اهم الشغلات إلي تجهزينها حق البيبي والمستشفى خل نستفيد

[احلى كويتيه]

شخباااركم

استبرق ما دام مشتهيه شي بارد قربت ولادج ان شاء الله

 

[إستبرق]

هلا والله احلى ايامي
ابيه لاصج يعني اذا اشتهيت شي بارد قربت ولادتي عيل خل اروح اكمل الي باقي خخخخخخخخخ
الله كريم يارب وانشاءالله كلنا نولد بالسلامه

 

[Om eLkakawiya]

حبيبااااتي انتو يا قلبي عليكم والله كلامكم ريحني شوي حسيت اني خلاص بنفجر من التفكير والتعب النفسي لأنه ولادتي قربت خلاص واهي تحدد مصيري ومصير هالبيبي .. ووالله والله يا بنات الحين عقب ما كبرت السالفه وكل من درا فيها طلعو كل الحساد اللي انا وريلي نحلم كنا فيهم وطلعو بعد اكثر.. تخيلو بنات اييون ويقولولي خليه يولي هذا ما يستاهلج ومن هالكلام وودهم اقولهم كلشي عنه بس أنا حتى لو الله كتب وانفصلنا ماراح افضحه مثل ما يبون هالحساد .. العين فرقت واااايد ناس وشكله الدور ياي علي .. من كنت بنت والعين مو مخليتني .. أنا مالي شغل بالناس ولا احسد هذي ولا هذي دايمن اقول الله يهينهم ..
ما اقول الا الله يخليلي اهلي .. وقاعده هاليومين احاول ارقي نفسي بالرقية الشرعيه كل يوم .. والله يا بنات اني احلم بقطاوه سوده بتاخذ بيبييي من بطني وانا اطقها عشان ما تاخذه ..
والله انام ودمعتي على خدي ..
الله يبعد عنكم العين والحساد ويثبت بيبياتنا ببطونا ليما اتييه طلعتهم يااااارب
***************
بنات حواء شريت الاسلكي من صيدلية بوتس اللي في الافنيوز يم مذركير مادري اسمها صح بوتس بس ما انصحج تاخذين منهم اللاسلكي لانه طلع يوشوش ولما وديناه ولا يرد فلوسنا لانه جربه طلع ماكو فايده .. ان شاء الله بشتري اللي في مذركير وفي بسنتر بوينت بعد .. انا خذيت من بوتس لأنه فيه شاشه تشوفين فيها البيبي مع الصوت بس حسافه مو شي .. ايي تنفع بعدين وألحين أنا شريتها لأنه شكلي وايد أخاف على البيبي ..
**************
وعلى سدرية الرضاعه أنا بخيطلي وحده لأنه حتى بالمستشفى لازم أرضع الياهل ووين انخش عن اللي قاعدين وأنا تعبانه ..
*************
أقول استبرق يقولون جنه ينزل الحليب بالتاسع ودي اتاكد من هالمعلومه ..

 

[احلى كويتيه]

الله يعينج ويصلح بينكم يارب يا الحمال الحزين

وبالنسبه للصدريه شايفتها بموقع امازون طلبي وحده من البنات يوصلونه لج

والحليب على حسب الوحد في بنات ما شاء الله يطلع الحليب مبجر وجربي تدلكين صدرج بزيت زيتون اوكريم بس الزيت احسن طبعا قبلها تكونين مغسلته وحطه عليه كماده حاره وشوي شوي تعصرين يطلع الحليب تمهيدا للرضاعه بعد الولاده عشان مايتحجر وبعورج

 

[إستبرق]

