امهات المنتدى.. ترضون تزوجون ولدكم بنت متعرف عليها ؟؟

[miss-winter]

رد : امهات المنتدى.. ترضون تزوجون ولدكم بنت متعرف عليها ؟؟

خوش بنيه وتغازل مستحيل اوافق

 

[AmOoNa-]

إذا سألت عن اهل البنت قبل البنت وطلعوو ناس زينين
وشفت البنت وقعدت معاها وحسيتها زينه
طبـــــــــــــــــــــــعا اي والف اي

مو كل بنية كلمت معناها اهي موزينة انا اعرف بنات كلموا وكل وحده ذهبة يابخت اللي بتاخذها حق ولدها
واعرف بنات عباية ومايتكلمون الا عن الدين واهما اللهم ياكافي
طبعا هالكلام ينطبق عالبعض مو الكل

واللي تقول خوش بنيه وتغازل اي خوش بنيه تره البنات مقصه وعاطفين وقلبهم رقيق
تلقين ولدج لحقها مره مرتين وثلاث وينطرها عند الباب ويسوويلها حركات والبقره صدقت قالت البنات ترس الديرة شمعنى انا صارله جم شهر ولا جم سنه يلحقني اكيد يبيني مسكينه على نياتها

وكل ام تقول ما اخذ حق ولدي وحده كان يكلمها اقولها عفية عليج تعلمين ولدج يلعب باعراض الناس وبعدين نقول شفيهم شبابنا يلعبون علينه اذا هذيله امهاتهم شبيطلعوون؟؟)) ولحد يقولي قصت على ولدي يحليلكم ياغافلين لكم الله كل وحده عبالها ولدها مسكين ماتدروون شبابنا يقصون على ديره لاتخافون مهماكانو البنات شياطين وبزع والله مايقدرون على عيالكم
انا معاي وحده بالدوام ملتزمممممه مره تسولفلي عن اخوها الوحيد تقول طحنا علية يكلم وحده اربع سنين وبعدين قال حق امي خطبيلي جان امي تقوله تاكل تبن ماشي مع بنت الناس اربع سنين وبعدين تاخذ غيرها غصبن عليك تاخذها والله العظيم قلت عفية على امج هذيلة الامهات اللي يعلمون عيالهم انه اعراض الناس عمرها ماكانت لعبة....

بفهم يعني البنت اللي كلمت ونيتها الزواج ولاتبي عطف وحب وهذا مانختلف فيه لانه البنات بتركيبتهم جذي حساسين.. موزينه ومغازلجيه..
و ولدج اللي مهيتته يهايل بالشوارع ويلحق بنات خلق الله ويكلم مليون زيين؟؟؟
سبحااان الله!!!

اتقوا الله كل شي ولا الظلم تحللون حق عيالكم وتحرمون على بنات الناس!

والبنات لاتستانسون وايد موعبالكم انا واقفة معاكم ولا اقول عادي البنيه تكلم لا حبيبتي غلط واكبر غلط ولاحقه عالريال درسي وطلعي واستانسي بحياتج واذا لج نصيب كاتبه لج ربج بتاخذينه بيلج لي عندج موتروحين تدورينة بالشوارع وباجر يلعب عليج ويهدج وتقولين ياريت اللي حصل ماكان ولاجرااا

 

[AmOoNa-]

وعلى قولة البرود كاست الشهير اللي يقول
الفرق بين زواج الحب والاهل
زواج الحب تاخذ حبيبتك
زواج الاهل تاخذ حبيبت غيرك
مانعمم بس بكل ثقة اقول هذا حال الأغلبية الغالبة)

 

[❤لبيـــه❤]

انا مع غلأ

صراحه صح كلامها
اهو ما قال احبها وابيها الا انه عارفها عدل عدل عدل واكيد لازم بعد نسال عنها وعن اهلها


والله يوفق

 

[G!RLooNa]

رد: رد : امهات المنتدى.. ترضون تزوجون ولدكم بنت متعرف عليها ؟؟

قيرلووونا بس دشيت عشآن اقووولج

كل عآم وانتي بخيييير :*

والعمر كله ان شالله :***

وسؤال اسمج يبدى بحرف الميم عددل ؟؟ @@

مشكوووره قلبوو و انتي بخير و صحه و سلامه

اي يبدا ب ميم هههه تعرفيني؟؟ كل يوم اكشتف وحده من اهلي ولا اعرفها بالمنتدى + شلون عرفتي من تاريخ عيدميلادي؟

<< تحقيق

 

[^noonaa^]

اذا سألت عنها وسألت عن اهلها والسمعه زينه العايله ماعليها كلام ليش لا

اذا ولدي فديته شايف سعادته معاها ميخالف اوافق لانه سعادتي من سعادة ولدي

 

[سبيجه الروضان]

