امهات المنتدى.. ترضون تزوجون ولدكم بنت متعرف عليها ؟؟

[أم لطووف]

,,إذا راده علي لا والله أحب أنا أدورله البنت إلي تناسبه ليش شخانتي أمه عيل أكيد ما أدورله إلا الزين,,
,,لكن كل شي نصيب إذا ربي كاتبله إنه ياخذ وحده يكلمها فهذا نصيبه ما أقدر أقول شي,,

 

[أم لطووف]

رد: رد : رد: امهات المنتدى.. ترضون تزوجون ولدكم بنت متعرف عليها ؟؟

طيب و النص الثاني ؟ :080402ask_prv:

^_^ ,,

شوفي يا قلبي :

و إن كانوا متزوجيـن عن حب هذا ما يعطيـنا ( تصريـح بفعل المعصيـة ) :icon30:

تزوجوا عن حب أو تزوجوا بطريقة العفة و الشرف ( طريقة الشرع ) هذا ما يلغي الحكم الشرعي في ( العلاقات بين الرجل و المرأة )

تظل العلاقــة حرام و ما ترضي رب العالمين ,, تظل علاقة مبتذلة و ساقطة و وضيـعة بغض النظر عن نجاحها أو فشلها ,,

أعرف إن كثير بنات طايحات بهذي العلاقة ,, و ممكن كلامي يكون قاسي عليهن بس هذا الواقع !! و هذي نظرة الدين للعلاقة المحرمة

( غير مسافحات و لا متخذات أخدان ) << لو نشوف الآيــة نبي نلاحظ إن الله تعالى ربط العلاقة المحرمة بالسفاح !

فيه أشد من هالإنحطاط ؟ يعني العلاقة المحرمة هي الوجه البدائي للفاحشة إذا ما كانت ( زنـا نفسه ) ,, ليـه ؟

لأن العين ( تزني و زناهـا النظر ) ,, ليـه الولد ماهوب جالسن يناظر في البنت آللي يكلمها و يفكر بها و يتخيلها ؟

الأذن ( تزني و زناها السّمع ) ,, ليـه الولد أو البنت ماهم بـ جالسيـن يغازلون بعض في الجوال و يتبادلون الكلام الغرامي فيما بينهم ؟

بالمختصر المفيد :

ماهوب معناهـ يا غيرلونـا إن العلاقة نجحت مع فلانة و علانة يعني معناهـ بتنجح معي أنـا أو معك أنتِ أو مع غيرنا

و إذا نجحت مع فئة من البنات فهي من جهة مقابلة دمّرت أعراض الكثير من البنات ,, و إلا من ويـن اللقطاء و كل يوم لاقيـن واحد منهم يا عند قمامة

يا عند مسجد ,, شارع ,, مدرسة ؟

بخلاف الزواج الشرعي ,, ما فيه تدمير للعرض و الشرف ,, نجح أو فشل ,, ما راح يخسّر البنت سمعتها و لا راح يفقدها شرفها ,, ^_~

يعني تقدريـن تقوليـن إنّ البنات آللي تزوّجن عن حب و مشى حالهن ( وضعهن ) أشبه ما يكون بـ ( ضربة حظ ) و إلا المتعارف عليه إن الشباب لعابيـن و كذابين

آخذين البنت ( كـ علكة ) يمضغونها أليييييييييين يغدي طعهما ماسخ ثم يبصقونها عند أقرب مزبــلة ,, ( نتكلم من منطق و منطلق الواقع الملموس ) :d

بعيدًا عن رومانسيات روميو و جولييت آللي ضحكت على عقول كثير من البنات !! ..



هلا حبيبتي كويتيّة ..

كلامك هذا ذكرني بشي ,,

الإنسان قلبه متقلّب سبحان الله ,, يعني ممكن يكون اليوم ( مؤمن ) بعيد عن الشهوات .. لكن بطرفة عين ينقلب رأسًا على عقب

و حنـا ما نستغرب هالشي لأن قلوبنا بين اصبعيـن من أصابع الرحمن يُقلّبها كيف يشاء

و لهذا على المؤمن أن يسأل الله دائمًا الثبااااااااااااااااااااااااات فلولا أن يثبّته الله ما ثبت و لا أفلح

نسأل الله العافيـة و الثبات إلى يوم أن نلقاهـ

احترامي و تقديري

ترانيم القصيم​

...