حبيبتي والله الحامل الله يهون عليج يارب وترى الله يكتب للواحد الي فيه الخير وحبوبه محد من اهلج يعرف ملا يقرى ولا شي ييكم البيت
والله وربي انا قبل بس يالنا الملا وقرى علي من اول مره ارتحت شوي وثاني مره الحمدلله سهالات وحتى لما يالنا اول مره وبس يقرى سوره الفلق يوصل ومن شر حاسد اذا حسد ان اديني ترجف بروحها وجتفي يشد علي حييييييييييييييييييييييييل وبعدين طلع دم من اصبعي واحس شوي خفيت حبوبه خلي الموضوع بينكم وييبي احد يقرى عليج اسم الله عليج ترى اذا مانفعج مايضرج انشاءالله وانتي ارقي نفسج يقلبي وشربي ماي زمزم وادعي وبعدين اي احد يكلمج من هالناس سكري الموضوع بويهه لاتفتحين لهم مجاااال كلللللللللللش وحتى عطيهم نفس حامظه يعني سكتيهم والله يخلي لج اهلج يارب ويفرح قلبج بس انتي لاتحاتين حبيبتي وذكري الله
ووالله الحليب انا سألتكم لاني للحين مافي حليب بصدري واتذكر وحده قالت لي ان من الشهر السابع صار فيها حليب عشان جذي احترت بعرف هي الطبيعيه ولا انا خخخخخخخخخخخخخ
والله يهون عليج حبيبتي وعلى الكل يارب

 

[Om eLkakawiya]

أحلى كويتيه مشكوره حبيبتي الله يسهل علينا ولادتنا وييسرها لنا ..

شلون اطلب السدريه ؟ ادش الموقع واطلب يعني ولا هني ؟

ايي انا شريت كريم للصدر وقاعده اسوي جذي عشان الرضاعه .. بس ما يطلع حليب بس هذا الدهن اللي قبل الحليب ..

انزين صج اللي تشتهي بارد يعني قربت ولادتها ؟! .. يمه استبرق خنخرعج .. لا ان شاء الله سهالاااات

 

[إستبرق]

توني اشوف رد احلى كويتيه
ابيه حدي متازمه من سالفه الرضاعه يربي الله يسهل علينا عندي الولاده بصوب والرضاعه بصوب

الحامل حبيبتي شنو من كريم اشتريتي ومنو قالج عليه يعني مضمون ولا لا
وبعدين الطلب من امازون تقدرين تقولين حق بنات من المنتدى يطلبون لج عندج ريفينا تطلب للي تبي ووايد بنات دخلي كويتيات مول شوفي او كتبي بقسم الطلبات انج تبين وحده تطلب لج
ومن صجج ماتخرعيني اليوم اقول لزوجي بس ودي اولد الله كريم يارب اولد الحين ولا اطوف شهري بس الله يكتب الي فيه الخير يارب ويسهل علينا انشاءالله

 

[Om eLkakawiya]

حبيبتي استبرق يا قلبي كل هذا صاير فيج امبيه والله الناس مااااااااااااترحم .. حسبي الله ونعم الوكيل عليهم .. الصراحه انا مالي خلق ياما رحنا ورحنا والعين ورانا ورانا .. أنا أحس ألحين مو وقته يعني حدي خايفه من الولاده وعلى صحة البيبي وقاعده أحاول ما أضيق خلقي مع إنه مستحيل بس عشان آكل وأتقوى حق الولاده .. تصدقين حتى بدوامي قام يخزون مابقى احد ما خز بطني وعلق قمت اخش بطني شسوي .. وعلى طاري الحساد كرهتهم مع اني ما اكرهه احد بس غصبن علي دمرو حياتي حسبي الله عليهم ..

امبيه هذي حليبها مزهوق من السابع ياي حتى البيبي توه .. يمكن ولادتها بأول شهرها .. ايي انا اعرف وحده لما نزل عليها الحليب قامت تبجي تقول انا للحين ما ولدت مسكينه ما تدري شسالفه ..
استبرق حبوبه بغيت اسئلج بس سؤال محرج استحي لوول يحليلي بس بعرف اهو طبيعي ولا عادي يعني تكرمين الافرازات اللي تنزل وقامت تصير ثخينه بالآونه الاخيره هذي تصير معاج ؟ يقولون عشان الرحم قاعد يتهيأ للولاده ..؟!