هذي نوايا داخل القلوب ومحد يقدر يدش يشوف شنو فيها يعني كل بنت كلمت مو زينه لا في علاقات تبنيها البنت غايتها فيها زواج وانا ماقصد البنات اللي كل يوم لها واحد استغفر الله لا اانا بتكلم عن نفسي بموقف صار وياي وترى اسمي هذا مو مستعار والكل من اهلي يدري بهالسالفه ومافي شي ينخش انا حبيت من قبل زواجي وحتى زوجي يدري وماخشيت عليه شي لان علاقتي كانت شريفه عفيفه كان زميلي بالجامعه وصدفه دريت ان ابوه رفيج ابوي من عمر وقعدنا نخطط للزواج واني بكلم اهلج انشالله وطبعا مابينا سوالف بطاله تلفونات بنصاص الليالي وحجي فاضي كل اللي بينا هالجامعه نشوف بعض بين المحاضرات لا وبالكفتيريا بعد والكل يدري ان احنا بنتزوج عن قريب حتى الدكاتره يقعدون يعلقون علينا كلما شافونا يقولون لنا متى تعزمونا على العرس انشالله ومتى نشرب الشربات يتغشمرون معانا كنا اكثر اثنيين بالجامعه الكل يعرفهم انهم يحبون بعض ونيتهم زواج المهم مابي اطول اكثر قالي انا كلمت ابوي بالاول لأن امي عسره وايد وانشالله بيقنعها واهو كل يوم يقولي امي طيبه وامي فاهمه ومثقفه وماراح توقف بطريجنا كلش يعني كان يونس نفسه بهالحجي امه الله يسامحها قالت لأبوه عقب ماكلمه الولد وعرف ابوي ابوي وقال انه يعرفنا من ايام ابوي العود وبيته القديم كان يده صاحب يدي بعد قالت لابوه اذا يبت طاري هالبنت هذي على لسانك طلقني وزوجهم لبعض يعني حنجت قعدنا 6 سنيين صابرين وناطرين الفرج بس الام تقول للابو طلقني وخلهم يتهنون بالله هذي شلون الواحد يتفاهم وياها المهم الله يسامحها انا قطعت كل شي ويا هالولد ودعيت له ان الله ينور طريجه ويرزقه فبنت الحلال اللي تسعده وتوفجه لانه انسان طيب والاهم انه شريف والله ماعمري شفت انسان بهالشرف هذا ياربي يوفجك ويسعدك اللهم امييييييين واستخرت بزواجي هذا والحمدلله الله وفقني مع ان ريلي هذا طلع عيوني من علاقاته السابقه ويا البنات بس الحمدلله عقب ماحملت وولدت وشاف ضناه الله هداه وربي يهدي الجمييييع فيا أمهات حرااام عليكم مو كل بنت مو زينه فكروا وسألوا واستخيروا السالفه مو سالفة تلفونات وعلاقات في شي اكبر والله يمكن الاكثر مايفهمه في شي اسمه حب والله لايذوقكم الحب ويا انسان ماتقدرين اتطوليينه يعني تتزوجينه لان الحب عذاب والله عذاااب والحمد لله على كل حال يارب

 

[مدام د.علي]

رد : امهات المنتدى.. ترضون تزوجون ولدكم بنت متعرف عليها ؟؟

انا مع كلام اختي سبيكة الروضان .. مافيها شي لو البنت حبت واحد
ولو ولدي يبي بنت انا بزوجه لها .. وحتى لو سمعت اهلها مو شي "لا تزر وازرة وزر اخرى"

يمكن الابو طايح حضه بس الام والعيال مظاليم .. ويمكن العكس .. ليش احكم على اسرة بسبب شخص .. وليش احكم على شخص بسبة اسرة

اهم شي الأخلاق الاحترام على راسهم

 

[أم*سلمان]

اي عادي ليش لا

اذا البنت اخلاق وبنت ناس عاااااااااااااادي

 

[G!RLooNa]

سبيجه سالفتج تعور القلب

 

[G!RLooNa]

Upp

 

[ياليل مااطولك]

بختصار اذا كان الولد تمام واخلاقة تمام وكان الحب بينهم عذري وش المانع اما غير هذا فلا

 

[PinkY Dreams]

لا يخسي ازوجه بنت مغازلجيه هذا الي ناقص بنات السنعات قلوا بالديره ؟

 

[uptown girl]

والله ما ادري شا اقول كل واحد وظروفه يعني ترا في ريايل مو قادرين يتزوجون بسبب امهاهم
اي ما تبيه يتزوج ولا تبي تخطب له
مايلقى غير تعرف على وحده

بس انا بصراحه مستغربه جرأه البنات بالكلام مع الريايل والطلعات ما ادري احس اللي عادي تسوي جذي احس موشي
بس في بنات يحدهم الزمن لا اهل لا عايله فماكو غير تتعرف
والله يستر على الجميع ويبعدهم عن الحرام ويصلحهم

من يتق الله يجعل له من كيل ضيق مخرج ومن كل هم فرج

واغلب اللي يتعرفون يتعرفون على اكثر من واحد ولهم اسلوب مع الرياييل ما ادري ليش جذي ؟؟؟
اللي يحوم حول الحمى لا بد ان يقع فيه واللي يلعب بالنار لابد تحرقه
والله يهدي الجميع

 

[G!RLooNa]

oster_av1:

 

[G!RLooNa]

Upp

 

[G!RLooNa]

ابب

 

[الفلفوله]

رد : امهات المنتدى.. ترضون تزوجون ولدكم بنت متعرف عليها ؟؟

الظرووووف احيانا تحكم بس لو راده على والله ما اوووووووووافق

 

[SeLf^CoNfiDeNce]

ارضى لان حياته و اهوا كبير و يختارها و ما قال ان بيتزوج هالبنت الا اذا حس انه مال اتجاها و هاذا مو عيل و فوق هذا احسن من اني ادوره و اخر شي ما يتوافق معاها الراي الاول و الاخير له

 

[عيش و مرق]

لالالالالالالالالالالالالالا ما ارضى


شلون سمحت حق نفسها اتكلمه؟؟؟ وخانت ثقه امها وابوها واهلها هذه موكفوو