انا قررت ازوج بنتي !!!!!!!!!!!!!

[المبدعة]

ام الغزلان مشكورة على النصيحة

و اكيد مراح تاخذواحد مو موظف

 

[المبدعة]

رورو مشكووووووووووورة على النصيحة

 

[انصار]

صح كلامج الواحد يخاف من الزمن
بس اذا البنت كانت تربيتها صح وعقلها كبير وتخاف ربها وعندها مراقبه ذاتيه مستحيل تغلط ومستحيل تتأثر باي شي
وانا من ناحيتي ما أأيد الزواج الا عقب الدراسه
لانه الزوج ماراح يكون مضمون يعني من طريقه المعامله - المصروف - الطبع
والبنت عقب الزواج مو ضامنه تكمل دراستها او يتدني مستوى الدراسه مهما كان لانه مسؤوليه

جذي لاتضمن لازوج ولا مستقبل

عشان جذي الدراسه اهم شي لانه اهي الي تييب وظيفه ومعاش سنع وماننكر انه هالزمن الواحد مايقدر يعيش من غير معاش قوي

ومهما تكلمنا وقلنا ربج يسوي الي يبيه والنصيب اذا الله كاتبه لا دراسه ولا غيرها توقفه

الله يكتب لها الخير ان شاء الله

 

[الدوريف]

اذا جاها ولد الحلال زوجوها البنت مصيرها الزواج واحسن لها وهي صغيره ماضر البنات ولا تغلطين غلطت بعض الناس الي اجلوا زواج بناتهم الي بعد الدراسه والوظيفه وشنو الفايده بالنهايه .

 

[حناينq8]

خليها تثبت نفسها بالجامعه اول
وكل شي قسمه ونصيب

 

[يا ملحي]

والله شوفي هو كل شي قسمه و نصيب بالاول واذا جاها نصيبها ما يمنعها لا دراسه ولا شي
بس صراحه انا اقول انها تخلص دراستها افضل لان اول شي بيكون عندها مسؤوليات كثيره لما تكون متزوجه و تدرس
هم الدراسه من جهه و مدارات الزوج من جهه فحوسه يعني
وبعدين البنت لما تكبر تنضج مو مثل لما تكون طفله صغيره والحين البنات يوصلون 25 و كأنهم اطفال صراحه فمابالك باللي في الثنوي تغيرو البنات مو مثل اول بنت الثنوي كأنها مره كبيره

 

[حصة]

شوفي حبيبتي انا عمري 20 كنت اسمع نفس كلامج من رفيجات امي بس انا اقوولج وقلتها حق امي يما انا ما اقدر اوفق بين شيين يا زواج يا دراسة الريال يبيلة مجابل واهتمام والدراسة جذي انا طبعي ما اعرف الا اهتم بشي واحد والحمدالله انا ب3 جامعة الحين والله الحافظ الوقت يخرع بس انتي ادرى بتربيتج لها ولا تغصبينها قعدي وفهميها الزواج ومسؤولياته وشنو لها وشنو عليها ان اقتنعت وصلت استخارة الله يوفقها ان قالت لا يما بكمل لا تضغطين وتظلمينها وباجر بتحملج طووول عمرها الذنب والله ان عندي رفيجات ليوومج يحملوون امهاتهم الذنب ويقولون ريلي فعل وسوى وانا انظلمت تزوجت صغيرة وسحبت كورس وحالتي حالة انا اقوول القرار لها مو لاحد ثاني لان اهيا اللي بتعيش لا انتي ولا غيرها وسأليها احسن لان حتى الرسوول علية الصلاة والسلام وصى ان الزواج ما تنغصب البنت عليه والله يخليلج بنتج ويكتب اللي في الخير يارب :**

 

[ســــــــــما]

خلي بنتج تقرر مصيرها بنفسها

شوفي الي يريحها وسويه

لا تفرضين عليها شي

وانشاءالله ما عليها شر

 

[coffee]

