امها هندية!!!!

[DALALEY]

نفس مشكلة اخوي مع اهلي بالظبظ يحب له وحده ويموت عليها واثينهم صغار واهلي كلهم موراضيين بس انا اللي صافه معاه ماحب اشوف اثنين يحبون بعض ومايقدرون يتزوجون بسبب شي اسمه عادات وتقاليد ودام على قولتهم انها خانت اهلها معناته لااازم باجر لي تزوجتها تخونك؟ استغفرالله عقليتهم مادري شلون صايره اصلا باجر لي زوجتوه وحده مايعرفها يمكن ماراح يحبها ولا يتاقلم معاها حتى لو البنت زينه نفسه ماراح تتقبلها لان بقلبه بنت ثانيه واحتمال كبير يطلق البنت وتنظلم معاه
مادري متى الاهل يستوعبون هالشي :rgewrg:<<< اشتطت

وبالنسبه حق ام البنت والله عندي رفيجتي من الثنويه امها هنديه ماشالله ادب واخلاق وفوق هذا جمالها هندي وربي كنت استغرب شلون بنت حتى سوالف ماتسولف من الحيا اللي فيها فديتها موشرط اذا امها هنديه يعني تكون مو زينه او ان اذا ناسبتوهم فشيله حقكم عادي يعني اصلا اول الكويتيين كانو يتزوجون من الهند بحكم تجارتهم ورايحين ورادين على الهند :bbbiu:

 

[راتشيل]

عادي حبيبتي اهم شيء تكون البنت زينه

 

[تويكس بالكراميل]

اممممممممممممم اعتقد ان البنات ماقصروو قالو كلام صح صح ع فكره ترى مايعبها ان امها هنديه بالعكس
كل واحد منا يفتخر بامه وابوه مهما كانووو صح ولا واعتقد ان انتي خايفه على نفسك لانك قلتي انا لحد الحين ماتزوجت شوفي عمري السالفه كلها نصيب واذا ربي كاتب ان اخوك راح ياخذها راح ياخذها وبعدين تذكري ان ابوها كويتي والبنت تتبع اصل ابوها مب امها اجلسي معى اخوك وكلميه وقوليه البنت صغيره وماتصلحلك من ناحيه العمر لانها لسه تعتبر طفله

 

[مفسرة الاحلام]

انا ما اشوف الى سويته شي غلط

اذا اخوك بعده صغير وضعيف شخصيه واضح والحب معميه

ومايدري وين مصلحته والبرائه وطيبه القلب وحب هالبنت معميه عيونه من واجبك تنبهينه

مشاعره هذى مو دايمه كلها سنه سنتين وبيتغير مشاعره اتجاها

انا ما اتكلم الحين عن جنسيه ام البنت

انا الان اتكلم عن اخوك وضعه الحالي نبهيه حتى اهو واضح انه مو مقتنع بالبنت 100%100 لانه يقول انا ابي رضاكم عفيه عليه عززي هالجانب فيه انتي واهلك وقولو دامك مهتم فينا هذا دليل انك كفو

واقنعيه قولي له انت بعدك صغير ومشاعرك متبدله وقولي له بعد سنتين صدقني مشاعرك بتتغير فما بالك بعد 10 سنوات

قولي له انك خايفه على مصلحته ومصلحه نسبكم ومافيها شي الرسول عليه الصلاه والسلام يقول



روى أبو داود والنسائي عن أبي هريرة رضي الله عنه: قال النبي صلى الله عليه وسلم: "تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك"


قولي له اخطب لك وحده جميله ذات حسب ونسب من مواخيذنا وركزي على ذات الدين لان البنت الى تخاف الله بتحفظه فى نفسه وفى عرضه وشرفه وحتي تريحه من هالنواحي لانها خافت رب العالمين قبل لاتخاف منه

حدثيه بالهكلام مافيها شي وقولي له بكره تكبر وتفهم الامور بعدك صغير واذا همه الزواج ترى عادي بدال البنت بنت مو مشكله الديره متروسه بنات حمايل

وهم بعد قولي له استخير وصل صلاة استخاره ورب العالمين بيوفقك معها

اذا فيها خير واذا لا بيصرفها الله عنك وبدون ماتحس بيتضح لك كل شي

انا كل هذا وترى ماتكلمت عن البنت نفسها انا تكلمت عن ظروف عائلتكم انتم وش يناسبكم وكيف تقنعين اخوك يعدل عن هالزواج

وبعد البنت بعدها صغيره حيل على الزواج واخوك بعد

والله يكتب الى فيه الخيره

 

[Hijazih]

معقوله الحين من بين كل هالبنات مالقى يتزوج إلا هالبنت
< مو تقليلا فيها والله , بس البنت اصغر منه بـ 8 سنين حرام !!

