انصح بالحد من استخدم هذا المنتج من أجل صحة أطفالنا أتمنى توصيل المعلومة لكل من تعرفوا

[ريمه الكويت]

لووووووووووول ام عزوزي لاعادي انا ازيد منج على قولت ريلي الجي بي اس عندج خربان حتى الاماكن انساها
ومشكوره وايد على السؤال والله الحمدلله بس تكرمين الاسهال مستمر عندها كله اكلها مسلوق من تاكل شي فيه بهارات تتلوى من بطنها
هلايام امراض اشكال والوان مانقول الا الحمدلله والله الشافي

وانتي شلون عزوز بشرينا عنه

 

[HearT ChocolaTe]

الحمد لله على كل حال بخير يا الغاليه .. والأمراض مثل ما قلتي أشكال وألوان
أنا بصراحه أول مرة في حياتي أسمع عن تطعيم ضد افسهال والترجيع .. دكتور بمستشفى رويال حياه قايل حق أختي
عنه إذا كملت بنتها 6 أسابيع تطعمها ومفعوله 3 سنوات ؟؟ سمعتوا فيه ؟؟ والله جان جذي خ نطعم عيالنا بعد ؟؟
ما تشوف شر بعد قلبي عاد كل شي يهون عندي إلا الإسهال والترجيع وااااي الله يأجرها

 

[ريمه الكويت]

الله يسلمج ام عزوزي شسالفه هالتطعيم لايكون خايفين من انفلونزا الخنازير لانه قاعد ينتشر بشكل فضيع

 

[a woman on top]

اختي ريمه الكويت شنو تقصدين بالماجي الابيض شوربة و الا مكعبات ماجي و الا كله على بعضه :tomato2:

 

[a woman on top]

اختي ريمه الكويت شنو تقصدين بالماجي الابيض شوربة و الا مكعبات ماجي و الا كله على بعضه :tomato2:

 

[ريمه الكويت]

ام سعد كلهم على بعضهم وحتى ملح الاجنيموتو الصيني فيه هالماده الضاره انتبهو على الرموز المكتوبه

 

[HearT ChocolaTe]

وي يا ريمة الكويت أنا قمت أمشي وأفجج عيوني على الأكل .. والله يجزاج خير طلع بكل مكان
ترى حتى البطاط والبفك اللي بنكهات حطوا بالكم خواتي
والله يعافي أرض الطبيعه نزلت بديل عن الماجي .. والله شحلاته لذيذ ومو لازم ماجي يا أختي أم سعد
ترى حتى كنور موجود وبعض الأكلات المحفوظه من المعلبات

عسى الله ينور دربج يا ريمه ما قصرتي .. والتطعيم لا عرفت قصته بعلمكم أكيد

 

[ريمه الكويت]

اي حبيبتي ام عزيز لازم نتحذر موناقصين وفيه مكعبات انا استخدمهم خاليه من المواد الضاره موجوده بركن الذواقه بجمعيه الشاميه وفيه بالافنيوز وفيه باللولي هايبر والبفك والبطاط اغلبه ضار بس اليهال يشوفون غيرهم ياكل يزوغ قلبهم

 

[HearT ChocolaTe]

:nbvppw: مبرووووووووك عليج يا ريمه .. وتستاهلين الإشرااف :nbvppw:

 

[ريمه الكويت]

يباركلج ماتقصرين ام عزوووووووووووز

 

[الصابرة المحتسبة]

رفع

 

[ريمه الكويت]

شكرا الصابره على الرفع

 

[الأماني]

يعطيج العافيه أختي علي التنبيه ... والله يحفظ اعيالنا من كل شر

 

[ريمه الكويت]

اللهم امين يالاماني

 

[أم عبووووود]

ربي يحفظنا ويحفظ عيالنا يارب

 

[ريمه الكويت]

امين ام عبود

 

[وردة-الكويت]

مشكوره على الافادة

 

[ريمه الكويت]

عفواااااااااااااااااااا ورده

 

[آلجآزِي]

مشكورة عالتنبيه

 

[ريمه الكويت]

الجازي ياهلا ومراحب والعفو