 

[Om eLkakawiya]

ايي تصدقين استبرق سالفه الرضاعه مسويتلي اكتئاب احس مادري شلون راح ترضع وراح اخليها ترضع ولا ما احب انها ترضع حرام مسكينه هالبيبي تطلع عالدنيا وما تدري شسالفه ..

والكريم محد قالي عنه بس قريته ابكتالوج مذركير والصراحه انا واثقه بأغراض مذركير لأنه متخصص حق هالشغلات بس مثل ما قالت أحلى كويتيه زيت الزيتون كلمن امدحاه لي بس انا ما جربته .. زيت الزيتون مضمون ..

ايي مشكوره حبيبتي بروح اشوف شلون اطلبه ..

الله يسهل عليج وتولدين بيوم دافي لا تسقط فيه الامطار و شدراج يمكن تولدين بآخر 11 .. عاد لا تنسين تدعين لنا بوقت الولاده هذا اذا تذكرتي .. ومثل ما قالو لا تخافين عشان ما تتعورين .. وأنا الصراحه مليت ودي أولد أول يوم بشهري .. يلا انتي قوليلي أي يوم عشان نولد مع بعض هههه

 

[إستبرق]

اي والله الناس اعوذ بالله ماترحم كلش عيل تدرين يوم اقولج تعبت ورحت طبعا قعدت انا وزوجي فبيت اهلي وكان توه ياي ملا وقاري علي وشكلي تعبانه حدي منتهيه وانا بالصاله جان تدخل زوجه عمي وهي خزااااااااااااازه موت وانا كنت هالفتره ورى عرسي ضعفانه وايد وهي تخز تخز ولا تقول لامي مها شنو مسويه رجيم ولا شنو لانها حيل ضعفانه انا قلت ولي ناقصتج خخخخخخخ وصج وربي هي راحت مني انا طحت مني اعوذ بالله
الله ستر يارب وحبوبه عيل اقري كل يوم ورى صلاه المغرب اخر عشر ايات من صوره البقره انا قالولي جذي قبل وشربي ماي مقري عليه وماي زمزم والله يعينج يارب وماتشوفين الى الخير
والبطن والله نضحك بالسوق امشي الرياييل يخزون فبطني حتى زوجي ملاحظ خخخخخخخخخخ لا وهذيج المره بسوق الكويت زوجي بيطلع دشاديشه ويبي يسال عن اصنصيل عشان ما اصعد الدرج ولا واحد مار وربي دخل فبطني حتى انا استحي اقول شفيهم وزوجي يسال واحد يقوله وين الاصنصيل جان ينط الي يخز بطني مني مني تعال مني قلت المسكين حس بمعاناتي خخخخخخخخخخخخخخ
والي اقولج من السابع هم هي مخترعه وداقه على اختها خخخخخخخخخخخخ والله الحريم نكته
وبخصوص الفرازات اي امبلا انا فيني من اول ماحملت خفيف بس الحين احس زادت شوي ومافيني التهاب ولاشي قلت اكيد طبيعي خخخخخخخخ

 

[Om eLkakawiya]

يمه جان شربتي من عقبها .. أنا شكلي بقرا سورة البقرة كلها مو بس آخرها ياله تروح هالعين ..

ايي جنهم اول مره يشوفون وحده حامل .. امبيه عيل زوجج عادي ما زفهم ..

أشوه ريحتيني أنا قلت أخاف فيني شي بس أنا فيني التهابات بس خفيف .. الله يسهل يا رب العالمين ..