 

[غربه الروح]

الله يهداج عشان ما تبونها تذمين بالبنت مو حرام عليج باجر الدنيا ادور ترا
وبيصير فيج نفس هالموقف والناس بطلع حجي عليج وتظلمج ساعتها راح تتذكرين هالموقف
اذا ما تبونها اكو الف طريقه اخوج للحين مراهق واهيا وايد صغيره عليه
ويمكن هذا حب مراهقه وطيش شباب تقدرون تسايرونه على ما تكبر البنت
وترا مو منطق انه امها هنديه اعرف بنتين امهاتهم هنديات والحمدالله تزوجو ومن اروع ما يكون عيشتهم
باجر كلنا تحت التراب وماكو فرق بين الجناسي
موفقه

 

[نعومه مرة]

صراحه بدعتي اختي الفاضله ​

يعني اللى امها هنديه ما يجوز تخون ما يصير تعيش مرحله المراهقه لازم تكون كويتيه عشان الله غفوور رحيم وعلي بنات الهنوود شديد العقااب ​

ماني عارفه اي منطق قاعده تتكلمين فيه انتي اساسا ​

خليتي صلب الموضووع ويايه تتكلمين عن خيانه اللى يسمع يقول الحين علي ذمته وخاينته ما جنهم حي الله اثنين معجبين في بعض وسوالف يهال لا اكثر ​

حبيبتي صاحبه المووضووع ​

ماهو عيب ولا هو حرام لا الواحد ناسب ناس ماهم من ديرته ​

خصوصا انه البنت جنسيتها اولي بالتاسيس علي ابوها وكون امها هنديه هالشي ما يعيبها ولا يعيقها للزواج ​

المشكله الحين مو انه امها هنديه المشكله انه اخووج وايدصغير ومشاعره اكيد متخبطه ​

والبنت واااااااااااايد صغيره صراحه انصدمت انها 15 سنه وتكلم ووينها وين الزواج هذى لانها وايد صغيره ماهي مستعده لا نفسيا ولا معنويا علي امور الحياه الزوجيه​

قنعي اخوج وقوليله انطرها لين تكبر علي الاقل وذيج الساع بنخطبها لك ​

منها تعطون فرصه حق اخوج انه يختبر مشاعره ​

ومنها ما تخسرونه ويروح يسوي شي من وراكم .​

وعسى الله يوفقه ​

يا شيييخه يسسسسسلم بطنا جااابك

 

[Looloo ^_^]

البنت اسمها باسم ابوها مو علي اسم امها وبعدين شكو امها بالموضوع انتى لما تروحين تخطبين وحده بتسالين عن ابوها واخوانها ولا علي امها
بعدين مافيه شي ان كانت امها هنديه دام انه شريفه ومحترمه بين ناس ماعليه اى كلام
البنت كويتيه وابوها كويتي يعني اهي مو هنديه ؟؟و
اخوج بيخطبها مارح يخطب امها الهنديه .؟؟
بس سالفه مو سالفة امها الهنديه سالفه اهو القذف في اخلاقج واخلاق اختج ..؟
ددام اهي محترمه ويضرب فيها الاخلاق شلون تعرف عليها وعرف انه اامها هنديه وابوها متوفيه @.@
شوفي نصيحه مني لكم والله يابنت الحلال مبين من كلامج ان هل علاقه مبنيه علي اعجاب من طريفين لانه مستحيل واحد له عقل يفكر يحب وحده اصغر منه 8 سنين
اخوج شكله ناقصص حنان واكيد شافه عندها الحنان لووووول >> والله اتكلم جد موقعده استهزء فيه
صدقيني دام اخوج كبييير خلي امج دور له علي حرمه تعرفها وتعرف اصلها وصدقيني بعد مايتزوج مارح يتذكر هذى البنت في باله

