امها هندية!!!!

[آنسه مسلمة]

ممكن اللي امها هنديه افضل من اللي أمها كويتية

 

[Nmnoum]

الله يكتب اللي فيه الخير له ولها ان شاء الله

 

[DALALEY]

حبيبتي لاتحاتين شدعوه انتي قلتي الحجي بلحظة غضب فديتج هدي من روعج. :d

 

[آلمآآآسه]

شوفي كل السالفه تعدي ماعليه


بس شلون بنت عمرها 15 سنه وتكلم اخوج !

شلون عرفها وتعرف عليها ، احس عيب يعني !!!!

احنا يوم كان عمرنا 15 سنه مانعرف هالسوالف

قولي حق اخوج هاذي حياتك وانت حر فيها بس فكر بعقلانيه وياليت لو تصلى الاستخاره قبل وبعدين شلون تتزوج بنت مب ناضجه @@

 

[قمورهـ]

عمرها15 سنه وكل هذا تسويه

يالهووووووووووووووووي

شلون لحست مخ اخووووووووووووووج

احس بنات هالوقت يخرعوووووووووون

ام 13 تخطط وتحوس عالرياييل احسن من ام 30 و40 و50!!

 

[))) ساره (((]

البنت كوووويتيه شالمانع


أمها هنديه !!!!! ترا فيه غيرها أمهاتهم سوريات ومصريات وتزوجووو ولا صار شي بالدنيااااااا.

وفي النهايه النصييييب يصييييييب *

 

[om.googi]

المشكلة مو بأمها هندية أو ايرانية أو مكسيكية

المشكلة بالعمر ! واهو من حبه لها وده تكون له اليوم قبل باجر انتوا فهموه انه تو الناس عالزواج
صغيرة ومو قد مسئولية الزواج ,, بعمرها البنات يلعبون يدرسون يشوفون نفسهم يطلعون يسهرون يعني مو بعقلهم سالفة
( مسئولية زواج )

والأيام الياية راح تثبتله انه اهي ما تصلحله خصوصا اهي بعمر الطيش يعني بحكم ان الام هندية انا اعرف انهم فري وحتى اصدقاء ( غير الحبايب ) لهم وماتقولهم شي ويدشون البيت هذا اذا كانت مو مسلمة وانا شخصيا اعرف ناس جذي وما غصبو زوجاتهم يسلمون ومحافظين ع طبعهم من يوم كانو بديرتهم مع انهم من عمر بالكويت ,,

فا اذا اهو راضي على طبايعهم يتحمل بس خل تكبر جم سنة ويشيلها من راسه
لأن محد يتحمل الا النادرين المتمسكين لو ع غلط ..

يكبر ويتحسف انه حبها وينسى ويضحك ع نفسه بعد ما يلقى ام العيال الصجية ,, خلوووه براحته بس مددوله السنين لأن صج حيل تو الناس عليها حيل صغيرة ,,​

 

[هنووفوو]

يدي الله يرحمه متزوج ثنتين من الجنسيه الهنديه

وعادي ما استحي اذا قلت للناس ان عمامي امهم هنديه


واخوي لو بيتزوج وحده من اي جنسيه مراح اوقف بويهه
اهو ريال ويعرف يختار وكيفه حياته الخاصه هذي


واذا خاينته ماتدرين شصار بينهم
يمكن ندمت
خاصه ان ياهل وماتفكر
خاليننطرها عالاقل تكبر

 

[solitude]

انا رفيجتي امها هنديه
والله العظيم انها أذرب من وايييد من بنات ألقباايل اللي عرفتهم
لاتحرمونه من اللي يبيها فكري ف سعادة أخوج وراحته

 

[Miss.6Mo7]

وشنو يعني إذآ هنديه ؟ وآلله بآجر إذآ أحد خطبني .. إلخ !! .. شنو هالأنآنية ؟

الولد يبيهآ ب آلحلآل خلآص لآ توقفين بطريجهم , يعني أنآ إذآ بعترض على شي ب هالموضوع
بعترض على العمر مثلاً , على سآلفة إنهآ تخون بس الله يهديج ي الغآلية مو على الجنسية !!