 

[إستبرق]

هههههههههههههه لا والله شربت ماي مقري وامي معطيها الملا زيت مقري وجذي قعدت تحط علي واي الله لايعيد هذيج الايام والله حتى الاحلام صارت رعب انام اقعد القى امي وخواتي عندي يقعدوني ولا انا قاعده اصارخ
بس بيني وبينج انا كنت بعد مينونه تخيلي يوم يا قرى علي قالي لاتروحين مكان هالفتره ولا تكشخين ومن هالسوالف
انا كنت ما البس عبايه للحين وكنت ما اطلع الى على سنقه عشره خخخخخخخ والله تخيلي مني طايحه ومني اطلع وحاطه مكياج ولابسه واروح اتمشى وارد البيت اتعب بس الحمدلله بعدين استوعبت وتبت
وي من صجج لا يبا اشوه زوجي هادي مايهاوش يعني اذا سوالف يتحرشون ويخزون يتضايق اكيد بس مايهاوش لا بس يخزهم لووووووول طايح له خز بالاوادم يعني احترم نفسك احسن بس يقول بتهاوش واسويها سالفه مو حلوه
وحبوبه اذا فيج التهاب لا عيل انا عندي دقي على دكتورتج وساليها اخاف انتي غير عني وترى الالتهاب موزين احسن احتياط دقي سالي الدكتوره والله يكتب الي فيه الخير

 

[بنات حواء2]

هلا حبيبتي مها عاد انا صارلي حم يوم مشتهيه بريد و مشتهيه نسكفي بس ريلي ما يخليني اشرب و الله احس انه ريحة النسكفي تمر يم خشمي من كثر ما انا مشتهيته بقول حق الدكتور المره اليايه لو ابي اشرب نسكفيه جم مره في الاسبوع لأني انا الحين في حالة ازمه كله امتحانات و تقارير و بوربوينت فلازم نسكفي

و بالنسبه حق سالفت الرضاعه انا بعد و لله احاتيها بس نصيحه مني لكم سوو إلي قالتلكم عنه احلى كويتيه ترى كلامها كله صح و بلشوا بالتدليك و الكمادات من التاسع و الله سمعوا كلامي ما تضيعون ترى في الناس من السادس يبلشون يسوون عشن بعدين يدر الحليب و ما يأذيكم

واي انا كل ما اتذكر اختي تييني البجيه سالفتها جايده في الرضاعه


احس انه الرضاعه ولاده ثانيه

اما سالفت الاصاصيل تضحك فظيعه خوش سالفه الصراحه

 

[بنات حواء2]

هلا حبيبت يالحامل الحزين و الله اني شايله همج و امس قبل لا انام قاعده افكر فيج

انشاله ربج يصلح بينكم و انتوا لازم تفكرون و تتعوذون من ابليس ترى مهمن صار كلشي لازم يهون الحين صار بينكم بيبي لازم تربونه مع بعض و يشوف امه و ابوه مع بعض و هذي تعتبر اكبر تضحيه و معروف تسوونها له و الله لا تسمعين كلام الناس و لا تسمحين لهم يدخلون قولي لهم انتو شكوا بيني و بين ريلي انا اتصرف و انا اشوف المسأله معاه انتو شكو تدخلون و جذي راح توقفينهم عند حدهم لا تخلينهم رايحين رادين يحنون على راسج لا تسمعين حق احد و ريحي نفسج و حطيهم عند حدهم

و بنسبه حق حلمج في القطاوه ترى وايد حوامل يحملمون جذي نفس الطريقه يقولون تابعه و الله ما اعرف بهسوالف و لا عندي خبره بس اذا تبين ترتاحين من هلأحلام و تفتكين منهم نصيحه مني اقري آية الكرسي 5 مرات قبل لاتنامين و صدقيني ما راح تحلمين بأي شي يضايقج و لا تنسين تدعينلي بعد التجربه

و بنسبه حق اللاسلكي نصيحه اخذي من سنتر بوينت ترى ممتاز إلي عندهم صافي خالتي ماخذه منه و مرتاحه عليه وايد

 

[froha83]

حابة اسال من وين خذتوا كاكاوات التوزيع انا رحت سرداب حولي جمعتلي جم فكرة وشريت الاغراض بس الحين قاعدة افتر عالكاكاوات علشان اخذ فكرةلان تو الناس ولادتي على شهر 3 انشالله
يلى فيدونا
نوعه و سعره ومن اي دوله
لان بفرارتي شفت ان البلجيكي ارخص من اللبناني <<<<<<<<<< لييييييييش؟

 