والله لو انا مكانج مو احذف عليه تلفون بالعكس اعطي طاف لوووول الحقران يقطع المصران

 

[قطوة@@]

امم صعبه طايح عليها و يبي يتزوجها و توها صغيره عالزواج و تحمل مسئوليه اهي للحين مراهقه

اخوج جم عمره .؟

 

[Looloo ^_^]

تقول لج عمره 23 سنه يعني الاخ جامعي وعنده عقل يفكر انه هذى مو من عمره @.@

 

[Queenleo]

الموضوع مو مووضوع امها هنديه
بالنهايه الهنود بشر
وحرام التميز على اساس اصل امها
الموضوع اهني
انها بعدها صغيره يعني 15 سنه هذه ياهل بعد ووللحين تدرس
والنقطه الثانيه من تعليقات البنات عرفت انها خاينته مع اني مااقريته بالموضوع
الظاهر اني مانتبهت عدل
خل اقولج عن وحده اعرفها
امها توفت وابوها تزوج اسيويه
وكانت مفتشله من ملامح خواتها
ولما تزوجت ماخلت ريلها يشوف خواتها
وبالصدفه شافهم ووعادي عنده ماتهتم
يعني شنووو اذا امها هنديه البنت ماتزوج!!
انتي قووليله انطر جم سنه عالاقل خلها توصل 17 او 18 ووقوليله خل يستخير
والخيره فيما اختاره الله
والي يبييج راح ياخذلج لوو تكونين شنوووو اشوف الشباب اذا يبون وحده من غير جنسيتنا يستذبحون عشانهم
ويحاربون اهلهم
بس لما توصل لبنت ديرتهم يحطون امية عذروووب
فلاتحطين هالشيء في بالج
الي يبييج بايخذج بايخذج
المهم اخووج اخذيه بالمساايس وخليه ياخذ وقته
والنفوس تتغير مع الوقت ويمكن يتغير راييه بالبنت
او يكبر وويفهم شنو يبي عدل

 

[hbenc]

:eh_s(2):امبي قريت كل ردودكم رد رد والله عورني قلبي ترا انا مو نوعيتي اتكلم بشرف الناس بس والله بلحظة غضب خرتها ومن صارت السالفه لي الحين وانا استغفر وخايفة وكلا ادعيلها بالاسم والله ما احب التكبر والله والله والله وماودي يفترقون كلش ومو نوعي افرق بين اثنين بس انا بلحظة ضعف خفت على مستقبلي انا واختي امبي بنات شنو اسوي الحين لاتخرعوني واتقولون الدنيا راح تدور عليج والله قاعد استغفر وااااايد ووايد قاعد ادعيلها
انا حطيت نفسي مكانها فعلا صح كلامكم لو انا مكانها راح انجرح واتضايق ويمكن ادش حالة اكتئاب امبي والله ما احب اجرح احد بس الي صدمني بأخوي كلا يقولنا دورولي دكتورة او مهندسة وفجأة قالنا ابي بنت ال15 سنة وعلى قولته الهنود يتزوجون بسرعة عادي مافيها شي عشان جذي انصدمت وخرتها بالحجي معاه
بنات انا ندمت صج واااايد والله والله ندمانة وخلاص كيفه بيتزوجها خل يروح يتزوجها بس اهم شي مابي اتعاقب من الله ومابي ايي يوم واحد يجرحني بشي مماثل للكلام الي قلته عنها والله ادري ماراح اتحمل

والله من صارت السالفه وانا بكل صلاة اصليها ادعيلها باسمها ان الله يرزقها بخيرة الازواج اهيا وخواتها ويستر عليهم ويرحمهم برحمته ويغفر لهم والله والله واااايد ادعيلهم لاني خايفة من الحوبة :eh_s(2):

بنات ريحووووني هل راح تدور علي الدنيا وايي احد يجرحني جذي ولا شنو والله خرعتوني
وتنصحوني الحين ادق على اخوي اقوله كيفك اخذها ولا شنو ؟
والله قاعد اكتبلكم وانا عيني صار فيها ضباب من الخرعه :eh_s(16):

 

[hbenc]

تكفون لا تخلوني ردو علي والله خايفة حدي ابي وحدة فاهمة بالدين ترد علي والله ويهي صار حاااار من الخرعة لا تحقروني يرحملي والديكم والله تبت والله

