انزين وبعدين؟يعني مانطلع بسبة هالاشكال !!!!

[om MaRyooM]

السلام








ترا حدي مطفرة وظايق خلقي


ادري ان هالموضوع انطرح ستين مليوون مرة ... بس صج ظاقت فينا الوسيعة احنا يالمتزوجات :cxxxp:



كل ماأطلع صايرة يظيق خلقي بسبب هالبنات اللي مايخافون ربهم (ادري ان موكلهم)


ياكلوني انا وزوجي بالنظرات خصوصا زوجي


قبل ماكنت اهتم واقول طاااف خل يطالعون مني لبااجر .. بس ترا المتزوجة لها مشاعر واكيد بتظايق

وقبل ماكنت ابين لزوجي . .بس الحين يبين على ويهي علطول


خصوصا المجمعات لايحوووشك بالويك اند... لاتقولون لاتطلعون .. يعني الواحد وين يروح بهالديرة!!!


من جم يوم رجنا الافنيوز انا وزوجي .. بنركب الاصنصير يوم تبطل الا وحدة بتطلع تطاااالع زوجي :eh_s(14): ماشالت عينها .. وانا اخزها اشكره الزفتة ولاشالت عينها يامال عيونها البط


احس من اشوف وحده تخز اتذكر موقف قالته ناعمة الهاشمي عن وحدة متزوجة قامت ورقعت فازة المطعم على راس هالبنية .. وهالبنية من هاليوم تابت لوووول . يبيله نسوي جذي



بس صج بعض البنات ماعندهم لاحشمة ولاظمير

عيل لما يطلع زوجي بورحه شنو يسوون ؟؟ يتحرشون اشكره؟؟انا بروحي اغار جني مينونة...

وانا زوجي مابي اقول ملك جمال .. اهو عادي وادري ان لقافة البنات تخليهم يطالعون الكل ..
بس عاد طفح الكيل .. ليمتى واحنا بهالمستوى


بصراحة هالجيل فعلا يبيله (اعادة تأهيل)




ادري زهقتو من جذي مواظيع بس احتجت اني افضفض لكم


الا اقولكم ..

تهقون شنو الحل !

 

[إنسانه وأكثر]

الحل اني اطنش واذا انا تارسه عيون زوجي ماراح اهتم وامشي بكل ثقه

وشكرا

 

[blue diamond]

يمكن متزوجه وكانت طالعه بروحها او مع رفيجاتها وتطالع
ويمكن متشبهه عليكم او على ريلج
ويمكن عاجبها شكلكم مع بعض
حطي 70 عذر مو عذر واحد
ومو تنسين ديرتنا ديره خز سواء متزوجه ولا مو متزوجه ريال او مرا صغير ولا كبير

 

[شنوووفه]

هلا ام مريوووم اي والله صدقتي عاد اقووولج سااالفه مره وانا قااعده بالصااله الا ريلي داش علي مخترع ويتلفت ورااه اخترعت قتله اشفييك
قالي لا ماكو شي ويطل من الدريششه قتله شنو صااير قووولي قالي اقووولج بس لاتزعليين في وحده لاحقتني لي البيت @@
شنوووووووو ويعه منو هاذي قالي مادري وانا واقف بالاشااره قامت اتركلي قليله الادب مالت عليييها لاتشوفين النيران الي طلعت من خشمي صرت تنين ههههه صج مايستحوون من صجج انا ثاني مره مو ابي ابطهم بالفازه بحطلهم قنبله مره وحده :>
افيييه ياحلوج وياحلو مواضيييعج صج تفضفضييين

 

[ام نجـــلاء]

الله يعينج

الوحده غصبن عنها تغيير وشلون عاد لاشافت وحده تقز عيني عينك

 

[نوفلتي]

ويييه ويعه تويع هالبنات(مو كلهم طبعا) عيل انا ذاك الاسبوع في السياره مع ريلي بنات يتلفتووون عليه بالمره والمرتين والثلاث يه مب شايفييني قاعده يمه وبنتي في حظني .. حسبي الله عليهم من بنات

 

[الـوايـلـيـة]

تارسه عينه وماراح اهتم

بس يعني اكيد بنحس وبنتضااايق

انا امس مت طقيت شهالللبس والحركات

صج ناس ما تستحي ...

وهذا انا احلى من زوجي بس شماله يخزونه ما ادري..

والله شي يحر... بس انا ما ابين له هالشي اسوي نفسي عادي ولا كأنه...

 

[om MaRyooM]

يمكن متزوجه وكانت طالعه بروحها او مع رفيجاتها وتطالع
ويمكن متشبهه عليكم او على ريلج
ويمكن عاجبها شكلكم مع بعض
حطي 70 عذر مو عذر واحد
ومو تنسين ديرتنا ديره خز سواء متزوجه ولا مو متزوجه ريال او مرا صغير ولا كبير

شوفي ياقلبي احنا موعبيطين واتوقع بتكونين عارفة نظرة الشخص اذا مشبه او غيره

حتى لو بحط عذر اهيا مالها عذر تطالع بهالوقاحة ..

