انطلاق حملة 'السور الخامس' وتزكية السجين الوسمي أمينا عاما لها

[farforaQ8]

xxxxxxxxxxxxxxxxxxxxxxxxxxxxxxxxxxxxxxxxxxxxxxxxx
بس لنا الفخر ونرفع راسنا فيك يادكتور عزالله انك رجال من ظهر رجال

 

[أنوار العشق]

رد : انطلاق حملة 'السور الخامس' وتزكية السجين الوسمي أمينا عاما لها

والله طوول وهو بالسجن
متى يطلعونه عااد

الله يفرجهاا عليك يادكتووور

 

[عبث طفله]

الله يفرج كربته ..


ويفك قيده عاجلا غير اجل ..

اميييييييييييييييييييييييييييييييييييييييييييييييييييييييييييييييييييييين

 

[الكادي 1981]

الله يفك عوقك

 

[AL‚BTOOL ° •]

رد : انطلاق حملة 'السور الخامس' وتزكية السجين الوسمي أمينا عاما لها

سبحان الله كانت كلماته وخطبته كأنها تتحدث عن واقع كان ينظر له قريب
وماهي الا دقائق وكل كلمة قالها الدكتور الوسمي تطبقت
من امتهان للكرامه واعتقال من غير وجه حق وسحل , ودفع الوسمي ثمن كرامته
ونقول للدكتور الوسمي كلنا معاك
وكلنا نستنكر هذا الفعل ومايرضينا
والله يفك عوقك وينتقم من اللي ظلمك
ولكن بالاخير كل الكويتين الشرفاء معك وهذا بحد ذاته وسام شرف لك
اما المتواطئين والمتخاذلين والكلاب من الكويتين كما ذكرت فلا يهموك ولن يهمونا
لانه للأسف ليس كل الكويتين شرفاء
فهناك من يدس السم في العسل بحجه الوطنيه وحب الوطن
.:" عندي ملاحظه بسيطه
ليش الناس فسرت الجملة اللي قالها الوسمي انها سب للكويتين وهي ( يكفي يارئيس الحكومة , ويكفي الوزراء والمتواطئين والمتخاذلين والكلاب من ابناء الكويت , يكفي استعمالاً لمؤسسات الدولة في غير اغراضها )
الرجل ماعم بكلمته , الرجل خص فئه من الفئات فاسده , ونعلم انه في كل دول العالم العربي والغربي هناك فساد في شرائح المجتمع.
وين اخطأ الوسمي؟؟
ولا حين أشار لهم الوسمي ثارت ثائرتهم وعلى قولة المثل اللي على راسه بطحه يحسس عليها
ولو تبون الصج ترى مايلام الوسمي
حتى اللي ماعنده وجدان ينقهر لما يشوف القوات الخاصة تضرب رجل بهالطريقه الهمجيه والوحشيه
فعلاً , xxxxxxxxxxxxxxxxxxxxxxxxxxxxxxxxxxxxxx

 

[zoom]

الله يفك عوقه ماشاء الله عليه وتبارك الرحمن
هذا والله كنز للوطن المفروض يحافضون عليه مويسون فيه جذيه
بعد اللي صارله صرت اشوف باليوتوب برامج حاور فيها ماشاء الله عليه فاهم ومتمكن دكتور عن جداره الله يسدد خطاه ويحفظه من كل شر

 

[جيفارار]

رد : انطلاق حملة 'السور الخامس' وتزكية السجين الوسمي أمينا عاما لها

البركه باالاعلام الفاسد اللى ينقل ويفسر كل ما يمزق وحدة الصف الكويتى

الكلمه كانت لبعض الكلاب ؟؟ الخونه
نعم هنالك بعض الكلاب اللى يقصدهم الدكتور من خونه وباعوا الشعب الكويتى ؟


كل الشكر لكم جميعا على المشاركه الرااائعه

 

[أبله^زوزو]

يوم انطق جويهل فرحتوا وقلتوا الله ياب حوبتنا فيه .. ويوم انطق الوسمي ثرتوا وقلتوا حتى لوغلطان ماينطق!!