آلله يعين بس

 

[منورة الكويتية]

المشكله مو بجنسية امها
كلنا عبيد الله
بس المشكله بصغر سنها وهم اخوج وايد صغير
واساس العلاقه اكيد غلط
دخلي عليه من هالباب والله يهديه

 

[3oosh <3 MJ]

شهالعنصرية !!
يعني الهنود مب اوادم ؟؟!
ماله خص الجنسية ، انتوا سألوا عن اخلاقها لان الاخلاق هي الاهم ..
وبعدين هي امها هنديه وابوها كويتي يعني اكيد بتكون ماخذه من طبع اهل ابوها اكثر ..

 

[ربي رجوتك]

كم شهر او بالكثير سنه ويبطل يفكر بهذي الفكره خذوا وعطوا معه علشان تعرفون الجديد فى علاقته مع البنت وبينتهى كل شئ باذن الله على خير

 

[M!Ss Un!VerSe]

لافرق بين عربي ولا اعجمي الا بالتقوى

انا اشوف تركتو المانع الرئيسي وهو صغر سن البنت
ومسكتو التوافه

واستغرب من ال يسالون منو مناسبين وشكو خو هو بياخذ البنت وماراح يشيل اسم نسايبه ولا بيتفاخر فيهم ولا حد بيدري عنهم
انا وخواتي الي ماخذة عيمي والي حضري والي اجنبي مو كويتي عادي المهم الاخلاق

حبيبتي انا تكلمت عن صغر سن البنت
عقب ماتكلمت عن حرمانية التكبر
اقري عدل بعدين علقي

 

[M!Ss Un!VerSe]

اللي سويتيه اخر شي عين العقل
دامج تبتي الحمدلله
الله غفور رحيم
وهذي شجاعه منج
لان في ناس اذا احد نصحهم تاخذه العزة بالاثم
ويكابر عشان يقوي موقفه
وماشاءالله عليج صاحبة ضمير حي علي طول حسيتي واستغفرتي
وبالنسبه لأخوج احس ان مراح يطول وياها
ب٣ سنين تصير وايد اشياء
واعتقد اهو والبنت بينضجون اكثر وبيقررون شيسوون بعدين..

 

[hbenc]

اي والله خلاص انا كلمته وقلتله كيفك مالي شغل فيك وقلتله روح اقنع امي اما من ناحيتي انا الله يوفقك وبليييييز لا احد يقعد يقول عنصرية ومادري شنو فهمو يا نااااس والله انا مو متكبرة بس كل شي طلع مني بلحظة غضب شنو انتو ماتخربطون بالحجي اذا عصبتو خو خلاص استغفرنا وتبنا والله يعلم انها ماتفارق دعائي اذا يت على بالي ترا انا مو لهدرجة شينة بس حزتها كنت دايخة لمن اخوي دش علي داري وتنرفزت من الحجي الي قاله لي خاصة ان فج الليت علي وانا كنت بنام يعني بلحظة غضـــــــــــــــــــــــــــــــــــــــــــــــــــــــــــــــــــــــــــــــــــــــــب

وبليز اتمنى من المشرفة انها تحذف الموضوع لان بس بدا يضايقني بليز يا مشرفة حذفيه

 

[غداً القاك]

بنات اتقوا الله البنت يمكن تابت وماعاد تكلم احد ومهما كان الا القذف انتم بالاسلوب هذا تقذفونها هي غلط اللي تسويه انها تكلم اخوك اصلن بس اذا يبيها خليه ياخذها دام ابوها كويتي امها وش دخلها وبعدين يمكن هي تطلع ابرك من وحده امها وابوها كويتيتن وبكره تعذب اخوك وماتريحه
استخيروا وخلوه يكمل حياته باللي يناسبه هو اللي بيعيش معها مو انتم