عموما شاكرة مرورج

 

[om MaRyooM]

هلا ام مريوووم اي والله صدقتي عاد اقووولج سااالفه مره وانا قااعده بالصااله الا ريلي داش علي مخترع ويتلفت ورااه اخترعت قتله اشفييك
قالي لا ماكو شي ويطل من الدريششه قتله شنو صااير قووولي قالي اقووولج بس لاتزعليين في وحده لاحقتني لي البيت @@
شنوووووووو ويعه منو هاذي قالي مادري وانا واقف بالاشااره قامت اتركلي قليله الادب مالت عليييها لاتشوفين النيران الي طلعت من خشمي صرت تنين ههههه صج مايستحوون من صجج انا ثاني مره مو ابي ابطهم بالفازه بحطلهم قنبله مره وحده :>
افيييه ياحلوج وياحلو مواضيييعج صج تفضفضييين

وااي لا لا موقفج يحر من قلللللللللللب .. جان خذا رقم سيارتها


لووول صج زمن قبل كنا نتغشمر يوم نقول رح ايي اليوم الي البنية تلحق فيه الريال ... الحين الحلم صار واقع


وشاكرة مرورج يالغلا

 

[ريماس77]

عدل كلامج يبيله اعاده تاهيل

 

[EnG.SaMoRa]

لاتسيئين الظن ترى عاد موكل البنات نفس الشي
وحتى لوطالت انتي شكو فيها
طنشي ولو انتي واثقه من نفسج
جان ما اهتميتي حق هالاشكال على قولتج
ومو كل وحده طالعت ولا التفتت عليكم تبي تبوق ريلج ولا معجبه ولا مادري شنووووو
ترى كل الناس عندهم رياييل ،، شي طبيعي

 

[غنوة ستايل]

شكثرهم اللي يطالعووون خلاااص تعودنا

 

[pure.soul]

اي الخز صار على افا من يشيل !! لا و مو اي خز اللي اطالعج و طالعتيني اشيل عيوني لا هذا الخز الأولي p; الحين تطوروا ما يشيلون عيونهم الا بطلعة الروح صج في ناس ارأف بحالهم احس وي وي لا اطق عيونج بس خلاص اودام ترا احنا مو كائنات فضائية ..
و صج شعور خايس و يحر انا اطلع مع اخوي و اشكككككره يخزونه واااااي استحووو و الله عيب جذي تخوززون بس وين ماكو فايده فيهم ، و الله مع اخوي واحترررر من هالحركات و اقول بقلبي هذا شايفين وحده معاه و يخزونه جذي لو طالع بروحه شلووووون !!!

هذا اخوي و جذي احتر عليه الله يعين لو ريلي p;

 

[أو عبوش]

صدقيني ماكو الا نلبس الرياجيل بوشيـــــّــه ونغطي وجيههم لوووول


الحل طنـــــشي

شافته ولا خزته وذلفت.... بحال سبيلها...

وكله يعتمد على قوه ايمان هالزوج..

قوليله ان النظره زنى

والزنى نفس الديــن راح يرد بالمستقبل على عرضك دير بالك.. وبس

 

[@الياسمين@]

عمى بعينهم لا حيا ولا مستحى ...
صج شي يقهر ... وقاحه

 

[pretty sarona]

ليش تخلين الناس تتحكم بمشاعرج ,, تبي تطالع خل تطالع ,, اهم شي ريلج معاج , لما تطالعه بتبوقه يعني ! مو الحين الحريم ما يفرقون بين النظرة و الخزة

 

[ام يوسف الكويت]

وااااااااااي قطيعه اشكال ارف


الحين صرنا مانميز بين الكويتيه واللبنانيه باللبس الفاضح والستايل صارو اغلبهم صابغين اشقر وكيرلي وصابغين برونز ومطلعين اباطهم وكراعينهم السود ماتدرين شنو جنسية هذي !!


لا والحين طالعين طلعه !! يلبسون تي شيرت ابيض خفيف وتحته بكيني فااااقع اخضر او وردي او اصفر فسفوري !!
مو بس بالسوق .. حتى بالجامعه .. اتحداج اذا رحتي كيفان ومالقيتي هالاشكال ..


طبعا مو الكل عشان لحد يشك بعمره


بس فديته زوجي الله يثبته ملتزم ودايما يمشي وعينه بالارض ولا درى عن اللي بالسوق بس اذا شاف شباب لابسين شورت يلف علي ويقولي نزلي راسج خخخخخخخخخخخخخ


سألتينا شنو الحل ؟؟

انا اقول لو يحطون هيئة الامر بالمعروف والنهي عن المنكر نفس السعوديه جان احنا بخير ...

خو الحين اشكره صار الزنا والتفصخ ابيزه لالالا بيزه وايد ... صار ابلاش لوول الحمدلله الذي عافانا

 

[Pretty Petite]

حتى الشباب يخزون البنات المتزوجات واهم مع رياييلهم!!

انا عندي ظاهره الخــــــــز لازم نقضي عليها

 

[حبـ admant ـك]

تعبنا واحنا نطنش
والله تخترب الطلعه بسبب هالبنات حسبي الله ونعم الوكيل

 

[PinkY Dreams]

انا اتذكر في وحده تحرشت في ابوي وعبالها ابوي استانس على الوضع جان يتفل بويها لوول