اهلين المبدعه

الزمن يخرع مو معناته الحل اهو الزواج.. ياما بلاوي صارت بعد الزواج.. وصدقيني خوفج على بنتج مو بانج تزوجينها! المفروض تحثينها تخلص دراستها وتعتمد على روحها مو زواج وباجر يطلع الريل مو كفو وتبتلش البنت لا ريل ولا شهادة.. وكل شي قسمة ونصيب

 

[الدم البنفسجي]

انا وخواتي نتزوجت بعد الثنوي عل طول من من ابوي نصيبب

ومن اتاكم دينن وخلقن فزوجه

 

[brettey]

الشهاده اولا

 

[ملح بدويه]

والله شوفي يامحفوظه السلامه


اذا بنتج راعيه بيت وصبوره وشخصيتها قويه توكلي على الله


وهم الزوج يلعب دور لازم يكون قد المسؤوليه

 

[om deaj]

نصيحة اذا بنتج عاقل وناضجة وتحسينها تقتد تشيل مسئولية ولقيتي ان يالها خوش معرس والله توكلي على الله وزوجيها وطبعا برضاها وقبلا تشريحن لها المسئوليات لانه فعلا مسئوليات غير طبيعية بس نصيحة تأجل الياهل عقب الدراسة

 

[نداوي]

ترى النصيب الزين ما يتطوف واذا على الدراسه تمشين بالجامعه وتشوفين الحوامل شكثر عادي والحمدالله

 

[سنا الفضه]

نصيحه من مجررب ياعزيزتي

لااتزوجين بنيتج الا بعد الشهاده الشهاده عزز لها ورفعه مقام

اذا انتي ربيتي صح وخليتي عينج على حلالج دوا وعينج وراها وراها ودعاااااااااااااااااااااائج لها المستمر بالهدايه والحفظ

وبكل ماتطلع من البيت تدعين اللهم اني استودعتك ابنائي (تعددينهم بالاسماء) فاحفظهم ياخير مستأمن وياخير من استودع

وماعليها الا العافيه التربيه والصحبه ان انتي عرفتي ربعها زينين لانه الصاحب ساحب

خلاص فالها ان شاء الله الستر

خل تاخذ شهادتها وبتدعيي لج

انا تخرجت 3\6

امي دخلت الخطاب علينا 4\6

وسيييده تزوجت والحمدلله وكملت الماستر عند ريلي وشفت مأساه الدراسه والمسئوليه بعيني محد قالي

فنصيحه تبين اتعزين بنتج وتاخذ لها السنع

خل تقضب بيمينها الشهاده وبيسارها الريل

ان ضمنت الشهاده بتضمن لها بحيل الله الريل

لكن ان ماضمنت الشهاده ماهي ضامنه الريل الله خير حافظ <- - هذي كانت نظره ابوي الله يرحمه وموصي فيها امي لاااتزوحين الا بشهاده وطلبي لبنتج ريل بشهاده

لانه اذا ردت لج عسى الله لاايكتبها على المسلمين اللهم امين يارب

محد بينفعها الا شهادتها تسند ظهرها فيها وتصير لها عووووون بهالدنيا

عسى الله يستر عليها ويحفظها لج ويقر عيونج فيها عرووووووووس بعد ما تتخرج تفرحين فيها مع ريل صالح يرفع مقدارها ويعزها ويعزكم وياها

 

[حمام شاقني فنه]

توكلي على الله وزوجيها ايه ولله الوقت هذا صار يخوف اعوذ بالله منه

انا همن بتزوج قبل اخذ الشهاده
بس انا ماراح ادخل الجامعه

الله يوفقها يارب


مبروووكين :aha:

 

[روقاء]

الله يعطيكم العافية

 

[دنيا رديه]

والله صاجه الزمن هذا يخررع

وخليها اتكمل الدراستها بعدين زوجيهاا

 

[xtina-90]

حرام يمكن تضلمينها وماتكون تعرف تتعامل مع الزوج واهله ولبيت بالتالي نتائج سلبيه احسن لها تكمل دراستها خصوصا بهالزمن الي بخرع لانه ماتضمنين الريال ترى واهي ماعندها شهاده

والله يوفقها ويكتب الي فيه الخير

 

[كريستال ليدي]

الزواج نصيب و اذا ياها نصيب زين يلائم عمرها خليها تروح ...