:eh_s(15): معاج برايج وكلامج صحيح :eh_s(15):

 

[ShaGRa NoiSya]

ايي اذا يااني ولد يبي يتزوج وحده على حب بواااافق بعد ما اسال عنهااا

وما همني شنو مسوي معاها حتى لو غلط معاها بالعكس حلو انه يصلح غلطته ويستر على بنت الناس والانسان مو معصووم من الغلط

احسن من الي يلعب فبنات خلق الله واخر شي يبي يتزوج وحده كتابها مافيه ولا سيئه ويتزوج عميااني على اختيار الوااااالده

ولاحد يقول تكون تحت عيني وانا اشووفها والله ان في رياييل يزوجون من اهلهم بعد مو غريبه وعندها سوالف الدين والدنيا بعد هذي مو تحت عينهم وينهم مادروا عن سوالفها ؟؟؟؟

و الحمدالله انه متزوجه على حب ولو في شي يعيبني جان ريلي واهله مارضوا فيني

 

[Miss Invisible]

والله اذا الصبي واعي ويعرف
هذي حياته

 

[G!RLooNa]

Upp

 

[ام كوشه منكووشه]

رد : امهات المنتدى.. ترضون تزوجون ولدكم بنت متعرف عليها ؟؟

والله اذا ولدي يحبها ويبيها وسألنا عنها واطلعت خووش بنت ليش لأ

 

[استبرق الكندري]

رد : امهات المنتدى.. ترضون تزوجون ولدكم بنت متعرف عليها ؟؟

بسم الله الرحمن الرحيم

اكيد ان سالت عن بنت الحلال وطلعت بنت زينه واخلاق ليش لا .. بعدين انا عندي نظره لشغله اذا في امهات يرفضون هالمبدئ انه ولدها تعرف على بنت ويبي يتزوجها وشلون رضت على ولدها ان يدش على حرمات غيرها .. ان كان محور علاقتهم شريف وطاهر وعلى نية زواج ابدا ما راح ارفض ..

وبالاخير تربيتي اهيا اللى راح تنعكس على اعيالي ان كانت تربية سلبيه او اجابيه ..

 

[Q8tya_GirL]

رد : امهات المنتدى.. ترضون تزوجون ولدكم بنت متعرف عليها ؟؟

ولدي فديته توه صغير
بس اذا حب وحده ويبيها طبعا ما اراح اوقف بطريجه
بس طبعا قبل لا يتزوجها نسال عنها واذا خوش بنت وبنت ناس على طوول اخطبها له وازوجه اياها

 

[G!RLooNa]

ابب

 

[گـحِـلْ |~]

رد : رد: امهات المنتدى.. ترضون تزوجون ولدكم بنت متعرف عليها ؟؟

الموضوع متشعب ؟
على حسب علاقة ولدي فيها ؟؟
يعني شافها بمراجعه او اهيا زميلة بالعمل رأها واعجب بأخلاقها
بأوافق ويبب بعد مع اني افضل ان تكون الفتاه تحت عيناي وناظري لاني ام
وأعرف من هي المناسبه لأبني

اما في حاله الاخ متكي عليها وسوالف لي انصاف الليالي واحبج وامووت فيج
لا ماراح اواقف لان ولدي أخطأ منذ البدايه انتهك حرمات اخيه المسلم
الي اهو ابوها او اخوها ولي امرها ..إلخ

ولا راعى هالشي وهي إيضاً تتحمل الخطأ لانها شاركته وساعدته بالاثم ..


الخلاصـــــة :لن أوافق على زواج إبتدأ بمباركــة شيطان الهوى ليسمح لي ولدي
سأفعل المستحيل ليصرف النظر عنها إلى الأبد

معاها :eh_s(8):
بس انا مو أم للحين بنوته

 

[Freakya]

بلا حب بلا كلام فاضي

مافي شي اسمه حب قبل الزواج

عقلوا يا ناس

ترا حر ا ا ا ا ا ا ا م

 

[G!RLooNa]

ابب

 

[غلا ماجد]

لازم نسأل عنها يمكن سمعتها ولاشي

 

[kunkush]

رايي اذا كان الحب من محيط الاسره حياه الله اذا بره وخبط ولزق وسوالف مقصه لان البنات هالوقت يخرعون ماينقدر عليهم عند اهلها اتخرع لاراده على احد ولا محترمه احد واقرب الناس اللى اهم اهلها ماتحشمهم بتحشم اهل اللى كلمته وخانت ثقة اهلها فيه والادهى انها ماخافت الله فشلون بتخاف على بيت وريال واعيال؟؟؟؟ لالالالالا كله ولا الخبط واللزق وحده ماعرفها شنو اهي ومنو اهي تعال حبني وتزوجنى لالالالاع بعدين لو خليت خربت اللى تقول مافيه بنات لاحبيبتي للحين في بنات حمايل اخلاق وتربيه وسنع ومنع ولله الحمد انا امريحه راسي وولدي حاشيه راسه من صغره ان ماله الا بنات عايلتنا حلا وسنع ومنع ومشهود لهم اللى بره يحلم فيهم اقوم ازوجه من بره نووووو واااااي صج بغت تقص عليه وحده من الاباليس بس بسرعه تداركت الموقف وفهمته ان مثل ما يسوى بتساوى باخته وهذا دين مدفوع مقدما بالدنيا قبل الاخره فلله الحمد ابتعد عنها والحين اكثر من مره اشوف مسجات من بنات له بالفيس بوك يقولهم ماكو فايده من كلامي معاج لان مافي نهاية وليش اعور قلبج وتعورين قلبي ولله الحمد حشييييت راسه صح نفس ماكانوا يعلمونا اهلنا واحنا اصغار لااتعبين نفسج ماتاخذين اللى فى بالج لو على موتج واللى عصت ضاعت ولله الحمد الله يتمم عليه والحمدلله امسطرتله اكثر من بنت حلا وشهاده واخلاق يبون الستر بس.. لانهم يدرون اهلهم مايعطونهم بره والله ولى التوفيق