طيب شالمنطق حيل متناقض .. انتو مع العنف ولاضده !!

عاد اتمنى مايصير زعل بس والله محيرني هالسؤال ليش نرضاها على ناس ومانرضاها على ناس

احم احم لحد يفهم غلط ترى لاعرف هذا ولاذاك بس ابي توضيح من فضلكم الطق اسلوب للتأديب ولالا؟؟

انا عن نفسي ارفضه لعدوي وصديقي لان الديره فيها قانون محنا بغابه

 

[jeenan-77]

رد : رد: انطلاق حملة 'السور الخامس' وتزكية السجين الوسمي أمينا عاما لها



‏ ‏ ابله زوزو بعد جبدي
ركزي معاي شوي
الكل يرفض الضرب والقتل وهتك العرض اللي قاعد يصيير بديره كل يوووم واتحدى احد يقوول غيير هالكلام
اما ان الحكومه اهي اللي تمارس الضرب والانتقام عبر القوات الخاصه اللي مأموورين غصب عنهم ,,,فهاذي مصيييييييييييييييييبه وابي اسمع رايج زوورو؟

 

[jeenan-77]

رد : انطلاق حملة 'السور الخامس' وتزكية السجين الوسمي أمينا عاما لها

تدرون شنو اكثر شي يحرر ‏
يااااااحساااااافه ع دمقراطيتنا اللي الكل يتمناها
الحين بفضل الحكومه صرنا احنا ومصر والعراق وايران وااااحد كلنا سواا نطق الشعب ونواب !!عشان لايتكلمون

 

[ام محمد الشمري]

الله يحفظ الكويت

 

[بنت عايشة]

رد : انطلاق حملة 'السور الخامس' وتزكية السجين الوسمي أمينا عاما لها

الله يفك عوقه

 

[أبله^زوزو]

والله جنون لازم تكونين متوقعه هالشي بيصير .. هذي الحركة صارت عشان يخاف ويهاب الشعب من الحكومه ..

مرات تستخدمين التعزير لعيالج تطقينهم عشان يحرمون يغلطون .. الحكومه هني بمثابه الام لازم نتحملها واكيد لها نظرة ..

واحد من جماعتنا يقول اثناء الاستجواب صارت جمهره وهددناهم اذا مامشوا بيستخدمون معاهم غازات مسيله للدموع ويقول الكل حرك ورد لبيته ..

فاكيد اهم استخدموا التهديد اثناء الندوة لكن مافاد لما شافوا فيه طق والحجي بدا يصير صج اهني حطوا ببالهم القانون ..

ولاتنسين هالاجراءات صارت قبل بصباح الناصر .. موشي يديد يعني ...

الفرق يالغاليه ان الحكومه يوم طقت الكل استنكر معنها يت بطريقه قانونيه .. بس جويهل يوم انطق لاحظت ان الكل ايد

معني وللامانه مايعني لي شي بس ليش هالتعصب الي فينا .. ترى عيالنا بالقوات الخاصه انضروا انتي يمكن شفتي صور توضح ان الداخليه ظلمه

بس شفتي صور الشعب يوم يحذفون على القوات الخاصه؟؟ يعني شنو هالتطاول العجيب

انتي برايج لو احد من عيالج مد ايده عليج شراح تسوين؟؟ بتسكتين وتقولين انا ضد الضرب وتخلينه يتمادى اكثر

عموما الله يهدي النفوس ان شاءالله .. السياسه صايره حديث الساعه بالكويت

ولاندري الحق وين .. مايدري فيه غير ربج ..

