حبيبتي هذا نصيبج وقول الحمدلله ريلج وااااااايد يهوون عن باجي الرياييل انتي لو تسمعين البنات شيقول الي ريهل ا يمسها بطراق ويصبحها بطرااق والي يخونها والي والي
اذا اهو عسر وله بارد تهوون
دام عسر عاملي باللين والهدوووء ولا تضغطيين عليه وكوني دايمن مبتسمه معاه
وإذا اهو باارد حسسيه بالمسؤووليه كل يوم والثاني طلبي منه شي حق البيت تكلمي عن العيال يبون وله شي واذا تبين الريال يصير حمش وهب رييح مدحيييه مدحي رجوولته حتن لو تقولين شي مو فييه
مدحي فعاايله دايمن قوليله الله لا يرحمني منك ما اتخيل حياتي بدوونك حسسيه بقييمته بتشووفينه بيصير هب رييح
لابد يكون فيه شي زيين مستحييل عاد يكون كلله عذااريب
حتن لو شفتي صفه وحده حلوة فييه وصغيره كبريها بعيوونها ومدحييه واايد
زيين يوديج السوق بالشهر مرره ماشاء الله ماشاء الله عيني عليج باارده ناس اعرفهم عمرهم ماراحوا معاه السوق بدووون مبالغه ويمووتون على بعض
وزيين من هالناحيه مو مقصر معاج ألي تبين الحمدلله وداام هالشي موجود فا جئيه على يووم يبيله شي اهو يحبه مو شرط تكون فيه منااسبه
وساالفت الشووفه والله تبين الصج
انا اغلب المتزوجحاات الي اقعد معااهم يشتكون من هالشغله
نااااااااااادرن ما تشوفين ريال يقعد بالبيت اهمه جذي طبعهم يحبون الهياته صدقيييني
عااد انتي فتحي موضوع فتحي ساالفه خليه يقعد بالبيت قوليله ودي اقعد معااك مشتاقتلك ولهانه علييك ولهانه على سوالفك ودي آخذ رايك بشغله تحجيي بأيي شي
وليمن يشووف برنامج قناة رياضيه قعدي يمه سوري بس مسكيه يعني سووي حركات سوي رووحج شووي مهتمه بإلي اهو مهتم فيه يبله شي ياكله وله يشربه
بعد الغداء قعدوا كلللكم انتي وعيالج وريلج واكلوو جااي وحب وهذي فرصه للاجتماع الاسري
شوفي حبيتي مثل ما قلتلج صدقيني الي عندج احسن بواايد من الي عند غييرج انتي متضاايقه من هالشغلات فهميه هالشي بس دبون تذمر
يعني قوليله يا فلاان انا واايد قاعده اشتااقلك ودي تقعد بالبيت شووي نسوولف مع بعض ذكريه بذكريات بدايه الزواج
اذا صرخ خلي يصرخ على راحته بعديين روحي وهدي ومسحي على جتوفه وعلى ظهره لا يمر يووم بدون ما تقوليلنه احبك
ويعني من الحركات عاد المعروفه شلوون يدلعون الريال وهالسوالف ما ادش بالتفااصيل
والله سبحاانه يسخره للج ويخليه لج ولعياالج
وقل اعوذ برب الفلق من شر ما خلق
والله يبط عين الحسووود
ونصيحتي لا تقولين حق احد ريلي يابلي وله ودااني والله عيون الناس قوويه ساعات يحسدون من غير قصد
بالتوفيق