 

[عالمي المجنون]

للحين ما صرت ام عشان اقولج رايي

بس بقول قصة اخوي:

انا اخوي حب وحدة بدون جنسية+ اكبر منه ب5 سنين + مطلقة

وتخيلوا سو حنة ومناحة الا ياخذها مع ان والله العظيم لا فيها لا جمال ولا جسم والا اخلاق اللهم لك الشكر والحمد

وكان يحن ع امي بس امي رافضة وللامانة لها اسبابها منو يخلي ضناه يااخذ اي بنت غير انه تبيه مصلحة

وعارض الكل ع زواجه بس بالاخير صدمنا وخذاها بالسر والحين الاخت مااخذنا منها الا قصت الويه والمشاكل

وفوق هذا الكل يعاملها عدل عشان اخوي بس انا ناوية ع هوشة معاها عطيناها ويه واايد واهي مو كفو

لا وفوق هذا الناس لما يشوفونها يستغربون والله يسئلون اشلون اخذها اخوج ؟ وع شنو حبها؟؟

حتى لي تدلعت ونادت امي خالتي جدام الحريم الحريم يقولون حق امي تقولج خالتي؟؟ المفروض انتي تناديها خالتي

لان شكلها كبير ومو حلوة

اسفة قلت قصة حياتي بس مقهورة منها الي مثلهاالمفروض تروكع 24 ساعة تحت ريل امي عشان ترضى عليها

واهي ماعندها الا القيل والقال والمشاكل

 

[Stylista_Q8]

رد : امهات المنتدى.. ترضون تزوجون ولدكم بنت متعرف عليها ؟؟

قيرلووونا بس دشيت عشآن اقووولج

كل عآم وانتي بخيييير :*

والعمر كله ان شالله :***

وسؤال اسمج يبدى بحرف الميم عددل ؟؟ @@

 

[ام محمد الشمري]

مستحيل ارضي حتي لو شنو لاني عارفه انه مصير هالزوواج

بالفشل

 

[بسمتي]

ما ادري بس الاكيد اني ما راح ارضى اذا كان يكلمها وتكلمه
اولكن اذا كان معجب فيها في الكلية أو وحدة من بنات العايلة واعرف أخلاقها
اهني اوافق

 

[المعتزه بدينها]

رد : امهات المنتدى.. ترضون تزوجون ولدكم بنت متعرف عليها ؟؟

انا لي وجهه نظر غير شوي لاني انحطيت بهل الموقف
لاني مع ولدي حبيبي اكثر من ام وولدها احنا اصدقاء بكل شئ مايخش عني شئ حتى لويدري اني بعارضه لازم يطرح الموضوع يا يقنعني يا اقنعه.......المهم لما قالي انه يحب وحده وتكلمه وشافها ....الخ ...وطبعا يعرف اني دائما اقول له من كان صغير دير بالك على اختك كل ماكان بيطلع ؟؟؟فيقول لي انا بطلع واختي عندج بالبيت شلون ادير بالي عليها ؟؟؟!فاقوله احفظ حرمات الناس تنحفظ حرمت بيتك لاتزني بنظرك ولا لسانك ولاباذنك فيزنى باهل بيتك بما فعلت....فلما وقع ماكنت اخافه ...وحاولت اقنعه وهويمدح فيها واقوله اهي ما احفظت شرف ابوها واخوانها تحفظ شرفك لما تكون بيتك ....وبعدين قلت له ..شرايك لو دخلت على اختك وشفتها تكلم واحد او طالعه مع واحد ...وقالت لك احبه ويحبني وبيخطبني ترضى...؟؟؟؟سكت وقلت له لاترد فكر بالسؤال وبكره جاوبني وعرف انه غلطان....

اذا انا اعارض وبشده

 

[شادنٌ]

رد : امهات المنتدى.. ترضون تزوجون ولدكم بنت متعرف عليها ؟؟

المعتزه بس دينه مايمنع هالشي ؟

مايمنع الريال اذا شاف بنت وراح على طول من الباب وخطبها وتزوجها على سنه الله ورسوله ؟
معنى كلامج انه دينه يمنع الريال يكون نيته شريفه ؟ بمجرد والله انه شاف بنت بمكان عام وعجبته كزوجه ؟

انتي قاعد تخلطين مابين الاعراف الاجتماعيه والدين