انا مابي اطول بالموضوع لايصير جدل بالنهايه كلنا عيال الكويت ولانرضى على عيالنا بشي يمسهم مهما اختلفت الاصول

وكون ان القرار حكومي فلاصوتي ولاصوتج بياثر .. طلبي من ربج يبعد هالمشاحنات عن ديرتنا ويسعدنا ان شاءالله

 

[::كيك وعسل::]

رد : انطلاق حملة 'السور الخامس' وتزكية السجين الوسمي أمينا عاما لها

الله يفكنا من xxxxxxx الجويهل
ولا عمرنا ماعرفنا الفتن الا من طلع هو ولا وراه
حسبي الله عليهم xxxxxxxxxxxxxxxxxxxx

 

[دلولي]

الله يفرجلك فرجا من عنده قادر رب العزه والجلاله

 

[نووووف الكويت]

الله يفك عوقه ويصبره وكلنا معااااااااااااااااااااااااااك

 

[jeenan-77]

رد : رد: انطلاق حملة 'السور الخامس' وتزكية السجين الوسمي أمينا عاما لها

والله جنون لازم تكونين متوقعه هالشي بيصير .. هذي الحركة صارت عشان يخاف ويهاب الشعب من الحكومه ..

منطق غرييب تبين الشعب يخاف!!!
مرات تستخدمين التعزير لعيالج تطقينهم عشان يحرمون يغلطون .. الحكومه هني بمثابه الام لازم نتحملها واكيد لها نظرة ..

تشبيه الحكومةبالام والشعب برجاله شيبانه ودكاترته ونوابه تشبهينهم بالاطفال(موموفق)
واحد من جماعتنا يقول اثناء الاستجواب صارت جمهره وهددناهم اذا مامشوا بيستخدمون معاهم غازات مسيله للدموع ويقول الكل حرك ورد لبيته ..
كل العالم يسوون مظاهرات...ليش يهددونهم؟!
فاكيد اهم استخدموا التهديد اثناء الندوة لكن مافاد لما شافوا فيه طق والحجي بدا يصير صج اهني حطوا ببالهم القانون ..

ولاتنسين هالاجراءات صارت قبل بصباح الناصر .. موشي يديد يعني ...

الفرق يالغاليه ان الحكومه يوم طقت الكل استنكر معنها يت بطريقه قانونيه .. بس جويهل يوم انطق لاحظت ان الكل ايد

معني وللامانه مايعني لي شي بس ليش هالتعصب الي فينا .. ترى عيالنا بالقوات الخاصه انضروا انتي يمكن شفتي صور توضح ان الداخليه ظلمه

شفت دكتور ينسحب من رجووله ويجمعون عليه وطقونه وشفت صحفي انضرب ويمكن ينشل وسفروها علاج برا وشفت نواب وناس ينضربون!!!
بس شفتي صور الشعب يوم يحذفون على القوات الخاصه؟؟ يعني شنو هالتطاول العجيب

انتي برايج لو احد من عيالج مد ايده عليج شراح تسوين؟؟ بتسكتين وتقولين انا ضد الضرب وتخلينه يتمادى اكثر

احنا الضرب موبقاموسنا ولابتربية عيالنا ولابغييره(الضرب تلقينه عند ايران والعراق)
عموما الله يهدي النفوس ان شاءالله .. السياسه صايره حديث الساعه بالكويت

ولاندري الحق وين .. مايدري فيه غير ربج ..
ندري الحق وينه وبزمنامافيه شي يخش(اذاماتدرين للحين شلون تناقشين!!؟وانت ماتدرين
انا مابي اطول بالموضوع لايصير جدل بالنهايه كلنا عيال الكويت ولانرضى على عيالنا بشي يمسهم مهما اختلفت الاصول

وكون ان القرار حكومي فلاصوتي ولاصوتج بياثر .. طلبي من ربج يبعد هالمشاحنات عن ديرتنا ويسعدنا ان شاءالله

آاااااااااااااميييييييين اللة يحفظ الكويت من كل ظالم واناني ودكتاتور بشوه الوجه الجميل لكويتنا
عااااشت لكويت وعاش اميرنا صباح

 

[العجوزوعيالها]

الله يفرج همه ويفك اسره ويذل الا سواااا جذى
مششششششششششششششكورة

 

[+بسبوسة+]

الله يفرج عليك ياعبيد الوسمي

 

[مي الحلوة]

رد : انطلاق حملة 'السور الخامس' وتزكية السجين الوسمي أمينا عاما لها

الله يفرج علي الدكتور عبيد الوسمي..
والله يحفظ الكويت واهلهاااا من كل مكروه..ويفكناااا من شررر الفتن يارب..
فعلا الكويت ماتستاهل..