 

[Queenleo]

ووويه الله يهداج شدعوى!!
خلااص اهم شيء استغفرتي وتبتي عن الكلام الي قلتيه
والرسول صلى اللع عليه وسلم قال"‏لو لم تذنبوا لذهب الله بكم، وجاء بقوم يذنبون"
هذه من رحمة الله ان قدر ان بني ادم يغلط ومو معصووم
انا لما اختي كانت موافقه على شخص نوعا ما مو من مواخيذنا
استخرت اني اوافق واقنع اهلي او لا
وفعلا استخرت واقتنعت ووبسهوله اقنعت اهلي
فأنتي جربي استخيري اذا توافقين على زواج اخوج وتقنعين اهلج او لا
وكل شيء قسمه ونصيب
ولاتخافين على نصيبج لان النصيب مكتوب ومقرر من ارحم الراحمين من قبل ماننخلق وماكو شيء راح يمنعه او يأخره
وموفقه ان شاء الله

 

[فَـــــرَحْ]

ان ما كملت الموضوع لان انبط جبدي من تفكيرج !!!
شفيها امها هنديه !
ليش ما تكلمتي عن اللي امها لبنانيه !! ولا مصريه !!!
رفيجتي امها هنديه واشرررررررررررررررررف من الشرف نفسه !!!! جمال واخلاق اللهم بارك وزيد عليهم !!! لا قلتي فلانه تحطينها على يمنااااااااج !!! غير عن باجي رفيجاتي (الكويتيات) على قولتج !

ومو كل وحده امها هنديه طقت شلالتها وراحت الهند ! تعرفينها ! قعدتي وياها ! شفتيها ! كلمتيها عشان جذي تحطين ابالج !!! شوفي البدون حبيبتي في ناس قلبهم اكثر من الكويتيين عالكويت ! او احسن من اي الكويتيين نفسهم!

لا تقولين عن الاوادم هالكلام شوفيهم وكلميهم وقعدي معاهم وبعدهاااااااااااااااااااااااا حكمي !!!!

غيري تفكيرج اختي وحطي نفسج مكانها مو ذبنها اذا امها هنديه ولا من اي جنسيه اخرى !

مع السلامه !

 

[فَـــــرَحْ]

سؤال ....


لو امج هنديه ... تحبين احد يتحجى عنج بهالطريقه؟

:eh_s(15)::rerrerek:

 

[hbenc]

حياتي ( فرخ ) اقري الكلام الي كاتبته باللون الاخضر فوق كلامج

 

[فَـــــرَحْ]

شلون بتخافين على مستقبلج ؟ لان اخوج مناسب وحده امها هنديه يعني ؟؟ كا اللي باجي ما تأثروا وفي واااااااايد ناس اساميهم عريقه يداتهم هنود ! عادي كافيها شي الدنيا كلها صارت مخلطه !

وتبين تكفرين عن ذنوبج والكلام اللي قلتيه يبه تأسفي حق اخوج واستغفري بعد دام هذا بلحظة غضب الله بسامحج او كلمي البنيه قوليلها ما عندنا مانع بس شويه صغيره صبروا ومن هالكلام .. واللي الله كاتبه بصير

 

[حجيه هيونه]

اثنينهم صغار على قرار الارتباط وواضح انه السالفه مراهقه لا اكثر

ورد فعلكم بيغليها اكثر بعينه خلكم عادي بس فهموه انها بيبي لما الحين وخل يعطيها على الاقل 6 سنين عشان تكبر

ويمديه ينساها

 

[ولااء]

والله الموقف جايد اهي صغيره حييل ويعني مو معقوله راح يخطبها الحين ولو تزوجها بعد سنه بعد تعتبر صغيره والا تقعد العلاقه مستمره بينهم لين بعد 3 سنوات ماتدرون شنو ممكن يصير لا سمح الله وينجبر ياخذها بس لوع جبدي شغله وحده شلون يشكك فيكم واهو بالاساس له علاقه فيها ومافي بينهم شي شرعي ولا رسمي صج عينه قويه الله يهديه ويصلحه وبالنسبه لج ردت فعلج طبيعي بلحظه غضب واي وحده فينا راح تقول اللي قلتيه والله يسامح الجميع