[بنات حواء2]

هلا حبيبتي فروحه انتي ولادتج شهر ثلالثه معاي انا اول ثلاثه 2-3 و انتي ؟

بنسبه حق الككاو انا بسوي مثل استبرق بناخذ الككاو من مصنع يسويلج الككاو فريش و الككاو بلجيكي ييبونه من بلجيكيا و يسوونه هني

على الاقل فريش يصير احلى من القديم و بعضهم يطلع محزر

فديري بالج و انتي تشترين الككاو لا يطلع شي محزر و شي ما في شي

و بنسبه حق الاغلى و الله ما عندي فكره انا بعدي ما فتريت عدل

 

[بنات حواء2]

اشلونكم بنات شخباركم ابي اقولكم سالفه قالتلياها رفيجتي عن وحده تصيرلها انه اكانت حامل بالسادس و الحبل السري لف على اذون البيبي و بعدين انفجرت اذونه و مات و الله ضاق خلقي لمن قالتلي السالفه و ايست و انا سامع وايد ناس يقولون انه لمن الحامل تبي تتقلب بالفراش لازم تقعد و بعدين تقلب عشان لا يلف الحبل السري على البيبي ما ادري اذا صح هلمعولمه و لا ما له علاقه

 

[froha83]

انا معطيني موعد 11-3
وشنو سالفة المصنع وين صاير؟؟وشلون اسعارهم؟؟

 

[إستبرق]

هلا جنان وي الله يعينج عاد الرياييل اذا خافوا من شي يظلون متضايقين
سألي دكتورج احسن لج
والله انا هالجم يوم هم تقدرين تقولين صايره اشتهي النسكافيه بس انا احبه مع حليب
بس ما اشرب وايد يعني كل يومين ولا ثلاث اشرب قلاص
واذا انشاءالله بالولاده اقولهم يزيدون الكمام
والله يسهل علينا يارب
وترى سالفه الحبل السري انه يلف عندي نبت عمي الله سهل عليها المسكينه يالها الطلق وكل شي طبيعي جان تروح المستشفى ولا دكتوره مصريه تقولها لا روحي امشي وهي فيها طلق وزوجها وام زوجها يودونها الممشى وهي تقول انا ميته ما اقدر امشي اخر شي طايحه عليهم ماتقدر تتحرك يوم راحت تبي تولد ولا الدكتوره تنصدم يات دكتورتها ولا تقول عمليه وبسرعه لان الحبل السري لف على الياهل والياهل يمكن يموت وانتي بعد يمكن يصير فيج شي تخيلي اعتفسوا عفيسه بس الحمدلله طلعت هي والبيبي وبكل عافيه وبصراحه سالفه ان الوحده لازم تقعد وما ادري شنو احس خرافات سألي دكتورج وشوفي

 

[إستبرق]

فروحه هلا والله حبيبتي والله يسهل عليج يارب وتولدين بكل خير وعافيه
وحبوبه بخصوص الككاو حبوبه في مصنع ككاو بالشويخ ييبون الككاو والكريمه وكل شي من برى وبس يصنعونه بالكويت والككاو فضييييييييييييييييييييع حلو حلو صج وفي اشكال وايد مو شي وحتى التغليف تقدرين تختارين اللون الي تبينه ويغلفونه لج وبعد اسعاره حلوه الكيلوا عندهم ب5 او 6 دنانير والكيلوا فيه كميه كبيره وحلو صج صج
والحين بعد مبطلين محل بالسالميه انا مارحت له بصراحه بس البنات مدحوه واااااااااااايد وقالوا انه فيه توزيعات لليهال وستاندات حلوه واسعارهم على 30 و35
انا اعطيج رقم واحد يشتغل هناك وانتي دقي وروحي شوفي المصنع وشوفي المحل وانشاءالله يعجبج
وترى احلى شي فيه ان ككاو كله فرش يعني مو قديم لا كله يديد
هذا رقم الريال الي يشتغل هناك
اسمه يوسف 7670977
والله يسهل عليج حبوبه