله عليه وسلم
" أعقلها وتوكل "
أتحرى الأخلاق والعرج الطيب
ثم أتوكل على الله
أي شي يصير بعدين هذا أمر الله
وبعدين حبيبتي آنا ولدي أعرفه
وأعرف تربيته
وكل شي يقوله لي الحمد لله وواثقه فيه
ولما قلت ما أرضي لولدي بوحده تطلع معاه
ما قصدت أبدا ان اهو يطلع مع بنات ... لا
قصدت رد على موضوع الاخت قيرلونا
" ترضون تزوجون ولدكم بنت متعرف عليها "
مو انه اهو يطلع ... الله يحفظة ويحفظ عيالكم من الحرام
والله ولدي مرات يقولي عن البنات اشلون يتحرشون فيه
وآنا عيوني مبققه ... يا ساتر
اشصاير بالدنيا
على وقتنا الشباب اهم اللي يتحرشون بالبنت
الحين الآية انقلبت
على العموم حبيبتي أسعدني ردج
ومنطقج سليم
وفعلا حسيت ان كلامج يسبق عمرج
الله يكملج بعقلج ويسعدع ويرزقج بالزوج الصالح :hjy5jewf:​